வேதா³ந்த டி³ண்டி³ம:

வேதா³ந்தடி³ண்டி³மாஸ்தத்வமேகமுத்³தோ⁴ஷயந்தி யத் ।
ஆஸ்தாம் புரஸ்தாந்தத்தேஜோ த³க்ஷிணாமூர்திஸஞ்ஜ்ஞிதம் ॥ 1

ஆத்மானாத்மா பதா³ர்தௌ² த்³வௌ போ⁴க்த்ருபோ⁴க்³யத்வலக்ஷணௌ ।
ப்³ரஹ்மேவாத்மான தே³ஹாதி³ரிதி வேதா³ந்தடி³ண்டி³ம: ॥ 2

ஜ்ஞானாஜ்ஞானே பதா³ர்தோ²ம் த்³வாவாத்மனோ ப³ந்த⁴முக்திதௌ³ ।
ஜ்ஞானான்முக்தி நிர்ப³ந்தோ⁴ன்யதி³தி வேதா³ந்தடி³ண்டி³ம: ॥ 3

ஜ்ஞாத்ரு ஜ்ஞேயம் பதா³ர்தௌ² த்³வௌ பா⁴ஸ்ய பா⁴ஸகலக்ஷணௌ ।
ஜ்ஞாதா ப்³ரஹ்ம ஜக³த் ஜ்ஞேய மிதி வேதா³ந்தடி³ண்டி³ம: ॥ 4

ஸுக²து³:கே² பதா³ர்தௌ² த்³வௌ ப்ரியவிப்ரியகாரகௌ ।
ஸுக²ம் ப்³ரஹ்ம ஜக³ஹு:க² மிதி வேதா³ந்தடி³ண்டி³ம:॥ 5

ஸமஷ்டிவ்யஷ்டிரூபௌ த்³வௌ பதா³ர்தௌ² ஸர்வஸம்மதௌ ।
ஸமஷ்டிரீஶ்வரோ வ்யஷ்டிர்ஜீவோ வேதா³ந்தடி³ண்டி³ம: ॥ 6

ஜ்ஞானம் கர்ம பதா³ர்தௌ² த்³வௌ வஸ்துகத்ராத்ம தந்த்ரகௌ ।
ஜ்ஞானான்மோக்ஷோ ந கர்மப்⁴ய இதி வேதா³ந்தடி³ண்டி³ம: ॥ 7

ஶ்ரோதவ்யாஶ்ரவ்யரூபீ த்³வௌ பதா³ர்தோ²ம் ஸுக²து³:க²தௌ³ ।
ஶ்ரோதவ்யம் ப்³ரஹ்ம நைவான்ய தி³தி வேதா³ந்தடி³ண்டி³ம:॥ 8

சிந்த்யாசிந்த்யே பதா³தௌ² த்³வௌ விஶ்ராந்தி ஶ்ராந்திதா³யகௌ ।
சிந்த்யம் ப்³ரஹ்ம பரம் நான்ய தி³தி வேதா³ந்தடி³ண்டி³ம:॥ 9

த்⁴யேயாத்⁴வேயே பதா³ர்தௌ² த்³வௌ த்³வௌ தீ⁴ஸமாத்⁴யஸமாதி⁴தௌ³ ।
த்⁴யாதவ்யம் ப்³ரஹ்ம நைவான்ய தி³தி வேதா³ந்தடி³ண்டி³ம:॥ 1௦

யோகி³னோ போ⁴கி³னோ வாபி த்யாகி³னோ ராகி³ணோபி ச ।
ஜ்ஞானான்மோக்ஷோ ந ஸந்தே³ஹ இதி வேதா³ந்தடி³ண்டி³ம: ॥ 11

ந வர்ணாஶ்ரம ஸங்கேதை: ந கோபாஸனாதி³பி⁴:।
ப்³ரஹ்மஜ்ஞானம் வினா மோக்ஷ: இதி வேதா³ந்தடி³ண்டி³ம: ॥ 12

