Chanakya Neethi – Chapter 8

adhamā dhanamichChanti dhanamānau cha madhyamāḥ ।
uttamā mānamichChanti mānō hi mahatāṃ dhanam ॥ 01 ॥

ikṣurāpaḥ payō mūlaṃ tāmbūlaṃ phalamauṣadham ।
bhakṣayitvāpi kartavyāḥ snānadānādikāḥ kriyāḥ ॥ 02 ॥

dīpō bhakṣayatē dhvāntaṃ kajjalaṃ cha prasūyatē ।
yadannaṃ bhakṣayatē nityaṃ jāyatē tādṛśī prajā ॥ 03 ॥

vittaṃ dēhi guṇānvitēṣu matimannānyatra dēhi kvachit
prāptaṃ vārinidhērjalaṃ ghanamukhē mādhuryayuktaṃ sadā ।
jīvānsthāvarajaṅgamāṃścha sakalānsañjīvya bhūmaṇḍalaṃ
bhūyaḥ paśya tadēva kōṭiguṇitaṃ gachChantamambhōnidhim ॥ 04 ॥

chāṇḍālānāṃ sahasraiścha sūribhistattvadarśibhiḥ ।
ēkō hi yavanaḥ prōktō na nīchō yavanātparaḥ ॥ 05 ॥

tailābhyaṅgē chitādhūmē maithunē kṣaurakarmaṇi ।
tāvadbhavati chāṇḍālō yāvatsnānaṃ na chācharēt ॥ 06 ॥

ajīrṇē bhēṣajaṃ vāri jīrṇē vāri balapradam ।
bhōjanē chāmṛtaṃ vāri bhōjanāntē viṣāpaham ॥ 07 ॥

hataṃ jñānaṃ kriyāhīnaṃ hataśchājñānatō naraḥ ।
hataṃ nirṇāyakaṃ sainyaṃ striyō naṣṭā hyabhartṛkāḥ ॥ 08 ॥

vṛddhakālē mṛtā bhāryā bandhuhastagataṃ dhanam ।
bhōjanaṃ cha parādhīnaṃ tisraḥ puṃsāṃ viḍambanāḥ ॥ 09 ॥

nāgnihōtraṃ vinā vēdā na cha dānaṃ vinā kriyā ।
na bhāvēna vinā siddhistasmādbhāvō hi kāraṇam ॥ 10 ॥

na dēvō vidyatē kāṣṭhē na pāṣāṇē na mṛṇmayē ।
na bhāvēna vinā siddhistasmādbhāvō hi kāraṇam ॥ 11 ॥

kāṣṭhapāṣāṇadhātūnāṃ kṛtvā bhāvēna sēvanam ।
śraddhayā cha tathā siddhistasya viṣṇuprasādataḥ ॥ 12 ॥

na dēvō vidyatē kāṣṭhē na pāṣāṇē na mṛnmayē ।
bhāvē hi vidyatē dēvastasmādbhāvō hi kāraṇam ॥ 13 ॥

śāntitulyaṃ tapō nāsti na santōṣātparaṃ sukham ।
apatyaṃ cha kalatraṃ cha satāṃ saṅgatirēva cha ॥ 14 ॥

guṇō bhūṣayatē rūpaṃ śīlaṃ bhūṣayatē kulam ।
prāsādaśikharasthō’pi kākaḥ kiṃ garuḍāyatē ॥ 15 ॥

nirguṇasya hataṃ rūpaṃ duḥśīlasya hataṃ kulam ।
asiddhasya hatā vidyā hyabhōgēna hataṃ dhanam ॥ 16 ॥

śuddhaṃ bhūmigataṃ tōyaṃ śuddhā nārī pativratā ।
śuchiḥ kṣēmakarō rājā santōṣō brāhmaṇaḥ śuchiḥ ॥ 17 ॥

asantuṣṭā dvijā naṣṭāḥ santuṣṭāścha mahībhṛtaḥ ।
salajjā gaṇikā naṣṭā nirlajjāścha kulāṅganā ॥ 18 ॥

kiṃ kulēna viśālēna vidyāhīnēna dēhinām ।
duṣkulaṃ chāpi viduṣō dēvairapi sa pūjyatē ॥ 19 ॥

vidvānpraśasyatē lōkē vidvān sarvatra pūjyatē ।
vidyayā labhatē sarvaṃ vidyā sarvatra pūjyatē ॥ 20 ॥

māṃsabhakṣyaiḥ surāpānairmukhaiśchākṣaravarjitaiḥ ।
paśubhiḥ puruṣākārairbhārākrāntā hi mēdinī ॥ 21 ॥

annahīnō dahēdrāṣṭraṃ mantrahīnaścha ṛtvijaḥ ।
yajamānaṃ dānahīnō nāsti yajñasamō ripuḥ ॥ 22 ॥