ஶ்ரீ விஷ்ணு பஞ்ஜர ஸ்தோத்ரம்

ஓம் அஸ்ய ஶ்ரீவிஷ்ணுபஞ்ஜரஸ்தோத்ர மஹாமந்த்ரஸ்ய நாரத³ ருஷி: । அனுஷ்டுப் ச²ந்த:³ । ஶ்ரீவிஷ்ணு: பரமாத்மா தே³வதா । அஹம் பீ³ஜம் । ஸோஹம் ஶக்தி: । ஓம் ஹ்ரீம் கீலகம் । மம ஸர்வதே³ஹரக்ஷணார்த²ம் ஜபே வினியோக:³ ।

நாரத³ ருஷயே நம: முகே² । ஶ்ரீவிஷ்ணுபரமாத்மதே³வதாயை நம: ஹ்ருத³யே । அஹம் பீ³ஜம் கு³ஹ்யே । ஸோஹம் ஶக்தி: பாத³யோ: । ஓம் ஹ்ரீம் கீலகம் பாதா³க்³ரே । ஓம் ஹ்ராம் ஹ்ரீம் ஹ்ரூம் ஹ்ரைம் ஹ்ரௌம் ஹ்ர: இதி மந்த்ர: ।

ஓம் ஹ்ராம் அங்கு³ஷ்டா²ப்⁴யாம் நம: ।
ஓம் ஹ்ரீம் தர்ஜனீப்⁴யாம் நம: ।
ஓம் ஹ்ரூம் மத்⁴யமாப்⁴யாம் நம: ।
ஓம் ஹ்ரைம் அனாமிகாப்⁴யாம் நம: ।
ஓம் ஹ்ரௌம் கனிஷ்டி²காப்⁴யாம் நம: ।
ஓம் ஹ்ர: கரதலகரப்ருஷ்டா²ப்⁴யாம் நம: ।
இதி கரன்யாஸ: ।

ஓம் ஹ்ராம் ஹ்ருத³யாய நம: ।
ஓம் ஹ்ரீம் ஶிரஸே ஸ்வாஹா ।
ஓம் ஹ்ரூம் ஶிகா²யை வஷட் ।
ஓம் ஹ்ரைம் கவசாய ஹும் ।
ஓம் ஹ்ரௌம் நேத்ரத்ரயாய வௌஷட் ।
ஓம் ஹ்ர: அஸ்த்ராய ப²ட் ।
இதி அங்க³ன்யாஸ: ।

அஹம் பீ³ஜம் ப்ராணாயாமம் மந்த்ரத்ரயேண குர்யாத் ।

த்⁴யானம் ।
பரம் பரஸ்மாத்ப்ரக்ருதேரனாதி³மேகம் நிவிஷ்டம் ப³ஹுதா⁴ கு³ஹாயாம் ।
ஸர்வாலயம் ஸர்வசராசரஸ்த²ம் நமாமி விஷ்ணும் ஜக³தே³கனாத²ம் ॥ 1 ॥

ஓம் விஷ்ணுபஞ்ஜரகம் தி³வ்யம் ஸர்வது³ஷ்டனிவாரணம் ।
உக்³ரதேஜோ மஹாவீர்யம் ஸர்வஶத்ருனிக்ருந்தனம் ॥ 2 ॥

த்ரிபுரம் த³ஹமானஸ்ய ஹரஸ்ய ப்³ரஹ்மணோ ஹிதம் ।
தத³ஹம் ஸம்ப்ரவக்ஷ்யாமி ஆத்மரக்ஷாகரம் ந்ருணாம் ॥ 3 ॥

பாதௌ³ ரக்ஷது கோ³விந்தோ³ ஜங்கே⁴ சைவ த்ரிவிக்ரம: ।
ஊரூ மே கேஶவ: பாது கடிம் சைவ ஜனார்த³ன: ॥ 4 ॥

நாபி⁴ம் சைவாச்யுத: பாது கு³ஹ்யம் சைவ து வாமன: ।
உத³ரம் பத்³மனாப⁴ஶ்ச ப்ருஷ்ட²ம் சைவ து மாத⁴வ: ॥ 5 ॥

வாமபார்ஶ்வம் ததா² விஷ்ணுர்த³க்ஷிணம் மது⁴ஸூத³ன: ।
பா³ஹூ வை வாஸுதே³வஶ்ச ஹ்ருதி³ தா³மோத³ரஸ்ததா² ॥ 6 ॥

கண்ட²ம் ரக்ஷது வாராஹ: க்ருஷ்ணஶ்ச முக²மண்ட³லம் ।
மாத⁴வ: கர்ணமூலே து ஹ்ருஷீகேஶஶ்ச நாஸிகே ॥ 7 ॥

