শ্রীমদ্ভগবদ্গীতা মূলম্ – ষষ্ঠোঽধ্য়ায়ঃ

ওং শ্রী পরমাত্মনে নমঃ
অথ ষষ্ঠোঽধ্য়ায়ঃ ।
আত্মসংযময়োগঃ

শ্রীভগবানুবাচ
অনাশ্রিতঃ কর্মফলং কার্য়ং কর্ম করোতি যঃ ।
স সংন্য়াসী চ যোগী চ ন নিরগ্নির্ন চাক্রিয়ঃ ॥ 1 ॥

যং সংন্য়াসমিতি প্রাহুর্য়োগং তং বিদ্ধি পাংডব ।
ন হ্যসংন্যস্তসংকল্পো যোগী ভবতি কশ্চন ॥ 2 ॥

আরুরুক্ষোর্মুনের্য়োগং কর্ম কারণমুচ্যতে ।
যোগারূঢস্য় তস্য়ৈব শমঃ কারণমুচ্যতে ॥ 3 ॥

যদা হি নেংদ্রিয়ার্থেষু ন কর্মস্বনুষজ্জতে ।
সর্বসংকল্পসংন্য়াসী যোগারূঢস্তদোচ্যতে ॥ 4 ॥

উদ্ধরেদাত্মনাত্মানং নাত্মানমবসাদয়েত্ ।
আত্মৈব হ্য়াত্মনো বংধুরাত্মৈব রিপুরাত্মনঃ ॥ 5 ॥

বংধুরাত্মাত্মনস্তস্য় যেনাত্মৈবাত্মনা জিতঃ ।
অনাত্মনস্তু শত্রুত্বে বর্তেতাত্মৈব শত্রুবত্ ॥ 6 ॥

জিতাত্মনঃ প্রশাংতস্য় পরমাত্মা সমাহিতঃ ।
শীতোষ্ণসুখদুঃখেষু তথা মানাপমানয়োঃ ॥ 7 ॥

জ্ঞানবিজ্ঞানতৃপ্তাত্মা কূটস্থো বিজিতেংদ্রিয়ঃ ।
যুক্ত ইত্য়ুচ্যতে যোগী সমলোষ্টাশ্মকাংচনঃ ॥ 8 ॥

সুহৃন্মিত্রার্য়ুদাসীনমধ্যস্থদ্বেষ্যবংধুষু ।
সাধুষ্বপি চ পাপেষু সমবুদ্ধির্বিশিষ্যতে ॥ 9 ॥

যোগী যুংজীত সততমাত্মানং রহসি স্থিতঃ ।
একাকী যতচিত্তাত্মা নিরাশীরপরিগ্রহঃ ॥ 10 ॥

শুচৌ দেশে প্রতিষ্ঠাপ্য় স্থিরমাসনমাত্মনঃ ।
নাত্য়ুচ্ছ্রিতং নাতিনীচং চৈলাজিনকুশোত্তরম্ ॥ 11 ॥

তত্রৈকাগ্রং মনঃ কৃত্বা যতচিত্তেংদ্রিযক্রিয়াঃ ।
উপবিশ্য়াসনে যুংজ্য়াদ্য়োগমাত্মবিশুদ্ধয়ে ॥ 12 ॥

সমং কাযশিরোগ্রীবং ধারযন্নচলং স্থিরঃ ।
সংপ্রেক্ষ্য় নাসিকাগ্রং স্বং দিশশ্চানবলোকযন্ ॥ 13 ॥

প্রশাংতাত্মা বিগতভীর্ব্রহ্মচারিব্রতে স্থিতঃ ।
মনঃ সংযম্য় মচ্চিত্তো যুক্ত আসীত মত্পরঃ ॥ 14 ॥

যুংজন্নেবং সদাত্মানং যোগী নিযতমানসঃ ।
শাংতিং নির্বাণপরমাং মত্সংস্থামধিগচ্ছতি ॥ 15 ॥

