మాంగల్య స్తవః
దాల్భ్యః
కార్యారంభేషు సర్వేషు దుఃస్వప్నేషు చ సత్తమ ।
అమాంగల్యేషు దృష్టేషు యజ్జప్తవ్యం తదుచ్యతామ్ ॥ 1 ॥
యేనారంభాశ్చ సిద్ధ్యంతి దుఃస్వప్నశ్చోపశామ్యతి ।
అమంగలానాం దృష్టానాం పరిహారశ్చ జాయతే ॥ 2 ॥
శ్రీ పులస్త్యః:
జనార్దనం భూతపతిం జగద్గురుం స్మరన్ మనుష్యః సతతం మహామునే ।
దుష్టాన్యశేషణ్యపహంతి సాధయతి అశేషకార్యాణి చ యాన్యభీప్సతి ॥ 3 ॥
శృణుష్వ చాన్యత్ గదతో మమాఖిలం వదామి యత్ తే ద్విజవర్య! మంగలమ్ ।
సర్వార్థసిద్ధిం ప్రదదాతి యత్ సదా నిహంత్య్శేషాణి చ పాతకాని ॥ 4 ॥
ప్రతిష్టితం యత్ర జగచ్చరాచరం జగత్త్రయే యో జగతశ్చ హేతుః ।
జగచ్చ పాత్యత్తి చ యః స సర్వదా మమాస్తు మాంగల్యవివృద్ధయే హరిః ॥ 5 ॥
వ్యోమాంబువాయ్వగ్నిమహీస్వరూపైః విస్తారవాన్ యోఽణుతరోఽణుభావాత్ ।
అస్థూలసూక్ష్మః సతతం పరేశ్వరో మమాస్తు మాంగల్యవివృద్ధయే హరిః ॥ 6 ॥
యస్మాత్ పరస్మాత్ పురుషాదనంతాత్ అనాదిమధ్యాదధికం న కించిత్ ।
స హేతుహేతుః పరమేశ్వరేశ్వరః మమాస్తు మాంగల్యవివృద్ధయే హరిః ॥ 7 ॥
హిరణ్యగర్భాచ్యుతరుద్రరూపీ సృజత్యశేషం పరిపాతి హంతి ।
గుణాగ్రణీర్యో భగవాన్ స సర్వదా మమాస్తు మాంగల్యవివృద్ధయే హరిః ॥ 8 ॥
పరః సురాణాం పరమోఽసురాణాం పరో యతీనాం పరమో మునీనామ్ ।
పరః సమస్తస్య చ యః స సర్వదా మమాస్తు మాంగల్యవివృద్ధయే హరిః ॥ 9 ॥
ధ్యాతో మునీనామపకల్మషైర్యో దదాతి ముక్తిం పరమేశ్వరేశ్వరః ।
మనోభిరామః పురుషః స సర్వదా మమాస్తు మాంగల్యవివృద్ధయే హరిః ॥ 10 ॥
సురేంద్రవైవస్వతవిత్తపాంబుపస్వరూపరూపీ పరిపాతి యో జగత్ ।
స శుద్ధశుద్ధః పరమేశ్వరేశ్వరో మమాస్తు మాంగల్యవివృద్ధయే హరిః ॥ 11 ॥
యన్నామసంకీర్తనతో విముచ్యతే హ్యనేకజన్మార్జితపాపసంచయాత్ ।
పాపేంధనాగ్నిః స సదైవ నిర్మలో మమాస్తు మాంగల్యవివృద్ధయే హరిః ॥ 12 ॥
యేనోద్ధృతేయం ధరణీ రసాతలాత్ అశేషసృష్టిస్థితికారణాదికమ్ ।
బిభర్తి విశ్వం జగతః స మూలం మమాస్తు మాంగల్యవివృద్ధయే హరిః ॥ 13 ॥
పాదేషు వేదా జఠరే చరాచరం రోమస్వశేషా మునయో ముఖే మఖాః ।
యస్యేశ్వరేశస్య స సర్వదా ప్రభుః మమాస్తు మాంగల్యవివృద్ధయే హరిః ॥ 14 ॥
