ஶ்ரீ வேங்கடேஶ்வர விஜயார்யா ஸப்த விப⁴க்தி ஸ்தோத்ரம்

ஶ்ரீவேங்கடாத்³ரிதா⁴மா பூ⁴மா பூ⁴மாப்ரிய: க்ருபாஸீமா ।
நிரவதி⁴கனித்யமஹிமா ப⁴வது ஜயீ ப்ரணதத³ர்ஶிதப்ரேமா ॥ 1 ॥

ஜய ஜனதா விமலீக்ருதிஸப²லீக்ருதஸகலமங்கள³ாகார ।
விஜயீ ப⁴வ விஜயீ ப⁴வ விஜயீ ப⁴வ வேங்கடாசலாதீ⁴ஶ ॥ 2 ॥

கமனீயமந்த³ஹஸிதம் கஞ்சன கந்த³ர்பகோடிலாவண்யம் ।
பஶ்யேயமஞ்ஜனாத்³ரௌ பும்ஸாம் பூர்வதனபுண்யபரிபாகம் ॥ 3 ॥

மரதகமேசகருசினா மத³னாஜ்ஞாக³ந்தி⁴மத்⁴யஹ்ருத³யேன ।
வ்ருஷஶைலமௌலிஸுஹ்ருதா³ மஹஸா கேனாபி வாஸிதம் ஜ்ஞேயம் ॥ 4 ॥

பத்யை நமோ வ்ருஷாத்³ரே: கரயுக³பரிகர்மஶங்க³சக்ராய ।
இதரகரகமலயுகள³ீத³ர்ஶித-கடிப³ந்த⁴தா³னமுத்³ராய ॥ 5 ॥

ஸாம்ராஜ்யபிஶுனமகுடீஸுக⁴டலலாடாத் ஸுமங்க³லா பாங்கா³த் ।
ஸ்மிதருசிபு²ல்லகபோலாத³பரோ ந பரோஸ்தி வேங்கடாத்³ரீஶாத் ॥ 6 ॥

ஸர்வாப⁴ரணவிபூ⁴ஷிததி³வ்யாவயவஸ்ய வேங்கடாத்³ரிபதே: ।
பல்லவபுஷ்பவிபூ⁴ஷிதகல்பதரோஶ்சாபி கா பி⁴தா³ த்³ருஷ்டா ॥ 7 ॥

லக்ஷ்மீலலிதபதா³ம்பு³ஜலாக்ஷாரஸரஞ்ஜிதாயதோரஸ்கே ।
ஶ்ரீவேங்கடாத்³ரினாதே² நாதே² மம நித்யமர்பிதோ பா⁴ர: ॥ 8 ॥

ஆர்யாவ்ருத்தஸமேதா ஸப்தவிப⁴க்திர்வ்ருஷாத்³ரினாத²ஸ்ய ।
வாதீ³ந்த்³ரபீ⁴க்ருதா³க்²யைரார்யை ரசிதா ஜயத்வியம் ஸததம் ॥ 9 ॥

இதி ஶ்ரீவேங்கடேஶவிஜயார்யாஸப்தவிப⁴க்தி ஸ்தோத்ரம் ஸம்பூர்ணம் ।