ஶ்ரீ வேங்கடேஶ்வர ஸஹஸ்ரனாம ஸ்தோத்ரம்

ஶ்ரீவஸிஷ்ட² உவாச ।
ப⁴க³வன் கேன விதி⁴னா நாமபி⁴ர்வேங்கடேஶ்வரம் ।
பூஜயாமாஸ தம் தே³வம் ப்³ரஹ்மா து கமலை: ஶுபை⁴: ॥ 1 ॥

ப்ருச்சா²மி தானி நாமானி கு³ணயோக³பராணி கிம் ।
முக்²யவ்ருத்தீனி கிம் ப்³ரூஹி லக்ஷகாண்யத²வா ஹரே: ॥ 2 ॥

நாரத³ உவாச ।
நாமான்யனந்தானி ஹரே: கு³ணயோகா³னி கானி சித் ।
முக்²யவ்ருத்தீனி சான்யானி லக்ஷகாண்யபராணி ச ॥ 3 ॥

பரமார்தை²: ஸர்வஶப்³தை³ரேகோ ஜ்ஞேய: பர: புமான் ।
ஆதி³மத்⁴யாந்தரஹிதஸ்த்வவ்யக்தோனந்தரூபப்⁴ருத் ॥ 4 ॥

சந்த்³ரார்கவஹ்னிவாய்வாத்³யா க்³ரஹர்க்ஷாணி நபோ⁴ தி³ஶ: ।
அன்வயவ்யதிரேகாப்⁴யாம் ஸந்தி நோ ஸந்தி யன்மதே: ॥ 5 ॥

தஸ்ய தே³வஸ்ய நாம்னாம் ஹி பாரம் க³ந்தும் ஹி க: க்ஷம: ।
ததா²பி சாபி⁴தா⁴னானி வேங்கடேஶஸ்ய கானிசித் ॥ 6 ॥

ப்³ரஹ்மகீ³தானி புண்யானி தானி வக்ஷ்யாமி ஸுவ்ரத ।
யது³ச்சாரணமாத்ரேண விமுக்தாக:⁴ பரம் வ்ரஜேத் ॥ 7 ॥

வேங்கடேஶஸ்ய நாம்னாம் ஹி ஸஹஸ்ரஸ்ய ருஷிர்விதி⁴: ।
ச²ந்தோ³னுஷ்டுப்ததா² தே³வ: ஶ்ரீவத்ஸாங்கோ ரமாபதி: ॥ 8 ॥

பீ³ஜபூ⁴தஸ்ததோ²ங்காரோ ஹ்ரீம் க்லீம் ஶக்திஶ்ச கீலகம் ।
ஓம் நமோ வேங்கடேஶாயேத்யாதி³ர்மந்த்ரோத்ர கத்²யதே ॥ 9 ॥

ப்³ரஹ்மாண்ட³க³ர்ப:⁴ கவசமஸ்த்ரம் சக்ரக³தா³த⁴ர: ।
வினியோகோ³பீ⁴ஷ்டஸித்³தௌ⁴ ஹ்ருத³யம் ஸாமகா³யன: ॥ 1௦ ॥

அஸ்ய ஶ்ரீ வேங்கடேஶ ஸஹஸ்ரனாம ஸ்தோத்ர மஹாமந்த்ரஸ்ய ப்³ரஹ்மா ருஷி: அனுஷ்டுப் ச²ந்த:³ ஶ்ரீவத்ஸாங்கோ ரமாபதிர்தே³வதா ஓம் பீ³ஜம் ஹ்ரீம் ஶக்தி: க்லீம் கீலகம் ப்³ரஹ்மாண்ட³க³ர்ப⁴ இதி கவசம் சக்ரக³தா³த⁴ர இத்யஸ்த்ரம் ஸாமகா³னமிதி ஹ்ருத³யம் ஓம் நமோ வேங்கடேஶாயேத்யாதி³ர்மந்த்ர: ஶ்ரீ வேங்கடேஶ ப்ரீத்யர்தே² ஜபே வினியோக:³ ॥

த்⁴யானம்
பா⁴ஸ்வச்சந்த்³ரமஸௌ யதீ³யனயனே பா⁴ர்யா யதீ³யா ரமா
யஸ்மாத்³விஶ்வஸ்ருட³ப்யபூ⁴த்³யமிகுலம் யத்³த்⁴யானயுக்தம் ஸதா³
நாதோ² யோ ஜக³தாம் நகே³ந்த்³ரது³ஹிதுர்னாதோ²பி யத்³ப⁴க்திமான்
தாதோ யோ மத³னஸ்ய யோ து³ரிதஹா தம் வேங்கடேஶம் பஜ⁴ே ॥

ஊர்த்⁴வௌ ஹஸ்தௌ யதீ³யௌ ஸுரரிபுதள³னே பி³ப்⁴ரதௌ ஶங்க³சக்ரே
ஸேவ்யாவங்க்⁴ரீ ஸ்வகீயாவபி⁴த³த⁴த³த⁴ரோ த³க்ஷிணோ யஸ்ய பாணி: ।
தாவன்மாத்ரம் ப⁴வாப்³தி⁴ம் க³மயதி பஜ⁴தாமூருகோ³ வாமபாணி:
ஶ்ரீவத்ஸாங்கஶ்ச லக்ஷ்மீர்யது³ரஸி லஸதஸ்தம் பஜ⁴ே வேங்கடேஶம் ॥

இதி த்⁴யாயன் வேங்கடேஶம் ஶ்ரீவத்ஸாங்கம் ரமாபதிம் ।
வேங்கடேஶோ விரூபாக்ஷ இத்யாரப்⁴ய ஜபேத்க்ரமாத் ॥

ஸ்தோத்ரம்
ஓம் வேங்கடேஶோ விரூபாக்ஷோ விஶ்வேஶோ விஶ்வபா⁴வன: ।
விஶ்வஸ்ருட்³விஶ்வஸம்ஹர்தா விஶ்வப்ராணோ விராட்³வபு: ॥ 1 ॥

ஶேஷாத்³ரினிலயோஶேஷப⁴க்தது³:க²ப்ரணாஶன: ।
ஶேஷஸ்துத்ய: ஶேஷஶாயீ விஶேஷஜ்ஞோ விபு⁴: ஸ்வபூ⁴: ॥ 2 ॥

விஷ்ணுர்ஜிஷ்ணுஶ்ச வர்தி⁴ஷ்ணுருத்ஸஹிஷ்ணு: ஸஹிஷ்ணுக: ।
ப்⁴ராஜிஷ்ணுஶ்ச க்³ரஸிஷ்ணுஶ்ச வர்திஷ்ணுஶ்ச ப⁴ரிஷ்ணுக: ॥ 3 ॥

காலயந்தா காலகோ³ப்தா கால: காலாந்தகோகி²ல: ।
காலக³ம்ய: காலகண்ட²வந்த்³ய: காலகலேஶ்வர: ॥ 4 ॥

ஶம்பு⁴: ஸ்வயம்பூ⁴ரம்போ⁴ஜனாபி⁴: ஸ்தம்பி⁴தவாரிதி⁴: ।
அம்போ⁴தி⁴னந்தி³னீஜானி: ஶோணாம்போ⁴ஜபத³ப்ரப:⁴ ॥ 5 ॥

