লক্ষ্মী নিত্য পূজা বিধানম্

আবশ্যকানি বস্তূনি
– আসনং
– দীপঃ
– গংধঃ
– কুংকুমং
– অক্ষতাঃ
– পুষ্পাণি
– ধূপঃ
– নৈবেদ্যং
– তাংবূলং
– আচমনীযং
– পূজা পাত্রং
– কলশঃ
– শংখঃ [optional]
– লক্ষ্মী দেবী প্রতিমা বা চিত্রপটঃ বা

পূর্বাংগ পূজা
শ্রীমহাগণাধিপতযে নমঃ ।
শ্রী গুরুভ্যো নমঃ ।
হরিঃ ওম্ ।

শুচিঃ
অপবিত্রঃ পবিত্রো বা সর্বাবস্থাং গতোঽপি বা ।
যঃ স্মরেত্ পুংডরীকাক্ষং স বাহ্যাভ্যংতরঃ শুচিঃ ॥
পুংডরীকাক্ষ পুংডরীকাক্ষ পুংডরীকাক্ষায নমঃ ॥

প্রার্থনা
শুক্লাংবরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যাযেত্ সর্ববিঘ্নোপশাংতযে ॥

অগজানন পদ্মার্কং গজাননমহর্নিশম্ ।
অনেকদং তং ভক্তানাং একদংতমুপাস্মহে ॥

তদেব লগ্নং সুদিনং তদেব
তারাবলং চংদ্রবলং তদেব ।
বিদ্যাবলং দৈববলং তদেব
লক্ষ্মীপতে তেঽংঘ্রিযুগং স্মরামি ॥

গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুঃ সাক্ষাত্ পরব্রহ্ম তস্মৈ শ্রীগুরবে নমঃ ॥

সর্বমংগল মাংগল্যে শিবে সর্বার্থসাধিকে ।
শরণ্যে ত্র্যংবকে গৌরী নারাযণি নমোঽস্তু তে ॥

শ্রীলক্ষ্মীনারাযণাভ্যাং নমঃ ।
উমামহেশ্বরাভ্যাং নমঃ ।
বাণীহিরণ্যগর্ভাভ্যাং নমঃ ।
শচীপুরংদরাভ্যাং নমঃ ।
অরুংধতীবসিষ্ঠাভ্যাং নমঃ ।
শ্রীসীতারামাভ্যাং নমঃ ।
মাতাপিতৃভ্যো নমঃ ।
সর্বেভ্যো মহাজনেভ্যো নমঃ ।

আচমনং
ওং কেশবায স্বাহা ।
ওং নারাযণায স্বাহা ।
ওং মাধবায স্বাহা ।
ওং গোবিংদায নমঃ ।
ওং বিষ্ণবে নমঃ ।
ওং মধুসূদনায নমঃ ।
ওং ত্রিবিক্রমায নমঃ ।
ওং বামনায নমঃ ।
ওং শ্রীধরায নমঃ ।
ওং হৃষীকেশায নমঃ ।
ওং পদ্মনাভায নমঃ ।
ওং দামোদরায নমঃ ।
ওং সংকর্ষণায নমঃ ।
ওং বাসুদেবায নমঃ ।
ওং প্রদ্যুম্নায নমঃ ।
ওং অনিরুদ্ধায নমঃ ।
ওং পুরুষোত্তমায নমঃ ।
ওং অধোক্ষজায নমঃ ।
ওং নারসিংহায নমঃ ।
ওং অচ্যুতায নমঃ ।
ওং জনার্দনায নমঃ ।
ওং উপেংদ্রায নমঃ ।
ওং হরযে নমঃ ।
ওং শ্রীকৃষ্ণায নমঃ ।

দীপারাধনম্
দীপস্ত্বং ব্রহ্মরূপোঽসি জ্যোতিষাং প্রভুরব্যযঃ ।
সৌভাগ্যং দেহি পুত্রাংশ্চ সর্বান্কামাংশ্চ দেহি মে ॥
ভো দীপ দেবি রূপস্ত্বং কর্মসাক্ষী হ্যবিঘ্নকৃত্ ।
যাবত্পূজাং করিষ্যামি তাবত্ত্বং সুস্থিরো ভব ॥
দীপারাধন মুহূর্তঃ সুমুহূর্তোঽস্তু ॥