సమస్త యజ్ఞాంగమయం వపుః ప్రభోః యస్యాంగమీశేశ్వరసంస్తుతస్య ।
వరాహరూపీ భగవాన్ స సర్వదా మమాస్తు మాంగల్యవివృద్ధయే హరిః ॥ 15 ॥
విక్షోభ్య సర్వోదధితోయసంభవం దధార ధాత్రీం జగతశ్చ యో భువమ్ ।
యజ్ఞేశ్వరో యజ్ఞపుమాన్ స సర్వదా మమాస్తు మాంగల్యవివృద్ధయే హరిః ॥ 16 ॥
పాతాలమూలేశ్వరభోగిసంహతో విన్యస్య పాదౌ పృతివీం చ బిభ్రతః ।
యస్యోపమానం న బభూవ సోఽచ్యుతో మమాస్తు మాంగల్యవివృద్ధయే హరిః ॥ 17 ॥
సఘర్ఘరం యస్య చ బృంహితం ముహుః సనందనాద్యైర్జనలోకసంశ్రితైః ।
శ్రుతం జయేత్యుక్తిపరైః స సర్వదా మమాస్తు మాంగల్యవివృద్ధయే హరిః ॥ 18 ॥
ఏకార్ణవాద్ యస్య మహీయసౌ మహీం ఆదాయ వేగేన ఖముత్పతిష్యతః ।
నతం వపుర్యోగివరైః స సర్వదా మమాస్తు మాంగల్యవివృద్ధయే హరిః ॥ 19 ॥
హతో హిరణ్యాక్షమహాసురః పురా పురాణపుంసా పరమేణ యేన ।
వరాహరూపః స పతిః ప్రజాపతిః మమాస్తు మాంగల్యవివృద్ధయే హరిః ॥ 20 ॥
దంష్ట్రాకరాలం సురభీతినాశకం కృతం వపుర్దివ్యనృసింహరూపిణా ।
త్రాతుం జగత్ యేన స సర్వదా ప్రభుః మమాస్తు మాంగల్యవివృద్ధయే హరిః ॥ 21 ॥
దైత్యేంద్రవక్షఃస్థలదారదారుణైః
కరేరుహైర్యః క్రకచానుకారిభిః ।
విచ్ఛేద లోకస్య భయాని సోఽచ్యుతో
మమాస్తు మాంగల్యవివృద్ధయే హరిః ॥ 22 ॥
దంతాంతదీప్తద్యుతినిర్మలాని యః చకార సర్వాణి దిశాం ముఖాని ।
నినాదవిత్రాసితదానవో హ్యసౌ మమాస్తు మాంగల్యవివృద్ధయే హరిః ॥ 23 ॥
యన్నామసంకీర్తనతో మహాభయాత్ విమోక్షమాప్నోతి న సంశయం నరః ।
స సర్వలోకార్తిహరో నృకేసరీ మమాస్తు మాంగల్యవివృద్ధయే హరిః ॥ 24 ॥
సటాకరాలభ్రమణానిలాహతాః స్ఫుటంతి యస్యాంబుధరాః సమంతతః ।
స దివ్యసింహః స్ఫురితానలేక్షణో మమాస్తు మాంగల్యవివృద్ధయే హరిః ॥ 25 ॥
యదీక్షణజ్యోతిషి రశ్మిమండలం ప్రలీనమీషన్న రరాజ భాస్వతః ।
కుతః శశాంకస్య స దివ్యరూపధృక్ మమాస్తు మాంగల్యవివృద్ధయే హరిః ॥ 26 ॥
అశేషదేవేశనరేశ్వరేశ్వరైః సదా స్తుతం యచ్చరితం మహాద్భుతమ్ ।
స సర్వలోకార్తిహరో మహాహరిః మమాస్తు మాంగల్యవివృద్ధయే హరిః ॥ 27 ॥
ద్రవంతి దైత్యాః ప్రణమంతి దేవతాః నశ్యంతి రక్షాంసి అపయాంతి చారయః ।