கம்பு³க்³ரீவ: ஶம்ப³ராரிரூப: ஶம்ப³ரஜேக்ஷண: ।
பி³ம்பா³த⁴ரோ பி³ம்ப³ரூபீ ப்ரதிபி³ம்ப³க்ரியாதிக:³ ॥ 6 ॥

கு³ணவான் கு³ணக³ம்யஶ்ச கு³ணாதீதோ கு³ணப்ரிய: ।
து³ர்கு³ணத்⁴வம்ஸக்ருத்ஸர்வஸுகு³ணோ கு³ணபா⁴ஸக: ॥ 7 ॥

பரேஶ: பரமாத்மா ச பரஞ்ஜ்யோதி: பரா க³தி: ।
பரம் பத³ம் வியத்³வாஸா: பாரம்பர்யஶுப⁴ப்ரத:³ ॥ 8 ॥

ப்³ரஹ்மாண்ட³க³ர்போ⁴ ப்³ரஹ்மண்யோ ப்³ரஹ்மஸ்ருட்³ப்³ரஹ்மபோ³தி⁴த: ।
ப்³ரஹ்மஸ்துத்யோ ப்³ரஹ்மவாதீ³ ப்³ரஹ்மசர்யபராயண: ॥ 9 ॥

ஸத்யவ்ரதார்த²ஸந்துஷ்ட: ஸத்யரூபீ ஜ²ஷாங்க³வான் ।
ஸோமகப்ராணஹாரீ சானீதாம்னாயோப்³தி⁴ஸஞ்சர: ॥ 1௦ ॥

தே³வாஸுரவரஸ்துத்ய: பதன்மந்த³ரதா⁴ரக: ।
த⁴ன்வந்தரி: கச்ச²பாங்க:³ பயோனிதி⁴விமந்த²க: ॥ 11 ॥

அமராம்ருதஸந்தா⁴தா த்⁴ருதஸம்‍மோஹினீவபு: ।
ஹரமோஹகமாயாவீ ரக்ஷஸ்ஸந்தோ³ஹப⁴ஞ்ஜன: ॥ 12 ॥

ஹிரண்யாக்ஷவிதா³ரீ ச யஜ்ஞோ யஜ்ஞவிபா⁴வன: ।
யஜ்ஞீயோர்வீஸமுத்³த⁴ர்தா லீலாக்ரோட:³ ப்ரதாபவான் ॥ 13 ॥

த³ண்ட³காஸுரவித்⁴வம்ஸீ வக்ரத³ம்ஷ்ட்ர: க்ஷமாத⁴ர: ।
க³ந்த⁴ர்வஶாபஹரண: புண்யக³ந்தோ⁴ விசக்ஷண: ॥ 14 ॥

கராலவக்த்ர: ஸோமார்கனேத்ர: ஷட்³கு³ணவைப⁴வ: ।
ஶ்வேதகோ⁴ணீ கூ⁴ர்ணிதப்⁴ரூர்கு⁴ர்கு⁴ரத்⁴வனிவிப்⁴ரம: ॥ 15 ॥

த்³ராகீ⁴யான் நீலகேஶீ ச ஜாக்³ரத³ம்பு³ஜலோசன: ।
க்⁴ருணாவான் க்⁴ருணிஸம்மோஹோ மஹாகாலாக்³னிதீ³தி⁴தி: ॥ 16 ॥

ஜ்வாலாகராளவத³னோ மஹோல்காகுலவீக்ஷண: ।
ஸடானிர்பி⁴ன்னமேகௌ⁴கோ⁴ த³ம்ஷ்ட்ராருக்³வ்யாப்ததி³க்தட: ॥ 17 ॥

உச்ச்²வாஸாக்ருஷ்டபூ⁴தேஶோ நிஶ்ஶ்வாஸத்யக்தவிஶ்வஸ்ருட் ।
அந்தர்ப்⁴ரமஜ்ஜக³த்³க³ர்போ⁴னந்தோ ப்³ரஹ்மகபாலஹ்ருத் ॥ 18 ॥

உக்³ரோ வீரோ மஹாவிஷ்ணுர்ஜ்வலன: ஸர்வதோமுக:² ।
ந்ருஸிம்ஹோ பீ⁴ஷணோ ப⁴த்³ரோ ம்ருத்யும்ருத்யு: ஸனாதன: ॥ 19 ॥

ஸபா⁴ஸ்தம்போ⁴த்³ப⁴வோ பீ⁴ம: ஶீரோமாலீ மஹேஶ்வர: ।
த்³வாத³ஶாதி³த்யசூடா³ல: கல்பதூ⁴மஸடாச்ச²வி: ॥ 2௦ ॥

ஹிரண்யகோர:ஸ்த²லபி⁴ன்னக:² ஸிம்ஹமுகோ²னக:⁴ ।
ப்ரஹ்லாத³வரதோ³ தீ⁴மான் ப⁴க்தஸங்க⁴ப்ரதிஷ்டி²த: ॥ 21 ॥

ப்³ரஹ்மருத்³ராதி³ஸம்ஸேவ்ய: ஸித்³த⁴ஸாத்⁴யப்ரபூஜித: ।
லக்ஷ்மீன்ருஸிம்ஹோ தே³வேஶோ ஜ்வாலாஜிஹ்வாந்த்ரமாலிக: ॥ 22 ॥

க²ட்³கீ³ கே²டீ மஹேஷ்வாஸீ கபாலீ முஸலீ ஹலீ ।
பாஶீ ஶூலீ மஹாபா³ஹுர்ஜ்வரக்⁴னோ ரோக³லுண்ட²க: ॥ 23 ॥

மௌஞ்ஜீயுக் சா²த்ரகோ த³ண்டீ³ க்ருஷ்ணாஜினத⁴ரோ வடு: ।
அதீ⁴தவேதோ³ வேதா³ந்தோத்³தா⁴ரகோ ப்³ரஹ்மனைஷ்டி²க: ॥ 24 ॥

அஹீனஶயனப்ரீத: ஆதி³தேயோனகோ⁴ ஹரி: ।
ஸம்வித்ப்ரிய: ஸாமவேத்³யோ ப³லிவேஶ்மப்ரதிஷ்டி²த: ॥ 25 ॥

ப³லிக்ஷாலிதபாதா³ப்³ஜோ விந்த்⁴யாவலிவிமானித: ।
த்ரிபாத³பூ⁴மிஸ்வீகர்தா விஶ்வரூபப்ரத³ர்ஶக: ॥ 26 ॥

த்⁴ருதத்ரிவிக்ரம: ஸ்வாங்க்⁴ரினக²பி⁴ன்னாண்ட³க²ர்பர: ।
பஜ்ஜாதவாஹினீதா⁴ராபவித்ரிதஜக³த்த்ரய: ॥ 27 ॥

விதி⁴ஸம்மானித: புண்யோ தை³த்யயோத்³தா⁴ ஜயோர்ஜித: ।
ஸுரராஜ்யப்ரத:³ ஶுக்ரமத³ஹ்ருத்ஸுக³தீஶ்வர: ॥ 28 ॥