নাত্যশ্নতস্তু যোগোঽস্তি ন চৈকাংতমনশ্নতঃ ।
ন চাতিস্বপ্নশীলস্য় জাগ্রতো নৈব চার্জুন ॥ 16 ॥

যুক্তাহারবিহারস্য় যুক্তচেষ্টস্য় কর্মসু ।
যুক্তস্বপ্নাববোধস্য় যোগো ভবতি দুঃখহা ॥ 17 ॥

যদা বিনিযতং চিত্তমাত্মন্য়েবাবতিষ্ঠতে ।
নিঃস্পৃহঃ সর্বকামেভ্য়ো যুক্ত ইত্য়ুচ্যতে তদা ॥ 18 ॥

যথা দীপো নিবাতস্থো নেংগতে সোপমা স্মৃতা ।
যোগিনো যতচিত্তস্য় যুংজতো যোগমাত্মনঃ ॥ 19 ॥

যত্রোপরমতে চিত্তং নিরুদ্ধং যোগসেবয়া ।
যত্র চৈবাত্মনাত্মানং পশ্যন্নাত্মনি তুষ্যতি ॥ 20 ॥

সুখমাত্য়ংতিকং যত্তদ্বুদ্ধিগ্রাহ্যমতীংদ্রিযম্ ।
বেত্তি যত্র ন চৈবায়ং স্থিতশ্চলতি তত্ত্বতঃ ॥ 21 ॥

যং লব্ধ্বা চাপরং লাভং মন্যতে নাধিকং ততঃ ।
যস্মিন্স্থিতো ন দুঃখেন গুরুণাপি বিচাল্যতে ॥ 22 ॥

তং বিদ্য়াদ্দুঃখসংয়োগবিয়োগং যোগসংজ্ঞিতম্ ।
স নিশ্চয়েন যোক্তব্য়ো যোগোঽনির্বিণ্ণচেতসা ॥ 23 ॥

সংকল্পপ্রভবান্কামাংস্ত্যক্ত্বা সর্বানশেষতঃ ।
মনসৈবেংদ্রিযগ্রামং বিনিযম্য় সমংততঃ ॥ 24 ॥

শনৈঃ শনৈরুপরমেদ্বুদ্ধ্য়া ধৃতিগৃহীতয়া ।
আত্মসংস্থং মনঃ কৃত্বা ন কিংচিদপি চিংতয়েত্ ॥ 25 ॥

যতো যতো নিশ্চরতি মনশ্চংচলমস্থিরম্ ।
ততস্ততো নিযম্য়ৈতদাত্মন্য়েব বশং নয়েত্ ॥ 26 ॥

প্রশাংতমনসং হ্য়েনং যোগিনং সুখমুত্তমম্ ।
উপৈতি শাংতরজসং ব্রহ্মভূতমকল্মষম্ ॥ 27 ॥

যুংজন্নেবং সদাত্মানং যোগী বিগতকল্মষঃ ।
সুখেন ব্রহ্মসংস্পর্শমত্য়ংতং সুখমশ্নুতে ॥ 28 ॥

সর্বভূতস্থমাত্মানং সর্বভূতানি চাত্মনি ।
ঈক্ষতে যোগয়ুক্তাত্মা সর্বত্র সমদর্শনঃ ॥ 29 ॥

যো মাং পশ্যতি সর্বত্র সর্বং চ ময়ি পশ্যতি ।
তস্য়াহং ন প্রণশ্য়ামি স চ মে ন প্রণশ্যতি ॥ 30 ॥

সর্বভূতস্থিতং যো মাং ভজত্য়েকত্বমাস্থিতঃ ।
সর্বথা বর্তমানোঽপি স যোগী ময়ি বর্ততে ॥ 31 ॥

আত্মৌপম্য়েন সর্বত্র সমং পশ্যতি যোঽর্জুন ।
সুখং বা যদি বা দুঃখং স যোগী পরমো মতঃ ॥ 32 ॥

