Manisha Panchakam

satyāchāryasya gamanē kadāchinmukti dāyakam ।
kāśīkśētraṃ prati saha gauryā mārgē tu śṅkaram ॥ (anuṣṭup)

antyavēṣadharaṃ dṛṣṭvā gachCha gachChēti chābravīt ।
śaṅkaraḥsō’pi chāṇḍalastaṃ punaḥ prāha śṅkaram ॥ (anuṣṭup)

annamayādannamayamathavā chaitanyamēva chaitanyāt ।
yativara dūrīkartuṃ vāñChasi kiṃ brūhi gachCha gachChēti ॥ (āryā vṛtta)

pratyagvastuni nistaraṅgasahajānandāvabōdhāmbudhau
viprō’yaṃ śvapachō’yamityapi mahānkō’yaṃ vibhēdabhramaḥ ।
kiṃ gaṅgāmbuni bimbitē’mbaramaṇau chāṇḍālavīthīpayaḥ
pūrē vā’ntaramasti kāñchanaghaṭīmṛtkumbhayōrvā’mbarē ॥ (śārdūla vikrīḍita)

jāgratsvapnasuṣuptiṣu sphuṭatarā yā saṃvidujjṛmbhatē
yā brahmādipipīlikāntatanuṣu prōtā jagatsākṣiṇī ।
saivāhaṃ na cha dṛśyavastviti dṛḍhaprajñāpi yasyāsti chē-
chchāṇḍālō’stu sa tu dvijō’stu gururityēṣā manīṣā mama ॥ 1॥

brahmaivāhamidaṃ jagachcha sakalaṃ chinmātravistāritaṃ
sarvaṃ chaitadavidyayā triguṇayā’śēṣaṃ mayā kalpitam ।
itthaṃ yasya dṛḍhā matiḥ sukhatarē nityē parē nirmalē
chāṇḍālō’stu sa tu dvijō’stu gururityēṣā manīṣā mama ॥ 2॥

śaśvannaśvaramēva viśvamakhilaṃ niśchitya vāchā gurō-
rnityaṃ brahma nirantaraṃ vimṛśatā nirvyājaśāntātmanā ।
bhūtaṃ bhāvi cha duṣkṛtaṃ pradahatā saṃvinmayē pāvakē
prārabdhāya samarpitaṃ svavapurityēṣā manīṣā mama ॥ 3॥

yā tiryaṅnaradēvatābhirahamityantaḥ sphuṭā gṛhyatē
yadbhāsā hṛdayākṣadēhaviṣayā bhānti svatō’chētanāḥ ।
tāṃ bhāsyaiḥ pihitārkamaṇḍalanibhāṃ sphūrtiṃ sadā bhāvaya-
nyōgī nirvṛtamānasō hi gururityēṣā manīṣā mama ॥ 4॥

yatsaukhyāmbudhilēśalēśata imē śakrādayō nirvṛtā
yachchittē nitarāṃ praśāntakalanē labdhvā munirnirvṛtaḥ ।
yasminnityasukhāmbudhau galitadhīrbrahmaiva na brahmavid
yaḥ kaśchitsa surēndravanditapadō nūnaṃ manīṣā mama ॥ 5॥

dāsastē’haṃ dēhadṛṣṭyā’smi śambhō
jātastēṃ’śō jīvadṛṣṭyā tridṛṣṭē ।
sarvasyā”tmannātmadṛṣṭyā tvamēvē-
tyēvaṃ mē dhīrniśchitā sarvaśāstraiḥ ॥

॥ iti śrīmachChaṅkarabhagavataḥ kṛtau manīṣāpañchakaṃ sampūrṇam ॥