পাংডবগীতা

প্রহ্লাদনারদপরাশরপুংডরীক-
ব্য়াসাংবরীষশুকশৌনকভীষ্মকাব্য়াঃ ।
রুক্মাংগদার্জুনবসিষ্ঠবিভীষণাদ্য়া
এতানহং পরমভাগবতান্ নমামি ॥ 1॥

লোমহর্ষণ উবাচ ।
ধর্মো বিবর্ধতি যুধিষ্ঠিরকীর্তনেন
পাপং প্রণশ্যতি বৃকোদরকীর্তনেন ।
শত্রুর্বিনশ্যতি ধনংজযকীর্তনেন
মাদ্রীসুতৌ কথযতাং ন ভবংতি রোগাঃ ॥ 2॥

ব্রহ্মোবাচ ।
যে মানবা বিগতরাগপরা¶জ্ঞা
নারাযণং সুরগুরুং সততং স্মরংতি ।
ধ্য়ানেন তেন হতকিল্বিষ চেতনাস্তে
মাতুঃ পয়োধররসং ন পুনঃ পিবংতি ॥ 3॥

ইংদ্র উবাচ ।
নারাযণো নাম নরো নরাণাং
প্রসিদ্ধচৌরঃ কথিতঃ পৃথিব্য়াম্ ।
অনেকজন্মার্জিতপাপসংচয়ং
হরত্যশেষং স্মৃতমাত্র এব যঃ ॥ 4॥

যুধিষ্ঠির উবাচ ।
মেঘশ্য়ামং পীতকৌশেযবাসং
শ্রীবত্সাংকং কৌস্তুভোদ্ভাসিতাংগম্ ।
পুণ্য়োপেতং পুংডরীকাযতাক্ষং
বিষ্ণুং বংদে সর্বলোকৈকনাথম্ ॥ 5॥

ভীম উবাচ ।
জলৌঘমগ্না সচরাঽচরা ধরা
বিষাণকোট্য়াঽখিলবিশ্বমূর্তিনা ।
সমুদ্ধৃতা যেন বরাহরূপিণা
স মে স্বয়ংভূর্ভগবান্ প্রসীদরু ॥ 6॥

অর্জুন উবাচ ।
অচিংত্যমব্যক্তমনংতমব্যয়ং
বিভুং প্রভুং ভাবিতবিশ্বভাবনম্ ।
ত্রৈলোক্যবিস্তারবিচারকারকং
হরিং প্রপন্নোঽস্মি গতিং মহাত্মনাম্ ॥ 7॥

নকুল উবাচ ।
যদি গমনমধস্তাত্ কালপাশানুবংধাদ্
যদি চ কুলবিহীনে জাযতে পক্ষিকীটে ।
কৃমিশতমপি গত্বা ধ্য়াযতে চাংতরাত্মা
মম ভবতু হৃদিস্থা কেশবে ভক্তিরেকা ॥ 8॥

সহদেব উবাচ ।
তস্য় যজ্ঞবরাহস্য় বিষ্ণোরতুলতেজসঃ ।
প্রণামং যে প্রকুর্বংতি তেষামপি নমো নমঃ ॥ 9॥

কুংতী উবাচ ।
স্বকর্মফলনির্দিষ্টাং যাং যাং যোনিং ব্রজাম্যহম্ ।
তস্য়াং তস্য়াং হৃষীকেশ ত্বয়ি ভক্তির্দৃঢাঽস্তু মে ॥ 10॥

মাদ্রী উবাচ ।
কৃষ্ণে রতাঃ কৃষ্ণমনুস্মরংতি
রাত্রৌ চ কৃষ্ণং পুনরুত্থিতা যে ।
তে ভিন্নদেহাঃ প্রবিশংতি কৃষ্ণে
হবির্যথা মংত্রহুতং হুতাশে ॥ 11॥

দ্রৌপদী উবাচ ।
কীটেষু পক্ষিষু মৃগেষু সরীসৃপেষু
রক্ষঃপিশাচমনুজেষ্বপি যত্র যত্র ।
জাতস্য় মে ভবতু কেশব ত্বত্প্রসাদাত্
ত্বয়্য়েব ভক্তিরচলাঽব্যভিচারিণী চ ॥ 12॥