ஜாமத³க்³ன்ய: குடா²ரீ ச கார்தவீர்யவிதா³ரண: ।
ரேணுகாயா: ஶிரோஹாரீ து³ஷ்டக்ஷத்ரியமர்த³ன: ॥ 29 ॥

வர்சஸ்வீ தா³னஶீலஶ்ச த⁴னுஷ்மான் ப்³ரஹ்மவித்தம: ।
அத்யுத³க்³ர: ஸமக்³ரஶ்ச ந்யக்³ரோதோ⁴ து³ஷ்டனிக்³ரஹ: ॥ 3௦ ॥

ரவிவம்ஶஸமுத்³பூ⁴தோ ராக⁴வோ ப⁴ரதாக்³ரஜ: ।
கௌஸல்யாதனயோ ராமோ விஶ்வாமித்ரப்ரியங்கர: ॥ 31 ॥

தாடகாரி: ஸுபா³ஹுக்⁴னோ ப³லாதிப³லமந்த்ரவான் ।
அஹல்யாஶாபவிச்சே²தீ³ ப்ரவிஷ்டஜனகாலய: ॥ 32 ॥

ஸ்வயம்வரஸபா⁴ஸம்ஸ்த² ஈஶசாபப்ரப⁴ஞ்ஜன: ।
ஜானகீபரிணேதா ச ஜனகாதீ⁴ஶஸம்ஸ்துத: ॥ 33 ॥

ஜமத³க்³னிதனூஜாதயோத்³தா⁴யோத்⁴யாதி⁴பாக்³ரணீ: ।
பித்ருவாக்யப்ரதீபாலஸ்த்யக்தராஜ்ய: ஸலக்ஷ்மண: ॥ 34 ॥

ஸஸீதஶ்சித்ரகூடஸ்தோ² ப⁴ரதாஹிதராஜ்யக: ।
காகத³ர்பப்ரஹர்தா ச த³ண்ட³காரண்யவாஸக: ॥ 35 ॥

பஞ்சவட்யாம் விஹாரீ ச ஸ்வத⁴ர்மபரிபோஷக: ।
விராத⁴ஹாக³ஸ்த்யமுக்²யமுனிஸம்மானித: புமான் ॥ 36 ॥

இந்த்³ரசாபத⁴ர: க²ட்³க³த⁴ரஶ்சாக்ஷயஸாயக: ।
க²ராந்தகோ தூ³ஷணாரிஸ்த்ரிஶிரஸ்கரிபுர்வ்ருஷ: ॥ 37 ॥

தத: ஶூர்பணகா²னாஸாச்சே²த்தா வல்கலதா⁴ரக: ।
ஜடாவான் பர்ணஶாலாஸ்தோ² மாரீசப³லமர்த³க: ॥ 38 ॥

பக்ஷிராட்க்ருதஸம்வாதோ³ ரவிதேஜா மஹாப³ல: ।
ஶப³ர்யானீதப²லபு⁴க் ஹனூமத்பரிதோஷித: ॥ 39 ॥

ஸுக்³ரீவாப⁴யதோ³ தை³த்யகாயக்ஷேபணபா⁴ஸுர: ।
ஸப்ததாலஸமுச்சே²த்தா வாலிஹ்ருத்கபிஸம்வ்ருத: ॥ 4௦ ॥

வாயுஸூனுக்ருதாஸேவஸ்த்யக்தபம்ப: குஶாஸன: ।
உத³ன்வத்தீரக:³ ஶூரோ விபீ⁴ஷணவரப்ரத:³ ॥ 41 ॥

ஸேதுக்ருத்³தை³த்யஹா ப்ராப்தலங்கோலங்காரவான் ஸ்வயம் ।
அதிகாயஶிரஶ்சே²த்தா கும்ப⁴கர்ணவிபே⁴த³ன: ॥ 42 ॥

த³ஶகண்ட²ஶிரோத்⁴வம்ஸீ ஜாம்ப³வத்ப்ரமுகா²வ்ருத: ।
ஜானகீஶ: ஸுராத்⁴யக்ஷ: ஸாகேதேஶ: புராதன: ॥ 43 ॥

புண்யஶ்லோகோ வேத³வேத்³ய: ஸ்வாமிதீர்த²னிவாஸக: ।
லக்ஷ்மீஸர:கேளிலோலோ லக்ஷ்மீஶோ லோகரக்ஷக: ॥ 44 ॥

தே³வகீக³ர்ப⁴ஸம்பூ⁴தோ யஶோதே³க்ஷணலாலித: ।
வஸுதே³வக்ருதஸ்தோத்ரோ நந்த³கோ³பமனோஹர: ॥ 45 ॥

சதுர்பு⁴ஜ: கோமலாங்கோ³ க³தா³வான்னீலகுந்தல: ।
பூதனாப்ராணஸம்ஹர்தா த்ருணாவர்தவினாஶன: ॥ 46 ॥

க³ர்கா³ரோபிதனாமாங்கோ வாஸுதே³வோ ஹ்யதோ⁴க்ஷஜ: ।
கோ³பிகாஸ்தன்யபாயீ ச ப³லப⁴த்³ரானுஜோச்யுத: ॥ 47 ॥

வையாக்⁴ரனக²பூ⁴ஷஶ்ச வத்ஸஜித்³வத்ஸவர்த⁴ன: ।
க்ஷீரஸாராஶனரதோ த³தி⁴பா⁴ண்ட³ப்ரமர்த³ன: ॥ 48 ॥

நவனீதாபஹர்தா ச நீலனீரத³பா⁴ஸுர: ।
ஆபீ⁴ரத்³ருஷ்டதௌ³ர்ஜன்யோ நீலபத்³மனிபா⁴னன: ॥ 49 ॥

மாத்ருத³ர்ஶிதவிஶ்வாஸ்ய உலூக²லனிப³ந்த⁴ன: ।
நலகூப³ரஶாபாந்தோ கோ³தூ⁴ளிச்சு²ரிதாங்க³க: ॥ 5௦ ॥

கோ³ஸங்க⁴ரக்ஷக: ஶ்ரீஶோ ப்³ருந்தா³ரண்யனிவாஸக: ।
வத்ஸாந்தகோ ப³கத்³வேஷீ தை³த்யாம்பு³த³மஹானில: ॥ 51 ॥

மஹாஜக³ரசண்டா³க்³னி: ஶகடப்ராணகண்டக: ।
இந்த்³ரஸேவ்ய: புண்யகா³த்ர: க²ரஜிச்சண்ட³தீ³தி⁴தி: ॥ 52 ॥

தாலபக்வப²லாஶீ ச காளீயப²ணித³ர்பஹா ।
நாக³பத்னீஸ்துதிப்ரீத: ப்ரலம்பா³ஸுரக²ண்ட³ன: ॥ 53 ॥

தா³வாக்³னிப³லஸம்ஹாரீ ப²லாஹாரீ க³தா³க்³ரஜ: ।
கோ³பாங்க³னாசேலசோர: பாதோ²லீலாவிஶாரத:³ ॥ 54 ॥