அஸத்யஸ்ஸர்வஸம்ஸாரோ ரஸாமாஸாதி³தூ³ஷித: ।
உபேக்ஷ்யோ ப்³ரஹ்ம விஜ்ஞேய மிதி வேதா³ந்தடி³ண்டி³ம: ॥ 13

வ்ருதா² க்ரியாம் வ்ருதா²லாபான் வ்ருதா²வாதா³ன் மனோரதா²ன் ।
த்யத்வைகம் ப்³ரஹ்ம விஜ்ஞேய மிதி வேதா³ந்தடி³ண்டி³ம: ॥ 14

ஸ்தி²தோ ப்³ரஹ்மாத்மனா ஜீவோ ப்³ரஹ்ம ஜீவாத்மனா ஸ்தி²தம் ।
இதி ஸம்பஶ்யதாம் முக்தி ரிதி வேதா³ந்தடி³ண்டி³ம:॥ 15

ஜீவோ ப்³ரஹ்மாத்மனா ஜ்ஞேயோ ஜ்ஞேயம் ஜீவாத்மனா பரம் ।
முக்திஸ்த தை³க்யவிஜ்ஞான மிதி வேதா³ந்தடி³ண்டி³ம: ॥ 16

ஸர்வாத்மனா பரம் ப்³ரஹ்ம ஶ்ரோதுராத்மதயா ஸ்தி²தம் ।
நாயாஸ ஸ்தவ விஜ்ஞப்தௌ இதி வேதா³ந்தடி³ண்டி³ம: ॥ 17

ஐஹிகம் சாமுத்⁴மிகம் ச தாபாந்தம் கர்மஸஞ்சயம் ।
த்யத்வா ப்³ரஹ்மைவ விஜ்ஞேய மிதி வேதா³ந்தடி³ண்டி³ம: ॥ 18

அத்³வைதத்³வைதவாதௌ³ த்³வௌ ஸூக்ஷ்மஸ்தூ²லத³ஶாம் க³தௌ ।
அத்³வைதவாதா³ன்மோக்ஷஸ்ஸ்யா தி³தி வேதா³ந்தடி³ண்டி³ம: ॥19

கர்மிணோ வினிவர்தந்தே நிவர்தந்த உபாஸகா:।
ஜ்ஞானினோ ந நிவர்தந்தே இதி வேதா³ந்தடி³ண்டி³ம: ॥ 2௦

பரோக்ஷாஸத்ப²லம் கர்மஜ்ஞானம் ப்ரத்யக்ஷஸத்ப²லம் ।
ஜ்ஞானமேவாப்⁴யஸேத்தஸ்மாத் இதி வேதா³ந்தடி³ண்டி³ம: ॥21

வ்ருதா² ஶ்ரமோயம் விது³ஷா வ்ருதா²யம்-கர்மிணாம் ஶ்ரம: ।
யதி³ ந ப்³ரஹ்மவிஜ்ஞானம் இதி ॥ வேதா³ந்தடி³ண்டி³ம: ॥ 22

அலம் யாகை³ரலம் யோகை³ரலம் போ⁴கை³ ரலம் த⁴னை: ।
பரஸ்மின்ப்³ரஹ்மணி ஜ்ஞாத இதி வேதா³ந்தடி³ண்டி³ம: ॥23

அலம் வேதை³ரலம் ஶாஸ்த்ரைரலமம் ஸ்ம்ருதிபுராணகை: ।
பரமாத்மனி விஜ்ஞாதே இதி வேதா³ந்தடி³ண்டி³ம: ॥ 24

நர்சா ந யஜுஷோர்தோ²ஸ்தி ந ஸான்னர்தோ²தி கஶ்சன ।
ஜாதே ப்³ரஹ்மாத்மவிஜ்ஞானே இதி வேதா³ந்தடி³ண்டி³ம: ॥ 25

கர்மாணி சித்தஶுத்³த்⁴யர்த²ம் மைகாக்³ர்யார்த² முபாஸனம் ।
மோக்ஷார்த²ம் ப்³ரஹ்மவிஜ்ஞான மிதி வேதா³ந்தடி³ண்டி³ம: ॥ 26