ভূতোচ্চাটনম্
উত্তিষ্ঠংতু ভূতপিশাচাঃ য এতে ভূমিভারকাঃ ।
এতেষামবিরোধেন ব্রহ্মকর্ম সমারভে ॥
অপসর্পংতু তে ভূতা যে ভূতা ভূমিসংস্থিতাঃ ।
যে ভূতা বিঘ্নকর্তারস্তে গচ্ছংতু শিবাঽজ্ঞযা ॥

প্রাণাযামঃ

ওং ভূঃ । ওং ভুবঃ॑ । ওগ্​ম্ সুবঃ॑ । ওং মহঃ॑ । ওং জনঃ॑ । ওং তপঃ॑ । ওগ্​ম্ সত্যম্ ।
ওং তত্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।
ধিযো॒ যো নঃ॑ প্রচো॒দযা᳚ত্ ॥
ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥

সংকল্পঃ
মম উপাত্ত সমস্ত দুরিতক্ষয দ্বারা শ্রীপরমেশ্বর প্রীত্যর্থং, মম/অস্মাকং সহকুটুংবস্য ক্ষেম-স্থৈর্য-ধৈর্য-বীর্য-বিজয-অভয-আযুঃ-আরোগ্য-ঐশ্বর্য-অভিবৃদ্ধ্যর্থং, ধর্মার্থ-কাম-মোক্ষ-চতুর্বিধ-পুরুষার্থ-ফল-সিদ্ধ্যর্থং, সর্বাভীষ্ট-সিদ্ধ্যর্থং, শ্রীমহালক্ষ্মী-প্রীত্যর্থং, যাবচ্ছক্তি ধ্যান-আবাহনাদি-ষোডশোপচার-পূজাং করিষ্যে ॥

তদংগ কলশারাধনং করিষ্যে ॥

কলশারাধনম্
কলশে গংধ পুষ্পাক্ষতৈরভ্যর্চ্য ।
কলশে উদকং পূরযিত্বা ।
কলশস্যোপরি হস্তং নিধায ।

কলশস্য মুখে বিষ্ণুঃ কংঠে রুদ্রঃ সমাশ্রিতঃ ।
মূলে ত্বস্য স্থিতো ব্রহ্মা মধ্যে মাতৃগণাঃ স্মৃতাঃ ॥
কুক্ষৌ তু সাগরাঃ সর্বে সপ্তদ্বীপা বসুংধরা ।
ঋগ্বেদোঽথ যজুর্বেদো সামবেদো হ্যথর্বণঃ ॥
অংগৈশ্চ সহিতাঃ সর্বে কলশাংবু সমাশ্রিতাঃ ॥

গংগে চ যমুনে চৈব গোদাবরী সরস্বতী ।
নর্মদে সিংধু কাবেরী জলেঽস্মিন্ সন্নিধিং কুরু ॥
কাবেরী তুংগভদ্রা চ কৃষ্ণবেণী চ গৌতমী ।
ভাগীরথীতি বিখ্যাতাঃ পংচগংগাঃ প্রকীর্তিতাঃ ॥

আযাংতু দেবপূজার্থং মম দুরিতক্ষযকারকাঃ ।
কলশোদকেন পূজা দ্রব্যাণি সংপ্রোক্ষ্য, দেবং সংপ্রোক্ষ্য, আত্মানং চ সংপ্রোক্ষ্য ॥

শংখপূজা
শংখং চংদ্রার্ক দৈবতং মধ্যে বরুণ দেবতাম্ ।
পৃষ্ঠে প্রজাপতিং বিংদ্যাদগ্রে গংগা সরস্বতীম্ ॥
ত্রৈলোক্যে যানি তীর্থানি বাসুদেবস্য আজ্ঞযা ।
শংখে তিষ্ঠংতু বিপ্রেংদ্রাঃ তস্মাত্ শংখং প্রপূজযেত্ ॥

ওং শংখায নমঃ ।
ওং ধবলায নমঃ ।
ওং পাংচজন্যায নমঃ ।
ওং শংখদেবতাভ্যো নমঃ ।
সকলপূজার্থে অক্ষতান্ সমর্পযামি ॥

ঘংটানাদঃ
আগমার্থং তু দেবানাং গমনার্থং তু রাক্ষসাম্ ।
ঘংটারবং করোম্যাদৌ দেবতাহ্বান লাংছনম্ ॥
ওং ঘংটাদেবতাভ্যো নমঃ ।
সকলোপচার পূজার্থে অক্ষতান্ সমর্পযামি ॥

