ஶ்ரீ வைகுண்ட² க³த்³யம்

யாமுனார்யஸுதா⁴ம்போ⁴தி⁴மவகா³ஹ்ய யதா²மதி ।
ஆதா³ய ப⁴க்தியோகா³க்²யம் ரத்னம் ஸந்த³ர்ஶயாம்யஹம் ॥

ஸ்வாதீ⁴ன த்ரிவித⁴சேதனாசேதனஸ்வரூபஸ்தி²தி ப்ரவ்ருத்திபே⁴த³ம், க்லேஶ கர்மாத்³யஶேஷதோ³ஷாஸம்ஸ்ப்ருஷ்டம், ஸ்வாபா⁴விகானவதி⁴காதிஶய ஜ்ஞானப³லைஶ்வர்யவீர்யஶக்திதேஜ: ப்ரப்⁴ருத்யஸங்க்²யேய கல்யாணகு³ணக³ணௌக⁴ மஹார்ணவம், பரமபுருஷம், ப⁴க³வந்தம், நாராயணம், ஸ்வாமித்வேன ஸுஹ்ருத்வேன கு³ருத்வேன ச பரிக்³ருஹ்ய ஐகாந்திகாத்யந்திக தத்பாதா³ம்பு³ஜத்³வய பரிசர்யைகமனோரத:², தத்ப்ராப்தயே ச தத்பாதா³ம்பு³ஜத்³வய ப்ரபத்தேரன்யன்ன மே கல்பகோடிஸஹஸ்ரேணாபி ஸாத⁴னமஸ்தீதி மன்வான:, தஸ்யைவ ப⁴க³வதோ நாராயணஸ்ய அகி²லஸத்த்வத³யைகஸாக³ரஸ்ய அனாலோசித கு³ணகு³ணாக²ண்ட³ ஜனானுகூலாமர்யாத³ ஶீலவத:, ஸ்வாபா⁴விகானவதி⁴காதிஶய கு³ணவத்தயா தே³வதிர்யங்மனுஷ்யாத்³யகி²லஜன ஹ்ருத³யானந்த³னஸ்ய ஆஶ்ரிதவாத்ஸல்யைகஜலதே⁴: ப⁴க்தஜனஸம்ஶ்லேஷைகபோ⁴க³ஸ்ய நித்யஜ்ஞானக்ரியைஶ்வர்யாதி³ போ⁴க³ஸாமக்³ரீஸம்ருத்³த⁴ஸ்ய, மஹாவிபூ⁴தே:, ஶ்ரீமச்சரணாரவிந்த³யுகள³ம் அனன்யாத்மஸஞ்ஜீவனேன தத்³க³தஸர்வபா⁴வேன ஶரணமனுவ்ரஜேத் । ததஶ்ச ப்ரத்யஹமாத்மோஜ்ஜீவனாயைவமனுஸ்மரேத் । சதுர்த³ஶபு⁴வனாத்மகம் அண்ட³ம், த³ஶகு³ணிதோத்தரம் ச ஆவரணஸப்தகம், ஸமஸ்தம் கார்யகாரண(ஜாத)மதீத்ய, வர்தமானே பரமவ்யோமஶப்³தா³பி⁴தே⁴யே, ப்³ரஹ்மாதீ³னாம் வாங்மனஸாகோ³சரே, ஶ்ரீமதி வைகுண்டே² தி³வ்யலோகே, ஸனகவிதி⁴ஶிவாதி³பி⁴ரபி அசிந்த்யஸ்வபா⁴வைஶ்வர்யை:, நித்யஸித்³தை⁴ரனந்தைர்ப⁴க³வதா³னுகூல்யைக போ⁴கை³ர்தி³வ்யபுருஷை: மஹாத்மபி⁴: ஆபூரிதே, தேஷாமபி இயத்பரிமாணம், இயதை³ஶ்வர்யம், ஈத்³ருஶஸ்வபா⁴வமிதி பரிச்சே²த்துமயோக்³யே, தி³வ்யாவரணஶதஸஹஸ்ராவ்ருதே, தி³வ்யகல்பகதரூபஶோபி⁴தே, தி³வ்யோத்³யான ஶதஸஹஸ்ரகோடிபி⁴ராவ்ருதே, அதிப்ரமாணே தி³வ்யாயதனே, கஸ்மிம்ஶ்சித்³விசித்ர தி³வ்யரத்னமய தி³வ்யாஸ்தா²னமண்ட³பே, தி³வ்யரத்னஸ்தம்ப⁴ ஶதஸஹஸ்ரகோடிபி⁴ருபஶோபி⁴தே,
