Sri Dattatreya Sahasra Nama Stotram

munayaḥ ūchuḥ
nikhilāgamatattvajña brahmadhyānaparāyaṇa ।
vadāsmākaṃ muktyupāyaṃ sūta sarvōpakārakam ॥ 1 ॥

sarvadēvēṣu kō dēvaḥ sadyō mōkṣapradō bhavēt ।
kō manurvā bhavēttasya sadyaḥ prītikarō dhruvam ॥ 2 ॥

sūta uvācha ।
nigamāgamatattvajñō hyavadhūtaśchidambaraḥ ।
bhaktavātsalyapravaṇō datta ēva hi kēvalaḥ ॥ 3 ॥

sadā prasannavadanō bhaktachintaikatatparaḥ ।
tasya nāmānyanantāni vartantē’thāpyadaḥ param ॥ 4 ॥

dattasya nāmasāhasraṃ tasya prītivivardhanam ।
yastvidaṃ paṭhatē nityaṃ dattātrēyaikamānasaḥ ॥ 5 ॥

muchyatē sarvapāpēbhyaḥ sa sadyō nātra saṃśayaḥ ।
antē taddhāma saṃyāti punarāvṛttidurlabham ॥ 6 ॥

asya śrīmaddattātrēyasahasranāmastōtramantrasya avadhūta ṛṣiḥ, anuṣṭup Chandaḥ, digambarō dēvatā, ōṃ bījaṃ, hrīṃ śaktiḥ, krauṃ kīlakaṃ, śrīdattātrēyaprītyarthē japē viniyōgaḥ ।

atha dhyānam
digambaraṃ bhasmavilēpitāṅgaṃ
bōdhātmakaṃ muktikaraṃ prasannam ।
nirmānasaṃ śyāmatanuṃ bhajē’haṃ
dattātrēyaṃ brahmasamādhiyuktam ॥

atha stōtram
dattātrēyō mahāyōgī yōgēśaśchāmaraprabhuḥ ।
munirdigambarō bālō māyāmuktō madāpahaḥ ॥ 1 ॥

avadhūtō mahānāthaḥ śaṅkarō’maravallabhaḥ ।
mahādēvaśchādidēvaḥ purāṇaprabhurīśvaraḥ ॥ 2 ॥

sattvakṛtsattvabhṛdbhāvaḥ sattvātmā sattvasāgaraḥ ।
sattvavitsattvasākṣī cha sattvasādhyō’marādhipaḥ ॥ 3 ॥

bhūtakṛdbhūtabhṛchchaiva bhūtātmā bhūtasambhavaḥ ।
bhūtabhāvō bhavō bhūtavittathā bhūtakāraṇaḥ ॥ 4 ॥

bhūtasākṣī prabhūtiścha bhūtānāṃ paramā gatiḥ ।
bhūtasaṅgavihīnātmā bhūtātmā bhūtaśaṅkaraḥ ॥ 5 ॥

bhūtanāthō mahānātha ādināthō mahēśvaraḥ ।
sarvabhūtanivāsātmā bhūtasantāpanāśanaḥ ॥ 6 ॥

sarvātmā sarvabhṛtsarvaḥ sarvajñaḥ sarvanirṇayaḥ ।
sarvasākṣī bṛhadbhānuḥ sarvavit sarvamaṅgaḻaḥ ॥ 7 ॥

śāntaḥ satyaḥ samaḥ pūrṇō ēkākī kamalāpatiḥ ।
rāmō rāmapriyaśchaiva virāmō rāmakāraṇaḥ ॥ 8 ॥

śuddhātmā pāvanō’nantaḥ pratītaḥ paramārthabhṛt ।
haṃsasākṣī vibhuśchaiva prabhuḥ praḻaya ityapi ॥ 9 ॥

siddhātmā paramātmā cha siddhānāṃ paramā gatiḥ ।
siddhisiddhastathā sādhyaḥ sādhanō hyuttamastathā ॥ 10 ॥

sulakṣaṇaḥ sumēdhāvī vidyāvānvigatāntaraḥ ।
vijvaraścha mahābāhurbahulānandavardhanaḥ ॥ 11 ॥

avyaktapuruṣaḥ prājñaḥ parajñaḥ paramārthadṛk ।
parāparavinirmuktō yuktastattvaprakāśavān ॥ 12 ॥

