సూర్య నిత్య పూజా విధానం

ఆవశ్యకాని వస్తూని
– ఆసనం
– దీపః
– గంధః
– కుంకుమం
– అక్షతాః
– పుష్పాణి
– ధూపః
– నైవేద్యం
– తాంబూలం
– ఆచమనీయం
– పూజా పాత్రం
– కలశః
– శంఖః [optional]
– సూర్యనారాయణ స్వామి ప్రతిమా వా చిత్రపటః వా

పూర్వాంగ పూజా
శ్రీమహాగణాధిపతయే నమః ।
శ్రీ గురుభ్యో నమః ।
హరిః ఓమ్ ।

శుచిః
అపవిత్రః పవిత్రో వా సర్వావస్థాం గతోఽపి వా ।
యః స్మరేత్ పుండరీకాక్షం స బాహ్యాభ్యంతరః శుచిః ॥
పుండరీకాక్ష పుండరీకాక్ష పుండరీకాక్షాయ నమః ॥

ప్రార్థనా
శుక్లాంబరధరం విష్ణుం శశివర్ణం చతుర్భుజమ్ ।
ప్రసన్నవదనం ధ్యాయేత్ సర్వవిఘ్నోపశాంతయే ॥

అగజానన పద్మార్కం గజాననమహర్నిశమ్ ।
అనేకదం తం భక్తానాం ఏకదంతముపాస్మహే ॥

తదేవ లగ్నం సుదినం తదేవ
తారాబలం చంద్రబలం తదేవ ।
విద్యాబలం దైవబలం తదేవ
లక్ష్మీపతే తేఽంఘ్రియుగం స్మరామి ॥

గురుర్బ్రహ్మా గురుర్విష్ణుః గురుర్దేవో మహేశ్వరః ।
గురుః సాక్షాత్ పరబ్రహ్మ తస్మై శ్రీగురవే నమః ॥

సర్వమంగళ మాంగళ్యే శివే సర్వార్థసాధికే ।
శరణ్యే త్ర్యంబకే గౌరీ నారాయణి నమోఽస్తు తే ॥

శ్రీలక్ష్మీనారాయణాభ్యాం నమః ।
ఉమామహేశ్వరాభ్యాం నమః ।
వాణీహిరణ్యగర్భాభ్యాం నమః ।
శచీపురందరాభ్యాం నమః ।
అరుంధతీవసిష్ఠాభ్యాం నమః ।
శ్రీసీతారామాభ్యాం నమః ।
మాతాపితృభ్యో నమః ।
సర్వేభ్యో మహాజనేభ్యో నమః ।

ఆచమనం
ఓం కేశవాయ స్వాహా ।
ఓం నారాయణాయ స్వాహా ।
ఓం మాధవాయ స్వాహా ।
ఓం గోవిందాయ నమః ।
ఓం విష్ణవే నమః ।
ఓం మధుసూదనాయ నమః ।
ఓం త్రివిక్రమాయ నమః ।
ఓం వామనాయ నమః ।
ఓం శ్రీధరాయ నమః ।
ఓం హృషీకేశాయ నమః ।
ఓం పద్మనాభాయ నమః ।
ఓం దామోదరాయ నమః ।
ఓం సంకర్షణాయ నమః ।
ఓం వాసుదేవాయ నమః ।
ఓం ప్రద్యుమ్నాయ నమః ।
ఓం అనిరుద్ధాయ నమః ।
ఓం పురుషోత్తమాయ నమః ।
ఓం అధోక్షజాయ నమః ।
ఓం నారసింహాయ నమః ।
ఓం అచ్యుతాయ నమః ।
ఓం జనార్దనాయ నమః ।
ఓం ఉపేంద్రాయ నమః ।
ఓం హరయే నమః ।
ఓం శ్రీకృష్ణాయ నమః ।

దీపారాధనం
దీపస్త్వం బ్రహ్మరూపోఽసి జ్యోతిషాం ప్రభురవ్యయః ।
సౌభాగ్యం దేహి పుత్రాంశ్చ సర్వాన్కామాంశ్చ దేహి మే ॥
భో దీప దేవి రూపస్త్వం కర్మసాక్షీ హ్యవిఘ్నకృత్ ।
యావత్పూజాం కరిష్యామి తావత్త్వం సుస్థిరో భవ ॥
దీపారాధన ముహూర్తః సుముహూర్తోఽస్తు ॥

