ஶ்ரீ ஸூர்ய ஶதகம்

॥ ஸூர்யஶதகம் ॥
மஹாகவிஶ்ரீமயூரப்ரணீதம்

॥ ஶ்ரீ க³ணேஶாய நம: ॥

ஜம்பா⁴ராதீப⁴கும்போ⁴த்³ப⁴வமிவ த³த⁴த: ஸாந்த்³ரஸிந்தூ³ரரேணும்
ரக்தா: ஸிக்தா இவௌகை⁴ருத³யகி³ரிதடீதா⁴துதா⁴ராத்³ரவஸ்ய । வர் ஸக்தை:
ஆயாந்த்யா துல்யகாலம் கமலவனருசேவாருணா வோ விபூ⁴த்யை
பூ⁴யாஸுர்பா⁴ஸயந்தோ பு⁴வனமபி⁴னவா பா⁴னவோ பா⁴னவீயா: ॥ 1 ॥

ப⁴க்திப்ரஹ்வாய தா³தும் முகுலபுடகுடீகோடரக்ரோட³லீனாம்
லக்ஷ்மீமாக்ரஷ்டுகாமா இவ கமலவனோத்³தா⁴டனம் குர்வதே யே ।
காலாகாராந்த⁴காரானனபதிதஜக³த்ஸாத்⁴வஸத்⁴வம்ஸகல்யா:
கல்யாணம் வ: க்ரியாஸு: கிஸலயருசயஸ்தே கரா பா⁴ஸ்கரஸ்ய ॥ 2 ॥

க³ர்பே⁴ஷ்வம்போ⁴ருஹாணாம் ஶிக²ரிஷு ச ஶிதாக்³ரேஷு துல்யம் பதந்த:
ப்ராரம்பே⁴ வாஸரஸ்ய வ்யுபரதிஸமயே சைகரூபாஸ்ததை²வ ।
நிஷ்பர்யாயம் ப்ரவ்ருத்தாஸ்த்ரிபு⁴வனப⁴வனப்ராங்க³ணே பாந்து யுஷ்மா-
நூஷ்மாணம் ஸந்ததாத்⁴வஶ்ரமஜமிவ ப்⁴ருஶம் பி³ப்⁴ரதோ ப்³ரத்⁴னபாதா³: ॥ 3 ॥

ப்ரப்⁴ரஶ்யத்யுத்தரீயத்விஷி தமஸி ஸமுத்³தீ³க்ஷ்ய வீதாவ்ருதீன்ப்ரா-
க்³ஜந்தூம்ஸ்தந்தூன்யதா² யானதனு விதனுதே திக்³மரோசிர்மரீசீன் ।
தே ஸாந்த்³ரீபூ⁴ய ஸத்³ய: க்ரமவிஶத³த³ஶாஶாத³ஶாலீவிஶாலம்
ஶஶ்வத்ஸம்பாத³யந்தோம்ப³ரமமலமலம் மங்க³லம் வோ தி³ஶந்து ॥ 4 ॥

ந்யக்குர்வன்னோஷதீ⁴ஶே முஷிதருசி ஶுசேவௌஷதீ⁴: ப்ரோஷிதாபா⁴
பா⁴ஸ்வத்³க்³ராவோத்³க³தேன ப்ரத²மமிவ க்ருதாப்⁴யுத்³க³தி: பாவகேன ।
பக்ஷச்சே²த³வ்ரணாஸ்ருக்ஸ்ருத இவ த்³ருஷதோ³ த³ர்ஶயன்ப்ராதரத்³ரே-
ராதாம்ரஸ்தீவ்ரபா⁴னோரனபி⁴மதனுதே³ ஸ்தாத்³க³ப⁴ஸ்த்யுத்³க³மோ வ: ॥ 5 ॥

ஶீர்ணக்⁴ராணாங்க்⁴ரிபாணீன்வ்ரணிபி⁴ரபக⁴னைர்க⁴ர்க⁴ராவ்யக்தகோ⁴ஷான்
தீ³ர்கா⁴க்⁴ராதானகௌ⁴கை⁴ புனரபி க⁴டயத்யேக உல்லாக⁴யன் ய: ।
க⁴ர்மாம்ஶோஸ்தஸ்ய வோந்தர்த்³விகு³ணக⁴னக்⁴ருணானிக்⁴னனிர்விக்⁴னவ்ருத்தே-
ர்த³த்தார்கா⁴: ஸித்³த⁴ஸங்கை⁴ர்வித³த⁴து க்⁴ருணய: ஶீக்⁴ரமம்ஹோவிதா⁴தம் ॥ 6 ॥

பி³ப்⁴ராணா வாமனத்வம் ப்ரத²மமத² ததை²வாம்ஶவ: ப்ராம்ஶவோ வ:
க்ராந்தாகாஶாந்தராலாஸ்தத³னு த³ஶதி³ஶ: பூரயந்தஸ்ததோபி ।
த்⁴வாந்தாதா³ச்சி²த்³ய தே³வத்³விஷ இவ ப³லிதோ விஶ்வமாஶ்வஶ்னுவானா: வர் தே³வத்³ருஹ
க்ருச்ச்²ராண்யுச்ச்²ராயஹேலோபஹஸிதஹரயோ ஹாரித³ஶ்வா ஹரந்து ॥ 7 ॥

உத்³கா³டே⁴னாருணிம்னா வித³த⁴தி ப³ஹுலம் யேருணஸ்யாருணத்வம்
மூர்தோ⁴த்³தூ⁴தௌ க²லீனக்ஷதருதி⁴ரருசோ யே ரதா²ஶ்வானனேஷு ।
ஶைலானாம் ஶேக²ரத்வம் ஶ்ரிதஶிக²ரிஶிகா²ஸ்தன்வதே யே தி³ஶந்து வர் ஶிக²ரஶிகா²:
ப்ரேங்க²ந்த: கே² க²ராம்ஶோ: க²சிததி³னமுகா²ஸ்தே மயூகா²: ஸுக²ம் வ: ॥ 8 ॥

த³த்தானந்தா³: ப்ரஜானாம் ஸமுசிதஸமயாக்ருஷ்டஸ்ருஷ்டை: பயோபி⁴: வர் அக்லிஷ்டஸ்ருஷ்டை:
பூர்வாஹ்ணே விப்ரகீர்ணா தி³ஶி தி³ஶி விரமத்யஹ்னி ஸம்ஹாரபா⁴ஜ: ।
தீ³ப்தாம்ஶோர்தீ³ர்க⁴து³:க²ப்ரப⁴வப⁴வப⁴யோத³ன்வது³த்தாரனாவோ
கா³வோ வ: பாவனானாம் பரமபரிமிதாம் ப்ரீதிமுத்பாத³யந்து ॥ 9 ॥

ப³ந்த⁴த்⁴வம்ஸைகஹேதும் ஶிரஸி நதிரஸாப³த்³த⁴ஸந்த்⁴யாஞ்ஜலீனாம்
லோகானாம் யே ப்ரபோ³த⁴ம் வித³த⁴தி விபுலாம்போ⁴ஜக²ண்டா³ஶயேவ ।
யுஷ்மாகம் தே ஸ்வசித்தப்ரதி²தப்ருது²தரப்ரார்த²னாகல்பவ்ருக்ஷா: வர் ப்ரதி²ம
கல்பந்தாம் நிர்விகல்பம் தி³னகரகிரணா: கேதவ: கல்மஷஸ்ய ॥ 1௦ ॥

