விது³ர நீதி – உத்³யோக³ பர்வம், அத்⁴யாய: 39
॥ இதி ஶ்ரீமஹாபா⁴ரதே உத்³யோக³பர்வணி ப்ரஜாக³ரபர்வணி
விது³ரவாக்யே ஏகோனசத்வாரிம்ஶோத்⁴யாய: ॥
த்⁴ருதராஷ்ட்ர உவாச ।
அனீஶ்வரோயம் புருஷோ ப⁴வாப⁴வே
ஸூத்ரப்ரோதா தா³ருமயீவ யோஷா ।
தா⁴த்ரா ஹி தி³ஷ்டஸ்ய வஶே கிலாயம்
தஸ்மாத்³வத³ த்வம் ஶ்ரவணே க்⁴ருதோஹம் ॥ 1॥
விது³ர உவாச ।
அப்ராப்தகாலம் வசனம் ப்³ருஹஸ்பதிரபி ப்³ருவன் ।
லப⁴தே பு³த்³த்⁴யவஜ்ஞானமவமானம் ச பா⁴ரத ॥ 2॥
ப்ரியோ ப⁴வதி தா³னேன ப்ரியவாதே³ன சாபர: ।
மந்த்ரம் மூலப³லேனான்யோ ய: ப்ரிய: ப்ரிய ஏவ ஸ: ॥ 3॥
த்³வேஷ்யோ ந ஸாது⁴ர்ப⁴வதி ந மேதா⁴வீ ந பண்டி³த: ।
ப்ரியே ஶுபா⁴னி கர்மாணி த்³வேஷ்யே பாபானி பா⁴ரத ॥ 4॥
ந ஸ க்ஷயோ மஹாராஜ ய: க்ஷயோ வ்ருத்³தி⁴மாவஹேத் ।
க்ஷய: ஸ த்விஹ மந்தவ்யோ யம் லப்³த்⁴வா ப³ஹு நாஶயேத் ॥ 5॥
ஸம்ருத்³தா⁴ கு³ணத: கே சித்³ப⁴வந்தி த⁴னதோபரே ।
த⁴னவ்ருத்³தா⁴ன்கு³ணைர்ஹீனாந்த்⁴ருதராஷ்ட்ர விவர்ஜயேத் ॥ 6॥
த்⁴ருதராஷ்ட்ர உவாச ।
ஸர்வம் த்வமாயதீ யுக்தம் பா⁴ஷஸே ப்ராஜ்ஞஸம்மதம் ।
ந சோத்ஸஹே ஸுதம் த்யக்தும் யதோ த⁴ர்மஸ்ததோ ஜய: ॥ 7॥
விது³ர உவாச ।
ஸ்வபா⁴வகு³ணஸம்பன்னோ ந ஜாது வினயான்வித: ।
ஸுஸூக்ஷ்மமபி பூ⁴தானாமுபமர்த³ம் ப்ரயோக்ஷ்யதே ॥ 8॥
பராபவாத³ நிரதா: பரது³:கோ²த³யேஷு ச ।
பரஸ்பரவிரோதே⁴ ச யதந்தே ஸததோதி²தா: ॥ 9॥
ஸ தோ³ஷம் த³ர்ஶனம் யேஷாம் ஸம்வாஸே ஸுமஹத்³ப⁴யம் ।
அர்தா²தா³னே மஹாந்தோ³ஷ: ப்ரதா³னே ச மஹத்³ப⁴யம் ॥ 1௦॥
யே பாபா இதி விக்²யாதா: ஸம்வாஸே பரிக³ர்ஹிதா: ।
யுக்தாஶ்சான்யைர்மஹாதோ³ஷைர்யே நராஸ்தான்விவர்ஜயேத் ॥ 11॥
நிவர்தமானே ஸௌஹார்தே³ ப்ரீதிர்னீசே ப்ரணஶ்யதி ।
யா சைவ ப²லனிர்வ்ருத்தி: ஸௌஹ்ருதே³ சைவ யத்ஸுக²ம் ॥ 12॥
யததே சாபவாதா³ய யத்னமாரப⁴தே க்ஷயே ।
அல்பேப்யபக்ருதே மோஹான்ன ஶாந்திமுபக³ச்ச²தி ॥ 13॥
தாத்³ருஶை: ஸங்க³தம் நீசைர்ன்ருஶம்ஸைரக்ருதாத்மபி⁴: ।
நிஶாம்ய நிபுணம் பு³த்³த்⁴யா வித்³வாந்தூ³ராத்³விவர்ஜயேத் ॥ 14॥
