உத்³த⁴வகீ³தா – ப்ரத²மோத்⁴யாய:

ஶ்ரீராதா⁴க்ருஷ்ணாப்⁴யாம் நம: ।
ஶ்ரீமத்³பா⁴க³வதபுராணம் ।
ஏகாத³ஶ: ஸ்கந்த:⁴ । உத்³த⁴வ கீ³தா ।
அத² ப்ரத²மோத்⁴யாய: ।

ஶ்ரீபா³த³ராயணி: உவாச ।
க்ருத்வா தை³த்யவத⁴ம் க்ருஷ்ண: ஸரம: யது³பி⁴: வ்ருத: ।
பு⁴வ: அவதாரவத் பா⁴ரம் ஜவிஷ்ட²ன் ஜனயன் கலிம் ॥ 1॥

யே கோபிதா: ஸுப³ஹு பாண்டு³ஸுதா: ஸபத்னை:
து³ர்த்³யூதஹேலனகசக்³ரஹண ஆதி³பி⁴: தான் ।
க்ருத்வா நிமித்தம் இதர இதரத: ஸமேதான்
ஹத்வா ந்ருபான் நிரஹரத் க்ஷிதிபா⁴ரம் ஈஶ: ॥ 2॥

பூ⁴பா⁴ரராஜப்ருதனா யது³பி⁴: நிரஸ்ய
கு³ப்தை: ஸ்வபா³ஹுபி⁴: அசிந்தயத் அப்ரமேய: ।
மன்யே அவனே: நனு க³த: அபி அக³தம் ஹி பா⁴ரம்
யத் யாத³வம் குலம் அஹோ ஹி அவிஷஹ்யம் ஆஸ்தே ॥ 3॥

ந ஏவ அன்யத: பரிப⁴வ: அஸ்ய ப⁴வேத் கத²ஞ்சித்
மத் ஸம்ஶ்ரயஸ்ய விப⁴வ உன்னஹன் அஸ்ய நித்யம் ।
அந்த:கலிம் யது³குலஸ்ய வி஥ா⁴ய வேணு:
தம்ப³ஸ்ய வஹ்னிம் இவ ஶாந்திம் உபைமி தா⁴ம ॥ 4॥

ஏவம் வ்யவஸித: ராஜன் ஸத்யஸங்கல்ப: ஈஶ்வர: ।
ஶாபவ்யாஜேன விப்ராணாம் ஸஞ்ஜஹ்வே ஸ்வகுலம் விபு⁴: ॥ 5॥

ஸ்வமூர்த்யா லோகலாவண்யனிர்முக்த்யா லோசனம் ந்ருணாம் ।
கீ³ர்பி⁴: தா: ஸ்மரதாம் சித்தம் பதை³: தான் ஈக்ஷதாம் க்ரியா ॥ 6॥

ஆச்சி²த்³ய கீர்திம் ஸுஶ்லோகாம் விதத்ய ஹி அஞ்ஜஸா நு கௌ ।
தம: அனயா தரிஷ்யந்தி இதி அகா³த் ஸ்வம் பத³ம் ஈஶ்வர: ॥ 7॥

ராஜா உவாச ।
ப்³ரஹ்மண்யானாம் வதா³ன்யானாம் நித்யம் வ்ருத்³தௌ⁴பஸேவினாம் ।
விப்ரஶாப: கத²ம் அபூ⁴த் வ்ருஷ்ணீனாம் க்ருஷ்ணசேதஸாம் ॥ 8॥

யத் நிமித்த: ஸ: வை ஶாப: யாத்³ருஶ: த்³விஜஸத்தம ।
கத²ம் ஏகாத்மனாம் பே⁴த:³ ஏதத் ஸர்வம் வத³ஸ்வ மே ॥ 9॥

ஶ்ரீஶுக: உவாச ।
பி³ப்⁴ரத் வபு: ஸகலஸுந்த³ரஸம்னிவேஶம்
கர்மாசரன் பு⁴வி ஸுமங்க³லம் ஆப்தகாம: ।
ஆஸ்தா²ய தா⁴ம ரமமாண: உதா³ரகீர்தி:
ஸம்ஹர்தும் ஐச்ச²த குலம் ஸ்தி²தக்ருத்யஶேஷ: ॥ 1௦॥