வம்ஶகா³னப்ரவீணஶ்ச கோ³பீஹஸ்தாம்பு³ஜார்சித: ।
முனிபத்ன்யாஹ்ருதாஹாரோ முனிஶ்ரேஷ்டோ² முனிப்ரிய: ॥ 55 ॥

கோ³வர்த⁴னாத்³ரிஸந்த⁴ர்தா ஸங்க்ரந்த³னதமோபஹ: ।
ஸது³த்³யானவிலாஸீ ச ராஸக்ரீடா³பராயண: ॥ 56 ॥

வருணாப்⁴யர்சிதோ கோ³பீப்ரார்தி²த: புருஷோத்தம: ।
அக்ரூரஸ்துதிஸம்ப்ரீத: குப்³ஜாயௌவனதா³யக: ॥ 57 ॥

முஷ்டிகோர:ப்ரஹாரீ ச சாணூரோத³ரதா³ரண: ।
மல்லயுத்³தா⁴க்³ரக³ண்யஶ்ச பித்ருப³ந்த⁴னமோசக: ॥ 58 ॥

மத்தமாதங்க³பஞ்சாஸ்ய: கம்ஸக்³ரீவானிக்ருந்தன: ।
உக்³ரஸேனப்ரதிஷ்டா²தா ரத்னஸிம்ஹாஸனஸ்தி²த: ॥ 59 ॥

காலனேமிக²லத்³வேஷீ முசுகுந்த³வரப்ரத:³ ।
ஸால்வஸேவிதது³ர்த⁴ர்ஷராஜஸ்மயனிவாரண: ॥ 6௦ ॥

ருக்மிக³ர்வாபஹாரீ ச ருக்மிணீனயனோத்ஸவ: ।
ப்ரத்³யும்னஜனக: காமீ ப்ரத்³யும்னோ த்³வாரகாதி⁴ப: ॥ 61 ॥

மண்யாஹர்தா மஹாமாயோ ஜாம்ப³வத்க்ருதஸங்க³ர: ।
ஜாம்பூ³னதா³ம்ப³ரத⁴ரோ க³ம்யோ ஜாம்ப³வதீவிபு⁴: ॥ 62 ॥

காலிந்தீ³ப்ரதி²தாராமகேலிர்கு³ஞ்ஜாவதம்ஸக: ।
மந்தா³ரஸுமனோபா⁴ஸ்வான் ஶசீஶாபீ⁴ஷ்டதா³யக: ॥ 63 ॥

ஸத்ராஜின்மானஸோல்லாஸீ ஸத்யாஜானி: ஶுபா⁴வஹ: ।
ஶதத⁴ன்வஹர: ஸித்³த:⁴ பாண்ட³வப்ரியகோத்ஸவ: ॥ 64 ॥

ப⁴த்³ரப்ரிய: ஸுப⁴த்³ராயா ப்⁴ராதா நாக்³னாஜிதீவிபு⁴: ।
கிரீடகுண்ட³லத⁴ர: கல்பபல்லவலாலித: ॥ 65 ॥

பை⁴ஷ்மீப்ரணயபா⁴ஷாவான் மித்ரவிந்தா³தி⁴போப⁴ய: ।
ஸ்வமூர்திகேலிஸம்ப்ரீதோ லக்ஷ்மணோதா³ரமானஸ: ॥ 66 ॥

ப்ராக்³ஜ்யோதிஷாதி⁴பத்⁴வம்ஸீ தத்ஸைன்யாந்தகரோம்ருத: ।
பூ⁴மிஸ்துதோ பூ⁴ரிபோ⁴கோ³ பூ⁴ஷணாம்ப³ரஸம்யுத: ॥ 67 ॥

ப³ஹுராமாக்ருதாஹ்லாதோ³ க³ந்த⁴மால்யானுலேபன: ।
நாரதா³த்³ருஷ்டசரிதோ தே³வேஶோ விஶ்வராட்³கு³ரு: ॥ 68 ॥

பா³ணபா³ஹுவிதா³ரஶ்ச தாபஜ்வரவினாஶக: ।
உஷோத்³த⁴ர்ஷயிதாவ்யக்த: ஶிவவாக்துஷ்டமானஸ: ॥ 69 ॥

மஹேஶஜ்வரஸம்ஸ்துத்ய: ஶீதஜ்வரப⁴யாந்தக: ।
ந்ருக³ராஜோத்³தா⁴ரகஶ்ச பௌண்ட்³ரகாதி³வதோ⁴த்³யத: ॥ 7௦ ॥

விவிதா⁴ரிச்ச²லோத்³விக்³னப்³ராஹ்மணேஷு த³யாபர: ।
ஜராஸந்த⁴ப³லத்³வேஷீ கேஶிதை³த்யப⁴யங்கர: ॥ 71 ॥

சக்ரீ சைத்³யாந்தக: ஸப்⁴யோ ராஜப³ந்த⁴விமோசக: ।
ராஜஸூயஹவிர்போ⁴க்தா ஸ்னிக்³தா⁴ங்க:³ ஶுப⁴லக்ஷண: ॥ 72 ॥

தா⁴னாப⁴க்ஷணஸம்ப்ரீத: குசேலாபீ⁴ஷ்டதா³யக: ।
ஸத்த்வாதி³கு³ணக³ம்பீ⁴ரோ த்³ரௌபதீ³மானரக்ஷக: ॥ 73 ॥

பீ⁴ஷ்மத்⁴யேயோ ப⁴க்தவஶ்யோ பீ⁴மபூஜ்யோ த³யானிதி⁴: ।
த³ந்தவக்த்ரஶிரஶ்சே²த்தா க்ருஷ்ண: க்ருஷ்ணாஸக:² ஸ்வராட் ॥ 74 ॥

வைஜயந்தீப்ரமோதீ³ ச ப³ர்ஹிப³ர்ஹவிபூ⁴ஷண: ।
பார்த²கௌரவஸந்தா⁴னகாரீ து³ஶ்ஶாஸனாந்தக: ॥ 75 ॥

பு³த்³தோ⁴ விஶுத்³த:⁴ ஸர்வஜ்ஞ: க்ரதுஹிம்ஸாவினிந்த³க: ।
த்ரிபுரஸ்த்ரீமானப⁴ங்க:³ ஸர்வஶாஸ்த்ரவிஶாரத:³ ॥ 76 ॥

நிர்விகாரோ நிர்மமஶ்ச நிராபா⁴ஸோ நிராமய: ।
ஜக³ன்மோஹகத⁴ர்மீ ச தி³க்³வஸ்த்ரோ தி³க்பதீஶ்வர: ॥ 77 ॥

கல்கீ ம்லேச்ச²ப்ரஹர்தா ச து³ஷ்டனிக்³ரஹகாரக: ।
த⁴ர்மப்ரதிஷ்டாகாரீ ச சாதுர்வர்ண்யவிபா⁴க³க்ருத் ॥ 78 ॥

யுகா³ந்தகோ யுகா³க்ராந்தோ யுக³க்ருத்³யுக³பா⁴ஸக: ।
காமாரி: காமகாரீ ச நிஷ்காம: காமிதார்த²த:³ ॥ 79 ॥