யோ ஜ்ஞாதிமனுக்³ருஹ்ணாதி த³ரித்³ரம் தீ³னமாதுரம் ।
ஸபுத்ரபஶுபி⁴ர்வ்ருத்³தி⁴ம் யஶஶ்சாவ்யயமஶ்னுதே ॥ 15॥
ஜ்ஞாதயோ வர்த⁴னீயாஸ்தைர்ய இச்ச²ந்த்யாத்மன: ஶுப⁴ம் ।
குலவ்ருத்³தி⁴ம் ச ராஜேந்த்³ர தஸ்மாத்ஸாது⁴ ஸமாசர ॥ 16॥
ஶ்ரேயஸா யோக்ஷ்யஸே ராஜன்குர்வாணோ ஜ்ஞாதிஸத்க்ரியாம் ।
விகு³ணா ஹ்யபி ஸம்ரக்ஷ்யா ஜ்ஞாதயோ ப⁴ரதர்ஷப⁴ ॥ 17॥
கிம் புனர்கு³ணவந்தஸ்தே த்வத்ப்ரஸாதா³பி⁴காங்க்ஷிண: ।
ப்ரஸாத³ம் குரு தீ³னானாம் பாண்ட³வானாம் விஶாம் பதே ॥ 18॥
தீ³யந்தாம் க்³ராமகா: கே சித்தேஷாம் வ்ருத்த்யர்த²மீஶ்வர ।
ஏவம் லோகே யஶ:ப்ராப்தோ ப⁴விஷ்யத்ஸி நராதி⁴ப ॥ 19॥
வ்ருத்³தே⁴ன ஹி த்வயா கார்யம் புத்ராணாம் தாத ரக்ஷணம் ।
மயா சாபி ஹிதம் வாச்யம் வித்³தி⁴ மாம் த்வத்³தி⁴தைஷிணம் ॥ 2௦॥
ஜ்ஞாதிபி⁴ர்விக்³ரஹஸ்தாத ந கர்தவ்யோ ப⁴வார்தி²னா ।
ஸுகா²னி ஸஹ போ⁴ஜ்யானி ஜ்ஞாதிபி⁴ர்ப⁴ரதர்ஷப⁴ ॥ 21॥
ஸம்போ⁴ஜனம் ஸங்கத²னம் ஸம்ப்ரீதிஶ் ச பரஸ்பரம் ।
ஜ்ஞாதிபி⁴: ஸஹ கார்யாணி ந விரோத:⁴ கத²ம் சன ॥ 22॥
ஜ்ஞாதயஸ்தாரயந்தீஹ ஜ்ஞாதயோ மஜ்ஜயந்தி ச ।
ஸுவ்ருத்தாஸ்தாரயந்தீஹ து³ர்வ்ருத்தா மஜ்ஜயந்தி ச ॥ 23॥
ஸுவ்ருத்தோ ப⁴வ ராஜேந்த்³ர பாண்ட³வான்ப்ரதி மானத³ ।
அத⁴ர்ஷணீய: ஶத்ரூணாம் தைர்வ்ருதஸ்த்வம் ப⁴விஷ்யஸி ॥ 24॥
ஶ்ரீமந்தம் ஜ்ஞாதிமாஸாத்³ய யோ ஜ்ஞாதிரவஸீத³தி ।
தி³க்³த⁴ஹஸ்தம் ம்ருக³ இவ ஸ ஏனஸ்தஸ்ய விந்த³தி ॥ 25॥
பஶ்சாத³பி நரஶ்ரேஷ்ட² தவ தாபோ ப⁴விஷ்யதி ।
தான்வா ஹதான்ஸுதான்வாபி ஶ்ருத்வா தத³னுசிந்தய ॥ 26॥
யேன க²ட்வாம் ஸமாரூட:⁴ பரிதப்யேத கர்மணா ।
ஆதா³வேவ ந தத்குர்யாத³த்⁴ருவே ஜீவிதே ஸதி ॥ 27॥
ந கஶ்சின்னாபனயதே புமானன்யத்ர பா⁴ர்க³வாத் ।
ஶேஷஸம்ப்ரதிபத்திஸ்து பு³த்³தி⁴மத்ஸ்வேவ திஷ்ட²தி ॥ 28॥
து³ர்யோத⁴னேன யத்³யேதத்பாபம் தேஷு புரா க்ருதம் ।
த்வயா தத்குலவ்ருத்³தே⁴ன ப்ரத்யானேயம் நரேஶ்வர ॥ 29॥
தாம்ஸ்த்வம் பதே³ ப்ரதிஷ்டா²ப்ய லோகே விக³தகல்மஷ: ।
