ధ్రువ స్తుతిః
(విష్ణుపురాణాంతర్గతా; ముఖ్య స్తుతి శ్లోకాః 51-74)
ధ్రువ ఉవాచ ।
భూమిరాపోఽనలో వాయుః ఖం మనో బుద్ధిరేవ చ ।
భూతాదిరాదిప్రకృతిర్యస్య రూపం నతోఽస్మి తమ్ ॥ 51 ॥
శుద్ధః సూక్ష్మోఽఖిలవ్యాపీ ప్రధానాత్పరతః పుమాన్ ।
యస్య రూపం నమస్తస్మై పురుషాయ గుణాశినే ॥ 52 ॥
భూరాదీనాం సమస్తానాం గంధాదీనాం చ శాశ్వతః ।
బుద్ధ్యాదీనాం ప్రధానస్య పురుషస్య చ యః పరః ॥ 53 ॥
తం బ్రహ్మభూతమాత్మానమశేషజగతః పతిమ్ ।
ప్రపద్యే శరణం శుద్ధం త్వద్రూపం పరమేశ్వర ॥ 54 ॥
బృహత్త్వాద్బృంహణత్వాచ్చ యద్రూపం బ్రహ్మసంజ్ఞితమ్ ।
తస్మై నమస్తే సర్వాత్మన్యోగిచింత్యావికారిణే ॥ 55 ॥
సహస్రశీర్షా పురుషః సహస్రాక్షః సహస్రపాత్ ।
సర్వవ్యాపీ భువః స్పర్శాదత్యతిష్ఠద్దశాంగులమ్ ॥ 56 ॥
యద్భూతం యచ్చ వై భవ్యం పురుషోత్తమ తద్భవాన్ ।
త్వత్తో విరాట్ స్వరాట్ సమ్రాట్ త్వత్తశ్చాప్యధిపూరుషః ॥ 57 ॥
అత్యరిచ్యత సోఽధశ్చ తిర్యగూర్ధ్వం చ వై భువః ।
త్వత్తో విశ్వమిదం జాతం త్వత్తో భూతభవిష్యతీ ॥ 58 ॥
త్వద్రూపధారిణశ్చాంతః సర్వభూతమిదం జగత్ ।
త్వత్తో యజ్ఞః సర్వహుతః పృషదాజ్యం పశుర్ద్విధా ॥ 59 ॥
త్వత్త ఋచోఽథ సామాని త్వత్తశ్ఛందాంసి జజ్ఞిరే ।
త్వత్తో యజూంష్యజాయంత త్వత్తోఽశ్వాశ్చైకతో దతః ॥ 60 ॥
గావస్త్వత్తః సముద్భూతాస్త్వత్తోఽజా అవయో మృగాః ।
త్వన్ముఖాద్బ్రాహ్మణాస్త్వత్తో బాహోః క్షత్రమజాయత ॥ 61 ॥
వైశ్యాస్తవోరుజాః శూద్రాస్తవ పద్భ్యాం సముద్గతాః ।
అక్ష్ణోః సూర్యోఽనిలః ప్రాణాచ్చంద్రమా మనసస్తవ ॥ 62 ॥
ప్రాణోఽంతఃసుషిరాజ్జాతో ముఖాదగ్నిరజాయత ।
నాభితో గగనం ద్యౌశ్చ శిరసః సమవర్తత ॥ 63 ॥
దిశః శ్రోత్రాత్క్షితిః పద్భ్యాం త్వత్తః సర్వమభూదిదమ్ ॥ 64 ॥
న్యగ్రోధః సుమహానల్పే యథా బీజే వ్యవస్థితః ।
సంయమే విశ్వమఖిలం బీజభూతే తథా త్వయి ॥ 65 ॥
బీజాదంకురసంభూతో న్యగ్రోధః స సముచ్ఛ్రితః ।
విస్తారం చ యథా యాతి త్వత్తః సృష్టౌ తథా జగత్ ॥ 66 ॥
యథా హి కదలీ నాన్యా త్వక్పత్రాదపి దృశ్యతే ।
ఏవం విశ్వస్య నాన్యస్త్వం త్వత్స్థాయీశ్వర దృశ్యతే ॥ 67 ॥
హ్లాదినీ సంధినీ సంవిత్త్వయ్యేకా సర్వసంస్థితౌ ।
హ్లాదతాపకరీ మిశ్రా త్వయి నో గుణవర్జితే ॥ 68 ॥
పృథగ్భూతైకభూతాయ భూతభూతాయ తే నమః ।
ప్రభూతభూతభూతాయ తుభ్యం భూతాత్మనే నమః ॥ 69 ॥
వ్యక్తం ప్రధానపురుషౌ విరాట్ సమ్రాట్ స్వరాట్ తథా ।
విభావ్యతేఽంతఃకరణే పురుషేష్వక్షయో భవాన్ ॥ 70 ॥
సర్వస్మిన్ సర్వభూతస్త్వం సర్వః సర్వస్వరూపధృక్ ।
సర్వం త్వత్తస్తతశ్చ త్వం నమః సర్వాత్మనేఽస్తు తే ॥ 71 ॥
సర్వాత్మకోఽసి సర్వేశ సర్వభూతస్థితో యతః ।
కథయామి తతః కిం తే సర్వం వేత్సి హృది స్థితమ్ ॥ 72 ॥
సర్వాత్మన్సర్వభూతేశ సర్వసత్త్వసముద్భవ ।
సర్వభూతో భవాన్వేత్తి సర్వసత్త్వమనోరథమ్ ॥ 73 ॥
యో మే మనోరథో నాథ సఫలః స త్వయా కృతః ।
తపశ్చ తప్తం సఫలం యద్దృష్టోఽసి జగత్పతే ॥ 74 ॥
తరచుగా అడిగే ప్రశ్నలు
What is ధ్రువ స్తుతిః?
ధ్రువ స్తుతిః is a devotional text available on Bhakti Granth in the selected language or script.
Which language or script is this version in?
This edition is published in Telugu. Use the language selector to view another available edition.
Can I read ధ్రువ స్తుతిః online?
Yes. The imported text is available directly on this page for online reading and recitation.
Can I download ధ్రువ స్తుతిః as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.