ஸூர்ய நித்ய பூஜா விதா⁴னம்

ஆவஶ்யகானி வஸ்தூனி
– ஆஸனம்
– தீ³ப:
– க³ந்த:⁴
– குங்குமம்
– அக்ஷதா:
– புஷ்பாணி
– தூ⁴ப:
– நைவேத்³யம்
– தாம்பூ³லம்
– ஆசமனீயம்
– பூஜா பாத்ரம்
– கலஶ:
– ஶங்க:³ [optional]
– ஸூர்யனாராயண ஸ்வாமி ப்ரதிமா வா சித்ரபட: வா

பூர்வாங்க³ பூஜா
ஶ்ரீமஹாக³ணாதி⁴பதயே நம: ।
ஶ்ரீ கு³ருப்⁴யோ நம: ।
ஹரி: ஓம் ।

ஶுசி:
அபவித்ர: பவித்ரோ வா ஸர்வாவஸ்தா²ம் க³தோபி வா ।
ய: ஸ்மரேத் புண்ட³ரீகாக்ஷம் ஸ பா³ஹ்யாப்⁴யந்தர: ஶுசி: ॥
புண்ட³ரீகாக்ஷ புண்ட³ரீகாக்ஷ புண்ட³ரீகாக்ஷாய நம: ॥

ப்ரார்த²னா
ஶுக்லாம்ப³ரத⁴ரம் விஷ்ணும் ஶஶிவர்ணம் சதுர்பு⁴ஜம் ।
ப்ரஸன்னவத³னம் த்⁴யாயேத் ஸர்வவிக்⁴னோபஶாந்தயே ॥

அகஜ³ானன பத்³மார்கம் கஜ³ானனமஹர்னிஶம் ।
அனேகத³ம் தம் ப⁴க்தானாம் ஏகத³ந்தமுபாஸ்மஹே ॥

ததே³வ லக்³னம் ஸுதி³னம் ததே³வ
தாராப³லம் சந்த்³ரப³லம் ததே³வ ।
வித்³யாப³லம் தை³வப³லம் ததே³வ
லக்ஷ்மீபதே தேங்க்⁴ரியுக³ம் ஸ்மராமி ॥

கு³ருர்ப்³ரஹ்மா கு³ருர்விஷ்ணு: கு³ருர்தே³வோ மஹேஶ்வர: ।
கு³ரு: ஸாக்ஷாத் பரப்³ரஹ்ம தஸ்மை ஶ்ரீகு³ரவே நம: ॥

ஸர்வமங்கள³ மாங்கள³்யே ஶிவே ஸர்வார்த²ஸாதி⁴கே ।
ஶரண்யே த்ர்யம்ப³கே கௌ³ரீ நாராயணி நமோஸ்து தே ॥

ஶ்ரீலக்ஷ்மீனாராயணாப்⁴யாம் நம: ।
உமாமஹேஶ்வராப்⁴யாம் நம: ।
வாணீஹிரண்யக³ர்பா⁴ப்⁴யாம் நம: ।
ஶசீபுரந்த³ராப்⁴யாம் நம: ।
அருந்த⁴தீவஸிஷ்டா²ப்⁴யாம் நம: ।
ஶ்ரீஸீதாராமாப்⁴யாம் நம: ।
மாதாபித்ருப்⁴யோ நம: ।
ஸர்வேப்⁴யோ மஹாஜனேப்⁴யோ நம: ।

ஆசமனம்
ஓம் கேஶவாய ஸ்வாஹா ।
ஓம் நாராயணாய ஸ்வாஹா ।
ஓம் மாத⁴வாய ஸ்வாஹா ।
ஓம் கோ³விந்தா³ய நம: ।
ஓம் விஷ்ணவே நம: ।
ஓம் மது⁴ஸூத³னாய நம: ।
ஓம் த்ரிவிக்ரமாய நம: ।
ஓம் வாமனாய நம: ।
ஓம் ஶ்ரீத⁴ராய நம: ।
ஓம் ஹ்ருஷீகேஶாய நம: ।
ஓம் பத்³மனாபா⁴ய நம: ।
ஓம் தா³மோத³ராய நம: ।
ஓம் ஸங்கர்ஷணாய நம: ।
ஓம் வாஸுதே³வாய நம: ।
ஓம் ப்ரத்³யும்னாய நம: ।
ஓம் அனிருத்³தா⁴ய நம: ।
ஓம் புருஷோத்தமாய நம: ।
ஓம் அதோ⁴க்ஷஜாய நம: ।
ஓம் நாரஸிம்ஹாய நம: ।
ஓம் அச்யுதாய நம: ।
ஓம் ஜனார்த³னாய நம: ।
ஓம் உபேந்த்³ராய நம: ।
ஓம் ஹரயே நம: ।
ஓம் ஶ்ரீக்ருஷ்ணாய நம: ।

