Kaliya Kruta Krishna Stotram

vyāsa uvācha ।
ityuktē tābhirāśvāsya klāntadēhō’pi pannagaḥ ।
prasīda dēvadēvēti prāha vākyaṃ śanaiḥ śanaiḥ ॥ 43 ॥
kālīya uvācha ।
tavāṣṭaguṇamaiśvaryaṃ nātha svābhavikaṃ param ।
nirastātiśayaṃ yasya tasya stōṣyāmi kinvaham ॥ 44 ॥
tvaṃ parastvaṃ parasyā’dyaḥ paraṃ tvaṃ tatparātmakam ।
parasmātparamō yastvaṃ tasya stōṣyāmi kiṃ nvaham ॥ 45 ॥
yathā’haṃ bhavatā sṛṣṭō jātyā rūpēṇa chēśvaraḥ ।
svabhāvēna cha saṃyuktastathēdaṃ chēṣṭitaṃ mayā ॥ 46 ॥
yadyanyathā pravartēya dēvadēva tatō mayi ।
nyāyyō daṇḍanipātastē tavaiva vachanaṃ yathā ॥ 47 ॥
tathā’pi yaṃ jagatsvāmī daṇḍaṃ pātitavānmayi ।
sa sōḍhō’yaṃ varō daṇḍastvattō nānyō’stu mē varaḥ ॥ 48 ॥
hatavīryō hataviṣō damitō’haṃ tvayā’chyuta ।
jīvitaṃ dīyatāmēkamājñāpaya karōmi kim ॥ 49 ॥

iti brahmapurāṇē pañchāśītyadhikaśatatamādhyāyāntargataṃ
kāliyakṛtaṃ śrīkṛṣṇastōtraṃ samāptam ।

brahmapurāṇa . adhyāya 185/43-49 . ।