భూతోచ్చాటనం
ఉత్తిష్ఠంతు భూతపిశాచాః య ఏతే భూమిభారకాః ।
ఏతేషామవిరోధేన బ్రహ్మకర్మ సమారభే ॥
అపసర్పంతు తే భూతా యే భూతా భూమిసంస్థితాః ।
యే భూతా విఘ్నకర్తారస్తే గచ్ఛంతు శివాఽజ్ఞయా ॥

ప్రాణాయామః

ఓం భూః । ఓం భువః॑ । ఓగ్ం సువః॑ । ఓం మహః॑ । ఓం జనః॑ । ఓం తపః॑ । ఓగ్ం సత్యమ్ ।
ఓం తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి ।
ధియో॒ యో నః॑ ప్రచో॒దయా᳚త్ ॥
ఓమాపో॒ జ్యోతీ॒ రసో॒ఽమృతం॒ బ్రహ్మ॒ భూర్భువ॒స్సువ॒రోమ్ ॥

సంకల్పః
మమ ఉపాత్త సమస్త దురితక్షయ ద్వారా శ్రీపరమేశ్వర ప్రీత్యర్థం, మమ/అస్మాకం సహకుటుంబస్య క్షేమ-స్థైర్య-ధైర్య-వీర్య-విజయ-అభయ-ఆయుః-ఆరోగ్య-ఐశ్వర్య-అభివృద్ధ్యర్థం, ఆరోగ్య-తేజస్-బల-ప్రాప్త్యర్థం, ధర్మార్థ-కామ-మోక్ష-చతుర్విధ-పురుషార్థ-ఫల-సిద్ధ్యర్థం, శ్రీసూర్యనారాయణ స్వామి-ప్రీత్యర్థం, యావచ్ఛక్తి ధ్యాన-ఆవాహనాది-షోడశోపచార-పూజాం కరిష్యే ॥

తదంగ కలశారాధనం కరిష్యే ॥

కలశారాధనం
కలశే గంధ పుష్పాక్షతైరభ్యర్చ్య ।
కలశే ఉదకం పూరయిత్వా ।
కలశస్యోపరి హస్తం నిధాయ ।

కలశస్య ముఖే విష్ణుః కంఠే రుద్రః సమాశ్రితః ।
మూలే త్వస్య స్థితో బ్రహ్మా మధ్యే మాతృగణాః స్మృతాః ॥
కుక్షౌ తు సాగరాః సర్వే సప్తద్వీపా వసుంధరా ।
ఋగ్వేదోఽథ యజుర్వేదో సామవేదో హ్యథర్వణః ॥
అంగైశ్చ సహితాః సర్వే కలశాంబు సమాశ్రితాః ॥

గంగే చ యమునే చైవ గోదావరీ సరస్వతీ ।
నర్మదే సింధు కావేరీ జలేఽస్మిన్ సన్నిధిం కురు ॥
కావేరీ తుంగభద్రా చ కృష్ణవేణీ చ గౌతమీ ।
భాగీరథీతి విఖ్యాతాః పంచగంగాః ప్రకీర్తితాః ॥

ఆయాంతు దేవపూజార్థం మమ దురితక్షయకారకాః ।
కలశోదకేన పూజా ద్రవ్యాణి సంప్రోక్ష్య, దేవం సంప్రోక్ష్య, ఆత్మానం చ సంప్రోక్ష్య ॥

శంఖపూజా
శంఖం చంద్రార్క దైవతం మధ్యే వరుణ దేవతామ్ ।
పృష్ఠే ప్రజాపతిం వింద్యాదగ్రే గంగా సరస్వతీమ్ ॥
త్రైలోక్యే యాని తీర్థాని వాసుదేవస్య ఆజ్ఞయా ।
శంఖే తిష్ఠంతు విప్రేంద్రాః తస్మాత్ శంఖం ప్రపూజయేత్ ॥

ఓం శంఖాయ నమః ।
ఓం ధవళాయ నమః ।
ఓం పాంచజన్యాయ నమః ।
ఓం శంఖదేవతాభ్యో నమః ।
సకలపూజార్థే అక్షతాన్ సమర్పయామి ॥

ఘంటానాదః
ఆగమార్థం తు దేవానాం గమనార్థం తు రాక్షసామ్ ।
ఘంటారవం కరోమ్యాదౌ దేవతాహ్వాన లాంఛనమ్ ॥
ఓం ఘంటాదేవతాభ్యో నమః ।
సకలోపచార పూజార్థే అక్షతాన్ సమర్పయామి ॥