యత్కీర్తనాత్ సోఽద్భుతరూపకేసరీ మమాస్తు మాంగల్యవివృద్ధయే హరిః ॥ 28 ॥
ఋక్పావితం యో యజుషా హి శ్రీమత్ సామధ్వనిధ్వస్తసమస్తపాతకమ్ ।
చక్రే జగత్ వామనకః స సర్వదా మమాస్తు మాంగల్యవివృద్ధయే హరిః ॥ 29 ॥
యత్పాదవిన్యాసపవిత్రతాం మహీ యయౌ వియచ్చర్గ్యజుషాముదీరణాత్ ।
స వామనో దివ్యశరీరరూపదృం మమాస్తు మాంగల్యవివృద్ధయే హరిః ॥ 30 ॥
యస్మిన్ ప్రయాతేఽసురభూభృతోఽధ్వరాత్ ననామ ఖేదాదవనిః ససాగరా ।
స వామనః సర్వజగన్మయః సదా మమాస్తు మాంగల్యవివృద్ధయే హరిః ॥ 31 ॥
మహాద్భుతే దైత్యపతేర్మహాధ్వరే యస్మిన్ ప్రవిష్టే క్షుభితం మహాసురైః ।
స వామనోఽంతస్థితసప్తలోకధృం మమాస్తు మాంగల్యవివృద్ధయే హరిః ॥ 32 ॥
సంఘైః సురాణాం దివి భూతలస్థితైః తథా మనుష్యైర్గగనే చ ఖేచరైః ।
స్తుతః క్రమాద్ యః ప్రచ్చార సర్వదా మమాస్తు మాంగల్యవివృద్ధయే హరిః ॥ 33 ॥
క్రాంత్వా ధరిత్రీం గగనం తథా దివం మరుత్పతేర్యః ప్రదదౌ త్రివిష్టపమ్ ।
స దేవదేవో భువనేశ్వరేశ్వరో మమాస్తు మాంగల్యవివృద్ధయే హరిః ॥ 34 ॥
అనుగ్రహం చాపి బలేరనుత్త్మం చకార యశ్చేంద్రపదోపమం క్షణాత్ ।
సురాంశ్చ యజ్ఞాంశభుజః స సర్వదా మమాస్తు మాంగల్యవివృద్ధయే హరిః ॥ 35 ॥
రసాతలాద్ యేన పురా సమాహృతాః సమస్తవేదా జలచారరిరూపిణా ।
స కైటభారిమధుహాఽంబుశాయీ మమాస్తు మాంగల్యవివృద్ధయే హరిః ॥ 36 ॥
నిఃక్షత్రియం యశ్చ చకార మేదినీం అనేకశో బాహువనం తథాఽచ్ఛినత్ ।
యః కార్తవీర్యస్య స భార్గవోత్తమో మమాస్తు మాంగల్యవివృద్ధయే హరిః ॥ 37 ॥
నిహత్య యో వాలినముగ్రవిక్రమం
నిబద్ధ్య సేతుం జలధౌ దశాననమ్ ।
జఘాన చాన్యాన్ రజనీచరాన్ అసౌ
మమాస్తు మాంగల్యవివృద్ధయే హరిః ॥ 38 ॥
చిక్షేప బాలః శకటం, బభంజ యో యమార్జునం, కంసమరిం జఘాన చ ।
మమర్ద చాణూరముఖాన్ స సర్వదా మమాస్తు మాంగల్యవివృద్ధయే హరిః ॥ 39 ॥
ప్రాతః సహస్రాంశుమరీచినిర్మలం కరేణ బిభ్రత్ భగవాన్ సుదర్శనమ్ ।
కౌమోదకీ చాపి గదామనంతో మమాస్తు మాంగల్యవివృద్ధయే హరిః ॥ 40 ॥
హిమేందుకుందస్ఫటికాభనిర్మలం ముఖానిలాపూరితమీశ్వరేశ్వరః ।
మధ్యాహ్నకాలేఽపి స శన్ఖముద్వహన్ మమాస్తు మాంగల్యవివృద్ధయే హరిః ॥ 41 ॥