தா⁴ரா ராயோ த⁴னாயாபதி³ ஸபதி³ கராலம்ப³பூ⁴தா: ப்ரபாதே
தத்த்வாலோகைகதீ³பாஸ்த்ரித³ஶபதிபுரப்ரஸ்தி²தௌ வீத்²ய ஏவ ।
நிர்வாணோத்³யோகி³யோகி³ப்ரக³மனிஜதனுத்³வாரி வேத்ராயமாணா-
ஸ்த்ராயந்தாம் தீவ்ரபா⁴னோர்தி³வஸமுக²ஸுகா² ரஶ்மய: கல்மஷாத்³வ: ॥ 11 ॥

வர் தீவ்ரபா⁴ஸ: வர் கஶ்மலாத்³வ:

ப்ராசி ப்ராகா³சரந்த்யோனதிசிரமசலே சாருசூடா³மணித்வம்
முஞ்சந்த்யோ ரோசனாம்ப:⁴ ப்ரசுரமிவ தி³ஶாமுச்சகைஶ்சர்சனாய ।
சாடூத்கைஶ்சக்ரனாம்னாம் சதுரமவிசலைர்லோசனைரர்ச்யமானா- வர் ஸுசிரம்
ஶ்சேஷ்டந்தாம் சிந்திதானாமுசிதமசரமாஶ்சண்ட³ரோசீருசோ வ: ॥ 12 ॥

ஏகம் ஜ்யோதிர்த்³ருஶௌ த்³வே த்ரிஜக³தி க³தி³தான்யப்³ஜஜாஸ்யைஶ்சதுர்பி⁴-
ர்பூ⁴தானாம் பஞ்சமம் யான்யலம்ருதுஷு ததா² ஷட்ஸு நானாவிதா⁴னி ।
யுஷ்மாகம் தானி ஸப்தத்ரித³ஶமுனினுதான்யஷ்டதி³க்³பா⁴ஞ்ஜி பா⁴னோ-
ர்யாந்தி ப்ராஹ்ணே நவத்வம் த³ஶ த³த⁴து ஶிவம் தீ³தி⁴தீனாம் ஶதானி ॥ 13 ॥ வர் த³த³து

ஆவ்ருத்திப்⁴ராந்தவிஶ்வா: ஶ்ரமமிவ த³த⁴த: ஶோஷிண: ஸ்வோஷ்மணேவ
க்³ரீஷ்மே தா³வாக்³னிதப்தா இவ ரஸமஸக்ருத்³யே த⁴ரித்ர்யா த⁴யந்தி ।
தே ப்ராவ்ருஷ்யாத்தபானாதிஶயருஜ இவோத்³வாந்ததோயா ஹிமர்தௌ
மார்தண்ட³ஸ்யாப்ரசண்டா³ஶ்சிரமஶுப⁴பி⁴தே³பீ⁴ஷவோ வோ ப⁴வந்து ॥ 14 ॥

தன்வானா தி³க்³வதூ⁴னாம் ஸமதி⁴கமது⁴ராலோகரம்யாமவஸ்தா²-
மாருட⁴ப்ரௌடி⁴லேஶோத்கலிதகபிலிமாலங்க்ருதி: கேவலைவ ।
உஜ்ஜ்ரும்பா⁴ம்போ⁴ஜனேத்ரத்³யுதினி தி³னமுகே² கிஞ்சிது³த்³பி⁴த்³யமானா
ஶ்மஶ்ருஶ்ரேணீவ பா⁴ஸாம் தி³ஶது த³ஶஶதீ ஶர்ம க⁴ர்மத்விஷோ வ: ॥ 15 ॥

மௌலீந்தோ³ர்மைஷ மோஷீத்³த்³யுதிமிதி வ்ருஷபா⁴ங்கேன ய: ஶங்கினேவ
ப்ரத்யக்³ரோத்³கா⁴டிதாம்போ⁴ருஹகுஹரகு³ஹாஸுஸ்தி²தேனேவ தா⁴த்ரா ।
க்ருஷ்ணேன த்⁴வாந்தக்ருஷ்ணஸ்வதனுபரிப⁴வத்ரஸ்னுனேவ ஸ்துதோலம்
த்ராணாய ஸ்தாத்தனீயானபி திமிரரிபோ: ஸ த்விஷாமுத்³க³மோ வ: ॥ 16 ॥

விஸ்தீர்ணம் வ்யோம தீ³ர்கா⁴: ஸபதி³ த³ஶ தி³ஶோ வ்யஸ்தவேலாம்ப⁴ஸோப்³தீ⁴ன்
குர்வத்³பி⁴ர்த்³ருஶ்யனானானக³னக³ரனகா³போ⁴க³ப்ருத்²வீம் ச ப்ருத்²வீம் ।
பத்³மின்யுச்ச்²வாஸ்யதே யைருஷஸி ஜக³த³பி த்⁴வம்ஸயித்வா தமிஸ்ரா-
முஸ்ரா விஸ்ரம்ஸயந்து த்³ருதமனபி⁴மதம் தே ஸஹஸ்ரத்விஷோ வ: ॥ 17 ॥ வர் விஸ்ராவயந்து

அஸ்தவ்யஸ்தத்வஶூன்யோ நிஜருசிரனிஶானஶ்வர: கர்துமீஶோ
விஶ்வம் வேஶ்மேவ தீ³ப: ப்ரதிஹததிமிரம் ய: ப்ரதே³ஶஸ்தி²தோபி ।
தி³க்காலாபேக்ஷயாஸௌ த்ரிபு⁴வனமடதஸ்திக்³மபா⁴னோர்னவாக்²யாம்
யாத: ஶாதக்ரதவ்யாம் தி³ஶி தி³ஶது ஶிவம் ஸோர்சிஷாமுத்³க³மோ வ: ॥ 18 ॥

மாகா³ன்ம்லானிம் ம்ருணாலீ ம்ருது³ரிதி த³யயேவாப்ரவிஷ்டோஹிலோகம்
லோகாலோகஸ்ய பார்ஶ்வம் ப்ரதபதி ந பரம் யஸ்ததா³க்²யார்த²மேவ ।
ஊர்த்⁴வம் ப்³ரஹ்மாண்ட³க²ண்ட³ஸ்பு²டனப⁴யபரித்யக்ததை³ர்க்⁴யோ த்³யுஸீம்னி
ஸ்வேசா²வஶ்யாவகாஶாவதி⁴ரவது ஸ வஸ்தாபனோ ரோசிரோக:⁴ ॥ 19 ॥

அஶ்யாம: கால ஏகோ ந ப⁴வதி பு⁴வனாந்தோபி வீதேந்த⁴காரே வர் வீதாந்த⁴கார:
ஸத்³ய: ப்ராலேயபாதோ³ ந விலயமசலஶ்சந்த்³ரமா அப்யுபைதி ।
ப³ந்த:⁴ ஸித்³தா⁴ஞ்ஜலீனாம் ந ஹி குமுத³வனஸ்யாபி யத்ரோஜ்ஜிஹானே
தத்ப்ராத: ப்ரேக்ஷணீயம் தி³ஶது தி³னபதேர்தா⁴ம காமாதி⁴கம் வ: ॥ 2௦ ॥