தீ³பாராத⁴னம்
தீ³பஸ்த்வம் ப்³ரஹ்மரூபோஸி ஜ்யோதிஷாம் ப்ரபு⁴ரவ்யய: ।
ஸௌபா⁴க்³யம் தே³ஹி புத்ராம்ஶ்ச ஸர்வான்காமாம்ஶ்ச தே³ஹி மே ॥
போ⁴ தீ³ப தே³வி ரூபஸ்த்வம் கர்மஸாக்ஷீ ஹ்யவிக்⁴னக்ருத் ।
யாவத்பூஜாம் கரிஷ்யாமி தாவத்த்வம் ஸுஸ்தி²ரோ ப⁴வ ॥
தீ³பாராத⁴ன முஹூர்த: ஸுமுஹூர்தோஸ்து ॥

பூ⁴தோச்சாடனம்
உத்திஷ்ட²ந்து பூ⁴தபிஶாசா: ய ஏதே பூ⁴மிபா⁴ரகா: ।
ஏதேஷாமவிரோதே⁴ன ப்³ரஹ்மகர்ம ஸமாரபே⁴ ॥
அபஸர்பந்து தே பூ⁴தா யே பூ⁴தா பூ⁴மிஸம்ஸ்தி²தா: ।
யே பூ⁴தா விக்⁴னகர்தாரஸ்தே க³ச்ச²ந்து ஶிவாஜ்ஞயா ॥

ப்ராணாயாம:

ஓம் பூ⁴: । ஓம் பு⁴வ:॑ । ஓக்³ம் ஸுவ:॑ । ஓம் மஹ:॑ । ஓம் ஜன:॑ । ஓம் தப:॑ । ஓக்³ம் ஸத்யம் ।
ஓம் தத்ஸ॑வி॒துர்வரே᳚ண்யம்॒ ப⁴ர்கோ॑³ தே॒³வஸ்ய॑ தீ⁴மஹி ।
தி⁴யோ॒ யோ ந:॑ ப்ரசோ॒த³யா᳚த் ॥
ஓமாபோ॒ ஜ்யோதீ॒ ரஸோ॒ம்ருதம்॒ ப்³ரஹ்ம॒ பூ⁴ர்பு⁴வ॒ஸ்ஸுவ॒ரோம் ॥

ஸங்கல்ப:
மம உபாத்த ஸமஸ்த து³ரிதக்ஷய த்³வாரா ஶ்ரீபரமேஶ்வர ப்ரீத்யர்த²ம், மம/அஸ்மாகம் ஸஹகுடும்ப³ஸ்ய க்ஷேம-ஸ்தை²ர்ய-தை⁴ர்ய-வீர்ய-விஜய-அப⁴ய-ஆயு:-ஆரோக்³ய-ஐஶ்வர்ய-அபி⁴வ்ருத்³த்⁴யர்த²ம், ஆரோக்³ய-தேஜஸ்-ப³ல-ப்ராப்த்யர்த²ம், த⁴ர்மார்த-²காம-மோக்ஷ-சதுர்வித-⁴புருஷார்த-²ப²ல-ஸித்³த்⁴யர்த²ம், ஶ்ரீஸூர்யனாராயண ஸ்வாமி-ப்ரீத்யர்த²ம், யாவச்ச²க்தி த்⁴யான-ஆவாஹனாதி³-ஷோட³ஶோபசார-பூஜாம் கரிஷ்யே ॥

தத³ங்க³ கலஶாராத⁴னம் கரிஷ்யே ॥

கலஶாராத⁴னம்
கலஶே க³ந்த⁴ புஷ்பாக்ஷதைரப்⁴யர்ச்ய ।
கலஶே உத³கம் பூரயித்வா ।
கலஶஸ்யோபரி ஹஸ்தம் நிதா⁴ய ।