శ్రీ మహాగణపతి పూజా

ఓం గ॒ణానాం᳚ త్వా గ॒ణప॑తిగ్ం హవామహే క॒విం క॑వీ॒నాం ఉప॒మశ్ర॑వస్తవమ్ ।
జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒ ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥

సుముఖశ్చైకదంతశ్చ కపిలో గజకర్ణకః ।
లంబోదరశ్చ వికటో విఘ్నరాజో గణాధిపః ॥
ధూమకేతుర్గణాధ్యక్షః ఫాలచంద్రో గజాననః ।
వక్రతుండః శూర్పకర్ణో హేరంబః స్కందపూర్వజః ॥

ఓం శ్రీమహాగణపతయే నమః ।
ధ్యాయామి । ఆవాహయామి । ఆసనం సమర్పయామి ।
పాద్యం సమర్పయామి । అర్ఘ్యం సమర్పయామి । ఆచమనీయం సమర్పయామి ।
స్నానం సమర్పయామి । వస్త్రం సమర్పయామి । యజ్ఞోపవీతం సమర్పయామి ।
గంధం సమర్పయామి । పుష్పాణి సమర్పయామి ।
ధూపమాఘ్రాపయామి । దీపం దర్శయామి ।
నైవేద్యం సమర్పయామి । తాంబూలం సమర్పయామి ।
నీరాజనం సమర్పయామి । మంత్రపుష్పం సమర్పయామి ।
ప్రదక్షిణ నమస్కారాన్ సమర్పయామి ॥

షోడశోపచార పూజా
సూర్యనారాయణ ధ్యానం
ధ్యేయః సదా సవితృమండలమధ్యవర్తీ
నారాయణః సరసిజాసన సన్నివిష్టః ।
కేయూరవాన్ మకరకుండలవాన్ కిరీటీ
హారీ హిరణ్మయవపుః ధృతశంఖచక్రః ॥

అరుణోఽరుణపంకజే నిషణ్ణః
కమలేఽభీతివరౌ కరైర్దధానః ।
స్వరుచాహిత మండలస్త్రినేత్రో
రవిరాకల్ప శతాకులోఽవతాన్నః ॥

ఓం శ్రీసూర్యనారాయణాయ నమః ।
ధ్యాయామి । ధ్యానం సమర్పయామి ॥

ఆవాహనం

స॒హస్ర॑శీర్​షా॒ పురు॑షః । స॒హ॒స్రా॒క్షః స॒హస్ర॑పాత్ ।
స భూమిం॑-విఀ॒శ్వతో॑ వృ॒త్వా । అత్య॑తిష్ఠద్దశాంగు॒లమ్ ॥

ఆగచ్ఛ భగవన్ సూర్య మండపే చ స్థిరో భవ ।
యావత్పూజా సమాప్యేత తావత్త్వం సన్నిధౌ భవ ॥
ఓం శ్రీసూర్యనారాయణాయ నమః ।
ఆవాహయామి । స్థాపయామి । పూజయామి ॥

ఆసనం

పురు॑ష ఏ॒వేదగ్ం సర్వం᳚ । యద్భూ॒తం-యఀచ్చ॒ భవ్యం᳚ ।
ఉ॒తామృ॑త॒త్వ స్యేశా॑నః । యదన్నే॑నాతి॒రోహ॑తి ॥

హేమాసన మహద్దివ్యం నానారత్నవిభూషితమ్ ।
దత్తం మే గృహ్యతాం దేవ దివాకర నమోఽస్తు తే ॥
ఓం శ్రీసూర్యనారాయణాయ నమః ।
ఆసనం సమర్పయామి ॥

పాద్యం
గంగాజల సమానీతం పరమం పావనం మహత్ ।
పాద్యం గృహాణ దేవేశ ధామరూప నమోఽస్తు తే ॥
ఓం శ్రీసూర్యనారాయణాయ నమః ।
పాదయోః పాద్యం సమర్పయామి ॥

అర్ఘ్యం
భో సూర్య మహాద్భుత బ్రహ్మవిష్ణు స్వరూపదృక్ ।
అర్ఘ్యం అంజలినా దత్తం గృహాణ పరమేశ్వర ॥
ఓం శ్రీసూర్యనారాయణాయ నమః ।
హస్తయోః అర్ఘ్యం సమర్పయామి ॥

