শ্রী গুরুগীতা তৃতীয়োধ্য়ায়ঃ

অথ তৃতীয়োঽধ্য়ায়ঃ ॥

অথ কাম্যজপস্থানং কথয়ামি বরাননে ।
সাগরাংতে সরিত্তীরে তীর্থে হরিহরালয়ে ॥ 236 ॥

শক্তিদেবালয়ে গোষ্ঠে সর্বদেবালয়ে শুভে ।
বটস্য় ধাত্র্য়া মূলে বা মঠে বৃংদাবনে তথা ॥ 237 ॥

পবিত্রে নির্মলে দেশে নিত্য়ানুষ্ঠানতোঽপি বা ।
নির্বেদনেন মৌনেন জপমেতত্ সমারভেত্ ॥ 238 ॥

জাপ্য়েন জযমাপ্নোতি জপসিদ্ধিং ফলং তথা ।
হীনং কর্ম ত্যজেত্সর্বং গর্হিতস্থানমেব চ ॥ 239 ॥

শ্মশানে বিল্বমূলে বা বটমূলাংতিকে তথা ।
সিদ্ধ্য়ংতি কানকে মূলে চূতবৃক্ষস্য় সন্নিধৌ ॥ 240 ॥

পীতাসনং মোহনে তু হ্যসিতং চাভিচারিকে ।
জ্ঞেয়ং শুক্লং চ শাংত্যর্থং বশ্য়ে রক্তং প্রকীর্তিতম্ ॥ 241 ॥

জপং হীনাসনং কুর্বন্ হীনকর্মফলপ্রদম্ ।
গুরুগীতাং প্রয়াণে বা সংগ্রামে রিপুসংকটে ॥ 242 ॥

জপন্ জযমবাপ্নোতি মরণে মুক্তিদায়িকা ।
সর্বকর্মাণি সিদ্ধ্য়ংতি গুরুপুত্রে ন সংশয়ঃ ॥ 243 ॥

গুরুমংত্রো মুখে যস্য় তস্য় সিদ্ধ্য়ংতি নাঽন্যথা ।
দীক্ষয়া সর্বকর্মাণি সিদ্ধ্য়ংতি গুরুপুত্রকে ॥ 244 ॥

ভবমূলবিনাশায় চাষ্টপাশনিবৃত্তয়ে ।
গুরুগীতাংভসি স্নানং তত্ত্বজ্ঞঃ কুরুতে সদা ॥ 245 ॥

স এবং সদ্গুরুঃ সাক্ষাত্ সদসদ্ব্রহ্মবিত্তমঃ ।
তস্য় স্থানানি সর্বাণি পবিত্রাণি ন সংশয়ঃ ॥ 246 ॥

সর্বশুদ্ধঃ পবিত্রোঽসৌ স্বভাবাদ্যত্র তিষ্ঠতি ।
তত্র দেবগণাঃ সর্বে ক্ষেত্রপীঠে চরংতি চ ॥ 247 ॥

আসনস্থাঃ শয়ানা বা গচ্ছংতস্তিষ্ঠতোঽপি বা ।
অশ্বারূঢা গজারূঢাঃ সুষুপ্তা জাগ্রতোঽপি বা ॥ 248 ॥

শুচির্ভূতা জ্ঞানবংতো গুরুগীতাং জপংতি যে ।
তেষাং দর্শনসংস্পর্শাত্ দিব্যজ্ঞানং প্রজাযতে ॥ 249 ॥

সমুদ্রে বৈ যথা তোয়ং ক্ষীরে ক্ষীরং জলে জলম্ ।
ভিন্নে কুংভে যথাঽঽকাশং তথাঽঽত্মা পরমাত্মনি ॥ 250 ॥

তথৈব জ্ঞানবান্ জীবঃ পরমাত্মনি সর্বদা ।
ঐক্য়েন রমতে জ্ঞানী যত্র কুত্র দিবানিশম্ ॥ 251 ॥

এবংবিধো মহায়ুক্তঃ সর্বত্র বর্ততে সদা ।
তস্মাত্সর্বপ্রকারেণ গুরুভক্তিং সমাচরেত্ ॥ 252 ॥