தி³வ்யனானாரத்னக்ருதஸ்த²ல விசித்ரிதே, தி³வ்யாலங்காராலங்க்ருதே, பரித: பதிதை: பதமானை: பாத³பஸ்தை²ஶ்ச நானாக³ந்த⁴வர்ணைர்தி³வ்யபுஷ்பை: ஶோப⁴மானைர்தி³வ்யபுஷ்போபவனைருபஶோபி⁴தே, ஸங்கீர்ணபாரிஜாதாதி³ கல்பத்³ருமோபஶோபி⁴தை:, அஸங்கீர்ணைஶ்ச கைஶ்சித³ந்தஸ்ஸ்த²புஷ்பரத்னாதி³னிர்மித தி³வ்யலீலாமண்ட³ப ஶதஸஹஸ்ரோபஶோபி⁴தை:, ஸர்வதா³னுபூ⁴யமானைரப்யபூர்வவதா³ஶ்சர்யமாவஹத்³பி⁴: க்ரீடா³ஶைல ஶதஸஹஸ்ரைரலங்க்ருதை:, கைஶ்சின்னாராயணதி³வ்யலீலாஸாதா⁴ரணை:, கைஶ்சித்பத்³மவனாலயா தி³வ்யலீலாஸாதா⁴ரணை:, ஸாதா⁴ரணைஶ்ச கைஶ்சித் ஶுகஶாரிகாமயூரகோகிலாதி³பி⁴: கோமலகூஜிதைராகுலை:, தி³வ்யோத்³யான ஶதஸஹஸ்ரைராவ்ருதே, மணிமுக்தாப்ரவால க்ருதஸோபானை:, தி³வ்யாமலாம்ருதரஸோத³கை:, தி³வ்யாண்டஜ³வரை:, அதிரமணீயத³ர்ஶனை: அதிமனோஹரமது⁴ரஸ்வரை: ஆகுலை:, அந்தஸ்த² முக்தாமய தி³வ்யக்ரீடா³ஸ்தா²னோபஶோபி⁴தை: தி³வ்யஸௌக³ந்தி⁴கவாபீஶதஸஹஸ்ரை:, தி³வ்யராஜஹம்ஸாவளீவிராஜிதைராவ்ருதே, நிரஸ்தாதிஶயானந்தை³கரஸதயா சானந்த்யாச்ச ப்ரவிஷ்டானுன்மாத³யத்³பி⁴: க்ரீடோ³த்³தே³ஶைர்விராஜிதே, தத்ர தத்ர க்ருத தி³வ்யபுஷ்பபர்யங்கோபஶோபி⁴தே, நானாபுஷ்பாஸவாஸ்வாத³ மத்தப்⁴ருங்கா³வலீபி⁴: உத்³கீ³யமான தி³வ்யகா³ந்த⁴ர்வேணாபூரிதே, சந்த³னாக³ருகர்பூர தி³வ்யபுஷ்பாவகா³ஹி மந்தா³னிலாஸேவ்யமானே, மத்⁴யே புஷ்பஸஞ்சய விசித்ரிதே, மஹதி தி³வ்யயோக³பர்யங்கே அனந்தபோ⁴கி³னி, ஶ்ரீமத்³வைகுண்டை²ஶ்வர்யாதி³ தி³வ்யலோகம் ஆத்மகாந்த்யா விஶ்வமாப்யாயயந்த்யா ஶேஷ ஶேஷாஶனாதி³ ஸர்வபரிஜனம் ப⁴க³வதஸ்தத்தத³வஸ்தோ²சித பரிசர்யாயாம் ஆஜ்ஞாபயந்த்யா, ஶீலரூபகு³ண விலாஸாதி³பி⁴: ஆத்மானுரூபயா ஶ்ரியா ஸஹாஸீனம், ப்ரத்யக்³ரோன்மீலித ஸரஸிஜஸத்³ருஶ நயனயுகள³ம், ஸ்வச்ச²னீலஜீமூதஸங்காஶம், அத்யுஜ்ஜ்வலபீதவாஸஸம், ஸ்வயா ப்ரப⁴யாதினிர்மலயா அதிஶீதலயா அதிகோமலயா ஸ்வச்ச²மாணிக்யாப⁴யா க்ருத்ஸ்னம் ஜக³த்³பா⁴ஸயந்தம்,