ఆచమనీయం
గంగాది తీర్థజం తోయం జాతీపుష్పైశ్చ వాసితమ్ ।
తామ్రపాత్రే స్థితం దివ్యం గృహాణాచమనీయకమ్ ॥
ఓం శ్రీసూర్యనారాయణాయ నమః ।
ముఖే ఆచమనీయం సమర్పయామి ॥

స్నానం

ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన ।
మ॒హే రణా॑య॒ చక్ష॑సే ॥
యో వః॑ శి॒వత॑మో రస॒స్తస్య॑ భాజయతే॒హ నః॑ ।
ఉ॒శ॒తీరి॑వ మా॒త॑రః ॥
తస్మా॒ అరం॑ గమామ వో॒ యస్య॒ క్షయా॑య॒ జిన్వ॑థ ।
ఆపో॑ జ॒నయ॑థా చ నః ॥

ఓం శ్రీసూర్యనారాయణాయ నమః ।
శుద్ధోదక స్నానం సమర్పయామి ॥
స్నానానంతరం ఆచమనీయం సమర్పయామి ॥

వస్త్రం
రక్తపట్టయుగం దేవ సూక్ష్మతంతువినిర్మితమ్ ।
శుద్ధం చైవ మయా దత్తం గృహాణ కమలాకర ॥
ఓం శ్రీసూర్యనారాయణాయ నమః ।
వస్త్రం సమర్పయామి ॥

యజ్ఞోపవీతం
నమః కమలహస్తాయ విశ్వరూపాయ తే నమః ।
ఉపవీతం మయా దత్తం తద్గృహాణ దివాకర ॥
ఓం శ్రీసూర్యనారాయణాయ నమః ।
యజ్ఞోపవీతం సమర్పయామి ॥

గంధం
కుంకుమాగరు కస్తూరీ సుగంధైశ్చందనాదిభిః ।
రక్తచందన సంయుక్తం గంధం గృహ్ణీష్వ భాస్కర ॥
ఓం శ్రీసూర్యనారాయణాయ నమః ।
గంధం సమర్పయామి ॥

అర్చన
జపాకదంబ కుసుమైః రక్తోత్పల యుతాని చ ।
పుష్పాణి గృహ్యతాం దేవ సర్వకామప్రదో భవ ॥

అంగ పూజా
ఓం మిత్రాయ నమః – పాదౌ పూజయామి ।
ఓం రవయే నమః – జంఘే పూజయామి ।
ఓం సూర్యాయ నమః – జానునీ పూజయామి ।
ఓం ఖగాయ నమః – ఊరూ పూజయామి ।
ఓం హిరణ్యగర్భాయ నమః – కటిం పూజయామి ।
ఓం పూష్ణే నమః – గుహ్యం పూజయామి ।
ఓం మరీచయే నమః – నాభిం పూజయామి ।
ఓం ఆదిత్యాయ నమః – జఠరం పూజయామి ।
ఓం సవిత్రే నమః – హృదయం పూజయామి ।
ఓం అర్కాయ నమః – స్తనౌ పూజయామి ।
ఓం భాస్కరాయ నమః – కంఠం పూజయామి ।
ఓం అర్యమ్ణే నమః – స్కంధౌ పూజయామి ।
ఓం హంసాయ నమః – హస్తౌ పూజయామి ।
ఓం అహస్కరాయ నమః – ముఖం పూజయామి ।
ఓం బ్రధ్నాయ నమః – నాసికాం పూజయామి ।
ఓం జగదేకచక్షుషే నమః – నేత్రాణి పూజయామి ।
ఓం భానవే నమః – కర్ణౌ పూజయామి ।
ఓం త్రిగుణాత్మధారిణే నమః – లలాటం పూజయామి ।
ఓం విరించినారాయణాయ నమః – శిరః పూజయామి ।
ఓం తిమిరనాశినే నమః – సర్వాణ్యంగాని పూజయామి ॥

[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]

అథవా సూర్య ద్వాదశ నామ పూజా ॥

ఓం ఆదిత్యాయ నమః ।
ఓం దివాకరాయ నమః ।
ఓం భాస్కరాయ నమః ।
ఓం ప్రభాకరాయ నమః ।
ఓం సహస్రాంశవే నమః ।
ఓం త్రిలోచనాయ నమః ।
ఓం హరిదశ్వాయ నమః ।
ఓం విభావసవే నమః ।
ఓం దినకరాయ నమః ।
ఓం ద్వాదశాత్మకాయ నమః ।
ఓం త్రిమూర్తయే నమః ।
ఓం సూర్యాయ నమః ॥