গুরুসংতোষণাদেব মুক্তো ভবতি পার্বতি ।
অণিমাদিষু ভোক্তৃত্বং কৃপয়া দেবি জাযতে ॥ 253 ॥

সাম্য়েন রমতে জ্ঞানী দিবা বা যদি বা নিশি ।
এবংবিধো মহামৌনী ত্রৈলোক্যসমতাং ব্রজেত্ ॥ 254 ॥

অথ সংসারিণঃ সর্বে গুরুগীতা জপেন তু ।
সর্বান্ কামাংস্তু ভুংজংতি ত্রিসত্য়ং মম ভাষিতম্ ॥ 255 ॥

সত্য়ং সত্য়ং পুনঃ সত্য়ং ধর্মসারং ময়োদিতম্ ।
গুরুগীতাসমং স্তোত্রং নাস্তি তত্ত্বং গুরোঃ পরম্ ॥ 256 ॥

গুরুর্দেবো গুরুর্ধর্মো গুরৌ নিষ্ঠা পরং তপঃ ।
গুরোঃ পরতরং নাস্তি ত্রিবারং কথয়ামি তে ॥ 257 ॥

ধন্য়া মাতা পিতা ধন্য়ো গোত্রং ধন্য়ং কুলোদ্ভবঃ ।
ধন্য়া চ বসুধা দেবি যত্র স্য়াদ্গুরুভক্ততা ॥ 258 ॥

আকল্পজন্ম কোটীনাং যজ্ঞব্রততপঃ ক্রিয়াঃ ।
তাঃ সর্বাঃ সফলা দেবি গুরূসংতোষমাত্রতঃ ॥ 259 ॥

শরীরমিংদ্রিয়ং প্রাণমর্থং স্বজনবংধুতা ।
মাতৃকুলং পিতৃকুলং গুরুরেব ন সংশয়ঃ ॥ 260 ॥

মংদভাগ্য়া হ্যশক্তাশ্চ যে জনা নানুমন্বতে ।
গুরুসেবাসু বিমুখাঃ পচ্য়ংতে নরকেঽশুচৌ ॥ 261 ॥

বিদ্য়া ধনং বলং চৈব তেষাং ভাগ্য়ং নিরর্থকম্ ।
যেষাং গুরূকৃপা নাস্তি অধো গচ্ছংতি পার্বতি ॥ 262 ॥

ব্রহ্মা বিষ্ণুশ্চ রুদ্রশ্চ দেবাশ্চ পিতৃকিন্নরাঃ ।
সিদ্ধচারণযক্ষাশ্চ অন্য়ে চ মুনয়ো জনাঃ ॥ 263 ॥

গুরুভাবঃ পরং তীর্থমন্যতীর্থং নিরর্থকম্ ।
সর্বতীর্থময়ং দেবি শ্রীগুরোশ্চরণাংবুজম্ ॥ 264 ॥

কন্য়াভোগরতা মংদাঃ স্বকাংতায়াঃ পরাঙ্মুখাঃ ।
অতঃ পরং ময়া দেবি কথিতং ন মম প্রিয়ে ॥ 265 ॥

ইদং রহস্যমস্পষ্টং বক্তব্য়ং চ বরাননে ।
সুগোপ্য়ং চ তবাগ্রে তু মমাত্মপ্রীতয়ে সতি ॥ 266 ॥

স্বামিমুখ্যগণেশাদ্য়ান্ বৈষ্ণবাদীংশ্চ পার্বতি ।
ন বক্তব্য়ং মহামায়ে পাদস্পর্শং কুরুষ্ব মে ॥ 267 ॥

অভক্তে বংচকে ধূর্তে পাষংডে নাস্তিকাদিষু ।
মনসাঽপি ন বক্তব্য়া গুরুগীতা কদাচন ॥ 268 ॥

গুরবো বহবঃ সংতি শিষ্যবিত্তাপহারকাঃ ।
তমেকং দুর্লভং মন্য়ে শিষ্যহৃত্তাপহারকম্ ॥ 269 ॥