கலஶஸ்ய முகே² விஷ்ணு: கண்டே² ருத்³ர: ஸமாஶ்ரித: ।
மூலே த்வஸ்ய ஸ்தி²தோ ப்³ரஹ்மா மத்⁴யே மாத்ருக³ணா: ஸ்ம்ருதா: ॥
குக்ஷௌ து ஸாக³ரா: ஸர்வே ஸப்தத்³வீபா வஸுந்த⁴ரா ।
ருக்³வேதோ³த² யஜுர்வேதோ³ ஸாமவேதோ³ ஹ்யத²ர்வண: ॥
அங்கை³ஶ்ச ஸஹிதா: ஸர்வே கலஶாம்பு³ ஸமாஶ்ரிதா: ॥

க³ங்கே³ ச யமுனே சைவ கோ³தா³வரீ ஸரஸ்வதீ ।
நர்மதே³ ஸிந்து⁴ காவேரீ ஜலேஸ்மின் ஸன்னிதி⁴ம் குரு ॥
காவேரீ துங்க³ப⁴த்³ரா ச க்ருஷ்ணவேணீ ச கௌ³தமீ ।
பா⁴கீ³ரதீ²தி விக்²யாதா: பஞ்சக³ங்கா³: ப்ரகீர்திதா: ॥

ஆயாந்து தே³வபூஜார்த²ம் மம து³ரிதக்ஷயகாரகா: ।
கலஶோத³கேன பூஜா த்³ரவ்யாணி ஸம்ப்ரோக்ஷ்ய, தே³வம் ஸம்ப்ரோக்ஷ்ய, ஆத்மானம் ச ஸம்ப்ரோக்ஷ்ய ॥

ஶங்க³பூஜா
ஶங்க³ம் சந்த்³ரார்க தை³வதம் மத்⁴யே வருண தே³வதாம் ।
ப்ருஷ்டே² ப்ரஜாபதிம் விந்த்³யாத³க்³ரே க³ங்கா³ ஸரஸ்வதீம் ॥
த்ரைலோக்யே யானி தீர்தா²னி வாஸுதே³வஸ்ய ஆஜ்ஞயா ।
ஶங்கே³ திஷ்ட²ந்து விப்ரேந்த்³ரா: தஸ்மாத் ஶங்க³ம் ப்ரபூஜயேத் ॥

ஓம் ஶங்கா³ய நம: ।
ஓம் த⁴வளாய நம: ।
ஓம் பாஞ்சஜன்யாய நம: ।
ஓம் ஶங்க³தே³வதாப்⁴யோ நம: ।
ஸகலபூஜார்தே² அக்ஷதான் ஸமர்பயாமி ॥

க⁴ண்டானாத:³
ஆக³மார்த²ம் து தே³வானாம் க³மனார்த²ம் து ராக்ஷஸாம் ।
க⁴ண்டாரவம் கரோம்யாதௌ³ தே³வதாஹ்வான லாஞ்ச²னம் ॥
ஓம் க⁴ண்டாதே³வதாப்⁴யோ நம: ।
ஸகலோபசார பூஜார்தே² அக்ஷதான் ஸமர்பயாமி ॥

ஶ்ரீ மஹாக³ணபதி பூஜா

ஓம் க॒³ணானாஂ᳚ த்வா க॒³ணப॑திக்³ம் ஹவாமஹே க॒விம் க॑வீ॒னாம் உப॒மஶ்ர॑வஸ்தவம் ।
ஜ்யே॒ஷ்ட॒²ராஜம்॒ ப்³ரஹ்ம॑ணாம் ப்³ரஹ்மணஸ்பத॒ ஆ ந:॑ ஶ்ரு॒ண்வன்னூ॒திபி॑⁴ஸ்ஸீத॒³ ஸாத॑³னம் ॥

ஸுமுக²ஶ்சைகத³ந்தஶ்ச கபிலோ கஜ³கர்ணக: ।
லம்போ³த³ரஶ்ச விகடோ விக்⁴னராஜோ க³ணாதி⁴ப: ॥
தூ⁴மகேதுர்க³ணாத்⁴யக்ஷ: பா²லசந்த்³ரோ கஜ³ானன: ।
வக்ரதுண்ட:³ ஶூர்பகர்ணோ ஹேரம்ப:³ ஸ்கந்த³பூர்வஜ: ॥

