শ্রী লক্ষ্মী নৃসিংহাষ্টোত্তর শতনাম স্তোত্রম্

নারসিংহো মহাসিংহো দিব্যসিংহো মহাবলঃ ।
উগ্রসিংহো মহাদেবস্স্তংভজশ্চোগ্রলোচনঃ ॥ 1 ॥

রৌদ্রস্সর্বাদ্ভুতঃ শ্রীমান্ যোগানংদস্ত্রিবিক্রমঃ ।
হরিঃ কোলাহলশ্চক্রী বিজযো জযবর্ধনঃ ॥ 2 ॥

পংচাননঃ পরব্রহ্ম চাঽঘোরো ঘোরবিক্রমঃ ।
জ্বলন্মুখো জ্বালমালী মহাজ্বালো মহাপ্রভুঃ ॥ 3 ॥

নিটিলাক্ষস্সহস্রাক্ষো দুর্নিরীক্ষঃ প্রতাপনঃ ।
মহাদংষ্ট্রাযুধঃ প্রাজ্ঞশ্চংডকোপী সদাশিবঃ ॥ 4 ॥

হিরণ্যকশিপুধ্বংসী দৈত্যদানবভংজনঃ ।
গুণভদ্রো মহাভদ্রো বলভদ্রস্সুভদ্রকঃ ॥ 5 ॥

করালো বিকরালশ্চ বিকর্তা সর্বকর্তৃকঃ ।
শিংশুমারস্ত্রিলোকাত্মা ঈশস্সর্বেশ্বরো বিভুঃ ॥ 6 ॥

ভৈরবাডংবরো দিব্যশ্চাঽচ্যুতঃ কবি মাধবঃ ।
অধোক্ষজোঽক্ষরশ্শর্বো বনমালী বরপ্রদঃ ॥ 7 ॥

বিশ্বংভরোঽদ্ভুতো ভব্যঃ শ্রীবিষ্ণুঃ পুরুষোত্তমঃ ।
অনঘাস্ত্রো নখাস্ত্রশ্চ সূর্যজ্যোতিস্সুরেশ্বরঃ ॥ 8 ॥

সহস্রবাহুঃস্সর্বজ্ঞস্সর্বসিদ্ধিপ্রদাযকঃ ।
বজ্রদংষ্ট্রো বজ্রনখো মহানংদঃ পরংতপঃ ॥ 9 ॥

সর্বমংত্রৈকরূপশ্চ সর্বযংত্রবিদারণঃ ।
সর্বতংত্রাত্মকোঽব্যক্তস্সুব্যক্তো ভক্তবত্সলঃ ॥ 10 ॥

বৈশাখশুক্লভূতোত্থঃ শরণাগতবত্সলঃ ।
উদারকীর্তিঃ পুণ্যাত্মা মহাত্মা চংডবিক্রমঃ ॥ 11 ॥

বেদত্রযপ্রপূজ্যশ্চ ভগবান্পরমেশ্বরঃ ।
শ্রীবত্সাংকঃ শ্রীনিবাসো জগদ্ব্যাপী জগন্মযঃ ॥ 12 ॥

জগত্পালো জগন্নাথো মহাকাযো দ্বিরূপভৃত্ ।
পরমাত্মা পরংজ্যোতির্নির্গুণশ্চ নৃকেসরী ॥ 13 ॥

পরতত্ত্বঃ পরংধাম সচ্চিদানংদবিগ্রহঃ ।
লক্ষ্মীনৃসিংহস্সর্বাত্মা ধীরঃ প্রহ্লাদপালকঃ ॥ 14 ॥

ইদং শ্রীমন্নৃসিংহস্য নাম্নামষ্টোত্তরং শতম্ ।
ত্রিসংধ্যং যঃ পঠেদ্ভক্ত্যা সর্বাভীষ্টমবাপ্নুযাত্ ॥ 15 ॥

ইতি শ্রীনৃসিংহপূজাকল্পে শ্রী লক্ষ্মীনৃসিংহাষ্টোত্তরশতনাম স্তোত্রম্ ।