Nirvana Shatkam

ōṃ ōṃ ōm
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

manō buddhyahaṅkāra chittāni nāhaṃ
na cha śrōtra jihvē na cha ghrāṇanētrē ।
na cha vyōma bhūmirna tējō na vāyuḥ
chidānanda rūpaḥ śivō’haṃ śivō’ham ॥ 1 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

na cha prāṇa sañjñō na vaipañchavāyuḥ
na vā saptadhāturna vā pañchakōśāḥ ।
navākpāṇi pādau na chōpastha pāyū
chidānanda rūpaḥ śivō’haṃ śivō’ham ॥ 2 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

na mē dvēṣarāgau na mē lōbhamōhau
madō naiva mē naiva mātsaryabhāvaḥ ।
na dharmō na chārthō na kāmō na mōkṣaḥ
chidānanda rūpaḥ śivō’haṃ śivō’ham ॥ 3 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

na puṇyaṃ na pāpaṃ na saukhyaṃ na duḥkhaṃ
na mantrō na tīrthaṃ na vēdā na yajñaḥ ।
ahaṃ bhōjanaṃ naiva bhōjyaṃ na bhōktā
chidānanda rūpaḥ śivō’haṃ śivō’ham ॥ 4 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

na mṛtyurna śaṅkā na mē jāti bhēdaḥ
pitā naiva mē naiva mātā na janma ।
na bandhurna mitraṃ gururnaiva śiṣyaḥ
chidānandarūpaḥ śivō’haṃ śivō’ham ॥ 5 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ

ahaṃ nirvikalpō nirākāra rūpō
vibhutvāchcha sarvatra sarvēndriyāṇām ।
na chāsaṅgataṃ naiva muktirna mēyaḥ [na vā bandhanaṃ naiva muktirna bandhaḥ]
chidānandarūpaḥ śivō’haṃ śivō’ham ॥ 6 ॥
śivō’haṃ śivō’haṃ, śivō’haṃ śivō’haṃ, śivō’haṃ śivō’haṃ