dayāvān bhagavān bhāvī bhāvātmā bhāvakāraṇaḥ ।
bhavasantāpanāśaścha puṣpavān paṇḍitō budhaḥ ॥ 13 ॥

pratyakṣavasturviśvātmā pratyagbrahma sanātanaḥ ।
pramāṇavigataśchaiva pratyāhāraniyōjakaḥ ॥ 14 ॥

praṇavaḥ praṇavātītaḥ pramukhaḥ pralayātmakaḥ ।
mṛtyuñjayō viviktātmā śaṅkarātmā parō vapuḥ ॥ 15 ॥

paramastanuvijñēyaḥ paramātmani saṃsthitaḥ ।
prabōdhakalanādhāraḥ prabhāvapravarōttamaḥ ॥ 16 ॥

chidambaraśchidvilāsaśchidākāśaśchiduttamaḥ ।
chittachaitanyachittātmā dēvānāṃ paramā gatiḥ ॥ 17 ॥

achētyaśchētanādhāraśchētanāchittavikramaḥ ।
chittātmā chētanārūpō lasatpaṅkajalōchanaḥ ॥ 18 ॥

paraṃ brahma paraṃ jyōtiḥ paraṃ dhāma parantapaḥ ।
paraṃ sūtraṃ paraṃ tantraṃ pavitraḥ paramōhavān ॥ 19 ॥

kṣētrajñaḥ kṣētragaḥ kṣētraḥ kṣētrādhāraḥ purañjanaḥ ।
kṣētraśūnyō lōkasākṣī kṣētravān bahunāyakaḥ ॥ 20 ॥

yōgēndrō yōgapūjyaścha yōgya ātmavidāṃ śuchiḥ ।
yōgamāyādharaḥ sthāṇurachalaḥ kamalāpatiḥ ॥ 21 ॥

yōgēśō yōganirmātā yōgajñānaprakāśanaḥ ।
yōgapālō lōkapālaḥ saṃsāratamanāśanaḥ ॥ 22 ॥

guhyō guhyatamō guptō muktō yuktaḥ sanātanaḥ ।
gahanō gaganākārō gambhīrō gaṇanāyakaḥ ॥ 23 ॥

gōvindō gōpatirgōptā gōbhāgō bhāvasaṃsthitaḥ ।
gōsākṣī gōtamāriścha gāndhārō gaganākṛtiḥ ॥ 24 ॥

yōgayuktō bhōgayuktaḥ śaṅkāmuktasamādhimān ।
sahajaḥ sakalēśānaḥ kārtavīryavarapradaḥ ॥ 25 ॥

sarajō virajō puṃsō pāvanaḥ pāpanāśanaḥ ।
parāvaravinirmuktaḥ paraṃ‍jyōtiḥ purātanaḥ ॥ 26 ॥

nānājyōtiranēkātmā svayaṃ‍jyōtiḥ sadāśivaḥ ।
divyajyōtirmayaśchaiva satyavijñānabhāskaraḥ ॥ 27 ॥

nityaśuddhaḥ paraḥ pūrṇaḥ prakāśaḥ prakaṭōdbhavaḥ ।
pramādavigataśchaiva parēśaḥ paravikramaḥ ॥ 28 ॥

yōgī yōgō yōgapaścha yōgābhyāsaprakāśanaḥ ।
yōktā mōktā vidhātā cha trātā pātā nirāyudhaḥ ॥ 29 ॥

nityamuktō nityayuktaḥ satyaḥ satyaparākramaḥ ।
sattvaśuddhikaraḥ sattvastathā sattvabhṛtāṃ gatiḥ ॥ 30 ॥

śrīdharaḥ śrīvapuḥ śrīmān śrīnivāsō’marārchitaḥ ।
śrīnidhiḥ śrīpatiḥ śrēṣṭhaḥ śrēyaskaścharamāśrayaḥ ॥ 31 ॥

tyāgī tyāgārthasampannastyāgātmā tyāgavigrahaḥ ।
tyāgalakṣaṇasiddhātmā tyāgajñastyāgakāraṇaḥ ॥ 32 ॥

bhōgō bhōktā tathā bhōgyō bhōgasādhanakāraṇaḥ ।
bhōgī bhōgārthasampannō bhōgajñānaprakāśanaḥ ॥ 33 ॥

kēvalaḥ kēśavaḥ kṛṣṇaḥ kaṃvāsāḥ kamalālayaḥ ।
kamalāsanapūjyaścha harirajñānakhaṇḍanaḥ ॥ 34 ॥