ஸஞ்சிதாகா³மிகர்மாணி த³ஹ்யந்தே ஜ்ஞானகர்மணா ।
ப்ராரப்³தா⁴னுப⁴வான்மோக்ஷ இதி வேதா³ந்தடி³ண்டி³ம:॥ 27

ந புண்யகர்மணா வ்ருத்³தி⁴: ந ஹானி: பாபகர்மணா ।
நித்யாஸங்கா³த்மனிஷ்டா²னாமிதி வேதா³ந்தடி³ண்டி³ம:॥ 28

த்³ருக்³த்³ருஶ்யௌ த்³வௌ பதா³ர்தௌ² தௌ பரஸ்பரவிலக்ஷணௌ ।
த்³ருக்³ப்³ரஹ்ம த்³ருஶ்யம் மாயா ஸ்யாதி³தி வேதா³ந்தடி³ண்டி³ம: ॥ 29

அவித்³யோபாதி⁴கோ ஜீவோ மாயோபாதி⁴க ஈஶ்வர: ।
மாயாவித்³யாகு³ணாதீத: இதி வேதா³ந்தடி³ண்டி³ம: ॥ 3௦

பு³த்³தி⁴பூர்வாபு³த்³தி⁴பூர்வக்ருதானாம் பாபகர்மணாம் ।
ப்ராயஶ்சித்தமஹோஜ்ஞான மிதி வேதா³ந்தடி³ண்டி³ம: ॥ 31

ஸாகாரம் ச நிராகாரம் நிர்கு³ணம் ச கு³ணாத்மகம் ।
தத்த்வம் தத்பரமம் ப்³ரஹ்ம இதி வேதா³ந்தடி³ண்டி³ம: ॥ 32

த்³விஜத்வம் வித்⁴யனுஷ்டா²னாத் விப்ரத்வம் வேத³பாட²த: ।
ப்³ராஹ்மண்யம் ப்³ரஹ்மவிஜ்ஞானாத் இதி வேதா³ந்தடி³ண்டி³ம: ॥ 33

ஸர்வாத்மனா ஸ்தி²தம் ப்³ரஹ்ம ஸர்வம் ப்³ரஹ்மாத்மனா ஸ்தி²தம் ।
ந கார்யம் காரணாத்³பி⁴ன்ன மிதி வேதா³ந்தடி³ண்டி³ம: ॥ 34

ஸத்தாஸ்பு²ரணஸௌக்²யானி பா⁴ஸந்தே ஸர்வவஸ்துஷு ।
தஸ்மாத்³ப்³ரஹ்மமயம் ஸர்வ மிதி வேதா³ந்தடி³ண்டி³ம: ॥ 35

அவஸ்தா²த்ரிதயம் யஸ்ய க்ரீடா³பூ⁴மிதயா ஸ்தி²தம் ।
ததே³வ ப்³ரஹ்ம ஜானீயாத் இதி வேதா³ந்தடி³ண்டி³ம:॥ 36

யன்னாதௌ³ யஶ்ச நாஸ்த்யந்தே தன்மத்⁴யே பா⁴தமப்யஸத் ।
அதோ மித்²யா ஜக³த்ஸர்வமிதி வேதா³ந்தடி³ண்டி³ம: ॥ 37

யத³ஸ்த்யாதௌ³ யத³ஸ்த்யந்தே யன்மத்⁴யே பா⁴தி தத்ஸ்வயம் ।
ப்ரௌகமித³ம் ஸத்ய மிதி வேதா³ந்தடி³ண்டி³ம: ॥ 38

புருஷார்த²த்ரயாவிஷ்டா: புருஷா: பஶவோ த்⁴ருவம் ।
மோக்ஷார்தீ² புருஷ: ஶ்ரேஷ்ட:² இதி வேதா³ந்தடி³ண்டி³ம: ॥ 39

க⁴டகுட்³யாதி³கம் ஸர்வம் ம்ருத்திகாமாத்ரமேவ ச ।
ததா² ப்³ரஹ்ம ஜக³த்ஸர்வ மிதி வேதா³ந்தடி³ண்டி³ம: ॥ 4௦