ఓం శ్రీసూర్యనారాయణాయ నమః ।
అష్టోత్తర శత నామావళీ పూజాం సమర్పయామి ।
అక్షతాన్ పుష్పాణి చ సమర్పయామి ॥

ధూపం
దశాంగోగుగ్గులోద్భూతః కాలాగరు సమన్వితః ।
ఆఘ్రేయః సర్వదేవానాం ధూపోఽయం ప్రతిగృహ్యతామ్ ॥
ఓం శ్రీసూర్యనారాయణాయ నమః ।
ధూపమాఘ్రాపయామి ॥

దీపం
కార్పాసవర్తికాయుక్తం గోఘృతేన సమన్వితమ్ ।
దీపం గృహాణ దేవేశ త్రైలోక్య తిమిరాపహ ॥
ఓం శ్రీసూర్యనారాయణాయ నమః ।
దీపం దర్శయామి ॥

నైవేద్యం
పాయసం ఘృతసంయుక్తం నానా పక్వాన్న సంయుతమ్ ।
నైవేద్యం చ మయా దత్తం శాంతిం కురు జగత్పతే ॥

ఓం భూర్భువ॒స్సువః॒ । తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి ।
ధి॒యో యో నః॑ ప్రచో॒దయా᳚త్ ॥

సత్యం త్వా ఋతేన పరిషించామి ।
అమృతమస్తు । అమృతోపస్తరణమసి ।
ఓం ప్రాణాయ స్వాహా । ఓం అపానాయ స్వాహా । ఓం వ్యానాయ స్వాహా ।
ఓం ఉదానాయ స్వాహా । ఓం సమానాయ స్వాహా ।
మధ్యే మధ్యే పానీయం సమర్పయామి ।
అమృతాపిధానమసి ।
ఉత్తరాపోశనం సమర్పయామి ।
హస్తౌ ప్రక్షాళయామి । పాదౌ ప్రక్షాళయామి ।
శుద్ధాచమనీయం సమర్పయామి ॥

ఓం శ్రీసూర్యనారాయణాయ నమః ।
నైవేద్యం సమర్పయామి ॥

తాంబూలం
ఏలాలవంగ కర్పూర ఖదిరైశ్చ సపూగకైః ।
నాగవల్లీదలైర్యుక్తం తాంబూలం ప్రతిగృహ్యతామ్ ॥
ఓం శ్రీసూర్యనారాయణాయ నమః ।
తాంబూలం సమర్పయామి ॥

నీరాజనం

వేదా॒హమే॒తం పురు॑షం మ॒హాంతం᳚ । ఆ॒ది॒త్యవ॑ర్ణం॒ తమ॑స॒స్తు పా॒రే ।
సర్వా॑ణి రూ॒పాణి॑ వి॒చిత్య॒ ధీరః॑ । నామా॑ని కృ॒త్వాఽభి॒వద॒న్॒, యదాఽఽస్తే᳚ ॥

పంచవర్తి సమాయుక్తం సర్వమంగళదాయకమ్ ।
నీరాజనం గృహాణేదం సర్వసౌఖ్యకరో భవ ॥
ఓం శ్రీసూర్యనారాయణాయ నమః ।
నీరాజనం సమర్పయామి ॥

మంత్రపుష్పం

ధా॒తా పు॒రస్తా॒ద్యము॑దాజ॒హార॑ । శ॒క్రః ప్రవి॒ద్వా-న్ప్ర॒దిశ॒శ్చత॑స్రః ।
తమే॒వం-విఀ॒ద్వాన॒మృత॑ ఇ॒హ భ॑వతి । నాన్యః పంథా॒ అయ॑నాయ విద్యతే ॥

ఓం భాస్కరాయ విద్మహే మహాద్యుతికరాయ ధీమహి ।
తన్నో ఆదిత్యః ప్రచోదయాత్ ॥
చంపకైః శతపత్రైశ్చ కల్హారైః కరవీరకైః ।
పాటలైర్బకులైర్యుక్తం గృహాణ కుసుమాంజలిమ్ ॥
ఓం శ్రీసూర్యనారాయణాయ నమః ।
మంత్రపుష్పం సమర్పయామి ॥