mahātmā mahadādiścha mahēśōttamavanditaḥ ।
manōbuddhivihīnātmā mānātmā mānavādhipaḥ ॥ 35 ॥

bhuvanēśō vibhūtiścha dhṛtirmēdhā smṛtirdayā ।
duḥkhadāvānalō buddhaḥ prabuddhaḥ paramēśvaraḥ ॥ 36 ॥

kāmahā krōdhahā chaiva dambhadarpamadāpahaḥ ।
ajñānatimirāriścha bhavārirbhuvanēśvaraḥ ॥ 37 ॥

rūpakṛdrūpabhṛdrūpī rūpātmā rūpakāraṇaḥ ।
rūpajñō rūpasākṣī cha nāmarūpō guṇāntakaḥ ॥ 38 ॥

apramēyaḥ pramēyaścha pramāṇaṃ praṇavāśrayaḥ ।
pramāṇarahitō’chintyaśchētanāvigatō’jaraḥ ॥ 39 ॥

akṣarō’kṣaramuktaścha vijvarō jvaranāśanaḥ ।
viśiṣṭō vittaśāstrī cha dṛṣṭō dṛṣṭāntavarjitaḥ ॥ 40 ॥

guṇēśō guṇakāyaścha guṇātmā guṇabhāvanaḥ ।
anantaguṇasampannō guṇagarbhō guṇādhipaḥ ॥ 41 ॥

gaṇēśō guṇanāthaścha guṇātmā gaṇabhāvanaḥ ।
gaṇabandhurvivēkātmā guṇayuktaḥ parākramī ॥ 42 ॥

atarkyaḥ kraturagniścha kṛtajñaḥ saphalāśrayaḥ ।
yajñaścha yajñaphaladō yajña ijyō’marōttamaḥ ॥ 43 ॥

hiraṇyagarbhaḥ śrīgarbhaḥ khagarbhaḥ kuṇapēśvaraḥ ।
māyāgarbhō lōkagarbhaḥ svayambhūrbhuvanāntakaḥ ॥ 44 ॥

niṣpāpō nibiḍō nandī bōdhī bōdhasamāśrayaḥ ।
bōdhātmā bōdhanātmā cha bhēdavaitaṇḍakhaṇḍanaḥ ॥ 45 ॥

svābhāvyō bhāvanirmuktō vyaktō’vyaktasamāśrayaḥ ।
nityatṛptō nirābhāsō nirvāṇaḥ śaraṇaḥ suhṛt ॥ 46 ॥

guhyēśō guṇagambhīrō guṇadōṣanivāraṇaḥ ।
guṇasaṅgavihīnaścha yōgārērdarpanāśanaḥ ॥ 47 ॥

ānandaḥ paramānandaḥ svānandasukhavardhanaḥ ।
satyānandaśchidānandaḥ sarvānandaparāyaṇaḥ ॥ 48 ॥

sadrūpaḥ sahajaḥ satyaḥ svānandaḥ sumanōharaḥ ।
sarvaḥ sarvāntaraśchaiva pūrvātpūrvatarastathā ॥ 49 ॥

khamayaḥ khaparaḥ khādiḥ khaṃ‍brahma khatanuḥ khagaḥ ।
khavāsāḥ khavihīnaścha khanidhiḥ khaparāśrayaḥ ॥ 50 ॥

anantaśchādirūpaścha sūryamaṇḍalamadhyagaḥ ।
amōghaḥ paramāmōghaḥ parōkṣaḥ paradaḥ kaviḥ ॥ 51 ॥

viśvachakṣurviśvasākṣī viśvabāhurdhanēśvaraḥ ।
dhanañjayō mahātējāstējiṣṭhastaijasaḥ sukhī ॥ 52 ॥

jyōtirjyōtirmayō jētā jyōtiṣāṃ jyōtirātmakaḥ ।
jyōtiṣāmapi jyōtiścha janakō janamōhanaḥ ॥ 53 ॥

jitēndriyō jitakrōdhō jitātmā jitamānasaḥ ।
jitasaṅgō jitaprāṇō jitasaṃsāravāsanaḥ ॥ 54 ॥

nirvāsanō nirālambō niryōgakṣēmavarjitaḥ ।
nirīhō nirahaṅkārō nirāśīrnirupādhikaḥ ॥ 55 ॥