ஓம் ஶ்ரீமஹாக³ணபதயே நம: ।
த்⁴யாயாமி । ஆவாஹயாமி । ஆஸனம் ஸமர்பயாமி ।
பாத்³யம் ஸமர்பயாமி । அர்க்⁴யம் ஸமர்பயாமி । ஆசமனீயம் ஸமர்பயாமி ।
ஸ்னானம் ஸமர்பயாமி । வஸ்த்ரம் ஸமர்பயாமி । யஜ்ஞோபவீதம் ஸமர்பயாமி ।
க³ந்த⁴ம் ஸமர்பயாமி । புஷ்பாணி ஸமர்பயாமி ।
தூ⁴பமாக்⁴ராபயாமி । தீ³பம் த³ர்ஶயாமி ।
நைவேத்³யம் ஸமர்பயாமி । தாம்பூ³லம் ஸமர்பயாமி ।
நீராஜனம் ஸமர்பயாமி । மந்த்ரபுஷ்பம் ஸமர்பயாமி ।
ப்ரத³க்ஷிண நமஸ்காரான் ஸமர்பயாமி ॥

ஷோட³ஶோபசார பூஜா
ஸூர்யனாராயண த்⁴யானம்
த்⁴யேய: ஸதா³ ஸவித்ருமண்ட³லமத்⁴யவர்தீ
நாராயண: ஸரஸிஜாஸன ஸன்னிவிஷ்ட: ।
கேயூரவான் மகரகுண்ட³லவான் கிரீடீ
ஹாரீ ஹிரண்மயவபு: த்⁴ருதஶங்க³சக்ர: ॥

அருணோருணபங்கஜே நிஷண்ண:
கமலேபீ⁴திவரௌ கரைர்த³தா⁴ன: ।
ஸ்வருசாஹித மண்ட³லஸ்த்ரினேத்ரோ
ரவிராகல்ப ஶதாகுலோவதான்ன: ॥

ஓம் ஶ்ரீஸூர்யனாராயணாய நம: ।
த்⁴யாயாமி । த்⁴யானம் ஸமர்பயாமி ॥

ஆவாஹனம்

ஸ॒ஹஸ்ர॑ஶீர்​ஷா॒ புரு॑ஷ: । ஸ॒ஹ॒ஸ்ரா॒க்ஷ: ஸ॒ஹஸ்ர॑பாத் ।
ஸ பூ⁴மிம்॑ வி॒ஶ்வதோ॑ வ்ரு॒த்வா । அத்ய॑திஷ்ட²த்³த³ஶாங்கு॒³லம் ॥

ஆக³ச்ச² ப⁴க³வன் ஸூர்ய மண்ட³பே ச ஸ்தி²ரோ ப⁴வ ।
யாவத்பூஜா ஸமாப்யேத தாவத்த்வம் ஸன்னிதௌ⁴ ப⁴வ ॥
ஓம் ஶ்ரீஸூர்யனாராயணாய நம: ।
ஆவாஹயாமி । ஸ்தா²பயாமி । பூஜயாமி ॥

ஆஸனம்

புரு॑ஷ ஏ॒வேத³க்³ம் ஸர்வம்᳚ । யத்³பூ॒⁴தம் யச்ச॒ ப⁴வ்யம்᳚ ।
உ॒தாம்ரு॑த॒த்வ ஸ்யேஶா॑ன: । யத³ன்னே॑னாதி॒ரோஹ॑தி ॥

ஹேமாஸன மஹத்³தி³வ்யம் நானாரத்னவிபூ⁴ஷிதம் ।
த³த்தம் மே க்³ருஹ்யதாம் தே³வ தி³வாகர நமோஸ்து தே ॥
ஓம் ஶ்ரீஸூர்யனாராயணாய நம: ।
ஆஸனம் ஸமர்பயாமி ॥

பாத்³யம்
க³ங்கா³ஜல ஸமானீதம் பரமம் பாவனம் மஹத் ।
பாத்³யம் க்³ருஹாண தே³வேஶ தா⁴மரூப நமோஸ்து தே ॥
ஓம் ஶ்ரீஸூர்யனாராயணாய நம: ।
பாத³யோ: பாத்³யம் ஸமர்பயாமி ॥