யத்காந்திம் பங்கஜானாம் ந ஹரதி குருதே ப்ரத்யுதாதி⁴க்யரம்யாம் வர் ப்ரத்யுதாதீவ ரம்யாம்
நோ த⁴த்தே தாரகாபா⁴ம் திரயதி நிதராமாஶு யன்னித்யமேவ । வர் நாத⁴த்தே
கர்தும் நாலம் நிமேஷம் தி³வஸமபி பரம் யத்ததே³கம் த்ரிலோக்யா-
ஶ்சக்ஷு: ஸாமான்யசக்ஷுர்விஸத்³ருஶமக⁴பி⁴த்³பா⁴ஸ்வதஸ்தான்மஹோ வ: ॥ 21 ॥

க்ஷ்மாம் க்ஷேபீய: க்ஷபாம்ப:⁴ஶிஶிரதரஜலஸ்பர்ஶதர்ஷாத்³ருதேவ
த்³ராகா³ஶா நேதுமாஶாத்³விரத³கரஸர:புஷ்கராணீவ போ³த⁴ம் ।
ப்ராத: ப்ரோல்லங்க்⁴ய விஷ்ணோ: பத³மபி க்⁴ருணயேவாதிவேகா³த்³த³வீய-
ஸ்யுத்³தா³ம த்³யோதமானா த³ஹது தி³னபதேர்து³ர்னிமித்தம் த்³யுதிர்வ: ॥ 22 ॥

நோ கல்பாபாயவாயோரத³யரயத³லத்க்ஷ்மாத⁴ரஸ்யாபி க³ம்யா வர் ஶம்யா
கா³டோ⁴த்³கீ³ர்ணோஜ்ஜ்வலஶ்ரீரஹனி ந ரஹிதா நோ தம:கஜ்ஜலேன ।
ப்ராப்தோத்பத்தி: பதங்கா³ன்ன புனருபக³தா மோஷமுஷ்ணத்விஷோ வோ
வர்தி: ஸைவான்யரூபா ஸுக²யது நிகி²லத்³வீபதீ³பஸ்ய தீ³ப்தி: ॥ 23 ॥

நி:ஶேஷாஶாவபூரப்ரவணகு³ருகு³ணஶ்லாக⁴னீயஸ்வரூபா
பர்யாப்தம் நோத³யாதௌ³ தி³னக³மஸமயோபப்லவேப்யுன்னதைவ ।
அத்யந்தம் யானபி⁴ஜ்ஞா க்ஷணமபி தமஸா ஸாகமேகத்ர வஸ்தும்
ப்³ரத்⁴னஸ்யேத்³தா⁴ ருசிர்வோ ருசிரிவ ருசிதஸ்யாப்தயே வஸ்துனோஸ்து ॥ 24 ॥ வர் சிருரஸ்ய, ருசிரஸ்ய

விப்⁴ராண: ஶக்திமாஶு ப்ரஶமிதப³லவத்தாரகௌர்ஜித்யகு³ர்வீம்
குர்வாணோ லீலயாத:⁴ ஶிகி²னமபி லஸச்சந்த்³ரகாந்தாவபா⁴ஸம் ।
ஆத³த்⁴யாத³ந்த⁴காரே ரதிமதிஶயினீமாவஹன்வீக்ஷணானாம் வர் ஆதே³யாதீ³க்ஷணானாம்
பா³லோ லக்ஷ்மீமபாராமபர இவ கு³ஹோஹர்பதேராதபோ வ: ॥ 25 ॥

ஜ்யோத்ஸ்னாம்ஶாகர்ஷபாண்டு³த்³யுதி திமிரமஷீஶேஷகல்மாஷமீஷ-
ஜ்ஜ்ரும்போ⁴த்³பூ⁴தேன பிங்க³ம் ஸரஸிஜரஜஸா ஸந்த்⁴யயா ஶோணஶோசி: ।
ப்ராத:ப்ராரம்ப⁴காலே ஸகலமபி ஜக³ச்சித்ரமுன்மீலயந்தீ
காந்திஸ்தீக்ஷ்ணத்விஷோக்ஷ்ணாம் முத³முபனயதாத்தூலிகேவாதுலாம் வ: ॥ 26 ॥

ஆயாந்தீ கிம் ஸுமேரோ: ஸரணிரருணிதா பாத்³மராகை³: பராகை³-
ராஹோஸ்வித்ஸ்வஸ்ய மாஹாரஜனவிரசிதா வைஜயந்தீ ரத²ஸ்ய ।
மாஞ்ஜிஷ்டீ² ப்ரஷ்ட²வாஹாவலிவிது⁴தஶிரஶ்சாமராலீ நு லோகை- வர் சாமராலீவ
ராஶங்க்யாலோகிதைவம் ஸவிதுரக⁴னுதே³ ஸ்தாத்ப்ரபா⁴தப்ரபா⁴ வ: ॥ 27 ॥

த்⁴வாந்தத்⁴வம்ஸம் வித⁴த்தே ந தபதி ருசிமன்னாதிரூபம் வ்யனக்தி
ந்யக்த்வம் நீத்வாபி நக்தம் ந விதரதிதராம் தாவத³ஹ்னஸ்த்விஷம் ய: । வர் ந்யக்தாமஹ்னி
ஸ ப்ராதர்மா விரம்ஸீத³ஸகலபடிமா பூரயன்யுஷ்மதா³ஶா-
மாஶாகாஶாவகாஶாவதரணதருணப்ரக்ரமோர்கப்ரகாஶ: ॥ 28 ॥

தீவ்ரம் நிர்வாணஹேதுர்யத³பி ச விபுலம் யத்ப்ரகர்ஷேண சாணு
ப்ரத்யக்ஷம் யத்பரோக்ஷம் யதி³ஹ யத³பரம் நஶ்வரம் ஶாஶ்வதம் ச ।
யத்ஸர்வஸ்ய ப்ரஸித்³த⁴ம் ஜக³தி கதிபயே யோகி³னோ யத்³வித³ந்தி
ஜ்யோதிஸ்தத்³த்³விப்ரகாரம் ஸவிதுரவது வோ பா³ஹ்யமாப்⁴யந்தரம் ச ॥ 29 ॥

ரத்னானாம் மண்ட³னாய ப்ரப⁴வதி நியதோத்³தே³ஶலப்³தா⁴வகாஶம்
வஹ்னேர்தா³ர்வாதி³ த³க்³து⁴ம் நிஜஜடி³மதயா கர்துமானந்த³மிந்தோ³: ।
யச்ச த்ரைலோக்யபூ⁴ஷாவிதி⁴ரக⁴த³ஹனம் ஹ்லாதி³ வ்ருஷ்ட்யாஶு தத்³வோ வர் யத்து
பா³ஹுல்யோத்பாத்³யகார்யாதி⁴கதரமவதாதே³கமேவார்கதேஜ: ॥ 3௦ ॥