nityabōdhō viviktātmā viśuddhōttamagauravaḥ ।
vidyārthī paramārthī cha śraddhārthī sādhanātmakaḥ ॥ 56 ॥

pratyāhārī nirāhārī sarvāhāraparāyaṇaḥ ।
nityaśuddhō nirākāṅkṣī pārāyaṇaparāyaṇaḥ ॥ 57 ॥

aṇōraṇutaraḥ sūkṣmaḥ sthūlaḥ sthūlatarastathā ।
ēkastathā’nēkarūpō viśvarūpaḥ sanātanaḥ ॥ 58 ॥

naikarūpō virūpātmā naikabōdhamayastathā ।
naikanāmamayaśchaiva naikavidyāvivardhanaḥ ॥ 59 ॥

ēkaśchaikāntikaśchaiva nānābhāvavivarjitaḥ ।
ēkākṣarastathā bījaḥ pūrṇabimbaḥ sanātanaḥ ॥ 60 ॥

mantravīryō mantrabījaḥ śāstravīryō jagatpatiḥ ।
nānāvīryadharaśchaiva śakrēśaḥ pṛthivīpatiḥ ॥ 61 ॥

prāṇēśaḥ prāṇadaḥ prāṇaḥ prāṇāyāmaparāyaṇaḥ ।
prāṇapañchakanirmuktaḥ kōśapañchakavarjitaḥ ॥ 62 ॥

niśchalō niṣkalō’saṅgō niṣprapañchō nirāmayaḥ ।
nirādhārō nirākārō nirvikārō nirañjanaḥ ॥ 63 ॥

niṣpratītō nirābhāsō nirāsaktō nirākulaḥ ।
niṣṭhāsarvagataśchaiva nirārambhō nirāśrayaḥ ॥ 64 ॥

nirantaraḥ sarvagōptā śāntō dāntō mahāmuniḥ । [sattva]
niḥśabdaḥ sukṛtaḥ svasthaḥ satyavādī surēśvaraḥ ॥ 65 ॥

jñānadō jñānavijñānī jñānātmā”nandapūritaḥ ।
jñānayajñavidāṃ dakṣō jñānāgnirjvalanō budhaḥ ॥ 66 ॥

dayāvān bhavarōgāriśchikitsācharamāgatiḥ ।
chandramaṇḍalamadhyasthaśchandrakōṭisuśītalaḥ ॥ 67 ॥

yantrakṛtparamō yantrī yantrārūḍhāparājitaḥ ।
yantravidyantravāsaścha yantrādhārō dharādharaḥ ॥ 68 ॥

tattvajñastattvabhūtātmā mahattattvaprakāśanaḥ ।
tattvasaṅkhyānayōgajñaḥ sāṅkhyaśāstrapravartakaḥ ॥ 69 ॥

anantavikramō dēvō mādhavaścha dhanēśvaraḥ ।
sādhuḥ sādhuvariṣṭhātmā sāvadhānō’marōttamaḥ ॥ 70 ॥

niḥsaṅkalpō nirādhārō durdharō hyātmavitpatiḥ ।
ārōgyasukhadaśchaiva pravarō vāsavastathā ॥ 71 ॥

parēśaḥ paramōdāraḥ pratyakchaitanyadurgamaḥ ।
durādharṣō durāvāsō dūratvaparināśanaḥ ॥ 72 ॥

vēdavidvēdakṛdvēdō vēdātmā vimalāśayaḥ ।
viviktasēvī cha saṃsāraśramanāśanastathā ॥ 73 ॥

brahmayōnirbṛhadyōnirviśvayōnirvidēhavān ।
viśālākṣō viśvanāthō hāṭakāṅgadabhūṣaṇaḥ ॥ 74 ॥

abādhyō jagadārādhyō jagadārjavapālanaḥ ।
janavān dhanavān dharmī dharmagō dharmavardhanaḥ ॥ 75 ॥

amṛtaḥ śāśvataḥ sādhyaḥ siddhidaḥ sumanōharaḥ ।
khalubrahmakhalusthānō munīnāṃ paramā gatiḥ ॥ 76 ॥

upadraṣṭā tathā śrēṣṭhaḥ śuchibhūtō hyanāmayaḥ ।
vēdasiddhāntavēdyaścha mānasāhlādavardhanaḥ ॥ 77 ॥

