অষ্টাবক্র গীতা নবমোঽধ্য়ায়ঃ

অষ্টাবক্র উবাচ ॥
কৃতাকৃতে চ দ্বংদ্বানি কদা শাংতানি কস্য় বা ।
এবং জ্ঞাত্বেহ নির্বেদাদ্ ভব ত্য়াগপরোঽব্রতী ॥ 9-1॥

কস্য়াপি তাত ধন্যস্য় লোকচেষ্টাবলোকনাত্ ।
জীবিতেচ্ছা বুভুক্ষা চ বুভুত্সোপশমং গতাঃ ॥ 9-2॥

অনিত্য়ং সর্বমেবেদং তাপত্রিতযদূষিতম্ ।
অসারং নিংদিতং হেযমিতি নিশ্চিত্য় শাম্যতি ॥ 9-3॥

কোঽসৌ কালো বয়ঃ কিং বা যত্র দ্বংদ্বানি নো নৃণাম্ ।
তান্য়ুপেক্ষ্য় যথাপ্রাপ্তবর্তী সিদ্ধিমবাপ্নুয়াত্ ॥ 9-4॥

নানা মতং মহর্ষীণাং সাধূনাং যোগিনাং তথা ।
দৃষ্ট্বা নির্বেদমাপন্নঃ কো ন শাম্যতি মানবঃ ॥ 9-5॥

কৃত্বা মূর্তিপরিজ্ঞানং চৈতন্যস্য় ন কিং গুরুঃ ।
নির্বেদসমতায়ুক্ত্য়া যস্তারযতি সংসৃতেঃ ॥ 9-6॥

পশ্য় ভূতবিকারাংস্ত্বং ভূতমাত্রান্ যথার্থতঃ ।
তত্ক্ষণাদ্ বংধনির্মুক্তঃ স্বরূপস্থো ভবিষ্যসি ॥ 9-7॥

বাসনা এব সংসার ইতি সর্বা বিমুংচ তাঃ ।
তত্ত্য়াগো বাসনাত্য়াগাত্স্থিতিরদ্য় যথা তথা ॥ 9-8॥