সুভদ্রা উবাচ ।
একোঽপি কৃষ্ণস্য় কৃতঃ প্রণামো
দশাশ্বমেধাবভৃথেন তুল্য়ঃ ।
দশাশ্বমেধী পুনরেতি জন্ম
কৃষ্ণপ্রণামী ন পুনর্ভবায় ॥ 13॥

অভিমন্য়ুরুবাচ ।
গোবিংদ গোবিংদ হরে মুরারে
গোবিংদ গোবিংদ মুকুংদ কৃষ্ণ
গোবিংদ গোবিংদ রথাংগপাণে ।
গোবিংদ গোবিংদ নমামি নিত্যম্ ॥ 14॥

ধৃষ্টদ্য়ুম্ন উবাচ ।
শ্রীরাম নারাযণ বাসুদেব
গোবিংদ বৈকুংঠ মুকুংদ কৃষ্ণ ।
শ্রীকেশবানংত নৃসিংহ বিষ্ণো
মাং ত্রাহি সংসারভুজংগদষ্টম্ ॥ 15॥

সাত্যকিরুবাচ ।
অপ্রমেয় হরে বিষ্ণো কৃষ্ণ দামোদরাঽচ্য়ুত ।
গোবিংদানংত সর্বেশ বাসুদেব নমোঽস্তু তে ॥ 16॥

উদ্ধব উবাচ ।
বাসুদেবং পরিত্যজ্য় যোঽন্য়ং দেবমুপাসতে ।
তৃষিতো জাহ্নবীতীরে কূপং খনতি দুর্মতিঃ ॥ 17॥

ধৌম্য় উবাচ ।
অপাং সমীপে শযনাসনস্থিতে
দিবা চ রাত্রৌ চ যথাধিগচ্ছতা ।
যদ্যস্তি কিংচিত্ সুকৃতং কৃতং ময়া
জনার্দনস্তেন কৃতেন তুষ্যতু ॥ 18॥

সংজয় উবাচ ।
আর্তা বিষণ্ণাঃ শিথিলাশ্চ ভীতা
ঘোরেষু ব্য়াঘ্রাদিষু বর্তমানাঃ ।
সংকীর্ত্য় নারাযণশব্দমাত্রং
বিমুক্তদুঃখাঃ সুখিনো ভবংতি ॥ 19॥

অক্রূর উবাচ ।
অহং তু নারাযণদাসদাস-
দাসস্য় দাসস্য় চ দাসদাসঃ ।
অন্য়ো ন হীশো জগতো নরাণাং
তস্মাদহং ধন্যতরোঽস্মি লোকে ॥ 20॥

বিরাট উবাচ ।
বাসুদেবস্য় যে ভক্তাঃ শাংতাস্তদ্গতচেতসঃ ।
তেষাং দাসস্য় দাসোঽহং ভবেয়ং জন্মজন্মনি ॥ 21॥

ভীষ্ম উবাচ ।
বিপরীতেষু কালেষু পরিক্ষীণেষু বংধুষু ।
ত্রাহি মাং কৃপয়া কৃষ্ণ শরণাগতবত্সল ॥ 22॥

দ্রোণ উবাচ ।
যে যে হতাশ্চক্রধরেণ দৈত্য়াং-
স্ত্রৈলোক্যনাথেন জনার্দনেন ।
তে তে গতা বিষ্ণুপুরীং প্রয়াতাঃ
ক্রোধোঽপি দেবস্য় বরেণ তুল্য়ঃ ॥ 23॥

কৃপাচার্য় উবাচ ।
মজ্জন্মনঃ ফলমিদং মধুকৈটভারে
মত্প্রার্থনীয় মদনুগ্রহ এষ এব ।
ত্বদ্ভৃত্যভৃত্যপরিচারকভৃত্যভৃত্য়-
ভৃত্যস্য় ভৃত্য় ইতি মাং স্মর লোকনাথ ॥ 24॥