நேத்ரே நாராயணோ ரக்ஷேல்லலாடம் க³ருட³த்⁴வஜ: ।
கபோலௌ கேஶவோ ரக்ஷேத்³வைகுண்ட:² ஸர்வதோதி³ஶம் ॥ 8 ॥

ஶ்ரீவத்ஸாங்கஶ்ச ஸர்வேஷாமங்கா³னாம் ரக்ஷகோ ப⁴வேத் ।
பூர்வஸ்யாம் புண்ட³ரீகாக்ஷ ஆக்³னேய்யாம் ஶ்ரீத⁴ரஸ்ததா² ॥ 9 ॥

த³க்ஷிணே நாரஸிம்ஹஶ்ச நைர்ருத்யாம் மாத⁴வோவது ।
புருஷோத்தமோ வாருண்யாம் வாயவ்யாம் ச ஜனார்த³ன: ॥ 1௦ ॥

க³தா³த⁴ரஸ்து கௌபே³ர்யாமீஶான்யாம் பாது கேஶவ: ।
ஆகாஶே ச க³தா³ பாது பாதாளே ச ஸுத³ர்ஶனம் ॥ 11 ॥

ஸன்னத்³த:⁴ ஸர்வகா³த்ரேஷு ப்ரவிஷ்டோ விஷ்ணுபஞ்ஜர: ।
விஷ்ணுபஞ்ஜரவிஷ்டோஹம் விசராமி மஹீதலே ॥ 12 ॥

ராஜத்³வாரேபதே² கோ⁴ரே ஸங்க்³ராமே ஶத்ருஸங்கடே ।
நதீ³ஷு ச ரணே சைவ சோரவ்யாக்⁴ரப⁴யேஷு ச ॥ 13 ॥

டா³கினீப்ரேதபூ⁴தேஷு ப⁴யம் தஸ்ய ந ஜாயதே ।
ரக்ஷ ரக்ஷ மஹாதே³வ ரக்ஷ ரக்ஷ ஜனேஶ்வர ॥ 14 ॥

ரக்ஷந்து தே³வதா: ஸர்வா ப்³ரஹ்மவிஷ்ணுமஹேஶ்வரா: ।
ஜலே ரக்ஷது வாராஹ: ஸ்த²லே ரக்ஷது வாமன: ॥ 15 ॥

அடவ்யாம் நாரஸிம்ஹஶ்ச ஸர்வத: பாது கேஶவ: ॥
தி³வா ரக்ஷது மாம் ஸூர்யோ ராத்ரௌ ரக்ஷது சந்த்³ரமா: ॥ 16 ॥

பந்தா²னம் து³ர்க³மம் ரக்ஷேத்ஸர்வமேவ ஜனார்த³ன: ।
ரோக³விக்⁴னஹதஶ்சைவ ப்³ரஹ்மஹா கு³ருதல்பக:³ ॥ 17 ॥

ஸ்த்ரீஹந்தா பா³லகா⁴தீ ச ஸுராபோ வ்ருஷலீபதி: ।
முச்யதே ஸர்வபாபேப்⁴யோ ய: படே²ன்னாத்ர ஸம்ஶய: ॥ 18 ॥

அபுத்ரோ லப⁴தே புத்ரம் த⁴னார்தீ² லப⁴தே த⁴னம் ।
வித்³யார்தீ² லப⁴தே வித்³யாம் மோக்ஷார்தீ² லப⁴தே க³திம் ॥ 19 ॥

ஆபதோ³ ஹரதே நித்யம் விஷ்ணுஸ்தோத்ரார்த²ஸம்பதா³ ।
யஸ்த்வித³ம் பட²தே ஸ்தோத்ரம் விஷ்ணுபஞ்ஜரமுத்தமம் ॥ 2௦ ॥

முச்யதே ஸர்வபாபேப்⁴யோ விஷ்ணுலோகம் ஸ க³ச்ச²தி ।
கோ³ஸஹஸ்ரப²லம் தஸ்ய வாஜபேயஶதஸ்ய ச ॥ 21 ॥

அஶ்வமேத⁴ஸஹஸ்ரஸ்ய ப²லம் ப்ராப்னோதி மானவ: ।
ஸர்வகாமம் லபே⁴த³ஸ்ய பட²னான்னாத்ர ஸம்ஶய: ॥ 22 ॥

ஜலே விஷ்ணு: ஸ்த²லே விஷ்ணுர்விஷ்ணு: பர்வதமஸ்தகே ।
ஜ்வாலாமாலாகுலே விஷ்ணு: ஸர்வம் விஷ்ணுமயம் ஜக³த் ॥ 23 ॥

இதி ஶ்ரீப்³ரஹ்மாண்ட³புராணே இந்த்³ரனாரத³ஸம்வாதே³ ஶ்ரீவிஷ்ணுபஞ்ஜரஸ்தோத்ரம் ॥