ப⁴ர்கோ³ வரேண்ய: ஸவிது: ஶார்ங்கீ³ வைகுண்ட²மந்தி³ர: ।
ஹயக்³ரீவ: கைடபா⁴ரி: க்³ராஹக்⁴னோ கஜ³ரக்ஷக: ॥ 8௦ ॥

ஸர்வஸம்ஶயவிச்சே²த்தா ஸர்வப⁴க்தஸமுத்ஸுக: ।
கபர்தீ³ காமஹாரீ ச கலா காஷ்டா² ஸ்ம்ருதிர்த்⁴ருதி: ॥ 81 ॥

அனாதி³ரப்ரமேயௌஜா: ப்ரதா⁴ன: ஸன்னிரூபக: ।
நிர்லேபோ நி:ஸ்ப்ருஹோஸங்கோ³ நிர்ப⁴யோ நீதிபாரக:³ ॥ 82 ॥

நிஷ்ப்ரேஷ்யோ நிஷ்க்ரிய: ஶாந்தோ நிஷ்ப்ரபஞ்சோ நிதி⁴ர்னய:
கர்ம்யகர்மீ விகர்மீ ச கர்மேப்ஸு: கர்மபா⁴வன: ॥ 83 ॥

கர்மாங்க:³ கர்மவின்யாஸோ மஹாகர்மீ மஹாவ்ரதீ ।
கர்மபு⁴க்கர்மப²லத:³ கர்மேஶ: கர்மனிக்³ரஹ: ॥ 84 ॥

நரோ நாராயணோ தா³ந்த: கபில: காமத:³ ஶுசி: ।
தப்தா ஜப்தாக்ஷமாலாவான் க³ந்தா நேதா லயோ க³தி: ॥ 85 ॥

ஶிஷ்டோ த்³ரஷ்டா ரிபுத்³வேஷ்டா ரோஷ்டா வேஷ்டா மஹானட: ।
ரோத்³தா⁴ போ³த்³தா⁴ மஹாயோத்³தா⁴ ஶ்ரத்³தா⁴வான் ஸத்யதீ⁴: ஶுப:⁴ ॥ 86 ॥

மந்த்ரீ மந்த்ரோ மந்த்ரக³ம்யோ மந்த்ரக்ருத்பரமந்த்ரஹ்ருத் ।
மந்த்ரப்⁴ருன்மந்த்ரப²லதோ³ மந்த்ரேஶோ மந்த்ரவிக்³ரஹ: ॥ 87 ॥

மந்த்ராங்கோ³ மந்த்ரவின்யாஸோ மஹாமந்த்ரோ மஹாக்ரம: ।
ஸ்தி²ரதீ⁴: ஸ்தி²ரவிஜ்ஞான: ஸ்தி²ரப்ரஜ்ஞ: ஸ்தி²ராஸன: ॥ 88 ॥

ஸ்தி²ரயோக:³ ஸ்தி²ராதா⁴ர: ஸ்தி²ரமார்க:³ ஸ்தி²ராக³ம: ।
நிஶ்ஶ்ரேயஸோ நிரீஹோக்³னிர்னிரவத்³யோ நிரஞ்ஜன: ॥ 89 ॥

நிர்வைரோ நிரஹங்காரோ நிர்த³ம்போ⁴ நிரஸூயக: ।
அனந்தோனந்தபா³ஹூருரனந்தாங்க்⁴ரிரனந்தத்³ருக் ॥ 9௦ ॥

அனந்தவக்த்ரோனந்தாங்கோ³னந்தரூபோ ஹ்யனந்தக்ருத் ।
ஊர்த்⁴வரேதா ஊர்த்⁴வலிங்கோ³ ஹ்யூர்த்⁴வமூர்தோ⁴ர்த்⁴வஶாக²க: ॥ 91 ॥

ஊர்த்⁴வ ஊர்த்⁴வாத்⁴வரக்ஷீ ச ஹ்யூர்த்⁴வஜ்வாலோ நிராகுல: ।
பீ³ஜம் பீ³ஜப்ரதோ³ நித்யோ நிதா³னம் நிஷ்க்ருதி: க்ருதீ ॥ 92 ॥

மஹானணீயன் க³ரிமா ஸுஷமா சித்ரமாலிக: ।
நப:⁴ ஸ்ப்ருங்னப⁴ஸோ ஜ்யோதிர்னப⁴ஸ்வான்னிர்னபா⁴ நப:⁴ ॥ 93 ॥

அபு⁴ர்விபு⁴: ப்ரபு⁴: ஶம்பு⁴ர்மஹீயான் பூ⁴ர்பு⁴வாக்ருதி: ।
மஹானந்தோ³ மஹாஶூரோ மஹோராஶிர்மஹோத்ஸவ: ॥ 94 ॥

மஹாக்ரோதோ⁴ மஹாஜ்வாலோ மஹாஶாந்தோ மஹாகு³ண: ।
ஸத்யவ்ரத: ஸத்யபர: ஸத்யஸந்த:⁴ ஸதாம் க³தி: ॥ 95 ॥

ஸத்யேஶ: ஸத்யஸங்கல்ப: ஸத்யசாரித்ரலக்ஷண: ।
அந்தஶ்சரோ ஹ்யந்தராத்மா பரமாத்மா சிதா³த்மக: ॥ 96 ॥

ரோசனோ ரோசமானஶ்ச ஸாக்ஷீ ஶௌரிர்ஜனார்த³ன: ।
முகுந்தோ³ நந்த³னிஷ்பந்த:³ ஸ்வர்ணபி³ந்து³: புரந்த³ர: ॥ 97 ॥

அரிந்த³ம: ஸுமந்த³ஶ்ச குந்த³மந்தா³ரஹாஸவான் ।
ஸ்யந்த³னாரூட⁴சண்டா³ங்கோ³ ஹ்யானந்தீ³ நந்த³னந்த³ன: ॥ 98 ॥

அனஸூயானந்த³னோத்ரினேத்ரானந்த:³ ஸுனந்த³வான் ।
ஶங்க³வான்பங்கஜகர: குங்குமாங்கோ ஜயாங்குஶ: ॥ 99 ॥

அம்போ⁴ஜமகரந்தா³ட்⁴யோ நிஷ்பங்கோக³ருபங்கில: ।
இந்த்³ரஶ்சந்த்³ரரத²ஶ்சந்த்³ரோதிசந்த்³ரஶ்சந்த்³ரபா⁴ஸக: ॥ 1௦௦ ॥

உபேந்த்³ர இந்த்³ரராஜஶ்ச வாகி³ந்த்³ரஶ்சந்த்³ரலோசன: ।
ப்ரத்யக் பராக் பரந்தா⁴ம பரமார்த:² பராத்பர: ॥ 1௦1 ॥

அபாரவாக் பாரகா³மீ பாராவார: பராவர: ।
ஸஹஸ்வானர்த²தா³தா ச ஸஹன: ஸாஹஸீ ஜயீ ॥ 1௦2 ॥

தேஜஸ்வீ வாயுவிஶிகீ² தபஸ்வீ தாபஸோத்தம: ।
ஐஶ்வர்யோத்³பூ⁴திக்ருத்³பூ⁴திரைஶ்வர்யாங்க³கலாபவான் ॥ 1௦3 ॥