চাতুর্যবান্ বিবেকী চ অধ্য়াত্মজ্ঞানবান্ শুচিঃ ।
মানসং নির্মলং যস্য় গুরুত্বং তস্য় শোভতে ॥ 270 ॥

গুরবো নির্মলাঃ শাংতাঃ সাধবো মিতভাষিণঃ ।
কামক্রোধবিনির্মুক্তাঃ সদাচারাঃ জিতেংদ্রিয়াঃ ॥ 271 ॥

সূচকাদিপ্রভেদেন গুরবো বহুধা স্মৃতাঃ ।
স্বয়ং সম্যক্ পরীক্ষ্য়াথ তত্ত্বনিষ্ঠং ভজেত্সুধীঃ ॥ 272 ॥

বর্ণজালমিদং তদ্বদ্বাহ্যশাস্ত্রং তু লৌকিকম্ ।
যস্মিন্ দেবি সমভ্যস্তং স গুরুঃ সুচকঃ স্মৃতঃ ॥ 273 ॥

বর্ণাশ্রমোচিতাং বিদ্য়াং ধর্মাধর্মবিধায়িনীম্ ।
প্রবক্তারং গুরুং বিদ্ধি বাচকং ত্বিতি পার্বতি ॥ 274 ॥

পংচাক্ষর্য়াদিমংত্রাণামুপদেষ্টা তু পার্বতি ।
স গুরুর্বোধকো ভূয়াদুভয়োরযমুত্তমঃ ॥ 275 ॥

মোহমারণবশ্য়াদিতুচ্ছমংত্রোপদেশিনম্ ।
নিষিদ্ধগুরুরিত্য়াহুঃ পংডিতাস্তত্ত্বদর্শিনঃ ॥ 276 ॥

অনিত্যমিতি নির্দিশ্য় সংসারং সংকটালযম্ ।
বৈরাগ্যপথদর্শী যঃ স গুরুর্বিহিতঃ প্রিয়ে ॥ 277 ॥

তত্ত্বমস্য়াদিবাক্য়ানামুপদেষ্টা তু পার্বতি ।
কারণাখ্য়ো গুরুঃ প্রোক্তো ভবরোগনিবারকঃ ॥ 278 ॥

সর্বসংদেহসংদোহনির্মূলনবিচক্ষণঃ ।
জন্মমৃত্য়ুভযঘ্নো যঃ স গুরুঃ পরমো মতঃ ॥ 279 ॥

বহুজন্মকৃতাত্ পুণ্য়াল্লভ্যতেঽসৌ মহাগুরুঃ ।
লব্ধ্বাঽমুং ন পুনর্য়াতি শিষ্য়ঃ সংসারবংধনম্ ॥ 280 ॥

এবং বহুবিধা লোকে গুরবঃ সংতি পার্বতি ।
তেষু সর্বপ্রযত্নেন সেব্য়ো হি পরমো গুরুঃ ॥ 281 ॥

নিষিদ্ধগুরুশিষ্যস্তু দুষ্টসংকল্পদূষিতঃ ।
ব্রহ্মপ্রলযপর্য়ংতং ন পুনর্য়াতি মর্ত্যতাম্ ॥ 282 ॥

এবং শ্রুত্বা মহাদেবী মহাদেববচস্তথা ।
অত্য়ংতবিহ্বলমনাঃ শংকরং পরিপৃচ্ছতি ॥ 283 ॥

পার্বত্য়ুবাচ ।
নমস্তে দেবদেবাত্র শ্রোতব্য়ং কিংচিদস্তি মে ।
শ্রুত্বা ত্বদ্বাক্যমধুনা ভৃশং স্য়াদ্বিহ্বলং মনঃ ॥ 284 ॥

স্বয়ং মূঢা মৃত্য়ুভীতাঃ সুকৃতাদ্বিরতিং গতাঃ ।
দৈবান্নিষিদ্ধগুরুগা যদি তেষাং তু কা গতিঃ ॥ 285 ॥

শ্রী মহাদেব উবাচ ।
শৃণু তত্ত্বমিদং দেবি যদা স্য়াদ্বিরতো নরঃ ।
তদাঽসাবধিকারীতি প্রোচ্যতে শ্রুতিমস্তকৈঃ ॥ 286 ॥