অশ্বত্থাম উবাচ ।
গোবিংদ কেশব জনার্দন বাসুদেব
বিশ্বেশ বিশ্ব মধুসূদন বিশ্বরূপ ।
শ্রীপদ্মনাভ পুরুষোত্তম দেহি দাস্য়ং
নারাযণাচ্য়ুত নৃসিংহ নমো নমস্তে ॥ 25॥

কর্ণ উবাচ ।
নান্য়ং বদামি ন শ‍ঋণোমি ন চিংতয়ামি
নান্য়ং স্মরামি ন ভজামি ন চাশ্রয়ামি ।
ভক্ত্য়া ত্বদীযচরণাংবুজমাদরেণ
শ্রীশ্রীনিবাস পুরুষোত্তম দেহি দাস্যম্ ॥ 26॥

ধৃতরাষ্ট্র উবাচ ।
নমো নমঃ কারণবামনায়
নারাযণায়ামিতবিক্রমায় ।
শ্রীশার্ঙ্গচক্রাসিগদাধরায়
নমোঽস্তু তস্মৈ পুরুষোত্তমায় ॥ 27॥

গাংধারী উবাচ ।
ত্বমেব মাতা চ পিতা ত্বমেব
ত্বমেব বংধুশ্চ সখা ত্বমেব ।
ত্বমেব বিদ্য়া দ্রবিণং ত্বমেব
ত্বমেব সর্বং মম দেব দেব ॥ 28॥

দ্রুপদ উবাচ ।
যজ্ঞেশাচ্য়ুত গোবিংদ মাধবানংত কেশব ।
কৃষ্ণ বিষ্ণো হৃষীকেশ বাসুদেব নমোঽস্তু তে ॥ 29॥

জযদ্রথ উবাচ ।
নমঃ কৃষ্ণায় দেবায় ব্রহ্মণেঽনংতশক্তয়ে ।
যোগেশ্বরায় যোগায় ত্বামহং শরণং গতঃ ॥ 30॥

বিকর্ণ উবাচ ।
কৃষ্ণায় বাসুদেবায় দেবকীনংদনায় চ ।
নংদগোপকুমারায় গোবিংদায় নমো নমঃ ॥ 31॥

বিরাট উবাচ ।
নমো ব্রহ্মণ্যদেবায় গোব্রাহ্মণহিতায় চ ।
জগদ্ধিতায় কৃষ্ণায় গোবিংদায় নমো নমঃ ॥ 32॥

শল্য় উবাচ ।
অতসীপুষ্পসংকাশং পীতবাসসমচ্য়ুতম্ ।
যে নমস্য়ংতি গোবিংদং তেষাং ন বিদ্যতে ভযম্ ॥ 33॥

বলভদ্র উবাচ ।
কৃষ্ণ কৃষ্ণ কৃপালো ত্বমগতীনাং গতির্ভব ।
সংসারার্ণবমগ্নানাং প্রসীদ পুরুষোত্তম ॥ 34॥

শ্রীকৃষ্ণ উবাচ ।
কৃষ্ণ কৃষ্ণেতি কৃষ্ণেতি যো মাং স্মরতি নিত্যশঃ ।
জলং ভিত্বা যথা পদ্মং নরকাদুদ্ধরাম্যহম্ ॥ 35॥

শ্রীকৃষ্ণ উবাচ ।
নিত্য়ং বদামি মনুজাঃ স্বযমূর্ধ্ববাহু-
র্য়ো মাং মুকুংদ নরসিংহ জনার্দনেতি ।
জীবো জপত্যনুদিনং মরণে রণে বা
পাষাণকাষ্ঠসদৃশায় দদাম্যভীষ্টম্ ॥ 36॥

ঈশ্বর উবাচ ।
সকৃন্নারাযণেত্য়ুক্ত্বা পুমান্ কল্পশতত্রযম্ ।
গংগাদিসর্বতীর্থেষু স্নাতো ভবতি পুত্রক ॥ 37॥

