Prashnopanishad – Question 6

ṣaṣṭhaḥ praśnaḥ

atha hainaṃ sukēśā bhāradvājaḥ paprachCha –
bhagavan hiraṇyanābhaḥ kausalyō rājaputrō māmupētyaita-mpraśnamapṛchChata –
ṣōḍaśakala-mbhāradvāja puruṣaṃ vēttha। tamaha-ṅkumāramabruva-nnāhamimaṃ vēda yadyahamimamavēdiṣa-ṅkatha-ntē nāvakṣyamiti ।
samūlō vā ēṣa pariśuṣyati yō-‘nṛtamabhivadati। tasmānnār​hamyanṛtaṃ vaktum। sa tūṣṇīṃ rathamāruhya pravavrāja। ta-ntvā pṛchChāmi kvāsau puruṣa iti ॥1॥

tasmai sa hōvācha ।
ihaivāntasśarīrē sōmya sa puruṣō yasminnētā-ṣṣōḍaśa kalāḥ prabhavantīti ॥2॥

sa īkṣāñchakrē। kasminnahamutkrānta utkrāntō bhaviṣyāmi kasmin vā pratiṣṭhitē pratiṣṭhāsyāmīti ॥3॥

sa prāṇamasṛjata। prāṇāchChraddhā-ṅkhaṃ vāyurjyōtirāpaḥ pṛthivīndriya-mmanō-‘nnamannādvīrya-ntapō mantrāḥ karmalōkā lōkēṣu cha nāma cha ॥4॥

sa yathēmā nadya-ssyandamānā-ssamudrāyaṇā-ssamudra-mprāpyāsta-ṅgachChanti bhidyētē tāsā-nnāmarūpē samudra ityēva-mprōchyatē।
ēvamēvāsya paridraṣṭurimā-ṣṣōḍaśa kalāḥ puruṣāyaṇāḥ puruṣa-mprāpyāsta-ṅgachChanti bhidyētē chāsā-nnāmarūpē puruṣa ityēva-mprōchyatē sa ēṣō-‘kalō-‘mṛtō bhavati tadēṣa ślōkaḥ ॥5॥

arā iva rathanābhau kalā yasmi-npratiṣṭhitāḥ।
taṃ vēdya-mpuruṣaṃ vēda yathā mā vō mṛtyuḥ parivyathā iti ॥6॥

tān hōvāchaitāvadēvāhamēta-tpara-mbrahma vēda। nātaḥ paramastīti ॥7॥

tē tamarchayantastvaṃ hi naḥ pitā yō-‘smākamavidyāyāḥ para-mpāra-ntārayasīti।
namaḥ paramaṛṣibhyō namaḥ paramaṛṣibhyaḥ ॥8॥