அம்போ⁴தி⁴ஶாயீ ப⁴க³வான் ஸர்வஜ்ஞ: ஸாமபாரக:³ ।
மஹாயோகீ³ மஹாதீ⁴ரோ மஹாபோ⁴கீ³ மஹாப்ரபு⁴: ॥ 1௦4 ॥

மஹாவீரோ மஹாதுஷ்டிர்மஹாபுஷ்டிர்மஹாகு³ண: ।
மஹாதே³வோ மஹாபா³ஹுர்மஹாத⁴ர்மோ மஹேஶ்வர: ॥ 1௦5 ॥

ஸமீபகோ³ தூ³ரகா³மீ ஸ்வர்க³மார்க³னிரர்க³ல: ।
நகோ³ நக³த⁴ரோ நாகோ³ நாகே³ஶோ நாக³பாலக: ॥ 1௦6 ॥

ஹிரண்மய: ஸ்வர்ணரேதா ஹிரண்யார்சிர்ஹிரண்யத:³ ।
கு³ணக³ண்ய: ஶரண்யஶ்ச புண்யகீர்தி: புராணக:³ ॥ 1௦7 ॥

ஜன்யப்⁴ருஜ்ஜன்யஸன்னத்³தோ⁴ தி³வ்யபஞ்சாயுதோ⁴ வஶீ ।
தௌ³ர்ஜன்யப⁴ங்க:³ பர்ஜன்ய: ஸௌஜன்யனிலயோலய: ॥ 1௦8 ॥

ஜலந்த⁴ராந்தகோ ப⁴ஸ்மதை³த்யனாஶீ மஹாமனா: ।
ஶ்ரேஷ்ட:² ஶ்ரவிஷ்டோ² த்³ராகி⁴ஷ்டோ² க³ரிஷ்டோ² க³ருட³த்⁴வஜ: ॥ 1௦9 ॥

ஜ்யேஷ்டோ² த்³ரடி⁴ஷ்டோ² வர்ஷிஷ்டோ² த்³ராகீ⁴யான் ப்ரணவ: ப²ணீ ।
ஸம்ப்ரதா³யகர: ஸ்வாமீ ஸுரேஶோ மாத⁴வோ மது⁴: ॥ 11௦ ॥

நிர்னிமேஷோ விதி⁴ர்வேதா⁴ ப³லவான் ஜீவனம் ப³லீ ।
ஸ்மர்தா ஶ்ரோதா விகர்தா ச த்⁴யாதா நேதா ஸமோஸம: ॥ 111 ॥

ஹோதா போதா மஹாவக்தா ரந்தா மந்தா க²லாந்தக: ।
தா³தா க்³ராஹயிதா மாதா நியந்தானந்தவைப⁴வ: ॥ 112 ॥

கோ³ப்தா கோ³பயிதா ஹந்தா த⁴ர்மஜாக³ரிதா த⁴வ: ।
கர்தா க்ஷேத்ரகர: க்ஷேத்ரப்ரத:³ க்ஷேத்ரஜ்ஞ ஆத்மவித் ॥ 113 ॥

க்ஷேத்ரீ க்ஷேத்ரஹர: க்ஷேத்ரப்ரிய: க்ஷேமகரோ மருத் ।
ப⁴க்திப்ரதோ³ முக்திதா³யீ ஶக்திதோ³ யுக்திதா³யக: ॥ 114 ॥

ஶக்தியுங்மௌக்திகஸ்ரக்³வீ ஸூக்திராம்னாயஸூக்திக:³ ।
த⁴னஞ்ஜயோ த⁴னாத்⁴யக்ஷோ த⁴னிகோ த⁴னதா³தி⁴ப: ॥ 115 ॥

மஹாத⁴னோ மஹாமானீ து³ர்யோத⁴னவிமானித: ।
ரத்னாகரோ ரத்னரோசீ ரத்னக³ர்பா⁴ஶ்ரய: ஶுசி: ॥ 116 ॥

ரத்னஸானுனிதி⁴ர்மௌளிரத்னபா⁴ ரத்னகங்கண: ।
அந்தர்லக்ஷ்யோந்தரப்⁴யாஸீ சாந்தர்த்⁴யேயோ ஜிதாஸன: ॥ 117 ॥

அந்தரங்கோ³ த³யாவாம்ஶ்ச ஹ்யந்தர்மாயோ மஹார்ணவ: ।
ஸரஸ: ஸித்³த⁴ரஸிக: ஸித்³தி⁴: ஸாத்⁴ய: ஸதா³க³தி: ॥ 118 ॥

ஆயு:ப்ரதோ³ மஹாயுஷ்மானர்சிஷ்மானோஷதீ⁴பதி: ।
அஷ்டஶ்ரீரஷ்டபா⁴கோ³ஷ்டககுப்³வ்யாப்தயஶோ வ்ரதீ ॥ 119 ॥

அஷ்டாபத:³ ஸுவர்ணாபோ⁴ ஹ்யஷ்டமூர்திஸ்த்ரிமூர்திமான் ।
அஸ்வப்ன: ஸ்வப்னக:³ ஸ்வப்ன: ஸுஸ்வப்னப²லதா³யக: ॥ 12௦ ॥

து³:ஸ்வப்னத்⁴வம்ஸகோ த்⁴வஸ்தது³ர்னிமித்த: ஶிவங்கர: ।
ஸுவர்ணவர்ண: ஸம்பா⁴வ்யோ வர்ணிதோ வர்ணஸம்முக:² ॥ 121 ॥

ஸுவர்ணமுக²ரீதீரஶிவத்⁴யாதபதா³ம்பு³ஜ: ।
தா³க்ஷாயணீவசஸ்துஷ்டோ தூ³ர்வாஸோத்³ருஷ்டிகோ³சர: ॥ 122 ॥

அம்ப³ரீஷவ்ரதப்ரீதோ மஹாக்ருத்திவிப⁴ஞ்ஜன: ।
மஹாபி⁴சாரகத்⁴வம்ஸீ காலஸர்பப⁴யாந்தக: ॥ 123 ॥

ஸுத³ர்ஶன: காலமேக⁴ஶ்யாம: ஶ்ரீமந்த்ரபா⁴வித: ।
ஹேமாம்பு³ஜஸர:ஸ்னாயீ ஶ்ரீமனோபா⁴விதாக்ருதி: ॥ 124 ॥

ஶ்ரீப்ரத³த்தாம்பு³ஜஸ்ரக்³வீ ஶ்ரீகேளி: ஶ்ரீனிதி⁴ர்ப⁴வ: ।
ஶ்ரீப்ரதோ³ வாமனோ லக்ஷ்மீனாயகஶ்ச சதுர்பு⁴ஜ: ॥ 125 ॥

ஸந்த்ருப்தஸ்தர்பிதஸ்தீர்த²ஸ்னாத்ருஸௌக்²யப்ரத³ர்ஶக: ।
அக³ஸ்த்யஸ்துதிஸம்ஹ்ருஷ்டோ த³ர்ஶிதாவ்யக்தபா⁴வன: ॥ 126 ॥