తథాపరాహ్ణే ప్రవికాసి పంకజం వక్షస్థలేన శ్రియముద్వహన్ హరిః ।
విస్తారిపద్మాయతపత్రలోచనో మమాస్తు మాంగల్యవివృద్ధయే హరిః ॥ 42 ॥
సర్వేషు కాలేషు సమస్తదేశేషు అశేషకార్యేషు తథేశ్వరేశ్వరః ।
సర్వైః స్వరూపైర్భగవాన్ అనాదిమాన్ మమాస్తు మాంగల్యవివృద్ధయే హరిః ॥ 43 ॥
ఏతత్ పఠన్ దాల్భ్య సమస్తపాపైః
విముచ్యతే విష్ణుపరో మనుష్యః ।
సిద్ధ్యంతి కార్యాణి తథాఽస్య సర్వాన్
అర్థానవాప్నోతి యథేచ్ఛతే తాన్ ॥ 44 ॥
దుఃస్వప్నః ప్రశమముపైతి పఠ్యమానే
స్తోత్రేఽస్మిన్ శ్రవణవిధౌ సదోద్యతస్య ।
ప్రారంభో ద్రుతముపయాతి సిద్ధిమీశః
పాపాని క్షపయతి చాస్య దేవదేవః ॥ 45 ॥
మాంగల్యం పరమపదం సదాఽర్థసిద్ధిం
నిర్విఘ్నామధికఫలాం శ్రియం దదాతి ।
కిం లోకే తదిహ పరత్ర చాపి పుంసాం
యద్విష్ణుప్రవణధియాం న దాల్భ్య! సాధ్యమ్ ॥ 46 ॥
దేవేంద్రస్త్రిభువనమర్థమేకపింగః
సంసిద్ధిం త్రిభువనగాం చ కార్తవీర్యః ।
వైదేహః పరమపదం ప్రసాద్య విష్ణుం
సంప్రాప్తాః సకలఫలప్రదో హి విష్ణుః ॥ 47 ॥
సర్వారంభేషు దాల్భ్యైతద్ దుఃస్వప్నేషు చ పండితః ।
జపేదేకమనా విష్ణౌ తథాఽమంగల్యదర్శనే ॥ 48 ॥
శమం ప్రయాంతి దుష్టాని గ్రహపీడాశ్చ దారుణాః ।
కర్మారంభాశ్చ సిద్ధ్యంతి పుణ్యమాప్నోతి చోత్తమమ్ ॥ 49 ॥
హరిర్దదాతి భద్రాణి మంగల్యస్తుతిసంస్తుతః ।
కరోత్యఖిలరూపైస్తు రక్షామక్షతశక్తిభృత్ ॥ 50 ॥
॥ శ్రీవిష్ణుధర్మోత్తరాంతర్గతః మాంగల్యస్తవః సంపూర్ణః ॥
తరచుగా అడిగే ప్రశ్నలు
What is మాంగల్య స్తవః?
మాంగల్య స్తవః is a devotional text available on Bhakti Granth in the selected language or script.
Which language or script is this version in?
This edition is published in Telugu. Use the language selector to view another available edition.
Can I read మాంగల్య స్తవః online?
Yes. The imported text is available directly on this page for online reading and recitation.
Can I download మాంగల్య స్తవః as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.