ஷண்ணிஹத்ய த்ரயம் ஹித்வா த்³வயம் பி⁴ஸ்வாகி²லாக³திம் ।
ஏகம் பு³த்³தா⁴ஶ்ருதே மோக்ஷ மிதி வேதா³ந்தடி³ண்டி³ம: ॥ 41

பி⁴த்வா ஷட் பஞ்ச பி⁴த்த்வாத² பி⁴ஶ்வாத² சதுரகி²கம் ।
த்³வயம் ஹித்வா ஶ்ரயேதே³க மிதி வேதா³ந்தடி³ண்டி³ம: ॥ 42

தே³ஹோ நாஹ மஹம் தே³ஹீ தே³ஹஸாக்ஷீதி நிஶ்சயாத் ।
ஜன்மம்ருத்யுபஹீணோஸௌ இதி வேதா³ந்தடி³ண்டி³ம: ॥ 43

ப்ராணோனாஹமஹம் தே³வ: ப்ராணஸ்ஸாக்ஷீதி நிஶ்சயாத் ।
க்ஷுத்பிபாஸோபஶாந்தி ஸ்ஸ்யாத் இதி வேதா³ந்தடி³ண்டி³ம: ॥ 44

மனோ நாஹ மஹம் தே³வோ மனஸ்ஸாக்ஷீதி நிஶ்சயாத் ।
ஶோகமோஹாபஹானிரஸ்யாத் வேதா³ந்தடி³ண்டி³ம: ॥ 45

பு³த்³தி⁴ர்னாஹமஹம் தே³வோ பு³த்³தி⁴ஸாக்ஷீதி நிஶ்சயாத் ।
கர்த்ருபா⁴வனிர்வ்ருத்திஸ்ஸ்யாத் இதி வேதா³ந்தடி³ண்டி³ம: ॥ 46

நாஜ்ஞானம் ஸ்யாமஹம் தே³வோஜ்ஞானஸாக்ஷீதி நிஶ்சயாத் ।
ஸர்வானர்த²னிவ்ருத்திஸ்யாத் இதி வேதா³ந்தடி³ண்டி³ம: ॥ 47

அஹம் ஸாக்ஷீதி யோ வித்³யாத் விவிச்யைவம் புன: புன: ।
ஸ ஏவ முக்தோஸௌ வித்³வான் இதி வேதா³ந்தடி³ண்டி³ம: ॥ 48

நாஹம் மாயா ந தத்கார்யம் ந ஸாக்ஷீ பரமோஸ்ம்யஹம் ।
இதி நிஸ்ஸம்ஶயஜ்ஞானாத் முக்திர்வே வேதா³ந்தடி³ண்டி³ம: ॥ 49

நாஹம் ஸர்வ மஹம் ஸர்வம் மயி ஸர்வமிதி ஸ்பு²டம் ।
ஜ்ஞாதே தத்வே குதோ து³:க² மிதி வேதா³ந்தடி³ண்டி³ம: ॥ 5௦

தே³ஹாதி³பஞ்சகோஶஸ்தா² யா ஸத்தா ப்ரதிபா⁴ஸதே ।
ஸா ஸத்தாஸ்ஸ்த்மா ந ஸந்தே³ஹ இதி வேதா³ந்தடி³ண்டி³ம: ॥ 51

தே³ஹாதி³பஞ்சகோஶஸ்தா² யா ஸ்பூ²ர்தி ரனுபூ⁴யதே ।
ஸா ஸ்பூ²ர்திராத்மா நைவான்ய தி³தி வேதா³ந்தடி³ண்டி³ம: ॥ 52

தே³ஹாதி³பஞ்சகோஶஸ்தா² யா ப்ரீதிரனுபூ⁴யதே ।
ஸா ப்ரீதிராத்மா கூடஸ்த:² இதி வேதா³ந்தடி³ண்டி³ம: ॥ 53