dēhādanyō guṇādanyō lōkādanyō vivēkavit ।
duṣṭasvapnaharaśchaiva gururguruvarōttamaḥ ॥ 78 ॥

karmī karmavinirmuktaḥ sannyāsī sādhakēśvaraḥ ।
sarvabhāvavihīnaścha tṛṣṇāsaṅganivārakaḥ ॥ 79 ॥

tyāgī tyāgavapustyāgastyāgadānavivarjitaḥ ।
tyāgakāraṇatyāgātmā sadguruḥ sukhadāyakaḥ ॥ 80 ॥

dakṣō dakṣādivandyaścha jñānavādapravartakaḥ ।
śabdabrahmamayātmā cha śabdabrahmaprakāśavān ॥ 81 ॥

grasiṣṇuḥ prabhaviṣṇuścha sahiṣṇurvigatāntaraḥ ।
vidvattamō mahāvandyō viśālōttamavāṅmuniḥ ॥ 82 ॥

brahmavidbrahmabhāvaścha brahmarṣirbrāhmaṇapriyaḥ ।
brahma brahmaprakāśātmā brahmavidyāprakāśanaḥ ॥ 83 ॥

atrivaṃśaprabhūtātmā tāpasōttamavanditaḥ ।
ātmavāsī vidhēyātmā hyatrivaṃśavivardhanaḥ ॥ 84 ॥

pravartanō nivṛttātmā pralayōdakasannibhaḥ ।
nārāyaṇō mahāgarbhō bhārgavapriyakṛttamaḥ ॥ 85 ॥

saṅkalpaduḥkhadalanaḥ saṃsāratamanāśanaḥ ।
trivikramastridhākārastrimūrtistriguṇātmakaḥ ॥ 86 ॥

bhēdatrayaharaśchaiva tāpatrayanivārakaḥ ।
dōṣatrayavibhēdī cha saṃśayārṇavakhaṇḍanaḥ ॥ 87 ॥

asaṃśayastvasammūḍhō hyavādī rājavanditaḥ ।
rājayōgī mahāyōgī svabhāvagalitastathā ॥ 88 ॥

puṇyaślōkaḥ pavitrāṅghrirdhyānayōgaparāyaṇaḥ ।
dhyānasthō dhyānagamyaścha vidhēyātmā purātanaḥ ॥ 89 ॥

avijñēyō hyantarātmā mukhyabimbasanātanaḥ ।
jīvasañjīvanō jīvaśchidvilāsaśchidāśrayaḥ ॥ 90 ॥

mahēndrō’maramānyaścha yōgēndrō yōgavittamaḥ ।
yōgadharmastathā yōgastattvastattvaviniśchayaḥ ॥ 91 ॥

naikabāhuranantātmā naikanāmaparākramaḥ ।
naikākṣī naikapādaścha nāthanāthōttamōttamaḥ ॥ 92 ॥

sahasraśīrṣā puruṣaḥ sahasrākṣaḥ sahasrapāt ।
sahasrarūpadṛk chaiva sahasrāramayōddhavaḥ ॥ 93 ॥

tripādapuruṣaśchaiva tripādūrdhvastathaiva cha ।
tryambakaścha mahāvīryō yōgavīryaviśāradaḥ ॥ 94 ॥

vijayī vinayī jētā vītarāgī virājitaḥ ।
rudrō raudrō mahābhīmaḥ prājñamukhyaḥ sadāśuchiḥ ॥ 95 ॥

antarjyōtiranantātmā pratyagātmā nirantaraḥ ।
arūpaśchātmarūpaścha sarvabhāvavinirvṛtaḥ ॥ 96 ॥

antaḥśūnyō bahiḥśūnyaḥ śūnyātmā śūnyabhāvanaḥ ।
antaḥpūrṇō bahiḥpūrṇaḥ pūrṇātmā pūrṇabhāvanaḥ ॥ 97 ॥

antastyāgī bahistyāgī tyāgātmā sarvayōgavān ।
antaryōgī bahiryōgī sarvayōgaparāyaṇaḥ ॥ 98 ॥

antarbhōgī bahirbhōgī sarvabhōgaviduttamaḥ ।
antarniṣṭhō bahirniṣṭhaḥ sarvaniṣṭhāmayastathā ॥ 99 ॥

bāhyāntaravimuktaścha bāhyāntaravivarjitaḥ ।
śāntaḥ śuddhō viśuddhaścha nirvāṇaḥ prakṛtēḥ paraḥ ॥ 100 ॥