கர்மாணி புண்யனிவஹானி ஸுமங்க³லானி
கா³யத் ஜக³த் கலிமலாபஹராணி க்ருத்வா ।
கால ஆத்மனா நிவஸதா யது³தே³வகே³ஹே
பிண்டா³ரகம் ஸமக³மன் முனய: நிஸ்ருஷ்டா: ॥ 11॥

விஶ்வாமித்ர: அஸித: கண்வ: து³ர்வாஸா: ப்⁴ருகு³: அங்கி³ரா: ।
கஶ்யப: வாமதே³வ: அத்ரி: வஸிஷ்ட:² நாரத³ ஆத³ய: ॥ 12॥

க்ரீட³ந்த: தான் உபவ்ரஜ்ய குமாரா: யது³னந்த³னா: ।
உபஸங்க்³ருஹ்ய பப்ரச்சு²: அவினீதா வினீதவத் ॥ 13॥

தே வேஷயித்வா ஸ்த்ரீவேஷை: ஸாம்ப³ம் ஜாம்ப³வதீஸுதம் ।
ஏஷா ப்ருச்ச²தி வ: விப்ரா: அந்தர்வத் ந்யஸித ஈக்ஷணா ॥ 14॥

ப்ரஷ்டும் விலஜ்ஜதி ஸாக்ஷாத் ப்ரப்³ரூத அமோக⁴த³ர்ஶனா: ।
ப்ரஸோஷ்யந்தி புத்ரகாமா கிம்ஸ்வித் ஸஞ்ஜனயிஷ்யதி ॥ 15॥

ஏவம் ப்ரலப்³த்⁴வா முனய: தான் ஊசு: குபிதா ந்ருப ।
ஜனயிஷ்யதி வ: மந்தா³: முஸலம் குலனாஶனம் ॥ 16॥

தத் ஶ‍ருத்வா தே அதிஸந்த்ரஸ்தா: விமுச்ய ஸஹஸோத³ரம் ।
ஸாம்ப³ஸ்ய த³த்³ருஶு: தஸ்மின் முஸலம் க²லு அயஸ்மயம் ॥ 17॥

கிம் க்ருதம் மந்த³பா⁴க்³யை: கிம் வதி³ஷ்யந்தி ந: ஜனா: ।
இதி விஹ்வலிதா: கே³ஹான் ஆதா³ய முஸலம் யயு: ॥ 18॥

தத் ச உபனீய ஸத³ஸி பரிம்லானமுக²ஶ்ரிய: ।
ராஜ்ஞ: ஆவேத³யான் சக்ரு: ஸர்வயாத³வஸம்னிதௌ⁴ ॥ 19॥

ஶ்ருத்வா அமோக⁴ம் விப்ரஶாபம் த்³ருஷ்ட்வா ச முஸலம் ந்ருப ।
விஸ்மிதா: ப⁴யஸந்த்ரஸ்தா: ப³பூ⁴வு: த்³வாரகௌகஸ: ॥ 2௦॥

தத் சூர்ணயித்வா முஸலம் யது³ராஜ: ஸ: ஆஹுக: ।
ஸமுத்³ரஸலிலே ப்ராஸ்யத் லோஹம் ச அஸ்ய அவஶேஷிதம் ॥ 21॥

கஶ்சித் மத்ஸ்ய: அக்³ரஸீத் லோஹம் சூர்ணானி தரலை: தத: ।
உஹ்யமானானி வேலாயாம் லக்³னானி ஆஸன் கில ஐரிகா: ॥ 22॥

மத்ஸ்ய: க்³ருஹீத: மத்ஸ்யக்⁴னை: ஜாலேன அன்யை: ஸஹ அர்ணவே ।
தஸ்ய உத³ரக³தம் லோஹம் ஸ: ஶல்யே லுப்³த⁴க: அகரோத் ॥ 23॥

ப⁴க³வான் ஜ்ஞாதஸர்வார்த:² ஈஶ்வர: அபி தத³ன்யதா² ।
கர்தும் ந ஐச்ச²த் விப்ரஶாபம் காலரூபீ அன்வமோத³த ॥ 24॥

இதி ஶ்ரீமத்³பா⁴க³வதே மஹாபுராணே பாரமஹம்ஸ்யாம்
ஸம்ஹிதாயாமேகாத³ஶஸ்கந்தே⁴ விப்ரஶாபோ நாம ப்ரத²மோத்⁴யாய: ॥