সূত উবাচ ।
তত্রৈব গংগা যমুনা চ তত্র
গোদাবরী সিংধু সরস্বতী চ ।
সর্বাণি তীর্থানি বসংতি তত্র
যত্রাচ্য়ুতোদার কথাপ্রসংগঃ ॥ 38॥

যম উবাচ ।
নরকে পচ্যমানং তু যমেনং পরিভাষিতম্ ।
কিং ত্বয়া নার্চিতো দেবঃ কেশবঃ ক্লেশনাশনঃ ॥ 35॥

নারদ উবাচ ।
জন্মাংতরসহস্রেণ তপোধ্য়ানসমাধিনা ।
নরাণাং ক্ষীণপাপানাং কৃষ্ণে ভক্তিঃ প্রজাযতে ॥ 40॥

প্রহ্লাদ উবাচ ।
নাথ যোনিসহস্রেষু যেষু যেষু ব্রজাম্যহম্ ।
তেষু তেষ্বচলা ভক্তিরচ্য়ুতাঽস্তু সদা ত্বয়ি ॥ 41॥

যা প্রীতিরবিবেকনাং বিষয়েষ্বনপায়িনি ।
ত্বামনুস্মরতঃ সা মে হৃদয়ান্মাঽপসর্পতু ॥ 42॥

বিশ্বামিত্র উবাচ ।
কিং তস্য় দানৈঃ কিং তীর্থৈঃ কিং তপোভিঃ কিমধ্বরৈঃ ।
যো নিত্য়ং ধ্য়াযতে দেবং নারাযণমনন্যধীঃ ॥ 43॥

জমদগ্নিরুবাচ ।
নিত্য়োত্সবো ভবেত্তেষাং নিত্য়ং নিত্য়ং চ মংগলম্ ।
যেষাং হৃদিস্থো ভগবান্মংগলাযতনং হরিঃ ॥ 44॥

ভরদ্বাজ উবাচ ।
লাভস্তেষাং জযস্তেষাং কুতস্তেষাং পরাজয়ঃ ।
যেষামিংদীশ্বরশ্য়ামো হৃদযস্থো জনার্দনঃ ॥ 45॥

গৌতম উবাচ ।
গোকোটিদানং গ্রহণেষু কাশী-
প্রয়াগগংগায়ুতকল্পবাসঃ ।
যজ্ঞায়ুতং মেরুসুবর্ণদানং
গোবিংদনামস্মরণেন তুল্যম্ ॥ 46॥

অগ্নিরুবাচ ।
গোবিংদেতি সদা স্নানং গোবিংদেতি সদা জপঃ ।
গোবিংদেতি সদা ধ্য়ানং সদা গোবিংদকীর্তনম্ ॥ 47॥

ত্র্যক্ষরং পরমং ব্রহ্ম গোবিংদ ত্র্যক্ষরং পরম্ ।
তস্মাদুচ্চারিতং যেন ব্রহ্মভূয়ায় কল্পতে ॥ 48॥

বেদব্য়াস উবাচ ।
অচ্য়ুতঃ কল্পবৃক্ষোঽসাবনংতঃ কামধেনু বৈ ।
চিংতামণিস্তু গোবিংদো হরের্নাম বিচিংতয়েত্ ॥ 49॥

ইংদ্র উবাচ ।
জযতু জযতু দেবো দেবকীনংদনোঽয়ং
জযতু জযতু কৃষ্ণো বৃষ্ণিবংশপ্রদীপঃ ।
জযতু জযতু মেঘশ্য়ামলঃ কোমলাংগো
জযতু জযতু পৃথ্বীভারনাশো মুকুংদঃ ॥ 50॥

পিপ্পলাযন উবাচ ।
শ্রীমন্নৃসিংহবিভবে গরুডধ্বজায়
তাপত্রয়োপশমনায় ভবৌষধায় ।
কৃষ্ণায় বৃশ্চিকজলাগ্নিভুজংগরোগ-
ক্লেশব্যয়ায় হরয়ে গুরবে নমস্তে ॥ 51॥