கபிலார்சி: கபிலவான் ஸுஸ்னாதாக⁴விபாடன: ।
வ்ருஷாகபி: கபிஸ்வாமிமனோந்த:ஸ்தி²தவிக்³ரஹ: ॥ 127 ॥

வஹ்னிப்ரியோர்த²ஸம்பா⁴வ்யோ ஜனலோகவிதா⁴யக: ।
வஹ்னிப்ரபோ⁴ வஹ்னிதேஜா: ஶுபா⁴பீ⁴ஷ்டப்ரதோ³ யமீ ॥ 128 ॥

வாருணக்ஷேத்ரனிலயோ வருணோ வாரணார்சித: ।
வாயுஸ்தா²னக்ருதாவாஸோ வாயுகோ³ வாயுஸம்ப்⁴ருத: ॥ 129 ॥

யமாந்தகோபி⁴ஜனனோ யமலோகனிவாரண: ।
யமினாமக்³ரக³ண்யஶ்ச ஸம்யமீ யமபா⁴வித: ॥ 13௦ ॥

இந்த்³ரோத்³யானஸமீபஸ்த:² இந்த்³ரத்³ருக்³விஷய: ப்ரபு⁴: ।
யக்ஷராட் ஸரஸீவாஸோ ஹ்யக்ஷய்யனிதி⁴கோஶக்ருத் ॥ 131 ॥

ஸ்வாமிதீர்த²க்ருதாவாஸ: ஸ்வாமித்⁴யேயோ ஹ்யதோ⁴க்ஷஜ: ।
வராஹாத்³யஷ்டதீர்தா²பி⁴ஸேவிதாங்க்⁴ரிஸரோருஹ: ॥ 132 ॥

பாண்டு³தீர்தா²பி⁴ஷிக்தாங்கோ³ யுதி⁴ஷ்டி²ரவரப்ரத:³ ।
பீ⁴மாந்த:கரணாரூட:⁴ ஶ்வேதவாஹனஸக்²யவான் ॥ 133 ॥

நகுலாப⁴யதோ³ மாத்³ரீஸஹதே³வாபி⁴வந்தி³த: ।
க்ருஷ்ணாஶபத²ஸந்தா⁴தா குந்தீஸ்துதிரதோ த³மீ ॥ 134 ॥

நாரதா³தி³முனிஸ்துத்யோ நித்யகர்மபராயண: ।
த³ர்ஶிதாவ்யக்தரூபஶ்ச வீணானாத³ப்ரமோதி³த: ॥ 135 ॥

ஷட்கோடிதீர்த²சர்யாவான் தே³வதீர்த²க்ருதாஶ்ரம: ।
பி³ல்வாமலஜலஸ்னாயீ ஸரஸ்வத்யம்பு³ஸேவித: ॥ 136 ॥

தும்பு³ரூத³கஸம்ஸ்பர்ஶஜனசித்ததமோபஹ: ।
மத்ஸ்யவாமனகூர்மாதி³தீர்த²ராஜ: புராணப்⁴ருத் ॥ 137 ॥

சக்ரத்⁴யேயபதா³ம்போ⁴ஜ: ஶங்க³பூஜிதபாது³க: ।
ராமதீர்த²விஹாரீ ச ப³லப⁴த்³ரப்ரதிஷ்டி²த: ॥ 138 ॥

ஜாமத³க்³ன்யஸரஸ்தீர்தஜ²லஸேசனதர்பித: ।
பாபாபஹாரிகீலாலஸுஸ்னாதாக⁴வினாஶன: ॥ 139 ॥

நபோ⁴க³ங்கா³பி⁴ஷிக்தஶ்ச நாக³தீர்தா²பி⁴ஷேகவான் ।
குமாரதா⁴ராதீர்த²ஸ்தோ² வடுவேஷ: ஸுமேக²ல: ॥ 14௦ ॥

வ்ருத்³த⁴ஸ்ய ஸுகுமாரத்வப்ரத:³ ஸௌந்த³ர்யவான் ஸுகீ² ।
ப்ரியம்வதோ³ மஹாகுக்ஷிரிக்ஷ்வாகுகுலனந்த³ன: ॥ 141 ॥

நீலகோ³க்ஷீரதா⁴ராபூ⁴ர்வராஹாசலனாயக: ।
ப⁴ரத்³வாஜப்ரதிஷ்டா²வான் ப்³ருஹஸ்பதிவிபா⁴வித: ॥ 142 ॥

அஞ்ஜனாக்ருதபூஜாவான் ஆஞ்ஜனேயகரார்சித: ।
அஞ்ஜனாத்³ரினிவாஸஶ்ச முஞ்ஜகேஶ: புரந்த³ர: ॥ 143 ॥

கின்னரத்³வயஸம்ப³ந்தி⁴ப³ந்த⁴மோக்ஷப்ரதா³யக: ।
வைகா²னஸமகா²ரம்போ⁴ வ்ருஷஜ்ஞேயோ வ்ருஷாசல: ॥ 144 ॥

வ்ருஷகாயப்ரபே⁴த்தா ச க்ரீட³னாசாரஸம்ப்⁴ரம: ।
ஸௌவர்சலேயவின்யஸ்தராஜ்யோ நாராயண: ப்ரிய: ॥ 145 ॥

து³ர்மேதோ⁴ப⁴ஞ்ஜக: ப்ராஜ்ஞோ ப்³ரஹ்மோத்ஸவமஹோத்ஸுக: ।
ப⁴த்³ராஸுரஶிரஶ்சே²த்தா ப⁴த்³ரக்ஷேத்ரீ ஸுப⁴த்³ரவான் ॥ 146 ॥

ம்ருக³யாக்ஷீணஸன்னாஹ: ஶங்க³ராஜன்யதுஷ்டித:³ ।
ஸ்தா²ணுஸ்தோ² வைனதேயாங்க³பா⁴விதோ ஹ்யஶரீரவான் ॥ 147 ॥

போ⁴கீ³ந்த்³ரபோ⁴க³ஸம்ஸ்தா²னோ ப்³ரஹ்மாதி³க³ணஸேவித: ।
ஸஹஸ்ரார்கச்ச²டாபா⁴ஸ்வத்³விமானாந்த:ஸ்தி²தோ கு³ணீ ॥ 148 ॥

விஷ்வக்ஸேனக்ருதஸ்தோத்ர: ஸனந்த³னவரீவ்ருத: ।
ஜாஹ்னவ்யாதி³னதீ³ஸேவ்ய: ஸுரேஶாத்³யபி⁴வந்தி³த: ॥ 149 ॥

ஸுராங்க³னான்ருத்யபரோ க³ந்த⁴ர்வோத்³கா³யனப்ரிய: ।
ராகேந்து³ஸங்காஶனக:² கோமலாங்க்⁴ரிஸரோருஹ: ॥ 15௦ ॥

கச்ச²பப்ரபத:³ குந்த³கு³ல்ப²க: ஸ்வச்ச²கூர்பர: ।
மேது³ரஸ்வர்ணவஸ்த்ராட்⁴யகடிதே³ஶஸ்த²மேக²ல: ॥ 151 ॥

