விஷ்ணு ஸ்துதி: (கர்த³ம ருஷி க்ருதா)

ருஷிருவாச ।
ஜுஷ்டம் ப³தாத்³யாகி²லஸத்த்வராஶே:
ஸாம்ஸித:³த்⁴யமக்ஷ்ணோஸ்தவ த³ர்ஶனான்ன: ।
யத்³த³ர்ஶனம் ஜன்மபி⁴ரீட்³ய ஸத்³பி⁴-
ராஶாஸதே யோகி³னோ ரூட⁴யோகா³: ॥ 13 ॥
யே மாயயா தே ஹதமேத⁴ஸஸ்த்வ-
த்பாதா³ரவிந்த³ம் ப⁴வஸிந்து⁴போதம் ।
உபாஸதே காமலவாய தேஷாம்
ராஸீஶ காமான்னிரயேபி யே ஸ்யு: ॥ 14 ॥
ததா² ஸ சாஹம் பரிவோடு⁴காம:
ஸமானஶீலாம் க்³ருஹமேத⁴தே⁴னும் ।
உபேயிவான் மூலமஶேஷமூலம்
து³ராஶய: காமது³கா⁴ங்க்⁴ரிபஸ்ய ॥ 15 ॥
ப்ரஜாபதேஸ்தே வசஸாதீ⁴ஶ தந்த்யா
லோக: கிலாயம் காமஹதோனுப³த்³த:⁴ ।
அஹம் ச லோகானுக³தோ வஹாமி
ப³லிம் ச ஶுக்லானிமிஷாய துப்⁴யம் ॥ 16 ॥
லோகாம்ஶ்ச லோகானுக³தான் பஶூம்ஶ்ச
ஹித்வா ஶ்ரிதாஸ்தே சரணாதபத்ரம் ।
பரஸ்பரம் த்வத்³கு³ணவாத³ஸீது⁴-
பீயூஷனிர்யாபிததே³ஹத⁴ர்மா: ॥ 17 ॥
ந தேஜராக்ஷப்⁴ரமிராயுரேஷாம்
த்ரயோத³ஶாரம் த்ரிஶதம் ஷஷ்டிபர்வ ।
ஷண்னேம்யனந்தச்ச²தி³ யத்த்ரிணாபி⁴-
கராலஸ்ரோதோ ஜக³தா³ச்சி²த்³ய தா⁴வத் ॥ 18 ॥
ஏக: ஸ்வயம் ஸன் ஜக³த: ஸிஸ்ருக்ஷயா
த்³விதீயயாத்மன்னதி⁴யோக³மாயயா ।
ஸ்ருஜஸ்யத:³ பாஸி புனர்க்³ரஸிஷ்யஸே
யதோ²ர்ணனாபி⁴ர்ப⁴க³வன் ஸ்வஶக்திபி⁴: ॥ 19 ॥
நைதத்³ப³தாதீ⁴ஶ பத³ம் தவேப்ஸிதம்
யன்மாயயா நஸ்தனுஷே பூ⁴தஸூக்ஷ்மம் ।
அனுக்³ரஹாயாஸ்த்வபி யர்ஹி மாயயா
லஸத்துலஸ்யா தனுவா விலக்ஷித: ॥ 2௦ ॥
தம் த்வானுபூ⁴த்யோபரதக்ரியார்த²ம்
ஸ்வமாயயா வர்திதலோகதந்த்ரம் ।
நமாம்யபீ⁴க்ஷ்ணம் நமனீயபாத-³
ஸரோஜமல்பீயஸி காமவர்ஷம் ॥ 21 ॥

இதி ஶ்ரீமத்³பா⁴க³வதமஹாபுராணே த்ருதீயஸ்கந்தே⁴ ஏகவிம்ஶாத்⁴யாயாந்தர்க³தம்
கர்த³மர்ஷிக்ருதம் விஷ்ணுஸ்தோத்ரம் ஸமாப்தம் ।

பா⁴க³வதபுராண . அத்⁴யாய 3/21/13-21 . ।