வ்யோமாதி³பஞ்சபூ⁴தஸ்தா² யாஸத்தா பா⁴ஸதே ந்ருணாம் ।
ஸா ஸத்தா பரமம் ப்³ரஹ்ம இதி வேதா³ந்தடி³ண்டி³ம: ॥ 54

வ்யோமாதி³பஞ்சபூ⁴தஸ்தா² யா சிதே³கானுபூ⁴யதே ।
ஸா சிதே³வ பரம் ப்³ரஹ்ம இதி வேதா³ந்தடி³ண்டி³ம: ॥ 55

வ்யோமாதி³பஞ்சபூ⁴தஸ்தா² யா ப்ரீதிரனுபூ⁴யதே ।
ஸாப்ரீதிரேவ ப்³ரஹ்ம ஸ்யாத் இதி வேதா³ந்தடி³ண்டி³ம: ॥ 56

தே³ஹாதி³கோஶகா³ ஸத்தா யா ஸா வ்யோமாதி³பூ⁴தகா³ ।
மானோபா⁴வான்ன தத்³பே⁴த:³ இதி வேதா³ந்தடி³ண்டி³ம: ॥ 57

தே³ஹாவிகோஶகா³ ஸ்பூ²ர்திர்யா ஸா வ்யோமாதி³பூ⁴தகா³ ।
மானோபா⁴வா ந தத்³பே⁴த³ இதி வேதா³ந்தடி³ண்டி³ம: ॥ 58

தே³ஹாதி³கோஶகா³ ப்ரீதிர்யா ஸா வ்யோமாதி³பூ⁴தகா³ ।
மானாபா⁴வா ந்ன தத்³பே⁴த³ இதி வேதா³ந்தடி³ண்டி³ம:॥ 59

ஸச்சிதா³னந்த³ரூபத்வாத் ப்³ரஹ்மைவாத்மா ந ஸம்ஶய:।
ப்ரமாணகோடிஸங்கா⁴னாத் இதி வேதா³ந்தடி³ண்டி³ம:॥6௦

ந ஜீவப்³ரஹ்மணோர்பே⁴த:³ ஸத்தாரூபேண வித்³யதே।
ஸத்தாபே⁴தே³ ந மானம் ஸ்யாத் இதி வேதா³ந்தடி³ண்டி³ம:॥61

ந ஜீவப்³ரஹ்மணோர்பே⁴த:³ ஸ்பூ²ர்திரூபேண வித்³யதே ।
ஸ்பூ²ர்திபே⁴தே³ ந மானம் ஸ்யாத் இதி வேதா³ந்தடி³ண்டி³ம: ॥62

ந ஜீவப்³ரஹ்மணோர்பே⁴த:³ ப்ரியரூபேண வித்³யதே ।
ப்ரியபே⁴தே³ ந மானம் ஸ்யாத் இதி வேதா³ந்தடி³ண்டி³ம: ॥ 63

ந ஜீவப்³ரஹ்மணோர்பே⁴தோ³ நானா ரூபேண வித்³யதே ।
நாம்னோ ரூபஸ்ய மித்²யாத்வாத் இதி வேதா³ந்தடி³ண்டி³ம: ॥ 64

ந ஜீவப்³ரஹ்மணோர்பே⁴த:³ பிண்ட³ப்³ரஹ்மாண்ட³பே⁴த³த: ।
வ்யஷ்டேஸ்ஸமஷ்டேரேகத்வாத் இதி வேதா³ந்தடி³ண்டி³ம: ॥ 65

ப்³ரஹ்ம ஸத்யம் ஜக³ன்மித்²யா ஜீவோ ப்³ரஹ்மைவ நா¶: ।
ஜீவன்முக்தஸ்து தத்³வித்³வான் இதி வேதா³ந்தடி³ண்டி³ம: ॥ 66

ந நாமரூபே நியதே ஸர்வத்ர வ்யபி⁴சாரத: ।
அனாமரூபம் ஸர்வம் ஸ்யாத் இதி வேதா³ந்தடி³ண்டி³ம: ॥ 67