மீலச்சக்ஷுர்விஜிஹ்மஶ்ருதி ஜட³ரஸனம் நிக்⁴னிதக்⁴ராணவ்ருத்தி
ஸ்வவ்யாபாராக்ஷமத்வக்பரிமுஷிதமன: ஶ்வாஸமாத்ராவஶேஷம் ।
விஸ்ரஸ்தாங்க³ம் பதித்வா ஸ்வபத³பஹரதாத³ஶ்ரியம் வோர்கஜன்மா வர் அப்ரியம்
காலவ்யாலாவலீட⁴ம் ஜக³த³க³த³ இவோத்தா²பயன்ப்ராக்ப்ரதாப: ॥ 31 ॥

நி:ஶேஷம் நைஶமம்ப:⁴ ப்ரஸப⁴மபனுத³ன்னஶ்ருலேஶானுகாரி
ஸ்தோகஸ்தோகாபனீதாருணருசிரசிராத³ஸ்ததோ³ஷானுஷங்க:³ ।
தா³தா த்³ருஷ்டிம் ப்ரஸன்னாம் த்ரிபு⁴வனனயனஸ்யாஶு யுஷ்மத்³விருத்³த⁴ம்
வத்⁴யாத்³ப்³ரத்⁴னஸ்ய ஸித்³தா⁴ஞ்ஜனவிதி⁴ரபர: ப்ராக்தனோர்சி:ப்ரசார: ॥ 32 ॥

பூ⁴த்வா ஜம்ப⁴ஸ்ய பே⁴த்து: ககுபி⁴ பரிப⁴வாரம்ப⁴பூ⁴: ஶுப்⁴ரபா⁴னோ- வர் ஸ்தி²த்வா
ர்பி³ப்⁴ராணா ப³ப்⁴ருபா⁴வம் ப்ரஸப⁴மபி⁴னவாம்போ⁴ஜஜ்ரும்பா⁴ப்ரக³ல்பா⁴ ।
பூ⁴ஷா பூ⁴யிஷ்ட²ஶோபா⁴ த்ரிபு⁴வனப⁴வனஸ்யாஸ்ய வைபா⁴கரீ ப்ராக்³-
விப்⁴ராந்தா ப்⁴ராஜமானா விப⁴வது விப⁴வோத்³பூ⁴தயே ஸா விபா⁴ வ: ॥ 33 ॥ வர் நிர்பா⁴ந்தி, விப்⁴ராந்தி

ஸம்ஸக்தம் ஸிக்தமூலாத³பி⁴னவபு⁴வனோத்³யானகௌதூஹலின்யா
யாமின்யா கன்யயேவாம்ருதகரகலஶாவர்ஜிதேனாம்ருதேன ।
அர்காலோக: க்ரியாத்³வோ முத³முத³யஶிரஶ்சக்ரவாலாலவாலா-
து³த்³யன்பா³லப்ரவாலப்ரதிமருசிரஹ:பாத³பப்ராக்ப்ரரோஹ: ॥ 34 ॥

பி⁴ன்னம் பா⁴ஸாருணஸ்ய க்வசித³பி⁴னவயா வித்³ருமாணாம் த்விஷேவ
த்வங்ன்னக்ஷத்ரரத்னத்³யுதினிகரகராலாந்தராலம் க்வசிச்ச ।
நாந்தர்னி:ஶேஷக்ருஷ்ணஶ்ரியமுத³தி⁴மிவ த்⁴வாந்தராஶிம் பிப³ன்ஸ்தா-
தௌ³ர்வ: பூர்வோப்யபூர்வோக்³னிரிவ ப⁴வத³க⁴ப்லுஷ்டயேர்காவபா⁴ஸ: ॥ 35 ॥

க³ந்த⁴ர்வைர்க³த்³யபத்³யவ்யதிகரிதவசோஹ்ருத்³யமாதோத்³யவாத்³யை-
ராத்³யைர்யோ நாரதா³த்³யைர்முனிபி⁴ரபி⁴னுதோ வேத³வேத்³யைர்விபி⁴த்³ய ।
வர் வீதவேத்³யைர்விவித்³ய, வேத³வித்³பி⁴ர்விபி⁴த்³ய
ஆஸாத்³யாபத்³யதே யம் புனரபி ச ஜக³த்³யௌவனம் ஸத்³ய உத்³ய-
ந்னுத்³த்³யோதோ த்³யோதிதத்³யௌர்த்³யது தி³வஸக்ருதோஸாவவத்³யானி வோத்³ய ॥ 36 ॥

ஆவானைஶ்சந்த்³ரகாந்தைஶ்ச்யுததிமிரதயா தானவாத்தாரகாணா- வர் ஆவாந்தை:
மேணாங்காலோகலோபாது³பஹதமஹஸாமோஷதீ⁴னாம் லயேன ।
ஆராது³த்ப்ரேக்ஷ்யமாணா க்ஷணமுத³யதடாந்தர்ஹிதஸ்யாஹிமாம்ஶோ-
ராபா⁴ ப்ராபா⁴திகீ வோவது ந து நிதராம் தாவதா³விர்ப⁴வந்தீ ॥ 37 ॥

ஸானௌ ஸா நௌத³யே நாருணிதத³லபுனர்யௌவனானாம் வனானா- வர் லஸத்³யௌவனானாம்
மாலீமாலீட⁴பூர்வா பரிஹ்ருதகுஹரோபாந்தனிம்னா தனிம்னா ।
பா⁴ வோபா⁴வோபஶாந்திம் தி³ஶது தி³னபதேர்பா⁴ஸமானா ஸமானா-
ராஜீ ராஜீவரேணோ: ஸமஸமயமுதே³தீவ யஸ்யா வயஸ்யா ॥ 38 ॥

உஜ்ஜ்ரும்பா⁴ம்போ⁴ருஹாணாம் ப்ரப⁴வதி பயஸாம் யா ஶ்ரியே நோஷ்ணதாயை
புஷ்ணாத்யாலோகமாத்ரம் ந து தி³ஶதி த்³ருஶாம் த்³ருஶ்யமானா விதா⁴தம் ।
பூர்வாத்³ரேரேவ பூர்வம் தி³வமனு ச புன: பாவனீ தி³ங்முகா²னா- வர் தத:
மேனாம்ஸ்யைனீ விபா⁴ஸௌ நுத³து நுதிபதை³காஸ்பத³ம் ப்ராக்தனீ வ: ॥ 39 ॥

வாசாம் வாசஸ்பதேரப்யசலபி⁴து³சிதாசார்யகாணாம் ப்ரபஞ்சை-
ர்வைரஞ்சானாம் ததோ²ச்சாரிதசதுர்ருசாம் சானனானாம் சதுர்ணாம் । வர் ருசிர
உச்யேதார்சாஸு வாச்யச்யுதிஶுசிசரிதம் யஸ்ய நோச்சைர்விவிச்ய வர் அர்சாஸ்வவாச்ய
ப்ராச்யம் வர்சஶ்சகாஸச்சிரமுபசினுதாத்தஸ்ய சண்டா³ர்சிஷோ வ: ॥ 4௦ ॥ வர் ஶ்ரியம்