অর্জুন উবাচ
যোঽয়ং যোগস্ত্বয়া প্রোক্তঃ সাম্য়েন মধুসূদন ।
এতস্য়াহং ন পশ্য়ামি চংচলত্বাত্স্থিতিং স্থিরাম্ ॥ 33 ॥

চংচলং হি মনঃ কৃষ্ণ প্রমাথি বলবদ্দৃঢম্ ।
তস্য়াহং নিগ্রহং মন্য়ে বায়োরিব সুদুষ্করম্ ॥ 34 ॥

শ্রীভগবানুবাচ
অসংশয়ং মহাবাহো মনো দুর্নিগ্রহং চলম্ ।
অভ্য়াসেন তু কৌংতেয় বৈরাগ্য়েণ চ গৃহ্যতে ॥ 35 ॥

অসংযতাত্মনা যোগো দুষ্প্রাপ ইতি মে মতিঃ ।
বশ্য়াত্মনা তু যততা শক্য়োঽবাপ্তুমুপাযতঃ ॥ 36 ॥

অর্জুন উবাচ
অযতিঃ শ্রদ্ধয়োপেতো যোগাচ্চলিতমানসঃ ।
অপ্রাপ্য় যোগসংসিদ্ধিং কাং গতিং কৃষ্ণ গচ্ছতি ॥ 37 ॥

কচ্চিন্নোভযবিভ্রষ্টশ্ছিন্নাভ্রমিব নশ্যতি ।
অপ্রতিষ্ঠো মহাবাহো বিমূঢো ব্রহ্মণঃ পথি ॥ 38 ॥

এতন্মে সংশয়ং কৃষ্ণ ছেত্তুমর্হস্যশেষতঃ ।
ত্বদন্য়ঃ সংশযস্য়াস্য় ছেত্তা ন হ্য়ুপপদ্যতে ॥ 39 ॥

শ্রীভগবানুবাচ
পার্থ নৈবেহ নামুত্র বিনাশস্তস্য় বিদ্যতে ।
ন হি কল্য়াণকৃত্কশ্চিদ্দুর্গতিং তাত গচ্ছতি ॥ 40 ॥

প্রাপ্য় পুণ্যকৃতাং লোকানুষিত্বা শাশ্বতীঃ সমাঃ ।
শুচীনাং শ্রীমতাং গেহে যোগভ্রষ্টোঽভিজাযতে ॥ 41 ॥

অথবা যোগিনামেব কুলে ভবতি ধীমতাম্ ।
এতদ্ধি দুর্লভতরং লোকে জন্ম যদীদৃশম্ ॥ 42 ॥

তত্র তং বুদ্ধিসংয়োগং লভতে পৌর্বদেহিকম্ ।
যততে চ ততো ভূয়ঃ সংসিদ্ধৌ কুরুনংদন ॥ 43 ॥

পূর্বাভ্য়াসেন তেনৈব হ্রিযতে হ্যবশোঽপি সঃ ।
জিজ্ঞাসুরপি যোগস্য় শব্দব্রহ্মাতিবর্ততে ॥ 44 ॥

প্রযত্নাদ্যতমানস্তু যোগী সংশুদ্ধকিল্বিষঃ ।
অনেকজন্মসংসিদ্ধস্ততো যাতি পরাং গতিম্ ॥ 45 ॥

তপস্বিভ্য়োঽধিকো যোগী জ্ঞানিভ্য়োঽপি মতোঽধিকঃ ।
কর্মিভ্যশ্চাধিকো যোগী তস্মাদ্য়োগী ভবার্জুন ॥ 46 ॥

যোগিনামপি সর্বেষাং মদ্গতেনাংতরাত্মনা ।
শ্রদ্ধাবান্ভজতে যো মাং স মে যুক্ততমো মতঃ ॥ 47 ॥

ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে
শ্রীকৃষ্ণার্জুনসংবাদে আত্মসংযময়োগো নাম ষষ্ঠোঽধ্য়ায়ঃ ॥6 ॥