Chanakya Neethi – Chapter 2

anṛtaṃ sāhasaṃ māyā mūrkhatvamatilōbhitā ।
aśauchatvaṃ nirdayatvaṃ strīṇāṃ dōṣāḥ svabhāvajāḥ ॥ 01 ॥

bhōjyaṃ bhōjanaśaktiścha ratiśaktirvarāṅganā ।
vibhavō dānaśaktiścha nālpasya tapasaḥ phalam ॥ 02 ॥

yasya putrō vaśībhūtō bhāryā Chandānugāminī ।
vibhavē yaścha santuṣṭastasya svarga ihaiva hi ॥ 03 ॥

tē putrā yē piturbhaktāḥ sa pitā yastu pōṣakaḥ ।
tanmitraṃ yatra viśvāsaḥ sā bhāryā yatra nirvṛtiḥ ॥ 04 ॥

parōkṣē kāryahantāraṃ pratyakṣē priyavādinam ।
varjayēttādṛśaṃ mitraṃ viṣakumbhaṃ payōmukham ॥ 05 ॥

na viśvasētkumitrē cha mitrē chāpi na viśvasēt ।
kadāchitkupitaṃ mitraṃ sarvaṃ guhyaṃ prakāśayēt ॥ 06 ॥

manasā chintitaṃ kāryaṃ vāchā naiva prakāśayēt ।
mantrēṇa rakṣayēdgūḍhaṃ kāryē chāpi niyōjayēt ॥ 07 ॥

kaṣṭaṃ cha khalu mūrkhatvaṃ kaṣṭaṃ cha khalu yauvanam ।
kaṣṭātkaṣṭataraṃ chaiva paragēhanivāsanam ॥ 08 ॥

śailē śailē cha māṇikyaṃ mauktikaṃ na gajē gajē ।
sādhavō na hi sarvatra chandanaṃ na vanē vanē ॥ 09 ॥

putrāścha vividhaiḥ śīlairniyōjyāḥ satataṃ budhaiḥ ।
nītijñāḥ śīlasampannā bhavanti kulapūjitāḥ ॥ 10 ॥

mātā śatruḥ pitā vairī yābhyāṃ bālā na pāṭhitāḥ ।
sabhāmadhyē na śōbhantē haṃsamadhyē bakō yathā ॥ 11 ॥

lālanādbahavō dōṣāstāḍanē bahavō guṇāḥ ।
tasmātputraṃ cha śiṣyaṃ cha tāḍayēnna tu lālayēt ॥ 12 ॥

ślōkēna vā tadardhēna tadardhārdhākṣarēṇa vā ।
abandhyaṃ divasaṃ kuryāddānādhyayanakarmabhiḥ ॥ 13 ॥

kāntāviyōgaḥ svajanāpamānaṃ
ṛṇasya śēṣaṃ kunṛpasya sēvā ।
dāridryabhāvādvimukhaṃ cha mitraṃ
vināgninā pañcha dahanti kāyam ॥ 14 ॥

nadītīrē cha yē vṛkṣāḥ paragēhēṣu kāminī ।
mantrahīnāścha rājānaḥ śīghraṃ naśyantyasaṃśayam ॥ 15 ॥

balaṃ vidyā cha viprāṇāṃ rājñāṃ sainyaṃ balaṃ tathā ।
balaṃ vittaṃ cha vaiśyānāṃ śūdrāṇāṃ pāricharyakam ॥ 16 ॥

nirdhanaṃ puruṣaṃ vēśyā prajā bhagnaṃ nṛpaṃ tyajēt ।
khagā vītaphalaṃ vṛkṣaṃ bhuktvā chābhyāgatō gṛham ॥ 17 ॥

gṛhītvā dakṣiṇāṃ viprāstyajanti yajamānakam ।
prāptavidyā guruṃ śiṣyā dagdhāraṇyaṃ mṛgāstathā ॥ 18 ॥

durāchārī durādṛṣṭirdurāvāsī cha durjanaḥ ।
yanmaitrī kriyatē pumbhirnaraḥ śīghraṃ vinaśyati ॥ 19 ॥

samānē śōbhatē prītiḥ rājñi sēvā cha śōbhatē ।
vāṇijyaṃ vyavahārēṣu divyā strī śōbhatē gṛhē ॥ 20 ॥