மூர்த்⁴ன்யத்³ரேர்தா⁴துராக³ஸ்தருஷு கிஸலயோ வித்³ருமௌக:⁴ ஸமுத்³ரே
வர் – கிஸலயாத்³வித்³ருமௌகா⁴த்ஸமுத்³ரே
தி³ங்மாதங்கோ³த்தமாங்கே³ஷ்வபி⁴னவனிஹித: ஸாந்த்³ரஸிந்தூ³ரரேணு: ।
வர் விஹித:, நிஹிதாத்ஸந்த்³ரஸிந்தூ³ரரேணோ:
ஸீம்னி வ்யோம்னஶ்ச ஹேம்ன: ஸுரஶிக²ரிபு⁴வோ ஜாயதே ய: ப்ரகாஶ:
ஶோணிம்னாஸௌ க²ராம்ஶோருஷஸி தி³ஶது வ: ஶர்ம ஶோபை⁴கதே³ஶ: ॥ 41 ॥

அஸ்தாத்³ரீஶோத்தமாங்கே³ ஶ்ரிதஶஶினி தம:காலகூடே நிபீதே
யாதி வ்யக்திம் புரஸ்தாத³ருணகிஸலயே ப்ரத்யுஷ:பாரிஜாதே ।
உத்³யந்த்யாரக்தபீதாம்ப³ரவிஶத³தரோத்³வீக்ஷிதா தீக்ஷ்ணபா⁴னோ-
வர் ருசிரதரோத்³வீக்ஷிதா வர் தீவ்ரபா⁴ஸ:
ர்லக்ஷ்மீர்லக்ஷ்மீரிவாஸ்து ஸ்பு²டகமலபுடாபாஶ்ரயா ஶ்ரேயஸே வ: ॥ 42 ॥ வர் புடோபாஶ்ரய

நோத³ன்வாஞ்ஜன்மபூ⁴மிர்ன தது³த³ரபு⁴வோ பா³ந்த⁴வா: கௌஸ்துபா⁴த்³யா
யஸ்யா: பத்³மம் ந பாணௌ ந ச நரகரிபூர:ஸ்த²லீ வாஸவேஶ்ம ।
தேஜோரூபாபரைவ த்ரிஷு பு⁴வனதலேஷ்வாத³தா⁴னா வ்யவஸ்தா²ம் வர் த்ரிபு⁴வனப⁴வனே
ஸா ஶ்ரீ: ஶ்ரேயாம்ஸி தி³ஶ்யாத³ஶிஶிரமஹஸோ மண்ட³லாக்³ரோத்³க³தா வ: ॥ 43 ॥

॥ இதி த்³யுதிவர்ணனம் ॥ வர் தேஜோவர்ணனம்

॥ அத² அஶ்வவர்ணனம் ॥

ரக்ஷந்த்வக்ஷுண்ணஹேமோபலபடலமலம் லாக⁴வாது³த்பதந்த:
பாதங்கா³: பங்க்³வவஜ்ஞாஜிதபவனஜவா வாஜினஸ்தே ஜக³ந்தி ।
யேஷாம் வீதான்யசிஹ்னோன்னயமபி வஹதாம் மார்க³மாக்²யாதி மேரா-
வுத்³யன்னுத்³தா³மதீ³ப்திர்த்³யுமணிமணிஶிலாவேதி³காஜாதவேதா³: ॥ 44 ॥

ப்லுஷ்டா: ப்ருஷ்டே²ம்ஶுபாதைரதினிகடதயா த³த்ததா³ஹாதிரேகை-
ரேகாஹாக்ராந்தக்ருத்ஸ்னத்ரிதி³வபத²ப்ருது²ஶ்வாஸஶோஷா: ஶ்ரமேண ।
தீவ்ரோத³ன்யாஸ்த்வரந்தாமஹிதவிஹதயே ஸப்தய: ஸப்தஸப்தே-
ரப்⁴யாஶாகாஶக³ங்கா³ஜலஸரலக³லாவாங்னதாக்³ரானனா வ: ॥ 45 ॥ வர் க³லவர்ஜிதாக்³ரானனா:

மத்வான்யான்பார்ஶ்வதோஶ்வான் ஸ்ப²டிகதடத்³ருஷத்³த்³ருஷ்டதே³ஹா த்³ரவந்தீ
வ்யஸ்தேஹன்யஸ்தஸந்த்⁴யேயமிதி ம்ருது³பதா³ பத்³மராகோ³பலேஷு ।
ஸாத்³ருஶ்யாத்³ருஶ்யமூர்திர்மரகதகடகே க்லிஷ்டஸூதா ஸுமேரோ-
ர்மூர்த⁴ன்யாவ்ருத்திலப்³த⁴த்⁴ருவக³திரவது ப்³ரத்⁴னவாஹாவலிர்வ: ॥ 46 ॥ வர் த்³ருத

ஹேலாலோலம் வஹந்தீ விஷத⁴ரத³மனஸ்யாக்³ரஜேனாவக்ருஷ்டா
ஸ்வர்வாஹின்யா: ஸுதூ³ரம் ஜனிதஜவஜயா ஸ்யந்த³னஸ்ய ஸ்யதே³ன ।
நிர்வ்யாஜம் தாயமானே ஹரிதிமனி நிஜே ஸ்பீ²தபே²னாஹிதஶ்ரீ- வர் ஸ்பீ²தபே²னாஸ்மிதஶ்ரீ:
ரஶ்ரேயாம்ஸ்யஶ்வபங்க்தி: ஶமயது யமுனேவாபரா தாபனீ வ: ॥ 47 ॥

மார்கோ³பாந்தே ஸுமேரோர்னுவதி க்ருதனதௌ நாகதா⁴ம்னாம் நிகாயே
வீக்ஷ்ய வ்ரீடா³னதானாம் ப்ரதிகுஹரமுக²ம் கிம்னரீணாம் முகா²னி ।
ஸூதேஸூயத்யபீஷஜ்ஜட³க³தி வஹதாம் கந்த⁴ரார்தை⁴ர்வலத்³பி⁴- வர் கந்த⁴ராக்³ரை:
ர்வாஹானாம் வ்யஸ்யதாத்³வ: ஸமமஸமஹரேர்ஹேஷிதம் கல்மஷாணி ॥ 48 ॥

து⁴ன்வந்தோ நீரதா³லீர்னிஜருசிஹரிதா: பார்ஶ்வயோ: பக்ஷதுல்யா-
ஸ்தாலூத்தானை: க²லீனை: க²சிதமுக²ருசஶ்ச்யோததா லோஹிதேன ।
உட்³டீ³யேவ வ்ரஜந்தோ வியதி க³திவஶாத³ர்கவாஹா: க்ரியாஸு:
க்ஷேமம் ஹேமாத்³ரிஹ்ருத்³யத்³ருமஶிக²ரஶிர:ஶ்ரேணிஶாகா²ஶுகா வ: ॥ 49 ॥