অখংডৈকরসং ব্রহ্ম নিত্যমুক্তং নিরামযম্ ।
স্বস্মিন্ সংদর্শিতং যেন স ভবেদস্য়ং দেশিকঃ ॥ 287 ॥

জলানাং সাগরো রাজা যথা ভবতি পার্বতি ।
গুরূণাং তত্র সর্বেষাং রাজাঽয়ং পরমো গুরুঃ ॥ 288 ॥

মোহাদিরহিতঃ শাংতো নিত্যতৃপ্তো নিরাশ্রয়ঃ ।
তৃণীকৃতব্রহ্মবিষ্ণুবৈভবঃ পরমো গুরুঃ ॥ 289 ॥

সর্বকালবিদেশেষু স্বতংত্রো নিশ্চলস্সুখী ।
অখংডৈকরসাস্বাদতৃপ্তো হি পরমো গুরুঃ ॥ 290 ॥

দ্বৈতাদ্বৈতবিনির্মুক্তঃ স্বানুভূতিপ্রকাশবান্ ।
অজ্ঞানাংধতমশ্ছেত্তা সর্বজ্ঞঃ পরমো গুরুঃ ॥ 291 ॥

যস্য় দর্শনমাত্রেণ মনসঃ স্য়াত্ প্রসন্নতা ।
স্বয়ং ভূয়াত্ ধৃতিশ্শাংতিঃ স ভবেত্ পরমো গুরুঃ ॥ 292 ॥

সিদ্ধিজালং সমালোক্য় যোগিনাং মংত্রবাদিনাম্ ।
তুচ্ছাকারমনোবৃত্তিঃ যস্য়াসৌ পরমো গুরুঃ ॥ 293 ॥

স্বশরীরং শবং পশ্যন্ তথা স্বাত্মানমদ্বযম্ ।
যঃ স্ত্রীকনকমোহঘ্নঃ স ভবেত্ পরমো গুরুঃ ॥ 294 ॥

মৌনী বাগ্মীতি তত্ত্বজ্ঞো দ্বিধাঽভূচ্ছৃণু পার্বতি ।
ন কশ্চিন্মৌনিনাং লোভো লোকেঽস্মিন্ভবতি প্রিয়ে ॥ 295 ॥

বাগ্মী তূত্কটসংসারসাগরোত্তারণক্ষমঃ ।
যতোঽসৌ সংশযচ্ছেত্তা শাস্ত্রয়ুক্ত্যনুভূতিভিঃ ॥ 296 ॥

গুরুনামজপাদ্দেবি বহুজন্মার্জিতান্যপি ।
পাপানি বিলয়ং যাংতি নাস্তি সংদেহমণ্বপি ॥ 297 ॥

শ্রীগুরোস্সদৃশং দৈবং শ্রীগুরোসদৃশঃ পিতা ।
গুরুধ্য়ানসমং কর্ম নাস্তি নাস্তি মহীতলে ॥ 298 ॥

কুলং ধনং বলং শাস্ত্রং বাংধবাস্সোদরা ইমে ।
মরণে নোপয়ুজ্য়ংতে গুরুরেকো হি তারকঃ ॥ 299 ॥

কুলমেব পবিত্রং স্য়াত্ সত্য়ং স্বগুরুসেবয়া ।
তৃপ্তাঃ স্য়ুস্সকলা দেবা ব্রহ্মাদ্য়া গুরুতর্পণাত্ ॥ 300 ॥

গুরুরেকো হি জানাতি স্বরূপং দেবমব্যযম্ ।
তদ্​জ্ঞানং যত্প্রসাদেন নান্যথা শাস্ত্রকোটিভিঃ ॥ 301 ॥

স্বরূপজ্ঞানশূন্য়েন কৃতমপ্যকৃতং ভবেত্ ।
তপোজপাদিকং দেবি সকলং বালজল্পবত্ ॥ 302 ॥

শিবং কেচিদ্ধরিং কেচিদ্বিধিং কেচিত্তু কেচন ।
শক্তিং দৈবমিতি জ্ঞাত্বা বিবদংতি বৃথা নরাঃ ॥ 303 ॥

