నారాయణీయం దశక 74 – భగవతః మథురాపురీప్రవేశం
సంప్రాప్తో మథురాం దినార్ధవిగమే తత్రాంతరస్మిన్ వస-
న్నారామే విహితాశనః సఖిజనైర్యాతః పురీమీక్షితుమ్ ।
ప్రాపో రాజపథం చిరశ్రుతిధృతవ్యాలోకకౌతూహల-
స్త్రీపుంసోద్యదగణ్యపుణ్యనిగలైరాకృష్యమాణో ను కిమ్ ॥1॥
త్వత్పాదద్యుతివత్ సరాగసుభగాః త్వన్మూర్తివద్యోషితః
సంప్రాప్తా విలసత్పయోధరరుచో లోలా భవత్ దృష్టివత్ ।
హారిణ్యస్త్వదురఃస్థలీవదయి తే మందస్మితప్రౌఢివ-
న్నైర్మల్యోల్లసితాః కచౌఘరుచివద్రాజత్కలాపాశ్రితాః ॥2॥
తాసామాకలయన్నపాంగవలనైర్మోదం ప్రహర్షాద్భుత-
వ్యాలోలేషు జనేషు తత్ర రజకం కంచిత్ పటీం ప్రార్థయన్ ।
కస్తే దాస్యతి రాజకీయవసనం యాహీతి తేనోదితః
సద్యస్తస్య కరేణ శీర్షమహృథాః సోఽప్యాప పుణ్యాం గతిమ్ ॥3॥
భూయో వాయకమేకమాయతమతిం తోషేణ వేషోచితం
దాశ్వాంసం స్వపదం నినేథ సుకృతం కో వేద జీవాత్మనామ్ ।
మాలాభిః స్తబకైః స్తవైరపి పునర్మాలాకృతా మానితో
భక్తిం తేన వృతాం దిదేశిథ పరాం లక్ష్మీం చ లక్ష్మీపతే ॥4॥
కుబ్జామబ్జవిలోచనాం పథిపునర్దృష్ట్వాఽంగరాగే తయా
దత్తే సాధు కిలాంగరాగమదదాస్తస్యా మహాంతం హృది ।
చిత్తస్థామృజుతామథ ప్రథయితుం గాత్రేఽపి తస్యాః స్ఫుటం
గృహ్ణన్ మంజు కరేణ తాముదనయస్తావజ్జగత్సుందరీమ్ ॥5॥
తావన్నిశ్చితవైభవాస్తవ విభో నాత్యంతపాపా జనా
యత్కించిద్దదతే స్మ శక్త్యనుగుణం తాంబూలమాల్యాదికమ్ ।
గృహ్ణానః కుసుమాది కించన తదా మార్గే నిబద్ధాంజలి-
ర్నాతిష్ఠం బత హా యతోఽద్య విపులామార్తిం వ్రజామి ప్రభో ॥6॥
ఏష్యామీతి విముక్తయాఽపి భగవన్నాలేపదాత్ర్యా తయా
దూరాత్ కాతరయా నిరీక్షితగతిస్త్వం ప్రావిశో గోపురమ్ ।
ఆఘోషానుమితత్వదాగమమహాహర్షోల్లలద్దేవకీ-
వక్షోజప్రగలత్పయోరసమిషాత్త్వత్కీర్తిరంతర్గతా ॥7॥
ఆవిష్టో నగరీం మహోత్సవవతీం కోదండశాలాం వ్రజన్
మాధుర్యేణ ను తేజసా ను పురుషైర్దూరేణ దత్తాంతరః ।
స్రగ్భిర్భూషితమర్చితం వరధనుర్మా మేతి వాదాత్ పురః
ప్రాగృహ్ణాః సమరోపయః కిల సమాక్రాక్షీరభాంక్షీరపి ॥8॥
శ్వః కంసక్షపణోత్సవస్య పురతః ప్రారంభతూర్యోపమ-
శ్చాపధ్వంసమహాధ్వనిస్తవ విభో దేవానరోమాంచయత్ ।
కంసస్యాపి చ వేపథుస్తదుదితః కోదండఖండద్వయీ-
చండాభ్యాహతరక్షిపూరుషరవైరుత్కూలితోఽభూత్ త్వయా ॥9॥
శిష్టైర్దుష్టజనైశ్చ దృష్టమహిమా ప్రీత్యా చ భీత్యా తతః
సంపశ్యన్ పురసంపదం ప్రవిచరన్ సాయం గతో వాటికామ్ ।
శ్రీదామ్నా సహ రాధికావిరహజం ఖేదం వదన్ ప్రస్వప-
న్నానందన్నవతారకార్యఘటనాద్వాతేశ సంరక్ష మామ్ ॥10॥
తరచుగా అడిగే ప్రశ్నలు
What is నారాయణీయం దశక 74 - భగవతః మథురాపురీప్రవేశం?
నారాయణీయం దశక 74 - భగవతః మథురాపురీప్రవేశం is a devotional text available on Bhakti Granth in the selected language or script.
Which language or script is this version in?
This edition is published in Telugu. Use the language selector to view another available edition.
Can I read నారాయణీయం దశక 74 - భగవతః మథురాపురీప్రవేశం online?
Yes. The imported text is available directly on this page for online reading and recitation.
Can I download నారాయణీయం దశక 74 - భగవతః మథురాపురీప్రవేశం as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.