ப்ரோல்லஸச்சு²ரிகாபா⁴ஸ்வத்கடிதே³ஶ: ஶுப⁴ங்கர: ।
அனந்தபத்³மஜஸ்தா²னனாபி⁴ர்மௌக்திகமாலிக: ॥ 152 ॥

மந்தா³ரசாம்பேயமாலீ ரத்னாப⁴ரணஸம்ப்⁴ருத: ।
லம்ப³யஜ்ஞோபவீதீ ச சந்த்³ரஶ்ரீக²ண்ட³லேபவான் ॥ 153 ॥

வரதோ³ப⁴யத³ஶ்சக்ரீ ஶங்கீ³ கௌஸ்துப⁴தீ³ப்திமான் ।
ஶ்ரீவத்ஸாங்கிதவக்ஷஸ்கோ லக்ஷ்மீஸம்ஶ்ரிதஹ்ருத்தட: ॥ 154 ॥

நீலோத்பலனிபா⁴கார: ஶோணாம்போ⁴ஜஸமானன: ।
கோடிமன்மத²லாவண்யஶ்சந்த்³ரிகாஸ்மிதபூரித: ॥ 155 ॥

ஸுதா⁴ஸ்வச்சோ²ர்த்⁴வபுண்ட்³ரஶ்ச கஸ்தூரீதிலகாஞ்சித: ।
புண்ட³ரீகேக்ஷண: ஸ்வச்சோ² மௌலிஶோபா⁴விராஜித: ॥ 156 ॥

பத்³மஸ்த:² பத்³மனாப⁴ஶ்ச ஸோமமண்ட³லகோ³ பு³த:⁴ ।
வஹ்னிமண்ட³லக:³ ஸூர்ய: ஸூர்யமண்ட³லஸம்ஸ்தி²த: ॥ 157 ॥

ஶ்ரீபதிர்பூ⁴மிஜானிஶ்ச விமலாத்³யபி⁴ஸம்வ்ருத: ।
ஜக³த்குடும்பஜ³னிதா ரக்ஷக: காமிதப்ரத:³ ॥ 158 ॥

அவஸ்தா²த்ரயயந்தா ச விஶ்வதேஜஸ்ஸ்வரூபவான் ।
ஜ்ஞப்திர்ஜ்ஞேயோ ஜ்ஞானக³ம்யோ ஜ்ஞானாதீத: ஸுராதிக:³ ॥ 159 ॥

ப்³ரஹ்மாண்டா³ந்தர்ப³ஹிர்வ்யாப்தோ வேங்கடாத்³ரிக³தா³த⁴ர: ।
வேங்கடாத்³ரிக³தா³த⁴ர ஓம் நம: இதி ॥
ஏவம் ஶ்ரீவேங்கடேஶஸ்ய கீர்திதம் பரமாத்³பு⁴தம் ॥ 16௦ ॥

நாம்னாம் ஸஹஸ்ரம் ஸம்ஶ்ராவ்யம் பவித்ரம் புண்யவர்த⁴னம் ।
ஶ்ரவணாத்ஸர்வதோ³ஷக்⁴னம் ரோக³க்⁴னம் ம்ருத்யுனாஶனம் ॥ 1 ॥

தா³ரித்³ர்யபே⁴த³னம் த⁴ர்ம்யம் ஸர்வைஶ்வர்யப²லப்ரத³ம் ।
காலாஹிவிஷவிச்சே²தி³ ஜ்வராபஸ்மாரப⁴ஞ்ஜனம் ॥ 2 ॥

[ஶத்ருக்ஷயகரம் ராஜக்³ரஹபீடா³னிவாரணம் ।
ப்³ரஹ்மராக்ஷஸகூஷ்மாண்ட³பே⁴தாலப⁴யப⁴ஞ்ஜனம் ॥]

வித்³யாபி⁴லாஷீ வித்³யாவான் த⁴னார்தீ² த⁴னவான் ப⁴வேத் ।
அனந்தகல்பஜீவீ ஸ்யாதா³யுஷ்காமோ மஹாயஶா: ॥ 3 ॥

புத்ரார்தீ² ஸுகு³ணான்புத்ரான் லபே⁴தாயுஷ்மதஸ்தத: ।
ஸங்க்³ராமே ஶத்ருவிஜயீ ஸபா⁴யாம் ப்ரதிவாதி³ஜித் ॥ 4 ॥

தி³வ்யைர்னாமபி⁴ரேபி⁴ஸ்து துலஸீபூஜனாத்ஸக்ருத் ।
வைகுண்ட²வாஸீ ப⁴க³வத்ஸத்³ருஶோ விஷ்ணுஸன்னிதௌ⁴ ॥ 5 ॥

கல்ஹாரபூஜனான்மாஸாத் த்³விதீய இவ யக்ஷராட் ।
நீலோத்பலார்சனாத்ஸர்வராஜபூஜ்ய: ஸதா³ ப⁴வேத் ॥ 6 ॥

ஹ்ருத்ஸம்ஸ்தி²தைர்னாமபி⁴ஸ்து பூ⁴யாத்³த்³ருக்³விஷயோ ஹரி: ।
வாஞ்சி²தார்த²ம் ததா³ த³த்வா வைகுண்ட²ம் ச ப்ரயச்ச²தி ॥ 7 ॥

த்ரிஸந்த்⁴யம் யோ ஜபேன்னித்யம் ஸம்பூஜ்ய விதி⁴னா விபு⁴ம் ।
த்ரிவாரம் பஞ்சவாரம் வா ப்ரத்யஹம் க்ரமஶோ யமீ ॥ 8 ॥

மாஸாத³லக்ஷ்மீனாஶ: ஸ்யாத் த்³விமாஸாத் ஸ்யான்னரேந்த்³ரதா ।
த்ரிமாஸான்மஹதை³ஶ்வர்யம் தத: ஸம்பா⁴ஷணம் ப⁴வேத் ॥ 9 ॥

மாஸம் பட²ன்ன்யூனகர்மபூர்திம் ச ஸமவாப்னுயாத் ।
மார்க³ப்⁴ரஷ்டஶ்ச ஸன்மார்க³ம் க³தஸ்வ: ஸ்வம் ஸ்வகீயகம் ॥ 1௦ ॥

சாஞ்சல்யசித்தோசாஞ்சல்யம் மனஸ்ஸ்வாஸ்த்²யம் ச க³ச்ச²தி ।
ஆயுராரோக்³யமைஶ்வர்யம் ஜ்ஞானம் மோக்ஷம் ச விந்த³தி ॥ 11 ॥

ஸர்வான்காமானவாப்னோதி ஶாஶ்வதம் ச பத³ம் ததா² ।
ஸத்யம் ஸத்யம் புனஸ்ஸத்யம் ஸத்யம் ஸத்யம் ந ஸம்ஶய: ॥ 12 ॥

இதி ஶ்ரீ ப்³ரஹ்மாண்ட³புராணே வஸிஷ்ட²னாரத³ஸம்வாதே³ ஶ்ரீவேங்கடாசலமாஹாத்ம்யே ஶ்ரீ வேங்கடேஶ ஸஹஸ்ரனாம ஸ்தோத்ரம் ஸமாப்தம் ।