அர்க்⁴யம்
போ⁴ ஸூர்ய மஹாத்³பு⁴த ப்³ரஹ்மவிஷ்ணு ஸ்வரூபத்³ருக் ।
அர்க்⁴யம் அஞ்ஜலினா த³த்தம் க்³ருஹாண பரமேஶ்வர ॥
ஓம் ஶ்ரீஸூர்யனாராயணாய நம: ।
ஹஸ்தயோ: அர்க்⁴யம் ஸமர்பயாமி ॥

ஆசமனீயம்
க³ங்கா³தி³ தீர்தஜ²ம் தோயம் ஜாதீபுஷ்பைஶ்ச வாஸிதம் ।
தாம்ரபாத்ரே ஸ்தி²தம் தி³வ்யம் க்³ருஹாணாசமனீயகம் ॥
ஓம் ஶ்ரீஸூர்யனாராயணாய நம: ।
முகே² ஆசமனீயம் ஸமர்பயாமி ॥

ஸ்னானம்

ஆபோ॒ ஹிஷ்டா² ம॑யோ॒பு⁴வ॒ஸ்தா ந॑ ஊ॒ர்ஜே த॑³தா⁴தன ।
ம॒ஹே ரணா॑ய॒ சக்ஷ॑ஸே ॥
யோ வ:॑ ஶி॒வத॑மோ ரஸ॒ஸ்தஸ்ய॑ பா⁴ஜயதே॒ஹ ந:॑ ।
உ॒ஶ॒தீரி॑வ மா॒த॑ர: ॥
தஸ்மா॒ அரம்॑ க³மாம வோ॒ யஸ்ய॒ க்ஷயா॑ய॒ ஜின்வ॑த² ।
ஆபோ॑ ஜ॒னய॑தா² ச ந: ॥

ஓம் ஶ்ரீஸூர்யனாராயணாய நம: ।
ஶுத்³தோ⁴த³க ஸ்னானம் ஸமர்பயாமி ॥
ஸ்னானானந்தரம் ஆசமனீயம் ஸமர்பயாமி ॥

வஸ்த்ரம்
ரக்தபட்டயுக³ம் தே³வ ஸூக்ஷ்மதந்துவினிர்மிதம் ।
ஶுத்³த⁴ம் சைவ மயா த³த்தம் க்³ருஹாண கமலாகர ॥
ஓம் ஶ்ரீஸூர்யனாராயணாய நம: ।
வஸ்த்ரம் ஸமர்பயாமி ॥

யஜ்ஞோபவீதம்
நம: கமலஹஸ்தாய விஶ்வரூபாய தே நம: ।
உபவீதம் மயா த³த்தம் தத்³க்³ருஹாண தி³வாகர ॥
ஓம் ஶ்ரீஸூர்யனாராயணாய நம: ।
யஜ்ஞோபவீதம் ஸமர்பயாமி ॥

க³ந்த⁴ம்
குங்குமாக³ரு கஸ்தூரீ ஸுக³ந்தை⁴ஶ்சந்த³னாதி³பி⁴: ।
ரக்தசந்த³ன ஸம்யுக்தம் க³ந்த⁴ம் க்³ருஹ்ணீஷ்வ பா⁴ஸ்கர ॥
ஓம் ஶ்ரீஸூர்யனாராயணாய நம: ।
க³ந்த⁴ம் ஸமர்பயாமி ॥

அர்சன
ஜபாகத³ம்ப³ குஸுமை: ரக்தோத்பல யுதானி ச ।
புஷ்பாணி க்³ருஹ்யதாம் தே³வ ஸர்வகாமப்ரதோ³ ப⁴வ ॥