আবির্হোত্র উবাচ ।
কৃষ্ণ ত্বদীযপদপংকজপংজরাংতে
অদ্য়ৈব মে বিশতু মানসরাজহংসঃ ।
প্রাণপ্রয়াণসময়ে কফবাতপিত্তৈঃ
কংঠাবরোধনবিধৌ স্মরণং কুতস্তে ॥ 52॥

বিদুর উবাচ ।
হরের্নামৈব নামৈব নামৈব মম জীবনম্ ।
কলৌ নাস্ত্য়েব নাস্ত্য়েব নাস্ত্য়েব গতিরন্যথা ॥ 53॥

বসিষ্ঠ উবাচ ।
কৃষ্ণেতি মংগলং নাম যস্য় বাচি প্রবর্ততে ।
ভস্মীভবংতি তস্য়াশু মহাপাতককোটয়ঃ ॥ 54॥

অরুংধত্য়ুবাচ ।
কৃষ্ণায় বাসুদেবায় হরয়ে পরমাত্মনে ।
প্রণতক্লেশনাশায় গোবিংদায় নমো নমঃ ॥ 55॥

কশ্যপ উবাচ ।
কৃষ্ণানুস্মরণাদেব পাপসংঘট্টপংজরম্ ।
শতধা ভেদমাপ্নোতি গিরির্বজ্রহতো যথা ॥ 56॥

দুর্য়োধন উবাচ ।
জানামি ধর্মং ন চ মে প্রবৃত্তি-
র্জানামি পাপং ন চ মে নিবৃত্তিঃ ।
কেনাপি দেবেন হৃদি স্থিতেন
যথা নিয়ুক্তোঽস্মি তথা করোমি ॥ 57॥

যংত্রস্য় মম দোষেণ ক্ষম্যতাং মধুসূদন ।
অহং যংত্রং ভবান্ যংত্রী মম দোষো ন দীযতাম্ ॥ 58॥

ভৃগুরুবাচ ।
নামৈব তব গোবিংদ নাম ত্বত্তঃ শতাধিকম্ ।
দদাত্ত্য়ুচ্চারণান্মুক্তিঃ ভবানষ্টাংগয়োগতঃ ॥ 59॥

লোমশ উবাচ ।
নমামি নারাযণ পাদপংকজং
করোমি নারাযণপূজনং সদা ।
বদামি নারাযণনাম নির্মলং
স্মরামি নারাযণতত্ত্বমব্যযম্ ॥ 60॥

শৌনক উবাচ ।
স্মৃতেঃ সকলকল্য়াণং ভজনং যস্য় জাযতে ।
পুরুষং তমজং নিত্য়ং ব্রজামি শরণং হরিম্ ॥ 61॥

গর্গ উবাচ ।
নারাযণেতি মংত্রোঽস্তি বাগস্তি বশবর্তিনী ।
তথাপি নরকে ঘোরে পতংতীত্যদ্ভুতং মহত্ ॥ 62॥

দাল্ভ্য় উবাচ ।
কিং তস্য় বহুভির্মংত্রৈর্ভক্তির্যস্য় জনার্দনে ।
নমো নারাযণায়েতি মংত্রঃ সর্বার্থসাধাকে ॥ 63॥

বৈশংপাযন উবাচ ।
যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্বিজয়ো ভূতির্ধ্রুবা নীতির্মতির্মম ॥ 64॥

অগ্নিরুবাচ ।
হরির্হরতি পাপানি দুষ্টচিত্তৈরপি স্মৃতঃ ।
অনিচ্ছয়াপি সংস্পৃষ্টো দহত্য়েব হি পাবকঃ ॥ 65॥

পরমেশ্বর উবাচ ।
সকৃদুচ্চরিতং যেন হরিরিত্যক্ষরদ্বযম্ ।
লব্ধঃ পরিকরস্তেন মোক্ষায় গমনং প্রতি ॥ 66॥

পুলস্ত্য় উবাচ ।
হে জিহ্বে রসসারজ্ঞে সর্বদা মধুরপ্রিয়ে ।
নারাযণাখ্যপীয়ূষং পিব জিহ্বে নিরংতরম্ ॥ 67॥