ப⁴விஷ்யஸி நரஶ்ரேஷ்ட² பூஜனீயோ மனீஷிணாம் ॥ 3௦॥
ஸுவ்யாஹ்ருதானி தீ⁴ராணாம் ப²லத: ப்ரவிசிந்த்ய ய: ।
அத்⁴யவஸ்யதி கார்யேஷு சிரம் யஶஸி திஷ்ட²தி ॥ 31॥
அவ்ருத்திம் வினயோ ஹந்தி ஹந்த்யனர்த²ம் பராக்ரம: ।
ஹந்தி நித்யம் க்ஷமா க்ரோத⁴மாசாரோ ஹந்த்யலக்ஷணம் ॥ 32॥
பரிச்ச²தே³ன க்ஷத்ரேண வேஶ்மனா பரிசர்யயா ।
பரீக்ஷேத குலம் ராஜன்போ⁴ஜனாச்சா²த³னேன ச ॥ 33॥
யயோஶ்சித்தேன வா சித்தம் நைப்⁴ருதம் நைப்⁴ருதேன வா ।
ஸமேதி ப்ரஜ்ஞயா ப்ரஜ்ஞா தயோர்மைத்ரீ ந ஜீர்யதே ॥ 34॥
து³ர்பு³த்³தி⁴மக்ருதப்ரஜ்ஞம் ச²ன்னம் கூபம் த்ருணைரிவ ।
விவர்ஜயீத மேதா⁴வீ தஸ்மின்மைத்ரீ ப்ரணஶ்யதி ॥ 35॥
அவலிப்தேஷு மூர்கே²ஷு ரௌத்³ரஸாஹஸிகேஷு ச ।
ததை²வாபேத த⁴ர்மேஷு ந மைத்ரீமாசரேத்³பு³த:⁴ ॥ 36॥
க்ருதஜ்ஞம் தா⁴ர்மிகம் ஸத்யமக்ஷுத்³ரம் த்³ருட⁴ப⁴க்திகம் ।
ஜிதேந்த்³ரியம் ஸ்தி²தம் ஸ்தி²த்யாம் மித்ரமத்யாகி³ சேஷ்யதே ॥ 37॥
இந்த்³ரியாணாமனுத்ஸர்கோ³ ம்ருத்யுனா ந விஶிஷ்யதே ।
அத்யர்த²ம் புனருத்ஸர்க:³ ஸாத³யேத்³தை³வதான்யபி ॥ 38॥
மார்த³வம் ஸர்வபூ⁴தானாமனஸூயா க்ஷமா த்⁴ருதி: ।
ஆயுஷ்யாணி பு³தா⁴: ப்ராஹுர்மித்ராணாம் சாவிமானனா ॥ 39॥
அபனீதம் ஸுனீதேன யோர்த²ம் ப்ரத்யானினீஷதே ।
மதிமாஸ்தா²ய ஸுத்³ருடா⁴ம் தத³காபுருஷ வ்ரதம் ॥ 4௦॥
ஆயத்யாம் ப்ரதிகாரஜ்ஞஸ்ததா³த்வே த்³ருட⁴னிஶ்சய: ।
அதீதே கார்யஶேஷஜ்ஞோ நரோர்தை²ர்ன ப்ரஹீயதே ॥ 41॥
கர்மணா மனஸா வாசா யத³பீ⁴க்ஷ்ணம் நிஷேவதே ।
ததே³வாபஹரத்யேனம் தஸ்மாத்கல்யாணமாசரேத் ॥ 42॥
மங்க³லாலம்ப⁴னம் யோக:³ ஶ்ருதமுத்தா²னமார்ஜவம் ।
பூ⁴திமேதானி குர்வந்தி ஸதாம் சாபீ⁴க்ஷ்ண த³ர்ஶனம் ॥ 43॥
அனிர்வேத:³ ஶ்ரியோ மூலம் து³:க²னாஶே ஸுக²ஸ்ய ச ।
மஹான்ப⁴வத்யனிர்விண்ண: ஸுக²ம் சாத்யந்தமஶ்னுதே ॥ 44॥
நாத: ஶ்ரீமத்தரம் கிம் சித³ன்யத்பத்²யதமம் ததா² ।
ப்ரப⁴ விஷ்ணோர்யதா² தாத க்ஷமா ஸர்வத்ர ஸர்வதா³ ॥ 45॥
க்ஷமேத³ஶக்த: ஸர்வஸ்ய ஶக்திமாந்த⁴ர்மகாரணாத் ।
