Narayaniyam Dashaka 2
sūryaspardhikirīṭamūrdhvatilakaprōdbhāsiphālāntaraṃ
kāruṇyākulanētramārdrahasitōllāsaṃ sunāsāpuṭam।
gaṇḍōdyanmakarābhakuṇḍalayugaṃ kaṇṭhōjvalatkaustubhaṃ
tvadrūpaṃ vanamālyahārapaṭalaśrīvatsadīpraṃ bhajē॥1॥
kēyūrāṅgadakaṅkaṇōttamamahāratnāṅgulīyāṅkita-
śrīmadbāhuchatuṣkasaṅgatagadāśaṅkhāripaṅkēruhām ।
kāñchit kāñchanakāñchilāñchChitalasatpītāmbarālambinī-
mālambē vimalāmbujadyutipadāṃ mūrtiṃ tavārtichChidam ॥2॥
yatttrailōkyamahīyasō’pi mahitaṃ sammōhanaṃ mōhanāt
kāntaṃ kāntinidhānatō’pi madhuraṃ mādhuryadhuryādapi ।
saundaryōttaratō’pi sundarataraṃ tvadrūpamāścharyatō’-
pyāścharyaṃ bhuvanē na kasya kutukaṃ puṣṇāti viṣṇō vibhō ॥3॥
tattādṛṅmadhurātmakaṃ tava vapuḥ samprāpya sampanmayī
sā dēvī paramōtsukā chirataraṃ nāstē svabhaktēṣvapi ।
tēnāsyā bata kaṣṭamachyuta vibhō tvadrūpamānōjñaka –
prēmasthairyamayādachāpalabalāchchāpalyavārtōdabhūt ॥4॥
lakṣmīstāvakarāmaṇīyakahṛtaivēyaṃ parēṣvasthirē-
tyasminnanyadapi pramāṇamadhunā vakṣyāmi lakṣmīpatē ।
yē tvaddhyānaguṇānukīrtanarasāsaktā hi bhaktā janā-
stēṣvēṣā vasati sthiraiva dayitaprastāvadattādarā ॥5॥
ēvambhūtamanōjñatānavasudhāniṣyandasandōhanaṃ
tvadrūpaṃ parachidrasāyanamayaṃ chētōharaṃ śṛṇvatām ।
sadyaḥ prērayatē matiṃ madayatē rōmāñchayatyaṅgakaṃ
vyāsiñchatyapi śītavāṣpavisarairānandamūrChōdbhavaiḥ ॥6॥
ēvambhūtatayā hi bhaktyabhihitō yōgassa yōgadvayāt
karmajñānamayāt bhṛśōttamatarō yōgīśvarairgīyatē ।
saundaryaikarasātmakē tvayi khalu prēmaprakarṣātmikā
bhaktirniśramamēva viśvapuruṣairlabhyā ramāvallabha ॥7॥
niṣkāmaṃ niyatasvadharmacharaṇaṃ yat karmayōgābhidhaṃ
taddūrētyaphalaṃ yadaupaniṣadajñānōpalabhyaṃ punaḥ ।
tattvavyaktatayā sudurgamataraṃ chittasya tasmādvibhō
tvatprēmātmakabhaktirēva satataṃ svādīyasī śrēyasī ॥8॥
atyāyāsakarāṇi karmapaṭalānyācharya niryanmalā
bōdhē bhaktipathē’thavā’pyuchitatāmāyānti kiṃ tāvatā ।
kliṣṭvā tarkapathē paraṃ tava vapurbrahmākhyamanyē puna-
śchittārdratvamṛtē vichintya bahubhissiddhyanti janmāntaraiḥ ॥9॥
tvadbhaktistu kathārasāmṛtajharīnirmajjanēna svayaṃ
siddhyantī vimalaprabōdhapadavīmaklēśatastanvatī ।
sadyassiddhikarī jayatyayi vibhō saivāstu mē tvatpada-
prēmaprauḍhirasārdratā drutataraṃ vātālayādhīśvara ॥10॥
FAQs
What is Narayaniyam Dashaka 2?
Narayaniyam Dashaka 2 is a Devi Stotrams available on Bhakti Granth in the selected language or script.
Which language or script is this version in?
This edition is published in English. Use the language selector to view another available edition.
Can I read Narayaniyam Dashaka 2 online?
Yes. The imported text is available directly on this page for online reading and recitation.
Can I download Narayaniyam Dashaka 2 as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.