শ্রীমদ্ভগবদ্গীতা পারাযণ – পংচদশোঽধ্য়ায়ঃ

ওং শ্রী পরমাত্মনে নমঃ
অথ পংচদশোঽধ্য়ায়ঃ
পুরুষোত্তমপ্রাপ্তিয়োগঃ

শ্রী ভগবানুবাচ
ঊর্ধ্বমূলমধঃশাখম্ অশ্বত্থং প্রাহুরব্যযম্ ।
ছংদাংসি যস্য় পর্ণানি যস্তং বেদ স বেদবিত্ ॥1॥

অধশ্চোর্ধ্বং প্রসৃতাস্তস্য় শাখাঃ গুণপ্রবৃদ্ধা বিষযপ্রবালাঃ ।
অধশ্চ মূলান্যনুসংততানি কর্মানুবংধীনি মনুষ্যলোকে ॥2॥

ন রূপমস্য়েহ তথোপলভ্যতে নাংতো ন চাদির্ন চ সংপ্রতিষ্ঠা ।
অশ্বত্থমেনং সুবিরূঢমূলম্ অসংগশস্ত্রেণ দৃঢেন ছিত্ত্বা ॥3॥

ততঃ পদং তত্পরিমার্গিতব্য়ং যস্মিন্গতা ন নিবর্তংতি ভূয়ঃ ।
তমেব চাদ্য়ং পুরুষং প্রপদ্য়ে যতঃ প্রবৃত্তিঃ প্রসৃতা পুরাণী ॥4॥

নির্মানমোহা জিতসংগদোষাঃ অধ্য়াত্মনিত্য়া বিনিবৃত্তকামাঃ ।
দ্বংদ্বৈর্বিমুক্তাঃ সুখদুঃখ সংজ্ঞৈঃ গচ্ছংত্যমূঢাঃ পদমব্যয়ং তত্ ॥5॥

ন তদ্ভাসযতে সূর্য়ঃ ন শশাংকো ন পাবকঃ ।
যদ্গত্বা ন নিবর্তংতে তদ্ধাম পরমং মম ॥6॥

মমৈবাংশো জীবলোকে জীবভূতঃ সনাতনঃ ।
মনঃ ষষ্ঠানীংদ্রিয়াণি প্রকৃতিস্থানি কর্ষতি ॥7॥

শরীরং যদবাপ্নোতি যচ্চাপ্য়ুত্ক্রামতীশ্বরঃ ।
গৃহীত্বৈতানি সংয়াতি বায়ুর্গংধানিবাশয়াত্ ॥8॥

শ্রোত্রং চক্ষুঃ স্পর্শনং চ রসনং ঘ্রাণমেব চ ।
অধিষ্ঠায় মনশ্চায়ং বিষয়ানুপসেবতে ॥9॥

উত্ক্রামংতং স্থিতং বাঽপি ভুংজানং বা গুণান্বিতম্ ।
বিমূঢা নানুপশ্য়ংতি পশ্য়ংতি জ্ঞানচক্ষুষঃ ॥10॥

যতংতো যোগিনশ্চৈনং পশ্য়ংত্য়াত্মন্যবস্থিতম্ ।
যতংতো ঽপ্যকৃতাত্মানঃ নৈনং পশ্য়ংত্যচেতসঃ ॥11॥

যদাদিত্যগতং তেজঃ জগদ্ভাসযতেঽখিলম্ ।
যচ্চংদ্রমসি যচ্চাগ্নৌ তত্তেজো বিদ্ধি মামকম্ ॥12॥

গামাবিশ্য় চ ভূতানি ধারয়াম্যহমোজসা ।
পুষ্ণামি চৌষধীঃ সর্বাঃ সোমো ভূত্বা রসাত্মকঃ ॥13॥

অহং বৈশ্বানরো ভূত্বা প্রাণিনাং দেহমাশ্রিতঃ ।
প্রাণাপানসমায়ুক্তঃ পচাম্যন্নং চতুর্বিধম্ ॥14॥

সর্বস্য় চাহং হৃদি সন্নিবিষ্টঃ মত্তঃ স্মৃতির্জ্ঞানমপোহনং চ ।
বেদৈশ্চ সর্বৈরহমেব বেদ্য়ঃ বেদাংতকৃদ্বেদবিদেব চাহম্ ॥15॥

দ্বাবিমৌ পুরুষৌ লোকে ক্ষরশ্চাক্ষর এব চ ।
ক্ষরঃ সর্বাণি ভূতানি কূটস্থোঽক্ষর উচ্যতে ॥16॥

উত্তমঃ পুরুষস্ত্বন্য়ঃ পরমাত্মেত্য়ুদাহৃতঃ ।
যো লোকত্রযমাবিশ্য় বিভর্ত্যব্যয় ঈশ্বরঃ ॥17॥

যস্মাত্ক্ষরমতীতোঽহম্ অক্ষরাদপি চোত্তমঃ ।
অতোঽস্মি লোকে বেদে চ প্রথিতঃ পুরুষোত্তমঃ ॥18॥

যো মামেবমসম্মূঢঃ জানাতি পুরুষোত্তমম্ ।
স সর্ববিদ্ভজতি মাং সর্বভাবেন ভারত ॥19॥

ইতি গুহ্যতমং শাস্ত্রম্ ইদমুক্তং ময়াঽনঘ ।
এতদ্বুদ্ধ্বা বুদ্ধিমান্স্য়াত্ কৃতকৃত্যশ্চ ভারত ॥20॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং
যোগশাস্ত্রে শ্রীকৃষ্ণার্জুনসংবাদে পুরুষোত্তমপ্রাপ্তিয়োগো নাম পংচদশোঽধ্য়ায়ঃ ॥