শ্রী মহাগণপতি পূজা

ওং গ॒ণানাং᳚ ত্বা গ॒ণপ॑তিগ্​ম্ হবামহে ক॒বিং ক॑বী॒নাং উপ॒মশ্র॑বস্তবম্ ।
জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥

সুমুখশ্চৈকদংতশ্চ কপিলো গজকর্ণকঃ ।
লংবোদরশ্চ বিকটো বিঘ্নরাজো গণাধিপঃ ॥
ধূমকেতুর্গণাধ্যক্ষঃ ফালচংদ্রো গজাননঃ ।
বক্রতুংডঃ শূর্পকর্ণো হেরংবঃ স্কংদপূর্বজঃ ॥

ওং শ্রীমহাগণপতযে নমঃ ।
ধ্যাযামি । আবাহযামি । আসনং সমর্পযামি ।
পাদ্যং সমর্পযামি । অর্ঘ্যং সমর্পযামি । আচমনীযং সমর্পযামি ।
স্নানং সমর্পযামি । বস্ত্রং সমর্পযামি । যজ্ঞোপবীতং সমর্পযামি ।
গংধং সমর্পযামি । পুষ্পাণি সমর্পযামি ।
ধূপমাঘ্রাপযামি । দীপং দর্শযামি ।
নৈবেদ্যং সমর্পযামি । তাংবূলং সমর্পযামি ।
নীরাজনং সমর্পযামি । মংত্রপুষ্পং সমর্পযামি ।
প্রদক্ষিণ নমস্কারান্ সমর্পযামি ॥

ষোডশোপচার পূজা
লক্ষ্মী দেবী ধ্যানম্
যা সা পদ্মাসনস্থা বিপুলকটিতটী পদ্মপত্রাযতাক্ষী ।
গংভীরাবর্তনাভিঃ স্তনভর নমিতা শুভ্র বস্ত্রোত্তরীযা ॥
লক্ষ্মীর্দিব্যৈর্গজেংদ্রৈর্মণিগণ খচিতৈঃ স্নাপিতা হেমকুংভৈঃ ।
নিত্যং সা পদ্মহস্তা মম বসতু গৃহে সর্বমাংগল্যযুক্তা ॥

লক্ষ্মীং ক্ষীরসমুদ্ররাজতনযাং শ্রীরংগধামেশ্বরীম্ ।
দাসীভূতসমস্তদেব বনিতাং লোকৈক দীপাংকুরাম্ ॥
শ্রীমন্মংদকটাক্ষলব্ধ বিভব ব্রহ্মেংদ্রগংগাধরাম্ ।
ত্বাং ত্রৈলোক্য কুটুংবিনীং সরসিজাং বংদে মুকুংদপ্রিযাম্ ॥

ওম্ ॥ হির॑ণ্যবর্ণাং॒ হরি॑ণীং সু॒বর্ণ॑রজ॒তস্র॑জাম্ ।
চং॒দ্রাং হি॒রণ্ম॑যীং-লঁ॒ক্ষ্মীং জাত॑বেদো ম॒মাব॑হ ॥

ওং শ্রীমহালক্ষ্ম্যৈ নমঃ ।
ধ্যাযামি । ধ্যানং সমর্পযামি ॥

আবাহনম্

তাং ম॒ আব॑হ॒ জাত॑বেদো ল॒ক্ষ্মীমন॑পগা॒মিনী᳚ম্ ।
যস্যাং॒ হির॑ণ্যং-বিঁং॒দেযং॒ গামশ্বং॒ পুরু॑ষান॒হম্ ॥

সহস্রদলপদ্মস্থাং স্বস্থাং চ সুমনোহরাম্ ।
শাংতাং চ শ্রীহরেঃ কাংতাং তাং ভজে জগতাং প্রসূম্ ॥
ওং শ্রীমহালক্ষ্ম্যৈ নমঃ ।
আবাহযামি । স্থাপযামি । পূজযামি ॥

আসনম্
অমূল্যরত্নখচিতং নির্মিতং বিশ্বকর্মণা ।
আসনং চ বিচিত্রং চ মহালক্ষ্মি প্রগৃহ্যতাম্ ॥
ওং শ্রীমহালক্ষ্ম্যৈ নমঃ ।
আসনং সমর্পযামি ॥

