Prashnopanishad – Question 5

pañchamaḥ praśnaḥ

atha hainaṃ śaibya-ssatyakāmaḥ paprachCha।
sa yō ha vai ta-dbhagava-nmanuṣyēṣu prāyaṇāntamōṅkāramabhidhyāyīta katamaṃ vāva sa tēna lōka-ñjayatīti ॥1॥

tasmai sa hōvācha ētad vai satyakāma para-ñchāpara-ñcha brahma yadōṅkāraḥ।
tasmād vidvānētēnaivāyatanēnaikataramanvēti ॥2॥

sa yadyēkamātramabhidhyāyīta sa tēnaiva saṃvēditastūrṇamēva jagatyāmabhisampadyatē।
tamṛchō manuṣyalōkamupanayantē sa tatra tapasā brahmacharyēṇa śraddhayā sampannō mahimānamanubhavati ॥3॥

atha yadi dvimātrēṇa manasi sampadyatē sō-‘ntarikṣaṃ yajurbhirunnīyatē sōmalōkam।
sa sōmalōkē vibhūtimanubhūya punarāvartatē ॥4॥

yaḥ punarēta-ntrimātrēṇōmityētēnaivākṣarēṇa para-mpuruṣamabhidhyāyīta sa tējasi sūryē sampannaḥ।
yathā pādōdarastvachā vinirmuchyatē ēvaṃ ha vai sa pāpmanā vinirmukta-ssa sāmabhirunnīyatē brahmalōkaṃ sa ētasmājjīvaghanātparātpara-mpuriśaya-mpuruṣamīkṣatē tadētau ślōkau bhavataḥ ॥5॥

tisrō mātrā mṛtyumatyaḥ prayuktā anyōnyasaktāḥ anaviprayuktāḥ।
kriyāsu bāhyābhyantaramadhyamāsu samyakprayuktāsu na kampatē jñaḥ ॥6॥

ṛgbhirētaṃ yajurbhirantarikṣaṃ sāmabhiryattatkavayō vēdayantē।
tamōṅkārēṇaivāyatanēnānvēti vidvān yattachChāntamajaramamṛtamabhaya-mpara-ñchēti ॥7॥