அசிந்த்யதி³வ்யாத்³பு⁴த நித்யயௌவன ஸ்வபா⁴வலாவண்யமயாம்ருதஸாக³ரம், அதிஸௌகுமார்யாதி³ ஈஷத் ப்ரஸ்வின்னவதா³லக்ஷ்யமாண லலாடப²லக தி³வ்யாலகாவலீவிராஜிதம், ப்ரபு³த்³த⁴முக்³தா⁴ம்பு³ஜ சாருலோசனம், ஸவிப்⁴ரமப்⁴ரூலதம், உஜ்ஜ்வலாத⁴ரம், ஶுசிஸ்மிதம், கோமலக³ண்ட³ம், உன்னஸம், உத³க்³ரபீனாம்ஸ விலம்பி³குண்ட³லாலகாவலீ ப³ந்து⁴ர கம்பு³கந்த⁴ரம், ப்ரியாவதம்‍ஸோத்பல கர்ணபூ⁴ஷணஶ்லதா²லகாப³ந்த⁴ விமர்த³ஶம்ஸிபி⁴: சதுர்பி⁴ராஜானுவிலம்பி³பி⁴ர்பு⁴ஜைர்விராஜிதம், அதிகோமல தி³வ்யரேகா²லங்க்ருதாதாம்ரகரதலம், தி³வ்யாங்கு³ளீயகவிராஜிதம், அதிகோமல தி³வ்யனகா²வளீவிராஜிதம், அதிரக்தாங்கு³லீபி⁴ரலங்க்ருதம், தத்க்ஷணோன்மீலித புண்ட³ரீக ஸத்³ருஶசரணயுகள³ம், அதிமனோஹர கிரீடமகுட சூடா³வதம்ஸ மகரகுண்ட³ல க்³ரைவேயக ஹார கேயூர கடக ஶ்ரீவத்ஸ கௌஸ்துப⁴ முக்தாதா³மோத³ரப³ந்த⁴ன பீதாம்ப³ர காஞ்சீகு³ண நூபுராதி³பி⁴ரத்யந்த ஸுக²ஸ்பர்ஶை: தி³வ்யக³ந்தை⁴ர்பூ⁴ஷணைர்பூ⁴ஷிதம், ஶ்ரீமத்யா வைஜயந்த்யா வனமாலயா விராஜிதம், ஶங்க²சக்ரக³தா³ஸி ஶார்ங்கா³தி³ தி³வ்யாயுதை⁴: ஸேவ்யமானம், ஸ்வஸங்கல்பமாத்ராவக்லுப்த ஜகஜ³்ஜன்மஸ்தி²தித்⁴வம்ஸாதி³கே ஶ்ரீமதி விஷ்வக்ஸேனே ந்யஸ்த ஸமஸ்தாத்மைஶ்வர்யம், வைனதேயாதி³பி⁴: ஸ்வபா⁴வதோ நிரஸ்த ஸமஸ்த ஸாம்ஸாரிக ஸ்வபா⁴வை: ப⁴க³வத்பரிசர்யாகரண யோக்³யைர்ப⁴க³வத்பரிசர்யைகபோ⁴கை³-ர்னித்யஸித்³தை⁴ரனந்தை: யதா² யோக³ம் ஸேவ்யமானம், ஆத்மபோ⁴கே³ன அனனுஸம்ஹிதபராதி³கால தி³வ்யாமல கோமலாவலோகனேன விஶ்வமாஹ்லாத³யந்தம், ஈஷது³ன்மீலித முகா²ம்பு³ஜோத³ரவினிர்க³தேன தி³வ்யானனாரவிந்த³ ஶோபா⁴ஜனனேன தி³வ்யகா³ம்பீ⁴ர்யௌதா³ர்ய ஸௌந்த³ர்ய மாது⁴ர்யாத்³யனவதி⁴க கு³ணக³ணவிபூ⁴ஷிதேன, அதிமனோஹர தி³வ்யபா⁴வக³ர்பே⁴ண தி³வ்யலீலாலாபாம்ருதேன அகி²லஜன ஹ்ருத³யாந்தராண்யாபூரயந்தம் ப⁴க³வந்தம் நாராயணம் த்⁴யானயோகே³ன த்³ருஷ்ட்வா, ததோ ப⁴க³வதோ நித்யஸ்வாம்யமாத்மனோ நித்யதா³ஸ்யம் ச யதா²வஸ்தி²தமனுஸந்தா⁴ய, கதா³ஹம் ப⁴க³வந்தம் நாராயணம், மம குலனாத²ம், மம குலதை³வதம், மம குலத⁴னம், மம போ⁴க்³யம், மம மாதரம், மம பிதரம், மம ஸர்வம் ஸாக்ஷாத்கரவாணி சக்ஷுஷா ।
