శ్రీ మధ్వాచార్య కృత ద్వాదశ స్తోత్ర – దశమస్తోత్రం

అథ దశమస్తోత్రం

అవ నః శ్రీపతిరప్రతిరధికేశాదిభవాదే ।
కరుణాపూర్ణవరప్రదచరితం జ్ఞాపయ మే తే ॥ 1॥

సురవంద్యాధిప సద్వరభరితాశేషగుణాలమ్ ।
కరుణాపూర్ణవరప్రదచరితం జ్ఞాపయ మే తే ॥ 2॥

సకలధ్వాంతవినాశన (వినాశక) పరమానందసుధాహో ।
కరుణాపూర్ణవరప్రదచరితం జ్ఞాపయ మే తే ॥ 3॥

త్రిజగత్పోత సదార్చితచరణాశాపతిధాతో ।
కరుణాపూర్ణవరప్రదచరితం జ్ఞాపయ మే తే ॥ 4॥

త్రిగుణాతీతవిధారక పరితో దేహి సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ 5॥

శరణం కారణభావన భవ మే తాత సదాఽలమ్ ।
కరుణాపూర్ణవరప్రదచరితం జ్ఞాపయ మే తే ॥ 6॥

మరణప్రాణద పాలక జగదీశావ సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ 7॥

తరుణాదిత్యసవర్ణకచరణాబ్జామల కీర్తే ।
కరుణాపూర్ణవరప్రదచరితం జ్ఞాపయ మే తే ॥ 8॥

సలిలప్రోత్థసరాగకమణివర్ణోచ్చనఖాదే ।
కరుణాపూర్ణవరప్రదచరితం జ్ఞాపయ మే తే ॥ 9॥

కజ (ఖజ) తూణీనిభపావనవరజంఘామితశక్తే ।
కరుణాపూర్ణవరప్రదచరితం జ్ఞాపయ మే తే ॥ 10॥

ఇబహస్తప్రభశోభనపరమోరుస్థరమాళే ।
కరుణాపూర్ణవరప్రదచరితం జ్ఞాపయ మే తే ॥ 11॥

అసనోత్ఫుల్లసుపుష్పకసమవర్ణావరణాంతే ।
కరుణాపూర్ణవరప్రదచరితం జ్ఞాపయ మే తే ॥ 12॥

శతమోదోద్భవసుందరివరపద్మోత్థితనాభే ।
కరుణాపూర్ణవరప్రదచరితం జ్ఞాపయ మే తే ॥ 13॥

జగదాగూహకపల్లవసమకుక్షే శరణాదే ।
కరుణాపూర్ణవరప్రదచరితం జ్ఞాపయ మే తే ॥ 14॥

జగదంబామలసుందరిగృహవక్షోవర యోగిన్ ।
కరుణాపూర్ణవరప్రదచరితం జ్ఞాపయ మే తే ॥ 15॥

దితిజాంతప్రద చక్రధరగదాయుగ్వరబాహో ।
కరుణాపూర్ణవరప్రదచరితం జ్ఞాపయ మే తే ॥ 16॥

పరమజ్ఞానమహానిధివదన శ్రీరమణేందో ।
కరుణాపూర్ణవరప్రదచరితం జ్ఞాపయ మే తే ॥ 17॥

నిఖిలాఘౌఘవినాశన (వినాశక) పరసౌఖ్యప్రదదృష్టే ।
కరుణాపూర్ణవరప్రదచరితం జ్ఞాపయ మే తే ॥ 18॥

పరమానందసుతీర్థసుమునిరాజో హరిగాథామ్ ।
కృతవాన్నిత్యసుపూర్ణకపరమానందపదైషిన్ ॥ 19॥

ఇతి శ్రీమదానందతీర్థభగవత్పాదాచార్య విరచితం
ద్వాదశస్తోత్రేషు దశమస్తోత్రం సంపూర్ణం