அங்க³ பூஜா
ஓம் மித்ராய நம: – பாதௌ³ பூஜயாமி ।
ஓம் ரவயே நம: – ஜங்கே⁴ பூஜயாமி ।
ஓம் ஸூர்யாய நம: – ஜானுனீ பூஜயாமி ।
ஓம் க²கா³ய நம: – ஊரூ பூஜயாமி ।
ஓம் ஹிரண்யக³ர்பா⁴ய நம: – கடிம் பூஜயாமி ।
ஓம் பூஷ்ணே நம: – கு³ஹ்யம் பூஜயாமி ।
ஓம் மரீசயே நம: – நாபி⁴ம் பூஜயாமி ।
ஓம் ஆதி³த்யாய நம: – ஜட²ரம் பூஜயாமி ।
ஓம் ஸவித்ரே நம: – ஹ்ருத³யம் பூஜயாமி ।
ஓம் அர்காய நம: – ஸ்தனௌ பூஜயாமி ।
ஓம் பா⁴ஸ்கராய நம: – கண்ட²ம் பூஜயாமி ।
ஓம் அர்யம்ணே நம: – ஸ்கந்தௌ⁴ பூஜயாமி ।
ஓம் ஹம்ஸாய நம: – ஹஸ்தௌ பூஜயாமி ।
ஓம் அஹஸ்கராய நம: – முக²ம் பூஜயாமி ।
ஓம் ப்³ரத்⁴னாய நம: – நாஸிகாம் பூஜயாமி ।
ஓம் ஜக³தே³கசக்ஷுஷே நம: – நேத்ராணி பூஜயாமி ।
ஓம் பா⁴னவே நம: – கர்ணௌ பூஜயாமி ।
ஓம் த்ரிகு³ணாத்மதா⁴ரிணே நம: – லலாடம் பூஜயாமி ।
ஓம் விரிஞ்சினாராயணாய நம: – ஶிர: பூஜயாமி ।
ஓம் திமிரனாஶினே நம: – ஸர்வாண்யங்கா³னி பூஜயாமி ॥

[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]

அத²வா ஸூர்ய த்³வாத³ஶ நாம பூஜா ॥

ஓம் ஆதி³த்யாய நம: ।
ஓம் தி³வாகராய நம: ।
ஓம் பா⁴ஸ்கராய நம: ।
ஓம் ப்ரபா⁴கராய நம: ।
ஓம் ஸஹஸ்ராம்ஶவே நம: ।
ஓம் த்ரிலோசனாய நம: ।
ஓம் ஹரித³ஶ்வாய நம: ।
ஓம் விபா⁴வஸவே நம: ।
ஓம் தி³னகராய நம: ।
ஓம் த்³வாத³ஶாத்மகாய நம: ।
ஓம் த்ரிமூர்தயே நம: ।
ஓம் ஸூர்யாய நம: ॥

ஓம் ஶ்ரீஸூர்யனாராயணாய நம: ।
அஷ்டோத்தர ஶத நாமாவளீ பூஜாம் ஸமர்பயாமி ।
அக்ஷதான் புஷ்பாணி ச ஸமர்பயாமி ॥

தூ⁴பம்
த³ஶாங்கோ³கு³க்³கு³லோத்³பூ⁴த: காலாக³ரு ஸமன்வித: ।
ஆக்⁴ரேய: ஸர்வதே³வானாம் தூ⁴போயம் ப்ரதிக்³ருஹ்யதாம் ॥
ஓம் ஶ்ரீஸூர்யனாராயணாய நம: ।
தூ⁴பமாக்⁴ராபயாமி ॥

தீ³பம்
கார்பாஸவர்திகாயுக்தம் கோ³க்⁴ருதேன ஸமன்விதம் ।
தீ³பம் க்³ருஹாண தே³வேஶ த்ரைலோக்ய திமிராபஹ ॥
ஓம் ஶ்ரீஸூர்யனாராயணாய நம: ।
தீ³பம் த³ர்ஶயாமி ॥

நைவேத்³யம்
பாயஸம் க்⁴ருதஸம்யுக்தம் நானா பக்வான்ன ஸம்யுதம் ।
நைவேத்³யம் ச மயா த³த்தம் ஶாந்திம் குரு ஜக³த்பதே ॥

ஓம் பூ⁴ர்பு⁴வ॒ஸ்ஸுவ:॒ । தத்ஸ॑வி॒துர்வரே᳚ண்யம்॒ ப⁴ர்கோ॑³ தே॒³வஸ்ய॑ தீ⁴மஹி ।
தி॒⁴யோ யோ ந:॑ ப்ரசோ॒த³யா᳚த் ॥

ஸத்யம் த்வா ருதேன பரிஷிஞ்சாமி ।
அம்ருதமஸ்து । அம்ருதோபஸ்தரணமஸி ।
ஓம் ப்ராணாய ஸ்வாஹா । ஓம் அபானாய ஸ்வாஹா । ஓம் வ்யானாய ஸ்வாஹா ।
ஓம் உதா³னாய ஸ்வாஹா । ஓம் ஸமானாய ஸ்வாஹா ।
மத்⁴யே மத்⁴யே பானீயம் ஸமர்பயாமி ।
அம்ருதாபிதா⁴னமஸி ।
உத்தராபோஶனம் ஸமர்பயாமி ।
ஹஸ்தௌ ப்ரக்ஷாளயாமி । பாதௌ³ ப்ரக்ஷாளயாமி ।
ஶுத்³தா⁴சமனீயம் ஸமர்பயாமி ॥