॥ இத்யஶ்வவர்ணனம் ॥

॥ அத² அருணவர்ணனம் ॥

ப்ராத: ஶைலாக்³ரரங்கே³ ரஜனிஜவனிகாபாயஸம்லக்ஷ்யலக்ஷ்மீ-
ர்விக்ஷிப்தாபூர்வபுஷ்பாஞ்ஜலிமுடு³னிகரம் ஸூத்ரதா⁴ராயமாண: ।
யாமேஷ்வங்கேஷ்விவாஹ்ன: க்ருதருசிஷு சதுர்ஷ்வேவ ஜாதப்ரதிஷ்டா²- வர் யாத: ப்ரதிஷ்டா²ம்
மவ்யாத்ப்ரஸ்தாவயன்வோ ஜக³த³டனமஹானாடிகாம் ஸூர்யஸூத: ॥ 5௦ ॥

ஆக்ராந்த்யா வாஹ்யமானம் பஶுமிவ ஹரிணா வாஹகோக்³ர்யோ ஹரீணாம்
ப்⁴ராம்யந்தம் பக்ஷபாதாஜ்ஜக³தி ஸமருசி: ஸர்வகர்மைகஸாக்ஷீ ।
ஶத்ரும் நேத்ரஶ்ருதீனாமவஜயதி வயோஜ்யேஷ்ட²பா⁴வே ஸமேபி
ஸ்தா²ம்னாம் தா⁴ம்னாம் நிதி⁴ர்ய: ஸ ப⁴வத³க⁴னுதே³ நூதன: ஸ்தாத³னூரு: ॥ 51 ॥

த³த்தார்கை⁴ர்தூ³ரனம்ரைர்வியதி வினயதோ வீக்ஷித: ஸித்³த⁴ஸார்தை²: வர் ஸித்³த⁴ஸாத்⁴யை:
ஸானாத்²யம் ஸாரதி²ர்வ: ஸ த³ஶஶதருசே: ஸாதிரேகம் கரோது ।
ஆபீய ப்ராதரேவ ப்ரததஹிமபய:ஸ்யந்தி³னீரிந்து³பா⁴ஸோ
ய: காஷ்டா²தீ³பனோக்³ரே ஜடி³த இவ ப்⁴ருஶம் ஸேவதே ப்ருஷ்ட²தோர்கம் ॥ 52 ॥

முஞ்சன்ரஶ்மீந்தி³னாதௌ³ தி³னக³மஸமயே ஸம்ஹரம்ஶ்ச ஸ்வதந்த்ர-
ஸ்தோத்ரப்ரக்²யாதவீர்யோவிரதஹரிபதா³க்ராந்திப³த்³தா⁴பி⁴யோக:³ । வர் விதத
காலோத்கர்ஷால்லகு⁴த்வம் ப்ரஸப⁴மதி⁴பதௌ யோஜயன்யோ த்³விஜானாம்
ஸேவாப்ரீதேன பூஷ்ணாத்மஸம இவ க்ருதஸ்த்ராயதாம் ஸோருணோ வ: ॥ 53 ॥ வர் ஸ்வஸம

ஶாத: ஶ்யாமாலதாயா: பரஶுரிவ தமோரண்யவஹ்னேரிவார்சி: வர் தா³ஹே த³வாப:⁴
ப்ராச்யேவாக்³ரே க்³ரஹீதும் க்³ரஹகுமுத³வனம் ப்ராகு³த³ஸ்தோக்³ரஹஸ்த: ।
வர் ப்ராசீவாக்³ரே, க்³ரஹகுமுத³ருசிம்
ஐக்யம் பி⁴ந்த³ந்த்³யுபூ⁴ம்யோரவதி⁴ரிவ விதா⁴தேவ விஶ்வப்ரபோ³தே⁴
வாஹானாம் வோ வினேதா வ்யபனயது விபன்னாம தா⁴மாதி⁴பஸ்ய ॥ 54 ॥

பௌரஸ்த்யஸ்தோயத³ர்தோ: பவன இவ பதத்பாவகஸ்யேவ தூ⁴மோ வர் பதன்
விஶ்வஸ்யேவாதி³ஸர்க:³ ப்ரணவ இவ பரம் பாவனோ வேத³ராஶே:
ஸந்த்⁴யான்ருத்யோத்ஸவேச்சோ²ரிவ மத³னரிபோர்னந்தி³னாந்தீ³னினாத:³
ஸௌரஸ்யாக்³ரே ஸுக²ம் வோ விதரது வினதானந்த³ன: ஸ்யந்த³னஸ்ய ॥ 55 ॥ வர் ஸ்யந்த³னோ வ:

பர்யாப்தம் தப்தசாமீகரகடகதடே ஶ்லிஷ்டஶீதேதராம்ஶா-
வாஸீத³த்ஸ்யந்த³னாஶ்வானுக்ருதிமரகதே பத்³மராகா³யமாண: । வர் அஶ்வானுக்ருதமரகதே
ய: ஸோத்கர்ஷாம் விபூ⁴ஷாம் குருத இவ குலக்ஷ்மாப்⁴ருதீ³ஶஸ்ய மேரோ-
ரேனாம்ஸ்யஹ்னாய தூ³ரம் க³மயது ஸ கு³ரு: காத்³ரவேயத்³விஷோ வ: ॥ 56 ॥

நீத்வாஶ்வான்ஸப்த கக்ஷா இவ நியமவஶம் வேத்ரகல்பப்ரதோத-³ வர் கக்ஷ்யா
ஸ்தூர்ணம் த்⁴வாந்தஸ்ய ராஶாவிதரஜன இவோத்ஸாரிதே தூ³ரபா⁴ஜி ।
பூர்வம் ப்ரஷ்டோ² ரத²ஸ்ய க்ஷிதிப்⁴ருத³தி⁴பதீந்த³ர்ஶயம்ஸ்த்ராயதாம் வ-
ஸ்த்ரைலோக்யாஸ்தா²னதா³னோத்³யததி³வஸபதே: ப்ராக்ப்ரதீஹாரபால: ॥ 57 ॥

வஜ்ரிஞ்ஜாதம் விகாஸீக்ஷணகமலவனம் பா⁴ஸி நாபா⁴ஸி வஹ்னே! வர் நோ பா⁴ஸி
தாதம் நத்வாஶ்வபார்ஶ்வான்னய யம! மஹிஷம் ராக்ஷஸா வீக்ஷிதா: ஸ்த² ।
ஸப்தீன்ஸிஞ்ச ப்ரசேத:! பவன! பஜ⁴ ஜவம் வித்தபாவேதி³தஸ்த்வம்
வந்தே³ ஶர்வேதி ஜல்பன்ப்ரதிதி³ஶமதி⁴பான்பாது பூஷ்ணோக்³ரணீர்வ: ॥ 58 ॥

பாஶானாஶாந்தபாலாத³ருண வருணதோ மா க்³ரஹீ: ப்ரக்³ரஹார்த²ம்
த்ருஷ்ணாம் க்ருஷ்ணஸ்ய சக்ரே ஜஹிஹி நஹி ரதோ² யாதி மே நைகசக்ர: ।
யோக்தும் யுக்³யம் கிமுச்சை:ஶ்ரவஸமபி⁴லஷஸ்யஷ்டமம் வ்ருத்ரஶத்ரோ- வர் த்வாஷ்ட்ரஶத்ரோ:
ஸ்த்யக்தான்யாபேக்ஷவிஶ்வோபக்ருதிரிவ ரவி: ஶாஸ்தி யம் ஸோவதாத்³வ: ॥ 59 ॥