পাদ্যম্
অশ্বপূর্বাং রথমধ্যাং হস্তিনাদ প্রবোধিনীম্ ।
শ্রিযং দেবীমুপহ্বযে শ্রীর্মা দেবীর্জুষতাম্ ॥
পুষ্পচংদনদূর্বাদি সংযুতং জাহ্নবীজলম্ ।
শংখগর্ভস্থিতং শুদ্ধং গৃহ্যতাং পদ্মবাসিনি ॥
ওং শ্রীমহালক্ষ্ম্যৈ নমঃ ।
পাদযোঃ পাদ্যং সমর্পযামি ॥

অর্ঘ্যম্
গংধ পুষ্পাক্ষতৈর্যুক্তং অর্ঘ্যং সংপাদিতং মযা ।
গৃহাণ ত্বং মহালক্ষ্মি প্রসন্না ভব সর্বদা ॥
ওং শ্রীমহালক্ষ্ম্যৈ নমঃ ।
হস্তযোঃ অর্ঘ্যং সমর্পযামি ॥

আচমনীযম্
পুণ্যতীর্থোদকং চৈব বিশুদ্ধং শুদ্ধিদং সদা ।
গৃহ্যতাং কৃষ্ণকাংতে ত্বং রম্যমাচমনীযকম্ ॥
ওং শ্রীমহালক্ষ্ম্যৈ নমঃ ।
মুখে আচমনীযং সমর্পযামি ॥

স্নানম্

আপো॒ হিষ্ঠা ম॑যো॒ভুব॒স্তা ন॑ ঊ॒র্জে দ॑ধাতন ।
ম॒হে রণা॑য॒ চক্ষ॑সে ॥
যো বঃ॑ শি॒বত॑মো রস॒স্তস্য॑ ভাজযতে॒হ নঃ॑ ।
উ॒শ॒তীরি॑ব মা॒ত॑রঃ ॥
তস্মা॒ অরং॑ গমাম বো॒ যস্য॒ ক্ষযা॑য॒ জিন্ব॑থ ।
আপো॑ জ॒নয॑থা চ নঃ ॥

ওং শ্রীমহালক্ষ্ম্যৈ নমঃ ।
শুদ্ধোদক স্নানং সমর্পযামি ॥
স্নানানংতরং আচমনীযং সমর্পযামি ॥

বস্ত্রম্

উপৈ॑তু॒ মাং দে॑বস॒খঃ কী॒র্তিশ্চ॒ মণি॑না স॒হ ।
প্রা॒দু॒র্ভূ॒তোঽস্মি॑ রাষ্ট্রে॒ঽস্মিন্ কী॒র্তি॒মৃ॑দ্ধিং দ॒দাতু॑ মে ॥

দেহসৌম্দর্যবীজং চ সদা শোভা বিবর্ধনম্ ।
কার্পাসজং চ কৃমিজং বসনং দেবি গৃহ্যতাম্ ॥
ওং শ্রীমহালক্ষ্ম্যৈ নমঃ ।
বস্ত্রং সমর্পযামি ॥

যজ্ঞোপবীতম্
যজ্ঞোপবীতং পরমং পবিত্রং প্রজাপতের্যত্সহজং পুরস্তাত্ ।
আযুষ্যমগ্র্যং প্রতিমুংচ শুভ্রং যজ্ঞোপবীতং বলমস্তু তেজঃ ॥
ওং শ্রীমহালক্ষ্ম্যৈ নমঃ ।
যজ্ঞোপবীতং সমর্পযামি ॥

গংধম্

গং॒ধ॒দ্বা॒রাং দু॑রাধ॒র্​ষাং॒ নি॒ত্যপু॑ষ্টাং করী॒ষিণী᳚ম্ ।
ঈ॒শ্বরীগ্​ম্॑ সর্ব॑ভূতা॒নাং॒ তামি॒হোপ॑হ্বযে॒ শ্রিযম্ ॥

মলযাচলসংভূতং বৃক্ষসারং মনোহরম্ ।
সুগংধিযুক্তং সুখদং চংদনং দেবি গৃহ্যতাম্ ॥
ওং শ্রীমহালক্ষ্ম্যৈ নমঃ ।
গংধং সমর্পযামি ॥

অর্চন
অক্ষতান্ ধবলান্ দিব্যান্ পুষ্পাণি চ সুগংধীনি ।
ভক্ত্যা দত্তানি গৃহ্যংতাং সর্বদেবাঃ প্রসীদত ॥