ব্য়াস উবাচ ।
সত্য়ং সত্য়ং পুনঃ সত্য়ং সত্য়ং সত্য়ং বদাম্যহম্ ।
নাস্তি বেদাত্পরং শাস্ত্রং ন দেবঃ কেশবাত্পরঃ ॥ 68॥

ধন্বংতরিরুবাচ ।
অচ্য়ুতানংত গোবিংদ নামোচ্চারণভেষজাত্ ।
নশ্য়ংতি সকলা রোগাঃ সত্য়ং সত্য়ং বদাম্যহম্ ॥ 69॥

মার্কংডেয় উবাচ ।
স্বর্গদং মোক্ষদং দেবং সুখদং জগতো গুরুম্ ।
কথং মুহুর্তমপি তং বাসুদেবং ন চিংতয়েত্ ॥ 70॥

অগস্ত্য় উবাচ ।
নিমিষং নিমিষার্ধং বা প্রাণিনাং বিষ্ণুচিংতনম্ ।
তত্র তত্র কুরুক্ষেত্রং প্রয়াগো নৈমিষং বরম্ ॥ 71॥

বামদেব উবাচ ।
নিমিষং নিমিষার্ধং বা প্রাণিনাং বিষ্ণুচিংতনম্ ।
কল্পকোটিসহস্রাণি লভতে বাংছিতং ফলম্ ॥ 72॥

শুক উবাচ ।
আলোড্য় সর্বশাস্ত্রাণি বিচার্য় চ পুনঃ পুনঃ ।
ইদমেকং সুনিষ্পন্নং ধ্য়েয়ো নারাযণঃ সদা ॥ 73॥

শ্রীমহাদেব উবাচ ।
শরীরে জর্জরীভূতে ব্য়াধিগ্রস্তে কলেবরে ।
ঔষধং জাহ্নবীতোয়ং বৈদ্য়ো নারাযণো হরিঃ ॥ 74॥

শৌনক উবাচ ।
ভোজনাচ্ছাদনে চিংতাং বৃথা কুর্বংতি বৈষ্ণবাঃ ।
যোঽসৌ বিশ্বংভরো দেবঃ স কিং ভক্তানুপেক্ষতে ॥ 75॥

সনত্কুমার উবাচ ।
যস্য় হস্তে গদা চক্রং গরুডো যস্য় বাহনম্ ।
শংখচক্রগদাপদ্মী স মে বিষ্ণুঃ প্রসীদতু ॥ 76॥

এবং ব্রহ্মাদয়ো দেবা ঋষযশ্চ তপোধনাঃ ।
কীর্তয়ংতি সুরশ্রেষ্ঠমেবং নারাযণং বিভুম্ ॥ 77॥

ইদং পবিত্রমায়ুষ্য়ং পুণ্য়ং পাপপ্রণাশনম্ ।
দুঃস্বপ্ননাশনং স্তোত্রং পাংডবৈঃ পরিকীর্তিতম্ ॥ 78॥

যঃ পঠেত্প্রাতরুত্থায় শুচিস্তদ্গতমানসঃ ।
গবাং শতসহস্রস্য় সম্যগ্দত্তস্য় যত্ফলম্ ॥ 79॥

তত্ফলং সমবাপ্নোতি যঃ পঠেদিতি সংস্তবম্ ।
সর্বপাপবিনির্মুক্তো বিষ্ণুলোকং স গচ্ছতি ॥ 80॥

গংগা গীতা চ গাযত্রী গোবিংদো গরুডধ্বজঃ ।
গকারৈঃ পংচভির্য়ুক্তঃ পুনর্জন্ম ন বিদ্যতে ॥ 81॥

গীতাং যঃ পঠতে নিত্য়ং শ্লোকার্ধং শ্লোকমেব বা ।
মুচ্যতে সর্বপাপেভ্য়ো বিষ্ণুলোকং স গচ্ছতি ॥ 82॥

ইতি পাংডবগীতা অথবা প্রপন্নগীতা সমাপ্তা ।

ওং তত্সত্ ।