அனாமரூபம் ஸகலம் ஸன்மயம் சின்மயம் பரம் ।
குதோ பே⁴த:³ குதோ ப³ந்த:⁴ இதி வேதா³ந்தடி³ண்டி³ம: ॥ 68

ந தத்த்வாத்கத்²யதே லோகோ நாமாத்³யைர்வ்யபி⁴சாரத:।
வடுர்ஜரட² இத்யாத்³யை ரிதி வேதா³ந்தடி³ண்டி³ம: ॥ 69

நாமரூபாத்மகம் விஶ்வமிந்த்³ரஜாலம் விது³ர்பு³தா⁴: ।
அனாமத்வாத³யுக்தத்வாத் இதி வேதா³ந்தடி³ண்டி³ம: ॥ 7௦

அபே⁴த³த³ர்ஶனம் மோக்ஷ: ஸம்ஸாயே பே⁴த³த³ர்ஶனம் ।
ஸர்வவேதா³ந்தஸித்³தா⁴ந்த: இதி வேதா³ந்தடி³ண்டி³ம: ॥ 71

ந மதாபி⁴னிவேஶித்வாத் ந பா⁴ஷாவேஶமாத்ரத: ।
முக்தி ர்வினாத்மவிஜ்ஞானாத் இதி வேதா³ந்தடி³ண்டி³ம: ॥ 72

ந காஸ்யப்ரதிஷித்³தா⁴பி⁴: க்ரியாபி⁴ மோக்ஷவாஸனா ।
ஈஶ்வரானுக்³ரஹாத்ஸா ஸ்யாத் இதி வேதா³ந்தடி³ண்டி³ம: ॥ 73

அவிஜ்ஞாதே ஜன்ம நஷ்டம் விஜ்ஞாதே ஜன்ம ஸார்த²கம் ।
ஜ்ஞாதுராத்மா ந தூ³ரே ஸ்யாத் இதி வேதா³ந்தடி³ண்டி³ம: ॥ 74

த³ஶமஸ்ய பரிஜ்ஞானேனாயாஸோஸ்தி யதா²: ததா² ।
ஸ்வஸ்த² ப்³ரஹ்மாத்மவிஜ்ஞானே இதி வேதா³ந்தடி³ண்டி³ம: ॥ 75

உபேக்ஷ்யோபாதி⁴கான் தோ³ஷான் க்³ருஹ்யந்தே விஷமா யதா² ।
உபேக்ஷ்ய த்³ருஶ்யம் ய த்³ப்³ரஹ்ம இதி வேதா³ந்தடி³ண்டி³ம: ॥ 76

ஸுக²மல்பம் ப³ஹு: க்லேஶோவிஷயமாஹிணாம் ந்ருணாம் ।
அனந்தம் ப்³ரஹ்மனிஷ்டா²னாம் இதி வேதா³ந்தடி³ண்டி³ம: ॥ 77

த⁴னைர்வா த⁴னதை³: புத்ரை: தா³ராகா³ரஸஹோத³ரை: ।
த்⁴ருவம் ப்ராணஹரைர்து³:க²ம் இதி வேதா³ந்தடி³ண்டி³ம:॥ 78

ஸுப்தே ருத்தா²ய ஸுப்த்யந்த்யம் ப்³ரஹ்மைகம் ப்ரவிசிந்த்யதாம் ।
நாதிதூ³ரே ந்ருணாம் ம்ருத்யு: இதி வேதா³ந்தடி³ண்டி³ம: ॥ 79

பஞ்சானாமபிகோஶானாம் மாயானர்தா²வ்யயோசிதா ।
தத்ஸாக்ஷி ப்³ரஹ்ம விஜ்ஞான மிதி வேதா³ந்தடி³ண்டி³ம: ॥ 8௦

த³ஶமத்வபரிஜ்ஞானே நனஜ்ஞஸ்ய யதா² ஸுக²ம் ।
ததா² ஜீவஸ்ய ஸத்ப்ராப்தௌ இதி வேதா³ந்தடி³ண்டி³ம:॥ 81