ஓம் ஶ்ரீஸூர்யனாராயணாய நம: ।
நைவேத்³யம் ஸமர்பயாமி ॥

தாம்பூ³லம்
ஏலாலவங்க³ கர்பூர க²தி³ரைஶ்ச ஸபூக³கை: ।
நாக³வல்லீத³லைர்யுக்தம் தாம்பூ³லம் ப்ரதிக்³ருஹ்யதாம் ॥
ஓம் ஶ்ரீஸூர்யனாராயணாய நம: ।
தாம்பூ³லம் ஸமர்பயாமி ॥

நீராஜனம்

வேதா॒³ஹமே॒தம் புரு॑ஷம் ம॒ஹாந்தம்᳚ । ஆ॒தி॒³த்யவ॑ர்ணம்॒ தம॑ஸ॒ஸ்து பா॒ரே ।
ஸர்வா॑ணி ரூ॒பாணி॑ வி॒சித்ய॒ தீ⁴ர:॑ । நாமா॑னி க்ரு॒த்வாபி॒⁴வத॒³ன்॒, யதா³ஸ்தே᳚ ॥

பஞ்சவர்தி ஸமாயுக்தம் ஸர்வமங்கள³தா³யகம் ।
நீராஜனம் க்³ருஹாணேத³ம் ஸர்வஸௌக்²யகரோ ப⁴வ ॥
ஓம் ஶ்ரீஸூர்யனாராயணாய நம: ।
நீராஜனம் ஸமர்பயாமி ॥

மந்த்ரபுஷ்பம்

தா॒⁴தா பு॒ரஸ்தா॒த்³யமு॑தா³ஜ॒ஹார॑ । ஶ॒க்ர: ப்ரவி॒த்³வா-ன்ப்ர॒தி³ஶ॒ஶ்சத॑ஸ்ர: ।
தமே॒வம் வி॒த்³வான॒ம்ருத॑ இ॒ஹ ப॑⁴வதி । நான்ய: பந்தா॒² அய॑னாய வித்³யதே ॥

ஓம் பா⁴ஸ்கராய வித்³மஹே மஹாத்³யுதிகராய தீ⁴மஹி ।
தன்னோ ஆதி³த்ய: ப்ரசோத³யாத் ॥
சம்பகை: ஶதபத்ரைஶ்ச கல்ஹாரை: கரவீரகை: ।
பாடலைர்ப³குலைர்யுக்தம் க்³ருஹாண குஸுமாஞ்ஜலிம் ॥
ஓம் ஶ்ரீஸூர்யனாராயணாய நம: ।
மந்த்ரபுஷ்பம் ஸமர்பயாமி ॥

ப்ரத³க்ஷிணம்
யானி கானி ச பாபானி ஜன்மாந்தர க்ருதானி ச ।
தானி தானி வினஶ்யந்தி ப்ரத³க்ஷிண பதே³ பதே³ ॥
பாபோஹம் பாபகர்மாஹம் பாபாத்மா பாபஸம்ப⁴வ ।
த்ராஹி மாம் க்ருபயா தே³வ ஶரணாக³தவத்ஸல ॥
அன்யதா² ஶரணம் நாஸ்தி த்வமேவ ஶரணம் மம ।
தஸ்மாத்காருண்ய பா⁴வேன ரக்ஷ ரக்ஷ ஜனார்த³ன ॥
ஓம் ஶ்ரீஸூர்யனாராயணாய நம: ।
ப்ரத³க்ஷிண நமஸ்காரான் ஸமர்பயாமி ॥

நமஸ்கார:
உத்³யன்னத்³ய விவஸ்வானாரோஹன்னுத்தராம் தி³வம் ।
தே³வ: ஹ்ருத்³ரோக³ம் மம ஸூர்யோ ஹரிமாணம் சாஶு நாஶயது ॥
ஓம் ஶ்ரீஸூர்யனாராயணாய நம: ।
நமஸ்காரான் ஸமர்பயாமி ॥