ন জানংতি পরং তত্ত্বং গুরুদীক্ষাপরাঙ্মুখাঃ ।
ভ্রাংতাঃ পশুসমা হ্য়েতে স্বপরিজ্ঞানবর্জিতাঃ ॥ 304 ॥

তস্মাত্কৈবল্যসিদ্ধ্যর্থং গুরুমেব ভজেত্প্রিয়ে ।
গুরুং বিনা ন জানংতি মূঢাস্তত্পরমং পদম্ ॥ 305 ॥

ভিদ্যতে হৃদযগ্রংথিশ্ছিদ্য়ংতে সর্বসংশয়াঃ ।
ক্ষীয়ংতে সর্বকর্মাণি গুরোঃ করুণয়া শিবে ॥ 306 ॥

কৃতায়া গুরুভক্তেস্তু বেদশাস্ত্রানুসারতঃ ।
মুচ্যতে পাতকাদ্ঘোরাত্ গুরুভক্তো বিশেষতঃ ॥ 307 ॥

দুস্সংগং চ পরিত্যজ্য় পাপকর্ম পরিত্যজেত্ ।
চিত্তচিহ্নমিদং যস্য় তস্য় দীক্ষা বিধীযতে ॥ 308 ॥

চিত্তত্য়াগনিয়ুক্তশ্চ ক্রোধগর্ববিবর্জিতঃ ।
দ্বৈতভাবপরিত্য়াগী তস্য় দীক্ষা বিধীযতে ॥ 309 ॥

এতল্লক্ষণয়ুক্তত্বং সর্বভূতহিতে রতম্ ।
নির্মলং জীবিতং যস্য় তস্য় দীক্ষা বিধীযতে ॥ 310 ॥

ক্রিযয়া চান্বিতং পূর্বং দীক্ষাজালং নিরূপিতম্ ।
মংত্রদীক্ষাভিধং সাংগোপাংগং সর্বং শিবোদিতম্ ॥ 311 ॥

ক্রিযয়া স্য়াদ্বিরহিতাং গুরুসায়ুজ্যদায়িনীম্ ।
গুরুদীক্ষাং বিনা কো বা গুরুত্বাচারপালকঃ ॥ 312 ॥

শক্তো ন চাপি শক্তো বা দৈশিকাংঘ্রি সমাশ্রয়েত্ ।
তস্য় জন্মাস্তি সফলং ভোগমোক্ষফলপ্রদম্ ॥ 313 ॥

অত্য়ংতচিত্তপক্বস্য় শ্রদ্ধাভক্তিয়ুতস্য় চ ।
প্রবক্তব্যমিদং দেবি মমাত্মপ্রীতয়ে সদা ॥ 314 ॥

রহস্য়ং সর্বশাস্ত্রেষু গীতাশাস্ত্রমিদং শিবে ।
সম্যক্পরীক্ষ্য় বক্তব্য়ং সাধকস্য় মহাত্মনঃ ॥ 315 ॥

সত্কর্মপরিপাকাচ্চ চিত্তশুদ্ধিশ্চ ধীমতঃ ।
সাধকস্য়ৈব বক্তব্য়া গুরুগীতা প্রযত্নতঃ ॥ 316 ॥

নাস্তিকায় কৃতঘ্নায় দাংভিকায় শঠায় চ ।
অভক্তায় বিভক্তায় ন বাচ্য়েয়ং কদাচন ॥ 317 ॥

স্ত্রীলোলুপায় মূর্খায় কামোপহতচেতসে ।
নিংদকায় ন বক্তব্য়া গুরুগীতা স্বভাবতঃ ॥ 318 ॥

সর্বপাপপ্রশমনং সর্বোপদ্রববারকম্ ।
জন্মমৃত্য়ুহরং দেবি গীতাশাস্ত্রমিদং শিবে ॥ 319 ॥

শ্রুতিসারমিদং দেবি সর্বমুক্তং সমাসতঃ ।
নান্যথা সদ্গতিঃ পুংসাং বিনা গুরুপদং শিবে ॥ 320 ॥