நவப்⁴யோஸ்தி பரம் ப்ரத்யக்னஸ வேத³ பரம் பரம் ।
தத்³விஜ்ஞானாத்³ப⁴வேத்துர்யா முக்தி ர்வேதா³ந்தடி³ண்டி³ம: ॥ 82

நவாபா⁴ஸானவஜ்ஞத்வாத் நவோபாதீ⁴ன்னவாத்மனா ।
மித்²யா ஜ்ஞாத்வாவஶிஷ்டே து மௌனம் வேதா³ந்தடி³ண்டி³ம:॥ 83

பரமே ப்³ரஹ்மணி ஸ்வஸ்மின் ப்ரவிலாப்யாகி²லம் ஜக³த் ।
கா³யனத்³வதமானந்த³ம் ஆஸ்தே வேதா³ந்தடி³ண்டி³ம: ॥ 84

ப்ரதிலோமானுலோமாப்⁴யாம் விஶ்வாரோபாபவாத³யோ: ।
சிந்தனே ஶிஷ்யதே தத்வம் இதி வேதா³ந்தடி³ண்டி³ம: ॥ 85

நாமரூபாபி⁴மானஸ்தா²த் ஸம்ஸாரஸர்வதே³ஹினாம் ।
ஸச்சிதா³னந்த³த்³ருஷ்டிஸ்த்யாத் முக்திர்வேதா³ந்தடி³ண்டி³ம: ॥ 86

ஸசிதா³னந்த³ஸத்யத்வே மித்²யாத்வே நாமரூபயோ:।
விஜ்ஞாதே கிமித³ம் ஜ்ஞேயம் இதி வேதா³ந்தடி³ண்டி³ம: ॥ 86

ஸாலம்ப³னம் நிராலம்ப³ம் ஸர்வாலம்பா³வலம்பி³தம் ।
ஆலம்பே³னாகி²லாலம்ப³ மிதி வேதா³ந்தடி³ண்டி³ம:॥ 88

ந குர்யா ந்ன விஜானீயாத் ஸர்வம் ப்³ரஹ்மேத்யனுஸ்மரன் ।
யதா² ஸுக²ம் ததா² திஷ்டே²த் இதி வேதா³ந்தடி³ண்டி³ம:॥ 89

ஸ்வகர்மபாஶவஶக:³ ப்ராஜ்ஞோன்யோ வா ஜனோ த்⁴ருவம் ।
ப்ராஜ்ஞஸ்ஸுக²ம் நயேத்கால மிதி வேதா³ந்தடி³ண்டி³ம:॥ 9௦

ந வித்³வான் ஸந்தபே சித்தம் கரணாகரணே த்⁴ருவம் ।
ஸர்வமாத்மேதி விஜ்ஞானாத் இதி வேதா³ந்தடி³ண்டி³ம:. ॥ 91

நைவாஸ்ஸ்பா⁴ஸம் ஸ்ப்ருஶேத்கர்மமித்²யோபாதி⁴மபி ஸ்வயம் ।
குதோதி⁴ஷ்டா²னமத்யச்ச²மிதி வேதா³ந்தடி³ண்டி³ம:॥ 92

அஹோஸ்மாக மலம் மோஹைராத்மா ப்³ரஹ்மேதி நிர்ப⁴யம் ।
ஶ்ருதிபே⁴ரீரவோத்³யாபி ஶ்ரூயதே ஶ்ருதிரஞ்ஜன: ॥ 93

வேதா³ந்தபே⁴ரீஜ²வார: ப்ரதிவாதி³ப⁴யங்கர: ।
ஶ்ரூயதாம் ப்³ராஹ்மணை: ஶ்ரீமத்³த³க்ஷிணாமூர்த்யனுக்³ரஹாத் ॥ 94

இதி ஶ்ரீமத்பரமஹம்ஸ பரிவ்ராஜகாசார்ய ஶ்ரீமச்ச²ங்கர-
ப⁴க³வத்பூஜ்யபாத³க்ருதிஷு வேதா³ந்தடி³ண்டி³ம:॥