ప్రదక్షిణం
యాని కాని చ పాపాని జన్మాంతర కృతాని చ ।
తాని తాని వినశ్యంతి ప్రదక్షిణ పదే పదే ॥
పాపోఽహం పాపకర్మాఽహం పాపాత్మా పాపసంభవ ।
త్రాహి మాం కృపయా దేవ శరణాగతవత్సల ॥
అన్యథా శరణం నాస్తి త్వమేవ శరణం మమ ।
తస్మాత్కారుణ్య భావేన రక్ష రక్ష జనార్దన ॥
ఓం శ్రీసూర్యనారాయణాయ నమః ।
ప్రదక్షిణ నమస్కారాన్ సమర్పయామి ॥

నమస్కారః
ఉద్యన్నద్య వివస్వానారోహన్నుత్తరాం దివమ్ ।
దేవః హృద్రోగం మమ సూర్యో హరిమాణం చాశు నాశయతు ॥
ఓం శ్రీసూర్యనారాయణాయ నమః ।
నమస్కారాన్ సమర్పయామి ॥

ద్వాదశార్ఘ్యాణి
దివాకర నమస్తుభ్యం పాపం నాశయ భాస్కర ।
త్రయీమయాయ విశ్వాత్మన్ గృహాణార్ఘ్యం నమోఽస్తు తే ॥
ఓం మిత్రాయ నమః – ఇదమర్ఘ్యం సమర్పయామి ।
ఓం రవయే నమః – ఇదమర్ఘ్యం సమర్పయామి ।
ఓం సూర్యాయ నమః – ఇదమర్ఘ్యం సమర్పయామి ।
ఓం భానవే నమః – ఇదమర్ఘ్యం సమర్పయామి ।
ఓం ఖగాయ నమః – ఇదమర్ఘ్యం సమర్పయామి ।
ఓం పూష్ణే నమః – ఇదమర్ఘ్యం సమర్పయామి ।
ఓం హిరణ్యగర్భాయ నమః – ఇదమర్ఘ్యం సమర్పయామి ।
ఓం మరీచయే నమః – ఇదమర్ఘ్యం సమర్పయామి ।
ఓం ఆదిత్యాయ నమః – ఇదమర్ఘ్యం సమర్పయామి ।
ఓం సవిత్రే నమః – ఇదమర్ఘ్యం సమర్పయామి ।
ఓం అర్కాయ నమః – ఇదమర్ఘ్యం సమర్పయామి ।
ఓం భాస్కరాయ నమః – ఇదమర్ఘ్యం సమర్పయామి ॥

సర్వోపచారాః
ఓం శ్రీసూర్యనారాయణాయ నమః ।
ఛత్రం సమర్పయామి ।
చామరం సమర్పయామి ।
గీతం శ్రావయామి ।
నృత్యం దర్శయామి ।
సమస్త రాజోపచారాన్ దేవోపచారాన్ సమర్పయామి ॥

స్తోత్ర/సూక్త పఠనం

క్షమాప్రార్థనా
మంత్రహీనం క్రియాహీనం భక్తిహీనం జనార్దన ।
యత్పూజితం మయా దేవ పరిపూర్ణం తదస్తు తే ॥
అజ్ఞానాద్వా ప్రమాదాద్వా వైకల్యాత్సాధనస్య వా ।
యన్న్యూనమతిరిక్తం చ తత్సర్వం క్షంతుమర్హసి ॥

కాయేన వాచా మనసేంద్రియైర్వా
బుద్ధ్యాత్మనా వా ప్రకృతేః స్వభావాత్ ।
కరోమి యద్యత్ సకలం పరస్మై
నారాయణాయేతి సమర్పయామి ॥

అనయా ధ్యాన-ఆవాహనాది-షోడశోపచార పూజయా శ్రీసూర్యనారాయణ స్వామీ సుప్రీతః సుప్రసన్నః వరదో భవతు ॥

ఉద్వాసనం
ఓం శ్రీసూర్యనారాయణాయ నమః ।
యథాస్థానం ఉద్వాసయామి ।
శోభనార్థే క్షేమాయ పునరాగమనాయ చ ॥

ప్రసాద గ్రహణం
అకాలమృత్యుహరణం సర్వవ్యాధినివారణమ్ ।
సమస్తపాపక్షయకరం దేవతా పాదోదకం శుభమ్ ॥

శ్రీసూర్యనారాయణ స్వామి ప్రసాదం శిరసా గృహ్ణామి ॥

ఓం శాంతిః శాంతిః శాంతిః ॥

ఓం తత్సత్ బ్రహ్మార్పణమస్తు ॥