বহুজন্মকৃতাত্পাপাদযমর্থো ন রোচতে ।
জন্মবংধনিবৃত্ত্যর্থং গুরুমেব ভজেত্সদা ॥ 321 ॥

অহমেব জগত্সর্বমহমেব পরং পদম্ ।
এতদ্​জ্ঞানং যতো ভূয়াত্তং গুরুং প্রণমাম্যহম্ ॥ 322 ॥

অলং বিকল্পৈরহমেব কেবলং
ময়ি স্থিতং বিশ্বমিদং চরাচরম্ ।
ইদং রহস্য়ং মম যেন দর্শিতং
স বংদনীয়ো গুরুরেব কেবলম্ ॥ 323 ॥

যস্য়াংতং নাদিমধ্য়ং ন হি করচরণং নামগোত্রং ন সূত্রম্ ।
নো জাতির্নৈব বর্ণো ন ভবতি পুরুষো নো নপুংসো ন চ স্ত্রী ॥ 324 ॥

নাকারং নো বিকারং ন হি জনিমরণং নাস্তি পুণ্য়ং ন পাপম্ ।
নোঽতত্ত্বং তত্ত্বমেকং সহজসমরসং সদ্গুরুং তং নমামি ॥ 325 ॥

নিত্য়ায় সত্য়ায় চিদাত্মকায়
নব্য়ায় ভব্য়ায় পরাত্পরায় ।
শুদ্ধায় বুদ্ধায় নিরংজনায়
নমোঽস্তু নিত্য়ং গুরুশেখরায় ॥ 326 ॥

সচ্চিদানংদরূপায় ব্য়াপিনে পরমাত্মনে ।
নমঃ শ্রীগুরুনাথায় প্রকাশানংদমূর্তয়ে ॥ 327 ॥

সত্য়ানংদস্বরূপায় বোধৈকসুখকারিণে ।
নমো বেদাংতবেদ্য়ায় গুরবে বুদ্ধিসাক্ষিণে ॥ 328 ॥

নমস্তে নাথ ভগবন্ শিবায় গুরুরূপিণে ।
বিদ্য়াবতারসংসিদ্ধ্য়ৈ স্বীকৃতানেকবিগ্রহ ॥ 329 ॥

নবায় নবরূপায় পরমার্থৈকরূপিণে ।
সর্বাজ্ঞানতমোভেদভানবে চিদ্ঘনায় তে ॥ 330 ॥

স্বতংত্রায় দয়াক্লুপ্তবিগ্রহায় শিবাত্মনে ।
পরতংত্রায় ভক্তানাং ভব্য়ানাং ভব্যরূপিণে ॥ 331 ॥

বিবেকিনাং বিবেকায় বিমর্শায় বিমর্শিনাম্ ।
প্রকাশিনাং প্রকাশায় জ্ঞানিনাং জ্ঞানরূপিণে ॥ 332 ॥

পুরস্তাত্পার্শ্বয়োঃ পৃষ্ঠে নমস্কুর্য়াদুপর্যধঃ ।
সদা মচ্চিত্তরূপেণ বিধেহি ভবদাসনম্ ॥ 333 ॥

শ্রীগুরুং পরমানংদং বংদে হ্য়ানংদবিগ্রহম্ ।
যস্য় সন্নিধিমাত্রেণ চিদানংদায় তে মনঃ ॥ 334 ॥

নমোঽস্তু গুরবে তুভ্য়ং সহজানংদরূপিণে ।
যস্য় বাগমৃতং হংতি বিষং সংসারসংজ্ঞকম্ ॥ 335 ॥

নানায়ুক্তোপদেশেন তারিতা শিষ্যসংততিঃ ।
তত্কৃপাসারবেদেন গুরুচিত্পদমচ্য়ুতম্ ॥ 336 ॥

[পাঠভেদঃ –
অচ্য়ুতায় নমস্তুভ্য়ং গুরবে পরমাত্মনে ।
স্বারামোক্তপদেচ্ছূনাং দত্তং যেনাচ্য়ুতং পদম্ ॥
]
অচ্য়ুতায় নমস্তুভ্য়ং গুরবে পরমাত্মনে ।
সর্বতংত্রস্বতংত্রায় চিদ্ঘনানংদমূর্তয়ে ॥ 337 ॥