akālaḥ kālanēmī cha kālakālō janēśvaraḥ ।
kālātmā kālakartā cha kālajñaḥ kālanāśanaḥ ॥ 101 ॥

kaivalyapadadātā cha kaivalyasukhadāyakaḥ ।
kaivalyakalanādhārō nirbharō harṣavardhanaḥ ॥ 102 ॥

hṛdayasthō hṛṣīkēśō gōvindō garbhavarjitaḥ ।
sakalāgamapūjyaścha nigamō nigamāśrayaḥ ॥ 103 ॥

parāśaktiḥ parākīrtiḥ parāvṛttirnidhismṛtiḥ ।
paravidyā parākṣāntirvibhaktiryuktasadgatiḥ ॥ 104 ॥

svaprakāśaḥ prakāśātmā parasaṃvēdanātmakaḥ ।
svasēvyaḥ svavidāṃ svātmā svasaṃvēdyō’naghaḥ kṣamī ॥ 105 ॥

svānusandhānaśīlātmā svānusandhānagōcharaḥ ।
svānusandhānaśūnyātmā svānusandhānakāśrayaḥ ॥ 106 ॥

svabōdhadarpaṇō’bhaṅgaḥ kandarpakulanāśanaḥ ।
brahmachārī brahmavēttā brāhmaṇō brahmavittamaḥ ॥ 107 ॥

tattvabōdhaḥ sudhāvarṣaḥ pāvanaḥ pāpapāvakaḥ ।
brahmasūtravidhēyātmā brahmasūtrārthanirṇayaḥ ॥ 108 ॥

ātyantikō mahākalpaḥ saṅkalpāvartanāśanaḥ ।
ādhivyādhiharaśchaiva saṃśayārṇavaśōṣakaḥ ॥ 109 ॥

tattvātmajñānasandēśō mahānubhavabhāvitaḥ ।
ātmānubhavasampannaḥ svānubhāvasukhāśrayaḥ ॥ 110 ॥

achintyaścha bṛhadbhānuḥ pramadōtkarṣanāśanaḥ ।
anikēta praśāntātmā śūnyāvāsō jagadvapuḥ ॥ 111 ॥

chidgatiśchinmayaśchakrī māyāchakrapravartakaḥ ।
sarvavarṇavidārambhī sarvārambhaparāyaṇaḥ ॥ 112 ॥

purāṇaḥ pravarō dātā sundaraḥ kanakāṅgadī ।
anasūyātmajō dattaḥ sarvajñaḥ sarvakāmadaḥ ॥ 113 ॥

kāmajit kāmapālaścha kāmī kāmapradāgamaḥ ।
kāmavān kāmapōṣaścha sarvakāmanivartakaḥ ॥ 114 ॥

sarvakarmaphalōtpattiḥ sarvakāmaphalapradaḥ ।
sarvakarmaphalaiḥ pūjyaḥ sarvakarmaphalāśrayaḥ ॥ 115 ॥

viśvakarmā kṛtātmā cha kṛtajñaḥ sarvasākṣikaḥ ।
sarvārambhaparityāgī jaḍōnmattapiśāchavān ॥ 116 ॥

bhikṣurbhaikṣākaraśchaiva bhaikṣāhārī nirāśramī ।
akūlaśchānukūlaścha vikalō hyakalastathā ॥ 117 ॥

jaṭilō vanachārī cha daṇḍī muṇḍī cha gaṇḍavān ।
dēhadharmavihīnātmā hyēkākī saṅgavarjitaḥ ॥ 118 ॥

āśramyanāśramārambhō’nāchārī karmavarjitaḥ ।
asandēhī cha sandēhī na kiñchinna cha kiñchanaḥ ॥ 119 ॥

nṛdēhī dēhaśūnyaścha nābhāvī bhāvanirgataḥ ।
nābrahmā cha parabrahma svayamēva nirākulaḥ ॥ 120 ॥

anaghaśchāguruśchaiva nāthanāthōttamō guruḥ ।
dvibhujaḥ prākṛtaśchaiva janakaścha pitāmahaḥ ॥ 121 ॥

anātmā na cha nānātmā nītirnītimatāṃ varaḥ ।
sahajaḥ sadṛśaḥ siddhaśchaikaśchinmātra ēva cha ॥ 122 ॥

