Saraswati Suktam (Yajurvediya)

ōm ॥

(tai.saṃ.1.8.22)
pra ṇō̍ dē̠vī sara̍svatī̠ vājē̍bhirvā̠jinī̍vatī ।
dhī̠nāma̍vi̠trya̍vatu ॥

ā nō̍ di̠vō bṛ̍ha̠taḥ parva̍tā̠dā sara̍svatī yaja̠tā ga̍ntu ya̠jñam ।
hava̍-ndē̠vī ju̍juṣā̠ṇā ghṛ̠tāchī̍ śa̠gmā-nnō̠ vācha̍muśa̠tī śṛ̍ṇōtu ॥

(tai.saṃ.4.1.11)
pāvī̍ravī ka̠nyā̍ chi̠trāyu̠-ssara̍svatī vī̠rapa̍tnī̠ dhiya̍-ndhāt ।
gnābhi̠rachChi̍dragṃ śara̠ṇagṃ sa̠jōṣā̍ durā̠dhar​ṣa̍-ṅgṛṇa̠tē śarma̍ yagṃsat ॥

(ṛ.vē.7.95.5)
i̠mā juhvā̎nā yu̠ṣmadā namō̎bhi̠ḥ prati̠ stōma̎ṃ sarasvati juṣasva ।
tava̠ śarma̎npri̠yata̍mē̠ dadhā̎nā̠ upa̍ sthēyāma śara̠ṇa-nna vṛ̠kṣam ॥

(ṛ.vē.1.164.49)
yastē̠ stana̍-śśaśa̠yō yō ma̍yō̠bhūryēna̠ viśvā̠ puṣya̍si̠ vāryā̍ṇi ।
yō ra̍tna̠dhā va̍su̠vidya-ssu̠datra̠-ssara̍svati̠ tami̠ha dhāta̍vē kaḥ ॥

(ṛ.vē.6.61.14)
sara̍svatya̠bhi nō̎ nēṣi̠ vasyō̠ māpa̍ spharī̠ḥ paya̍sā̠ mā na̠ ā dha̍k ।
ju̠ṣasva̍ na-ssa̠khyā vē̠śyā̎ cha̠ mā tva-tkṣētrā̠ṇyara̍ṇāni ganma ॥

(ṛ.vē.6.61.2)
i̠yaṃ śuṣmē̎bhirbisa̠khā i̍vāruja̠tsānu̍ girī̠ṇā-nta̍vi̠ṣēbhi̍rū̠rmibhi̍ḥ ।
pā̠rā̠va̠ta̠ghnīmava̍sē suvṛ̠ktibhi̍ssara̍svatī̠ mā vi̍vāsēma dhī̠tibhi̍ḥ ॥

ōṃ śānti̠-śśānti̠-śśānti̍ḥ ॥