யமுனா ஆஷ்டகம்

முராரிகாயகாலிமாலலாமவாரிதா⁴ரிணீ
த்ருணீக்ருதத்ரிவிஷ்டபா த்ரிலோகஶோகஹாரிணீ ।
மனோனுகூலகூலகுஞ்ஜபுஞ்ஜதூ⁴தது³ர்மதா³
து⁴னோது மே மனோமலம் கலிந்த³னந்தி³னீ ஸதா³ ॥ 1 ॥

மலாபஹாரிவாரிபூரபூ⁴ரிமண்டி³தாம்ருதா
ப்⁴ருஶம் ப்ரபாதகப்ரவஞ்சனாதிபண்டி³தானிஶம் ।
ஸுனந்த³னந்த³னாங்க³ஸங்க³ராக³ரஞ்ஜிதா ஹிதா
து⁴னோது மே மனோமலம் கலிந்த³னந்தி³னீ ஸதா³ ॥ 2 ॥

லஸத்தரங்க³ஸங்க³தூ⁴தபூ⁴தஜாதபாதகா
நவீனமாது⁴ரீது⁴ரீணப⁴க்திஜாதசாதகா ।
தடாந்தவாஸதா³ஸஹம்ஸஸம்ஸ்ருதா ஹி காமதா³
து⁴னோது மே மனோமலம் கலிந்த³னந்தி³னீ ஸதா³ ॥ 3 ॥

விஹாரராஸகே²த³பே⁴த³தீ⁴ரதீரமாருதா
க³தா கி³ராமகோ³சரே யதீ³யனீரசாருதா ।
ப்ரவாஹஸாஹசர்யபூதமேதி³னீனதீ³னதா³
து⁴னோது மே மனோமலம் கலிந்த³னந்தி³னீ ஸதா³ ॥ 4 ॥

தரங்க³ஸங்க³ஸைகதாஞ்சிதாந்தரா ஸதா³ஸிதா
ஶரன்னிஶாகராம்ஶுமஞ்ஜுமஞ்ஜரீஸபா⁴ஜிதா ।
ப⁴வார்சனாய சாருணாம்பு³னாது⁴னா விஶாரதா³
து⁴னோது மே மனோமலம் கலிந்த³னந்தி³னீ ஸதா³ ॥ 5 ॥

ஜலாந்தகேலிகாரிசாருராதி⁴காங்க³ராகி³ணீ
ஸ்வப⁴ர்துரன்யது³ர்லபா⁴ங்க³ஸங்க³தாம்ஶபா⁴கி³னீ ।
ஸ்வத³த்தஸுப்தஸப்தஸிந்து⁴பே⁴த³னாதிகோவிதா³
து⁴னோது மே மனோமலம் கலிந்த³னந்தி³னீ ஸதா³ ॥ 6 ॥

ஜலச்யுதாச்யுதாங்க³ராக³லம்படாலிஶாலினீ
விலோலராதி⁴காகசாந்தசம்பகாலிமாலினீ ।
ஸதா³வகா³ஹனாவதீர்ணப⁴ர்த்ருப்⁴ருத்யனாரதா³
து⁴னோது மே மனோமலம் கலிந்த³னந்தி³னீ ஸதா³ ॥ 7 ॥

ஸதை³வ நந்த³னந்த³கேலிஶாலிகுஞ்ஜமஞ்ஜுலா
தடோத்த²பு²ல்லமல்லிகாகத³ம்ப³ரேணுஸூஜ்ஜ்வலா ।
ஜலாவகா³ஹினாம் ந்ருணாம் ப⁴வாப்³தி⁴ஸிந்து⁴பாரதா³
து⁴னோது மே மனோமலம் கலிந்த³னந்தி³னீ ஸதா³ ॥ 8 ॥