జ్వర కృతా కృష్ణ స్తొత్రం

జ్వర ఉవాచ ।
నమః కృష్ణాయ హరయే విష్ణవే ప్రభవిష్ణవే ।
ఆదిదేవాయ దేవాయ పురాణాయ గదాభృతే ॥ 1 ॥
నమః సహస్రశిరసే సహస్రచరణాయ చ ।
సహస్రాక్ష నమో నిత్యం లోకానామభయంకర ॥ 2 ॥
ఉద్గీథాయ నమో దేవ యజ్ఞాధిపతయే నమః ।
నమస్తే చక్రిణే నిత్యమసిహస్తాయ తే నమః ॥ 3 ॥
అనంతాయ విరూపాయ నమస్తే మధుసూదన ।
నమస్తే దేవదేవేశ తుభ్యం దేవ కపర్దినే ॥ 4 ॥
నమస్తే రాక్షసఘ్నాయ నమో రాఘవరూపిణే ।
జ్ఞానజ్ఞేయాయ దేవాయ నమ ఆద్యాయ విష్ణవే ॥ 5 ॥
నమస్తే నరసింహాయ దైత్యరాజవిహారిణే ।
నమస్తుభ్యం వరాహాయ దంష్ట్రోద్ధృతవసుంధర ॥ 6 ॥
త్రివిక్రమ నమస్తుభ్యం బలియజ్ఞవినాశన ।
వాసుదేవాయ దేవాయ నమః కంసవినాశన ॥ 7 ॥
నమః సర్వాత్మనే దేవ సర్వకర్త్రే నమో నమః ।
ప్రాసీద దేవదేవేశ భీతానామభయంకర ॥ 8 ॥
నమామి దేవదేవేశం వరేణ్యమభయప్రదమ్ ।
విష్ణో త్వాం సకలేశేశ త్వాం గదాధరమవ్యయమ్ ॥ 9 ॥
నమస్తే దేవదేవేశ భీతోఽహం భవనాశన ।
ఇతి స్తుత్వా జగన్నాథం నృత్యన్నివ తదా జ్వరః ॥ 10 ॥
పపాత పాదయోర్విష్ణోర్నిఃశ్వసన్ భీతభీతవత్ ।
ప్రాసీద విష్ణో దేవేశ పీడితోఽస్మి జనార్దన ॥ 11 ॥

ఇతి హరివంశాంతర్గతం జ్వరకృతం శ్రీకృష్ణస్తోత్రం సంపూర్ణమ్ ।

హరివంశ . అధ్యాయ 111/7 . ।