অংগ পূজা
ওং চপলাযৈ নমঃ – পাদৌ পূজযামি ।
ওং চংচলাযৈ নমঃ – জানুনী পূজযামি ।
ওং কমলাযৈ নমঃ – কটিং পূজযামি ।
ওং কাত্যাযন্যৈ নমঃ – নাভিং পূজযামি ।
ওং জগন্মাত্রে নমঃ – জঠরং পূজযামি ।
ওং বিশ্ববল্লভাযৈ নমঃ – বক্ষঃস্থলং পূজযামি ।
ওং কমলবাসিন্যৈ নমঃ – নেত্রত্রযং পূজযামি ।
ওং শ্রিযৈ নমঃ – শিরঃ পূজযামি ।
ওং মহালক্ষ্ম্যৈ নমঃ – সর্বাণ্যংগানি পূজযামি ॥

[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]

অথবা লক্ষ্মী নামাবলী পঠনম্ ॥

ওং শ্রীমহালক্ষ্ম্যৈ নমঃ ।
অষ্টোত্তর শত নামাবলী পূজাং সমর্পযামি ।
অক্ষতান্ পুষ্পাণি চ সমর্পযামি ॥

ধূপম্

আপঃ॑ সৃ॒জংতু॑ স্নি॒গ্ধা॒নি॒ চি॒ক্লী॒ত ব॑স মে॒ গৃহে ।
নি চ॑ দে॒বীং মা॒তরং॒ শ্রিযং॑-বাঁ॒সয॑ মে কু॒লে ॥

বৃক্ষনির্যাসরূপং চ গংধদ্রব্যাদি সংযুতম্ ।
কৃষ্ণকাংতে পবিত্রো বৈ ধূপোঽযং প্রতিগৃহ্যতাম্ ॥
ওং শ্রীমহালক্ষ্ম্যৈ নমঃ ।
ধূপমাঘ্রাপযামি ॥

দীপম্

আ॒র্দ্রাং পু॒ষ্করি॑ণীং পু॒ষ্টিং॒ পিং॒গ॒লাং প॑দ্মমা॒লিনীম্ ।
চং॒দ্রাং হি॒রণ্ম॑যীং-লঁ॒ক্ষ্মীং জাত॑বেদো ম॒মাব॑হ ॥

জগচ্চক্ষুঃ স্বরূপং চ ধ্বাংত প্রধ্বংসকারণম্ ।
প্রদীপং শুদ্ধরূপং চ গৃহ্যতাং পরমেশ্বরি ॥
ওং শ্রীমহালক্ষ্ম্যৈ নমঃ ।
দীপং দর্শযামি ॥

নৈবেদ্যম্
নৈবেদ্যং গৃহ্যতাং দেবি ভক্ত্যা সংপাদিতং মযা ।
ইদং ফলং চ পানীযং সর্বোপচার সংযুতম্ ॥

ওং ভূর্ভুব॒স্সুবঃ॒ । তত্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।
ধি॒যো যো নঃ॑ প্রচো॒দযা᳚ত্ ॥

সত্যং ত্বা ঋতেন পরিষিংচামি ।
অমৃতমস্তু । অমৃতোপস্তরণমসি ।
ওং প্রাণায স্বাহা । ওং অপানায স্বাহা । ওং ব্যানায স্বাহা ।
ওং উদানায স্বাহা । ওং সমানায স্বাহা ।
মধ্যে মধ্যে পানীযং সমর্পযামি ।
অমৃতাপিধানমসি ।
উত্তরাপোশনং সমর্পযামি ।
হস্তৌ প্রক্ষালযামি । পাদৌ প্রক্ষালযামি ।
শুদ্ধাচমনীযং সমর্পযামি ॥

ওং শ্রীমহালক্ষ্ম্যৈ নমঃ ।
নৈবেদ্যং সমর্পযামি ॥

তাংবূলম্
তাংবূলং চ বরং রম্যং কর্পূরাদি সুবাসিতম্ ।
জিহ্বাজাড্যচ্ছেদকরং তাংবূলং দেবি গৃহ্যতাম্ ॥
ওং শ্রীমহালক্ষ্ম্যৈ নমঃ ।
তাংবূলং সমর্পযামি ॥

