Chanakya Neethi – Chapter 15

yasya chittaṃ dravībhūtaṃ kṛpayā sarvajantuṣu ।
tasya jñānēna mōkṣēṇa kiṃ jaṭābhasmalēpanaiḥ ॥ 01 ॥

ēkamapyakṣaraṃ yastu guruḥ śiṣyaṃ prabōdhayēt ।
pṛthivyāṃ nāsti taddravyaṃ yaddattvā sō’nṛṇī bhavēt ॥ 02 ॥

khalānāṃ kaṇṭakānāṃ cha dvividhaiva pratikriyā ।
upānanmukhabhaṅgō vā dūratō vā visarjanam ॥ 02 ॥

kuchailinaṃ dantamalōpadhāriṇaṃ
bahvāśinaṃ niṣṭhurabhāṣiṇaṃ cha ।
sūryōdayē chāstamitē śayānaṃ
vimuñchati śrīryadi chakrapāṇiḥ ॥ 04 ॥

tyajanti mitrāṇi dhanairvihīnaṃ
putrāścha dārāścha suhṛjjanāścha ।
tamarthavantaṃ punarāśrayanti
arthō hi lōkē manuṣyasya bandhuḥ ॥ 05 ॥

anyāyōpārjitaṃ dravyaṃ daśa varṣāṇi tiṣṭhati ।
prāptē chaikādaśē varṣē samūlaṃ tadvinaśyati ॥ 06 ॥

ayuktaṃ svāminō yuktaṃ yuktaṃ nīchasya dūṣaṇam ।
amṛtaṃ rāhavē mṛtyurviṣaṃ śaṅkarabhūṣaṇam ॥ 07 ॥

tadbhōjanaṃ yaddvijabhuktaśēṣaṃ
tatsauhṛdaṃ yatkriyatē parasmin ।
sā prājñatā yā na karōti pāpaṃ
dambhaṃ vinā yaḥ kriyatē sa dharmaḥ ॥ 08 ॥

maṇirluṇṭhati pādāgrē kāchaḥ śirasi dhāryatē ।
krayavikrayavēlāyāṃ kāchaḥ kāchō maṇirmaṇiḥ ॥ 09 ॥

anantaśāstraṃ bahulāścha vidyāḥ
svalpaścha kālō bahuvighnatā cha ।
yatsārabhūtaṃ tadupāsanīyāṃ
haṃsō yathā kṣīramivāmbumadhyāt ॥ 10 ॥

dūrāgataṃ pathi śrāntaṃ vṛthā cha gṛhamāgatam ।
anarchayitvā yō bhuṅktē sa vai chāṇḍāla uchyatē ॥ 11 ॥

paṭhanti chaturō vēdāndharmaśāstrāṇyanēkaśaḥ ।
ātmānaṃ naiva jānanti darvī pākarasaṃ yathā ॥ 12 ॥

dhanyā dvijamayī naukā viparītā bhavārṇavē ।
tarantyadhōgatāḥ sarvē upariṣṭhāḥ patantyadhaḥ ॥ 13 ॥

ayamamṛtanidhānaṃ nāyakō’pyōṣadhīnām
amṛtamayaśarīraḥ kāntiyuktō’pi chandraḥ ।
bhavativigataraśmirmaṇḍalaṃ prāpya bhānōḥ
parasadananiviṣṭaḥ kō laghutvaṃ na yāti ॥ 14 ॥

alirayaṃ nalinīdalamadhyagaḥ
kamalinīmakarandamadālasaḥ ।
vidhivaśātparadēśamupāgataḥ
kuṭajapuṣparasaṃ bahu manyatē ॥ 15 ॥

pītaḥ kruddhēna tātaścharaṇatalahatō vallabhō yēna rōṣā
dābālyādvipravaryaiḥ svavadanavivarē dhāryatē vairiṇī mē ।
gēhaṃ mē Chēdayanti pratidivasamumākāntapūjānimittaṃ
tasmātkhinnā sadāhaṃ dvijakulanilayaṃ nātha yuktaṃ tyajāmi ॥ 16 ॥

bandhanāni khalu santi bahūni
prēmarajjukṛtabandhanamanyat ।
dārubhēdanipuṇō’pi ṣaḍaṅghri-
rniṣkriyō bhavati paṅkajakōśēḥ ॥ 17 ॥

Chinnō’pi chandana tarurna jahāti gandhaṃ
vṛddhō’pi vāraṇapati-rnajahāti līlām ।
hantrārpitō madhuratāṃ na jahāti chēkṣuḥ
kṣīṇō’pi na tyajati śilaguṇān kulīnaḥ ॥ 18 ॥