na kartāpi cha kartā cha bhōktā bhōgavivarjitaḥ ।
turīyasturīyātītaḥ svachChaḥ sarvamayastathā ॥ 123 ॥

sarvādhiṣṭhānarūpaścha sarvadhyēyavivarjitaḥ ।
sarvalōkanivāsātmā sakalōttamavanditaḥ ॥ 124 ॥

dēhabhṛddēhakṛchchaiva dēhātmā dēhabhāvanaḥ ।
dēhī dēhavibhaktaścha dēhabhāvaprakāśanaḥ ॥ 125 ॥

layasthō layavichchaiva layābhāvaścha bōdhavān ।
layātītō layasyāntō layabhāvanivāraṇaḥ ॥ 126 ॥

vimukhaḥ pramukhaśchaiva pratyaṅmukhavadācharī ।
viśvabhugviśvadhṛgviśvō viśvakṣēmakarastathā ॥ 127 ॥

avikṣiptō’pramādī cha parardhiḥ paramārthadṛk ।
svānubhāvavihīnaścha svānubhāvaprakāśanaḥ ॥ 128 ॥

nirindriyaścha nirbuddhirnirābhāsō nirākṛtaḥ ।
nirahaṅkārarūpātmā nirvapuḥ sakalāśrayaḥ ॥ 129 ॥

śōkaduḥkhaharaśchaiva bhōgamōkṣaphalapradaḥ ।
suprasannastathā sūkṣmaḥ śabdabrahmārthasaṅgrahaḥ ॥ 130 ॥

āgamāpāyaśūnyaścha sthānadaścha satāṅgatiḥ ।
akṛtaḥ sukṛtaśchaiva kṛtakarmā vinirvṛtaḥ ॥ 131 ॥

bhēdatrayaharaśchaiva dēhatrayavinirgataḥ ।
sarvakāmamayaśchaiva sarvakāmanivartakaḥ ॥ 132 ॥

siddhēśvarō’jaraḥ pañchabāṇadarpahutāśanaḥ ।
chaturakṣarabījātmā svabhūśchitkīrtibhūṣaṇaḥ ॥ 133 ॥

agādhabuddhirakṣubdhaśchandrasūryāgnilōchanaḥ ।
yamadaṃṣṭrō’tisaṃhartā paramānandasāgaraḥ ॥ 134 ॥

līlāviśvambharō bhānurbhairavō bhīmalōchanaḥ ।
brahmacharmāmbaraḥ kālastvachalaśchalanāntakaḥ ॥ 135 ॥

ādidēvō jagadyōnirvāsavārivimardanaḥ ।
vikarmakarmakarmajñō ananyagamakō’gamaḥ ॥ 136 ॥

abaddhakarmaśūnyaścha kāmarāgakulakṣayaḥ ।
yōgāndhakāramathanaḥ padmajanmādivanditaḥ ॥ 137 ॥

bhaktakāmō’grajaśchakrī bhāvanirbhāvabhāvakaḥ ।
bhēdāntakō mahānagryō nigūhō gōcharāntakaḥ ॥ 138 ॥

kālāgniśamanaḥ śaṅkhachakrapadmagadādharaḥ ।
dīptō dīnapatiḥ śāstā svachChandō muktidāyakaḥ ॥ 139 ॥

vyōmadharmāmbarō bhēttā bhasmadhārī dharādharaḥ ।
dharmaguptō’nvayātmā cha vyatirēkārthanirṇayaḥ ॥ 140 ॥

ēkānēkaguṇābhāsābhāsanirbhāsavarjitaḥ ।
bhāvābhāvasvabhāvātmā bhāvābhāvavibhāvavit ॥ 141 ॥

yōgihṛdayaviśrāmō’nantavidyāvivardhanaḥ ।
vighnāntakastrikālajñastattvātmā jñānasāgaraḥ ॥ 142 ॥

itīdaṃ dattasāhasraṃ sāyaṃ prātaḥ paṭhēttu yaḥ ।
sa ihāmutra labhatē nirvāṇaṃ paramaṃ sukham ॥ 143 ॥

guruvārē dattabhaktō bhaktibhāvasamanvitaḥ ।
paṭhēt sadaiva yō hyētat sa labhēchchintitaṃ dhruvam ॥ 144 ॥

iti śrīmaddattātrēyapurāṇē śrī dattātrēya sahasranāma stōtram ।