নমোঽচ্য়ুতায় গুরবেঽজ্ঞানধ্বাংতৈকভানবে ।
শিষ্যসন্মার্গপটবে কৃপাপীয়ূষসিংধবে ॥ 338 ॥

ওমচ্য়ুতায় গুরবে শিষ্যসংসারসেতবে ।
ভক্তকার্য়ৈকসিংহায় নমস্তে চিত্সুখাত্মনে ॥ 339 ॥

গুরুনামসমং দৈবং ন পিতা ন চ বাংধবাঃ ।
গুরুনামসমঃ স্বামী নেদৃশং পরমং পদম্ ॥ 340 ॥

একাক্ষরপ্রদাতারং যো গুরুং নৈব মন্যতে ।
শ্বানয়োনিশতং গত্বা চাংডালেষ্বপি জাযতে ॥ 341 ॥

গুরুত্য়াগাদ্ভবেন্মৃত্য়ুঃ মংত্রত্য়াগাদ্দরিদ্রতা ।
গুরুমংত্রপরিত্য়াগী রৌরবং নরকং ব্রজেত্ ॥ 342 ॥

শিবক্রোধাদ্গুরুস্ত্রাতা গুরুক্রোধাচ্ছিবো ন হি ।
তস্মাত্সর্বপ্রযত্নেন গুরোরাজ্ঞাং ন লংঘয়েত্ ॥ 343 ॥

সংসারসাগরসমুদ্ধরণৈকমংত্রং
ব্রহ্মাদিদেবমুনিপূজিতসিদ্ধমংত্রম্ ।
দারিদ্র্যদুঃখভবরোগবিনাশমংত্রং
বংদে মহাভযহরং গুরুরাজমংত্রম্ ॥ 344 ॥

সপ্তকোটিমহামংত্রাশ্চিত্তবিভ্রমকারকাঃ ।
এক এব মহামংত্রো গুরুরিত্যক্ষরদ্বযম্ ॥ 345 ॥

এবমুক্ত্বা মহাদেবঃ পার্বতীং পুনরব্রবীত্ ।
ইদমেব পরং তত্ত্বং শৃণু দেবি সুখাবহম্ ॥ 346 ॥

গুরুতত্ত্বমিদং দেবি সর্বমুক্তং সমাসতঃ ।
রহস্যমিদমব্যক্তং ন বদেদ্যস্য় কস্যচিত্ ॥ 347 ॥

ন মৃষা স্য়াদিয়ং দেবি মদুক্তিঃ সত্যরূপিণী ।
গুরুগীতাসমং স্তোত্রং নাস্তি নাস্তি মহীতলে ॥ 348 ॥

গুরুগীতামিমাং দেবি ভবদুঃখবিনাশিনীম্ ।
গুরুদীক্ষাবিহীনস্য় পুরতো ন পঠেত্ ক্বচিত্ ॥ 349 ॥

রহস্যমত্য়ংতরহস্যমেতন্ন পাপিনা লভ্যমিদং মহেশ্বরি ।
অনেকজন্মার্জিতপুণ্যপাকাদ্গুরোস্তু তত্ত্বং লভতে মনুষ্য়ঃ ॥ 350 ॥

যস্য় প্রসাদাদহমেব সর্বং
ময়্য়েব সর্বং পরিকল্পিতং চ ।
ইত্থং বিজানামি সদাত্মরূপং
তস্য়াংঘ্রিপদ্মং প্রণতোঽস্মি নিত্যম্ ॥ 351 ॥

অজ্ঞানতিমিরাংধস্য় বিষয়াক্রাংতচেতসঃ ।
জ্ঞানপ্রভাপ্রদানেন প্রসাদং কুরু মে প্রভো ॥ 352 ॥

ইতি শ্রীস্কংদপুরাণে উত্তরখংডে উমামহেশ্বর সংবাদে শ্রী গুরুগীতা সমাপ্ত ॥

মংগলং
মংগলং গুরুদেবায় মহনীযগুণাত্মনে ।
সর্বলোকশরণ্য়ায় সাধুরূপায় মংগলম্ ॥