বারাহী কবচম্

অস্য শ্রীবারাহীকবচস্য ত্রিলোচন ঋষিঃ, অনুষ্টুপ্ ছংদঃ, শ্রীবারাহী দেবতা, ওং বীজং, গ্লৌং শক্তিঃ, স্বাহেতি কীলকং, মম সর্বশত্রুনাশনার্থে জপে বিনিযোগঃ ॥

ধ্যানম্ ।
ধ্যাত্বেংদ্রনীলবর্ণাভাং চংদ্রসূর্যাগ্নিলোচনাম্ ।
বিধিবিষ্ণুহরেংদ্রাদি মাতৃভৈরবসেবিতাম্ ॥ 1 ॥

জ্বলন্মণিগণপ্রোক্তমকুটামাবিলংবিতাম্ ।
অস্ত্রশস্ত্রাণি সর্বাণি তত্তত্কার্যোচিতানি চ ॥ 2 ॥

এতৈঃ সমস্তৈর্বিবিধং বিভ্রতীং মুসলং হলম্ ।
পাত্বা হিংস্রান্ হি কবচং ভুক্তিমুক্তিফলপ্রদম্ ॥ 3 ॥

পঠেত্ত্রিসংধ্যং রক্ষার্থং ঘোরশত্রুনিবৃত্তিদম্ ।
বার্তালী মে শিরঃ পাতু ঘোরাহী ফালমুত্তমম্ ॥ 4 ॥

নেত্রে বরাহবদনা পাতু কর্ণৌ তথাংজনী ।
ঘ্রাণং মে রুংধিনী পাতু মুখং মে পাতু জংভিনী ॥ 5 ॥

পাতু মে মোহিনী জিহ্বাং স্তংভিনী কংঠমাদরাত্ ।
স্কংধৌ মে পংচমী পাতু ভুজৌ মহিষবাহনা ॥ 6 ॥

সিংহারূঢা করৌ পাতু কুচৌ কৃষ্ণমৃগাংচিতা ।
নাভিং চ শংখিনী পাতু পৃষ্ঠদেশে তু চক্রিণি ॥ 7 ॥

খড্গং পাতু চ কট্যাং মে মেঢ্রং পাতু চ খেদিনী ।
গুদং মে ক্রোধিনী পাতু জঘনং স্তংভিনী তথা ॥ 8 ॥

চংডোচ্চংডশ্চোরুযুগ্মং জানুনী শত্রুমর্দিনী ।
জংঘাদ্বযং ভদ্রকালী মহাকালী চ গুল্ফযোঃ ॥ 9 ॥

পাদাদ্যংগুলিপর্যংতং পাতু চোন্মত্তভৈরবী ।
সর্বাংগং মে সদা পাতু কালসংকর্ষণী তথা ॥ 10 ॥

যুক্তাযুক্তস্থিতং নিত্যং সর্বপাপাত্প্রমুচ্যতে ।
সর্বে সমর্থ্য সংযুক্তং ভক্তরক্ষণতত্পরম্ ॥ 11 ॥

সমস্তদেবতা সর্বং সব্যং বিষ্ণোঃ পুরার্ধনে ।
সর্বশত্রুবিনাশায শূলিনা নির্মিতং পুরা ॥ 12 ॥

সর্বভক্তজনাশ্রিত্য সর্ববিদ্বেষসংহতিঃ ।
বারাহী কবচং নিত্যং ত্রিসংধ্যং যঃ পঠেন্নরঃ ॥ 13 ॥

তথা বিধং ভূতগণা ন স্পৃশংতি কদাচন ।
আপদঃ শত্রুচোরাদি গ্রহদোষাশ্চ সংভবাঃ ॥ 14 ॥

মাতা পুত্রং যথা বত্সং ধেনুঃ পক্ষ্মেব লোচনম্ ।
তথাংগমেব বারাহী রক্ষা রক্ষাতি সর্বদা ॥ 15 ॥

ইতি শ্রীরুদ্রযামলতংত্রে শ্রী বারাহী কবচম্ ॥