Hanuma Krita Shakti Svaroopa Sita Rama Mantram

ayōdhyāpuranētāraṃ mithilāpuranāyikām ।
rāghavāṇāmalaṅkāraṃ vaidēhānāmalaṅkriyām ॥1॥

raghūṇāṃ kuladīpaṃ cha nimīnāṃ kuladīpikām ।
sūryavaṃśasamudbhūtaṃ sōmavaṃśasamudbhavām ॥2॥

putraṃ daśarathasyādyaṃ putrīṃ janakabhūpatēḥ ।
vaśiṣṭhānumatāchāraṃ śatānandamatānugām ॥3॥

kausalyāgarbhasambhūtaṃ vēdigarbhōditāṃ svayam ।
puṇḍarīkaviśālākṣaṃ sphuradindīvarēkṣaṇām ॥4॥

chandrakāntānanāmbhōjaṃ chandrabimbōpamānanām ।
mattamātaṅgagamanaṃ mattahaṃsavadhūgatām ॥5॥

chandanārdrabhujāmadhyaṃ kuṅkumārdrakuchasthalīm ।
chāpālaṅkṛtahastābjaṃ padmālaṅkṛtapāṇikām॥6॥

śaraṇāgatagōptāraṃ praṇipādaprasādikām ।
kālamēghanibhaṃ rāmaṃ kārtasvarasamaprabhām ॥7॥

divyasiṃhāsanāsīnaṃ divyasragvastrabhūṣaṇām ।
anukṣaṇaṃ kaṭākṣābhyāṃ anyōnyēkṣaṇakāṅkṣiṇau ॥8॥

anyōnyasadṛśākārau trailōkyagṛhadampatī ।
imau yuvāṃ praṇamyāhaṃ bhajāmyadya kṛtārthatām ॥9॥

anēna stauti yaḥ stutyaṃ rāmaṃ sītāṃ cha bhaktitaḥ ।
tasya tau tanutāṃ puṇyāssampadaḥ sakalārthadāḥ ॥10॥

ēvaṃ śrīrāchandrasya jānakyāścha viśēṣataḥ ।
kṛtaṃ hanūmatā puṇyaṃ stōtraṃ sadyō vimuktidam ।
yaḥ paṭhētprātarutthāya sarvān kāmānavāpnuyāt ॥11॥