নীরাজনম্
চক্ষুর্দং সর্বলোকানাং তিমিরস্য নিবারণম্ ।
আর্তিক্যং কল্পিতং ভক্ত্যা গৃহাণ পরমেশ্বরি ॥
সংতত শ্রীরস্তু সমস্ত মংগলানি ভবংতু ।
নিত্য শ্রীরস্তু নিত্যমংগলানি ভবংতু ॥
ওং শ্রীমহালক্ষ্ম্যৈ নমঃ ।
নীরাজনং সমর্পযামি ॥

মংত্রপুষ্পম্

ওং ম॒হা॒দে॒ব্যৈ চ॑ বি॒দ্মহে॑ বিষ্ণুপ॒ত্নী চ॑ ধীমহি ।
তন্নো॑ লক্ষ্মীঃ প্রচো॒দযা᳚ত্ ॥

সদ্ভাবপুষ্পাণ্যাদায সহজ প্রেমরূপিণে ।
লোকমাত্রে দদাম্যদ্য প্রীত্যা সংগৃহ্যতাং সদা ॥
ওং শ্রীমহালক্ষ্ম্যৈ নমঃ ।
মংত্রপুষ্পং সমর্পযামি ॥

প্রদক্ষিণম্
যানি কানি চ পাপানি জন্মাংতর কৃতানি চ ।
তানি তানি প্রণশ্যংতি প্রদক্ষিণ পদে পদে ॥
পাপোঽহং পাপকর্মাঽহং পাপাত্মা পাপসংভব ।
ত্রাহি মাং কৃপযা দেবি শরণাগতবত্সলে ॥
অন্যথা শরণং নাস্তি ত্বমেব শরণং মম ।
তস্মাত্কারুণ্য ভাবেন রক্ষ মাং পরমেশ্বরি ॥
ওং শ্রীমহালক্ষ্ম্যৈ নমঃ ।
প্রদক্ষিণ নমস্কারান্ সমর্পযামি ॥

নমস্কারঃ
উরসা শিরসা দৃষ্ট্যা মনসা বচসা তথা ।
পদ্ভ্যাং করাভ্যাং কর্ণাভ্যাং প্রণামোঽষ্টাংগ উচ্যতে ॥
ওং শ্রীমহালক্ষ্ম্যৈ নমঃ ।
নমস্কারান্ সমর্পযামি ॥

সর্বোপচারাঃ
ওং শ্রীমহালক্ষ্ম্যৈ নমঃ ।
ছত্রং সমর্পযামি ।
চামরং সমর্পযামি ।
গীতং শ্রাবযামি ।
নৃত্যং দর্শযামি ।
সমস্ত রাজোপচারান্ দেবোপচারান্ সমর্পযামি ॥

স্তোত্র/সূক্ত পঠনম্

ক্ষমাপ্রার্থনা
অপরাধসহস্রাণি ক্রিযংতেঽহর্নিশং মযা ।
দাসোঽযমিতি মাং মত্বা ক্ষমস্ব পরমেশ্বরি ॥
মংত্রহীনং ক্রিযাহীনং ভক্তিহীনং মহালক্ষ্মি ।
যত্পূজিতং মযা দেবি পরিপূর্ণং তদস্তু তে ॥

কাযেন বাচা মনসেংদ্রিযৈর্বা
বুদ্ধ্যাত্মনা বা প্রকৃতেঃ স্বভাবাত্ ।
করোমি যদ্যত্ সকলং পরস্মৈ
নারাযণাযেতি সমর্পযামি ॥

অনযা ধ্যান-আবাহনাদি-ষোডশোপচার পূজযা শ্রীমহালক্ষ্মী দেবী সুপ্রীতা সুপ্রসন্না বরদা ভবতু ॥

উদ্বাসনম্
ওং শ্রীমহালক্ষ্ম্যৈ নমঃ ।
যথাস্থানং উদ্বাসযামি ।
শোভনার্থে ক্ষেমায পুনরাগমনায চ ॥

প্রসাদ গ্রহণম্
অকালমৃত্যুহরণং সর্বব্যাধিনিবারণম্ ।
সমস্তপাপক্ষযকরং দেবতা পাদোদকং শুভম্ ॥

শ্রীমহালক্ষ্মী দেবী প্রসাদং শিরসা গৃহ্ণামি ॥

ওং শাংতিঃ শাংতিঃ শাংতিঃ ॥

ওং তত্সত্ ব্রহ্মার্পণমস্তু ॥