கதா³ஹம் ப⁴க³வத்பாதா³ம்பு³ஜத்³வயம் ஶிரஸா ஸங்க்³ரஹீஷ்யாமி । கதா³ஹம் ப⁴க³வத்பாதா³ம்பு³ஜத்³வய பரிசர்யாஶயா நிரஸ்தஸமஸ்தேதர போ⁴கா³ஶ:, அபக³த ஸமஸ்த ஸாம்ஸாரிகஸ்வபா⁴வ: தத்பாதா³ம்பு³ஜத்³வயம் ப்ரவேக்ஷ்யாமி । கதா³ஹம் ப⁴க³வத்பாதா³ம்பு³ஜத்³வய பரிசர்யாகரணயோக்³ய-ஸ்ததே³கபோ⁴க³ஸ்தத்பாதௌ³ பரிசரிஷ்யாமி । கதா³ மாம் ப⁴க³வான் ஸ்வகீயயா அதிஶீதலயா த்³ருஶா அவலோக்ய, ஸ்னிக்³த⁴க³ம்பீ⁴ரமது⁴ரயா கி³ரா பரிசர்யாயாம் ஆஜ்ஞாபயிஷ்யதி, இதி ப⁴க³வத்பரிசர்யாயாமாஶாம் வர்த⁴யித்வா தயைவாஶயா தத்ப்ரஸாதோ³பப்³ரும்ஹிதயா ப⁴க³வந்தமுபேத்ய, தூ³ராதே³வ ப⁴க³வந்தம் ஶேஷபோ⁴கே³ ஶ்ரியா ஸஹாஸீனம் வைனதேயாதி³பி⁴: ஸேவ்யமானம், ஸமஸ்தபரிவாராய ஶ்ரீமதே நாராயணாய நம:, இதி ப்ரணம்ய உத்தா²யோத்தா²ய புன: புன: ப்ரணம்ய அத்யந்த ஸாத்⁴வஸவினயாவனதோ பூ⁴த்வா, ப⁴க³வத்பாரிஷத³க³ணனாயகைர்த்³வாரபாலை: க்ருபயா ஸ்னேஹக³ர்ப⁴யா த்³ருஶாவலோகித: ஸம்யக³பி⁴வந்தி³தைஸ்தைஸ்தைரேவானுமதோ ப⁴க³வந்தமுபேத்ய, ஶ்ரீமதா மூலமந்த்ரேண மாமைகாந்திகாத்யந்திக பரிசர்யாகரணாய பரிக்³ருஹ்ணீஷ்வ இதி யாசமான: ப்ரணம்யாத்மானம் ப⁴க³வதே நிவேத³யேத் ।
ததோ ப⁴க³வதா ஸ்வயமேவாத்மஸஞ்ஜீவனேன அமர்யாத³ஶீலவதா அதிப்ரேமான்விதேன அவலோகனேனாவலோக்ய ஸர்வதே³ஶ ஸர்வகால ஸர்வாவஸ்தோ²சிதாத்யந்தஶேஷபா⁴வாய ஸ்வீக்ருதோனுஜ்ஞாதஶ்ச அத்யந்தஸாத்⁴வஸவினயாவனத: கிங்குர்வாண: க்ருதாஞ்ஜலிபுடோ ப⁴க³வந்தமுபாஸீத । ததஶ்சானுபூ⁴யமான பா⁴வவிஶேஷ: நிரதிஶயப்ரீத்யான்யத்கிஞ்சித்கர்தும் த்³ரஷ்டும் ஸ்மர்துமஶக்த: புனரபி ஶேஷபா⁴வமேவ யாசமானோ ப⁴க³வந்தமேவாவிச்சி²ன்னஸ்ரோதோரூபேணாவலோகனேன அவலோகயன்னாஸீத । ததோ ப⁴க³வதா ஸ்வயமேவாத்மஸஞ்ஜீவனேனாவலோகனேனாவலோக்ய ஸஸ்மிதமாஹூய ஸமஸ்தக்லேஶாபஹம் நிரதிஶயஸுகா²வஹமாத்மீயம், ஶ்ரீமத்பாதா³ரவிந்த³யுகள³ம் ஶிரஸி க்ருதம் த்⁴யாத்வா, அம்ருதஸாக³ராந்தர்னிமக்³னஸர்வாவயவ: ஸுக²மாஸீத ।

லக்ஷ்மீபதேர்யதிபதேஶ்ச த³யைகதா⁴ம்னோ:
யோஸௌ புரா ஸமஜனிஷ்ட ஜக³த்³தி⁴தார்த²ம் ।
ப்ராப்யம் ப்ரகாஶயது ந: பரமம் ரஹஸ்யம்
ஸம்வாத³ ஏஷ ஶரணாக³தி மந்த்ரஸார: ॥

இதி ஶ்ரீப⁴க³வத்³ராமானுஜவிரசிதே ஶ்ரீவைகுண்ட²க³த்³யம் ।