த்³வாத³ஶார்க்⁴யாணி
தி³வாகர நமஸ்துப்⁴யம் பாபம் நாஶய பா⁴ஸ்கர ।
த்ரயீமயாய விஶ்வாத்மன் க்³ருஹாணார்க்⁴யம் நமோஸ்து தே ॥
ஓம் மித்ராய நம: – இத³மர்க்⁴யம் ஸமர்பயாமி ।
ஓம் ரவயே நம: – இத³மர்க்⁴யம் ஸமர்பயாமி ।
ஓம் ஸூர்யாய நம: – இத³மர்க்⁴யம் ஸமர்பயாமி ।
ஓம் பா⁴னவே நம: – இத³மர்க்⁴யம் ஸமர்பயாமி ।
ஓம் க²கா³ய நம: – இத³மர்க்⁴யம் ஸமர்பயாமி ।
ஓம் பூஷ்ணே நம: – இத³மர்க்⁴யம் ஸமர்பயாமி ।
ஓம் ஹிரண்யக³ர்பா⁴ய நம: – இத³மர்க்⁴யம் ஸமர்பயாமி ।
ஓம் மரீசயே நம: – இத³மர்க்⁴யம் ஸமர்பயாமி ।
ஓம் ஆதி³த்யாய நம: – இத³மர்க்⁴யம் ஸமர்பயாமி ।
ஓம் ஸவித்ரே நம: – இத³மர்க்⁴யம் ஸமர்பயாமி ।
ஓம் அர்காய நம: – இத³மர்க்⁴யம் ஸமர்பயாமி ।
ஓம் பா⁴ஸ்கராய நம: – இத³மர்க்⁴யம் ஸமர்பயாமி ॥

ஸர்வோபசாரா:
ஓம் ஶ்ரீஸூர்யனாராயணாய நம: ।
ச²த்ரம் ஸமர்பயாமி ।
சாமரம் ஸமர்பயாமி ।
கீ³தம் ஶ்ராவயாமி ।
ந்ருத்யம் த³ர்ஶயாமி ।
ஸமஸ்த ராஜோபசாரான் தே³வோபசாரான் ஸமர்பயாமி ॥

ஸ்தோத்ர/ஸூக்த பட²னம்

க்ஷமாப்ரார்த²னா
மந்த்ரஹீனம் க்ரியாஹீனம் ப⁴க்திஹீனம் ஜனார்த³ன ।
யத்பூஜிதம் மயா தே³வ பரிபூர்ணம் தத³ஸ்து தே ॥
அஜ்ஞானாத்³வா ப்ரமாதா³த்³வா வைகல்யாத்ஸாத⁴னஸ்ய வா ।
யன்ன்யூனமதிரிக்தம் ச தத்ஸர்வம் க்ஷந்துமர்ஹஸி ॥

காயேன வாசா மனஸேந்த்³ரியைர்வா
பு³த்³த்⁴யாத்மனா வா ப்ரக்ருதே: ஸ்வபா⁴வாத் ।
கரோமி யத்³யத் ஸகலம் பரஸ்மை
நாராயணாயேதி ஸமர்பயாமி ॥

அனயா த்⁴யான-ஆவாஹனாதி³-ஷோட³ஶோபசார பூஜயா ஶ்ரீஸூர்யனாராயண ஸ்வாமீ ஸுப்ரீத: ஸுப்ரஸன்ன: வரதோ³ ப⁴வது ॥

உத்³வாஸனம்
ஓம் ஶ்ரீஸூர்யனாராயணாய நம: ।
யதா²ஸ்தா²னம் உத்³வாஸயாமி ।
ஶோப⁴னார்தே² க்ஷேமாய புனராக³மனாய ச ॥

ப்ரஸாத³ க்³ரஹணம்
அகாலம்ருத்யுஹரணம் ஸர்வவ்யாதி⁴னிவாரணம் ।
ஸமஸ்தபாபக்ஷயகரம் தே³வதா பாதோ³த³கம் ஶுப⁴ம் ॥

ஶ்ரீஸூர்யனாராயண ஸ்வாமி ப்ரஸாத³ம் ஶிரஸா க்³ருஹ்ணாமி ॥

ஓம் ஶாந்தி: ஶாந்தி: ஶாந்தி: ॥

ஓம் தத்ஸத் ப்³ரஹ்மார்பணமஸ்து ॥