நோ மூர்ச்சா²ச்சி²ன்னவாஞ்ச:² ஶ்ரமவிவஶவபுர்னைவ நாப்யாஸ்யஶோஷீ
பாந்த:² பத்²யேதராணி க்ஷபயது ப⁴வதாம் பா⁴ஸ்வதோக்³ரேஸர: ஸ: ।
ய: ஸம்ஶ்ரித்ய த்ரிலோகீமடதி படுதரைஸ்தாப்யமானோ மயூகை²-
ராராதா³ராமலேகா²மிவ ஹரிதமணிஶ்யாமலாமஶ்வபங்க்திம் ॥ 6௦ ॥ வர் ஹரிதத்ருண

ஸீத³ந்தோந்தர்னிமஜ்ஜஜ்ஜட³கு²ரமுஸலா: ஸைகதே நாகனத்³யா:
ஸ்கந்த³ந்த: கந்த³ராலீ: கனகஶிக²ரிணோ மேக²லாஸு ஸ்க²லந்த: ।
தூ³ரம் தூ³ர்வாஸ்த²லோத்கா மரகதத்³ருஷதி³ ஸ்தா²ஸ்னவோ யன்ன யாதா:
பூஷ்ணோஶ்வா: பூரயம்ஸ்தைஸ்தத³வது ஜவனைர்ஹுங்க்ருதேனாக்³ரகோ³ வ: ॥ 61 ॥ வர் ப்ரேரயன் ஹுங்க்ருதைரக்³ரணீ:

॥ இத்யருணவர்ணனம் ॥ வர் ஸூதவர்ணனம்

॥ அத² ரத²வர்ணனம் ॥

பீனோர:ப்ரேரிதாப்⁴ரைஶ்சரமகு²ரபுடாக்³ரஸ்தி²தை: ப்ராதரத்³ரா-
வாதீ³ர்கா⁴ங்கை³ருத³ஸ்தோ ஹரிபி⁴ரபக³தாஸங்க³னி:ஶப்³த³சக்ர: ।
உத்தானானூருமூர்தா⁴வனதிஹட²ப⁴வத்³விப்ரதீபப்ரணாம:
ப்ராஹ்ணே ஶ்ரேயோ வித⁴த்தாம் ஸவிதுரவதரன்வ்யோமவீதீ²ம் ரதோ² வ: ॥ 62 ॥ வர் ப்ரேயோ

த்⁴வாந்தௌக⁴த்⁴வம்ஸதீ³க்ஷாவிதி⁴படு வஹதா ப்ராக்ஸஹஸ்ரம் கராணா- வர் விதி⁴கு³ரு த்³ராக்ஸஹஸ்ரம்
மர்யம்ணா யோ க³ரிம்ண: பத³மதுலமுபானீயதாத்⁴யாஸனேன ।
ஸ ஶ்ராந்தானாம் நிதாந்தம் ப⁴ரமிவ மருதாமக்ஷமாணாம் விஸோடு⁴ம்
ஸ்கந்தா⁴த்ஸ்கந்த⁴ம் வ்ரஜன்வோ வ்ருஜினவிஜிதயே பா⁴ஸ்வத: ஸ்யந்த³னோஸ்து ॥ 63 ॥

யோக்த்ரீபூ⁴தான்யுக³ஸ்ய க்³ரஸிதுமிவ புரோ த³ந்த³ஶூகாந்த³தா⁴னோ
த்³வேதா⁴வ்யஸ்தாம்பு³வாஹாவலிவிஹிதப்³ருஹத்பக்ஷவிக்ஷேபஶோப:⁴ ।
ஸாவித்ர: ஸ்யந்த³னோஸௌ நிரதிஶயரயப்ரீணிதானூருரேன:-
க்ஷேபீயோ வோ க³ருத்மானிவ ஹரது ஹரீச்சா²விதே⁴யப்ரசார: ॥ 64 ॥

ஏகாஹேனைவ தீ³ர்கா⁴ம் த்ரிபு⁴வனபத³வீம் லங்க⁴யன் யோ லகி⁴ஷ்ட:² வர் க்ருஸ்த்னாம்
ப்ருஷ்டே² மேரோர்க³ரீயான் த³லிதமணித்³ருஷத்த்விம்ஷி பிம்ஷஞ்ஶிராம்ஸி ।
ஸர்வஸ்யைவோபரிஷ்டாத³த² ச புனரத⁴ஸ்தாதி³வாஸ்தாத்³ரிமூர்ந்தி⁴
ப்³ரத்⁴னஸ்யாவ்யாத்ஸ ஏவம் து³ரதி⁴க³மபரிஸ்பந்த³ன: ஸ்யந்த³னோ வ: ॥ 65 ॥

தூ⁴ர்த்⁴வஸ்தாக்³ர்யக்³ரஹாணி த்⁴வஜபடபவனாந்தோ³லிதேந்தூ³னி தூ³ரம் வர் தூ³ராத்
ராஹௌ க்³ராஸாபி⁴லாஷாத³னுஸரதி புனர்த³த்தசக்ரவ்யதா²னி ।
ஶ்ராந்தாஶ்வஶ்வாஸஹேலாது⁴தவிபு³த⁴து⁴னீனிர்ஜ²ராம்பா⁴ம்ஸி ப⁴த்³ரம்
தே³யாஸுர்வோ த³வீயோ தி³வி தி³வஸபதே: ஸ்யந்த³னப்ரஸ்தி²தானி ॥ 66 ॥

அக்ஷே ரக்ஷாம் நிப³த்⁴ய ப்ரதிஸரவலயைர்யோஜயந்த்யோ யுகா³க்³ரம்
தூ⁴:ஸ்தம்பே⁴ த³க்³த⁴தூ⁴பா: ப்ரஹிதஸுமனஸோ கோ³சரே கூப³ரஸ்ய ।
சர்சாஶ்சக்ரே சரந்த்யோ மலயஜபயஸா ஸித்³த⁴வத்⁴வஸ்த்ரிஸந்த்⁴யம் வர் சர்சாம்
வந்த³ந்தே யம் த்³யுமார்கே³ ஸ நுத³து து³ரிதான்யம்ஶுமத்ஸ்யந்த³னோ வ: ॥ 67 ॥

உத்கீர்ணஸ்வர்ணரேணுத்³ருதகு²ரத³லிதா பார்ஶ்வயோ: ஶஶ்வத³ஶ்வை- வர் ரேணுர்த்³ருத
ரஶ்ராந்தப்⁴ராந்தசக்ரக்ரமனிகி²லமிலன்னேமினிம்னா ப⁴ரேண ।
மேரோர்மூர்த⁴ன்யக⁴ம் வோ விக⁴டயது ரவேரேகவீதீ² ரத²ஸ்ய
ஸ்வோஷ்மோத³க்தாம்பு³ரிக்தப்ரகடிதபுலினோத்³தூ⁴ஸரா ஸ்வர்து⁴னீவ ॥ 68 ॥ வர் ஸ்வோஷ்மோத³ஸ்தாம்பு³