அர்தா²னர்தௌ² ஸமௌ யஸ்ய தஸ்ய நித்யம் க்ஷமா ஹிதா ॥ 46॥
யத்ஸுக²ம் ஸேவமானோபி த⁴ர்மார்தா²ப்⁴யாம் ந ஹீயதே ।
காமம் தது³பஸேவேத ந மூட⁴ வ்ரதமாசரேத் ॥ 47॥
து³:கா²ர்தேஷு ப்ரமத்தேஷு நாஸ்திகேஷ்வலஸேஷு ச ।
ந ஶ்ரீர்வஸத்யதா³ந்தேஷு யே சோத்ஸாஹ விவர்ஜிதா: ॥ 48॥
ஆர்ஜவேன நரம் யுக்தமார்ஜவாத்ஸவ்யபத்ரபம் ।
அஶக்திமந்தம் மன்யந்தோ த⁴ர்ஷயந்தி குபு³த்³த⁴ய: ॥ 49॥
அத்யார்யமதிதா³தாரமதிஶூரமதிவ்ரதம் ।
ப்ரஜ்ஞாபி⁴மானினம் சைவ ஶ்ரீர்ப⁴யான்னோபஸர்பதி ॥ 5௦॥
அக்³னிஹோத்ரப²லா வேதா³: ஶீலவ்ருத்தப²லம் ஶ்ருதம் ।
ரதிபுத்ர ப²லா தா³ரா த³த்தபு⁴க்த ப²லம் த⁴னம் ॥ 51॥
அத⁴ர்மோபார்ஜிதைரர்தை²ர்ய: கரோத்யௌர்த்⁴வ தே³ஹிகம் ।
ந ஸ தஸ்ய ப²லம் ப்ரேத்ய பு⁴ங்க்தேர்த²ஸ்ய து³ராக³மாத் ॥ 52॥
கானார வனது³ர்கே³ஷு க்ருச்ச்²ராஸ்வாபத்ஸு ஸம்ப்⁴ரமே ।
உத்³யதேஷு ச ஶஸ்த்ரேஷு நாஸ்தி ஶேஷவதாம் ப⁴யம் ॥ 53॥
உத்தா²னம் ஸம்யமோ தா³க்ஷ்யமப்ரமாதோ³ த்⁴ருதி: ஸ்ம்ருதி: ।
ஸமீக்ஷ்ய ச ஸமாரம்போ⁴ வித்³தி⁴ மூலம் ப⁴வஸ்ய தத் ॥ 54॥
தபோப³லம் தாபஸானாம் ப்³ரஹ்ம ப்³ரஹ்மவிதா³ம் ப³லம் ।
ஹிம்ஸா ப³லமஸாதூ⁴னாம் க்ஷமாகு³ணவதாம் ப³லம் ॥ 55॥
அஷ்டௌ தான்யவ்ரதக்⁴னானி ஆபோ மூலம் ப²லம் பய: ।
ஹவிர்ப்³ராஹ்மண காம்யா ச கு³ரோர்வசனமௌஷத⁴ம் ॥ 56॥
ந தத்பரஸ்ய ஸந்த³த்⁴யாத்ப்ரதிகூலம் யதா³த்மன: ।
ஸங்க்³ரஹேணைஷ த⁴ர்ம: ஸ்யாத்காமாத³ன்ய: ப்ரவர்ததே ॥ 57॥
அக்ரோதே⁴ன ஜயேத்க்ரோத⁴மஸாது⁴ம் ஸாது⁴னா ஜயேத் ।
ஜயேத்கத³ர்யம் தா³னேன ஜயேத்ஸத்யேன சான்ருதம் ॥ 58॥
ஸ்த்ரீ தூ⁴ர்தகேலஸே பீ⁴ரௌ சண்டே³ புருஷமானினி ।
சௌரே க்ருதக்⁴னே விஶ்வாஸோ ந கார்யோ ந ச நாஸ்திகே ॥ 59॥
அபி⁴வாத³னஶீலஸ்ய நித்யம் வ்ருத்³தோ⁴பஸேவின: ।
சத்வாரி ஸம்ப்ரவர்த⁴ந்தே கீர்திராயுர்யஶோப³லம் ॥ 6௦॥
அதிக்லேஶேன யேர்தா²: ஸ்யுர்த⁴ர்மஸ்யாதிக்ரமேண ச ।
அரேர்வா ப்ரணிபாதேன மா ஸ்ம தேஷு மன: க்ருதா²: ॥ 61॥
அவித்³ய: புருஷ: ஶோச்ய: ஶோச்யம் மிது²னமப்ரஜம் ।
நிராஹாரா: ப்ரஜா: ஶோச்யா: ஶோச்யம் ராஷ்ட்ரமராஜகம் ॥ 62॥
அத்⁴வா ஜரா தே³ஹவதாம் பர்வதானாம் ஜலம் ஜரா ।
அஸம்போ⁴கோ³ ஜரா ஸ்த்ரீணாம் வாக்ஷல்யம் மனஸோ ஜரா ॥ 63॥
அனாம்னாய மலா வேதா³ ப்³ராஹ்மணஸ்யாவ்ரதம் மலம் ।
கௌதூஹலமலா ஸாத்⁴வீ விப்ரவாஸ மலா: ஸ்த்ரிய: ॥ 64॥
ஸுவர்ணஸ்ய மலம் ரூப்யம் ரூப்யஸ்யாபி மலம் த்ரபு ।
ஜ்ஞேயம் த்ரபு மலம் ஸீஸம் ஸீஸஸ்யாபி மலம் மலம் ॥ 65॥
ந ஸ்வப்னேன ஜயேன்னித்³ராம் ந காமேன ஸ்த்ரியம் ஜயேத் ।
நேந்த⁴னேன ஜயேத³க்³னிம் ந பானேன ஸுராம் ஜயேத் ॥ 66॥
யஸ்ய தா³னஜிதம் மித்ரமமித்ரா யுதி⁴ நிர்ஜிதா: ।
அன்னபானஜிதா தா³ரா: ஸப²லம் தஸ்ய ஜீவிதம் ॥ 67॥
ஸஹஸ்ரிணோபி ஜீவந்தி ஜீவந்தி ஶதினஸ்ததா² ।
த்⁴ருதராஷ்ட்ரம் விமுஞ்சேச்சா²ம் ந கத²ம் சின்ன ஜீவ்யதே ॥ 68॥
யத்ப்ருதி²வ்யாம் வ்ரீஹி யவம் ஹிரண்யம் பஶவ: ஸ்த்ரிய: ।
நாலமேகஸ்ய தத்ஸர்வமிதி பஶ்யன்ன முஹ்யதி ॥ 69॥
ராஜன்பூ⁴யோ ப்³ரவீமி த்வாம் புத்ரேஷு ஸமமாசர ।
ஸமதா யதி³ தே ராஜன்ஸ்வேஷு பாண்டு³ஸுதேஷு ச ॥ 7௦॥
॥ இதி ஶ்ரீமஹாபா⁴ரதே உத்³யோக³பர்வணி ப்ரஜாக³ரபர்வணி
விது³ரவாக்யே ஏகோனசத்வாரிம்ஶோத்⁴யாய: ॥ 39॥
அடிக்கடி கேட்கப்படும் கேள்விகள்
What is விது³ர நீதி - உத்³யோக³ பர்வம், அத்⁴யாய: 39?
விது³ர நீதி - உத்³யோக³ பர்வம், அத்⁴யாய: 39 is a devotional text available on Bhakti Granth in the selected language or script.
Which language or script is this version in?
This edition is published in Tamil. Use the language selector to view another available edition.
Can I read விது³ர நீதி - உத்³யோக³ பர்வம், அத்⁴யாய: 39 online?
Yes. The imported text is available directly on this page for online reading and recitation.
Can I download விது³ர நீதி - உத்³யோக³ பர்வம், அத்⁴யாய: 39 as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.