நந்தும் நாகாலயானாமனிஶமனுயதாம் பத்³த⁴தி: பங்க்திரேவ வர் உபயதாம்
க்ஷோதோ³ நக்ஷத்ரராஶேரத³யரயமிலச்சக்ரபிஷ்டஸ்ய தூ⁴லி: ।
ஹேஷஹ்லாதோ³ ஹரீணாம் ஸுரஶிக²ரித³ரீ: பூரயன்னேமினாதோ³ வர் நாதோ³
யஸ்யாவ்யாத்தீவ்ரபா⁴னோ: ஸ தி³வி பு⁴வி யதா² வ்யக்தசிஹ்னோ ரதோ² வ: ॥ 69 ॥

நி:ஸ்பந்தா³னாம் விமானாவலிவிதததி³வாம் தே³வவ்ருந்தா³ரகாணாம் வர் வலிததி³ஶா
வ்ருந்தை³ரானந்த³ஸாந்த்³ரோத்³யமமபி வஹதாம் விந்த³தாம் வந்தி³தும் நோ ।
மந்தா³கின்யாமமந்த:³ புலினப்⁴ருதி ம்ருது³ர்மந்த³ரே மந்தி³ராபே⁴ வர் மந்த³ராபே⁴
மந்தா³ரைர்மண்டி³தாரம் த³த⁴த³ரி தி³னக்ருத்ஸ்யந்த³ன: ஸ்தான்முதே³ வ: ॥ 7௦ ॥

சக்ரீ சக்ராரபங்க்திம் ஹரிரபி ச ஹரீன் தூ⁴ர்ஜடிர்தூ⁴ர்த்⁴வஜாந்தா-
நக்ஷம் நக்ஷத்ரனாதோ²ருணமபி வருண: கூப³ராக்³ரம் குபே³ர: ।
ரம்ஹ: ஸங்க:⁴ ஸுராணாம் ஜக³து³பக்ருதயே நித்யயுக்தஸ்ய யஸ்ய
ஸ்தௌதி ப்ரீதிப்ரஸன்னோன்வஹமஹிமருசே: ஸோவதாத்ஸ்யந்த³னோ வ: ॥ 71 ॥ வர் ருச

நேத்ராஹீனேன மூலே விஹிதபரிகர: ஸித்³த⁴ஸாத்⁴யைர்மருத்³பி⁴:
பாதோ³பாந்தே ஸ்துதோலம் ப³லிஹரிரப⁴ஸாகர்ஷணாப³த்³த⁴வேக:³ ।
ப்⁴ராம்யன்வ்யோமாம்பு³ராஶாவஶிஶிரகிரணஸ்யந்த³ன: ஸந்ததம் வோ
தி³ஶ்யால்லக்ஷ்மீமபாராமதுலிதமஹிமேவாபரோ மந்த³ராத்³ரி: ॥ 72 ॥ வர் அதுல்யாம்

॥ இதி ரத²வர்ணனம் ॥

॥ அத² மண்ட³லவர்ணனம் ॥

யஜ்ஜ்யாயோ பீ³ஜமஹ்னாமபஹததிமிரம் சக்ஷுஷாமஞ்ஜனம் ய- வர் ஜ்யாயோ யத்³பீ³ஜமஹ்னாமபஹ்ருத
த்³த்³வாரம் யன்முக்திபா⁴ஜாம் யத³கி²லபு⁴வனஜ்யோதிஷாமேகமோக: ।
யத்³வ்ருஷ்ட்யம்போ⁴னிதா⁴னம் த⁴ரணிரஸஸுதா⁴பானபாத்ரம் மஹத்³ய-
த்³தி³ஶ்யாதீ³ஶஸ்ய பா⁴ஸாம் தத³தீ⁴கலமலம் மங்க³லம் மண்ட³லம் வ: ॥ 73 ॥ வர் தே³வஸ்ய
பா⁴னோ: தத³தி⁴கமமலம் மண்ட³லம் மங்க³லம்

வேலாவர்தி⁴ஷ்ணு ஸிந்தோ⁴: பய இவ க²மிவார்தோ⁴த்³க³தாக்³ய்ரக்³ரஹோடு³
ஸ்தோகோத்³பி⁴ன்னஸ்வசிஹ்னப்ரஸவமிவ மதோ⁴ராஸ்யமஸ்யன்மனாம்ஸி । வர் மஹாம்ஸி
ப்ராத: பூஷ்ணோஶுபா⁴னி ப்ரஶமயது ஶிர:ஶேக²ரீபூ⁴தமத்³ரே:
பௌரஸ்த்யஸ்யோத்³க³ப⁴ஸ்திஸ்திமிததமதம:க²ண்ட³னம் மண்ட³லம் வ: ॥ 74 ॥

ப்ரத்யுப்தஸ்தப்தஹேமோஜ்ஜ்வலருசிரசல: பத்³மராகே³ண யேன
ஜ்யாய: கிஞ்ஜல்கபுஞ்ஜோ யத³லிகுலஶிதேரம்ப³ரேந்தீ³வரஸ்ய ।
காலவ்யாலஸ்ய சிஹ்னம் மஹிததமமஹோமூர்ந்தி⁴ ரத்னம் மஹத்³ய-
த்³தீ³ப்தாம்ஶோ: ப்ராதரவ்யாத்தத³விகலஜக³ன்மண்ட³னம் மண்ட³லம் வ: ॥ 75 ॥

கஸ்த்ராதா தாரகாணாம் பததி தனுரவஶ்யாயபி³ந்து³ர்யதே²ந்து³-
ர்வித்³ராணா த்³ருக்ஸ்மராரேருரஸி முரரிபோ: கௌஸ்துபோ⁴ நோத்³க³ப⁴ஸ்தி: ।
வஹ்னே: ஸாபஹ்னவேவ த்³யுதிருத³யக³தே யத்ர தன்மண்ட³லம் வோ
மார்தண்டீ³யம் புனீதாத்³தி³வி பு⁴வி ச தமாம்ஸீவ ம்ருஷ்ணன்மஹாம்ஸி ॥ 76 ॥

யத்ப்ராச்யாம் ப்ராக்சகாஸ்தி ப்ரப⁴வதி ச யத: ப்ராச்யஸாவுஜ்ஜிஹானா-
தி³த்³த⁴ம் மத்⁴யே யத³ஹ்னோ ப⁴வதி ததருசா யேன சோத்பாத்³யதேஹ: ।
யத்பர்யாயேண லோகானவதி ச ஜக³தாம் ஜீவிதம் யச்ச தத்³வோ
விஶ்வானுக்³ராஹி விஶ்வம் ஸ்ருஜத³பி ச ரவேர்மண்ட³லம் முக்தயேஸ்து ॥ 77 ॥

ஶுஷ்யந்த்யூடா⁴னுகாரா மகரவஸதயோ மாரவீணாம் ஸ்த²லீனாம்
யேனோத்தப்தா: ஸ்பு²டந்தஸ்தடி³தி திலதுலாம் யாந்த்யகே³ந்த்³ரா யுகா³ந்தே । வர் சடிதி
தச்சண்டா³ம்ஶோரகாண்ட³த்ரிபு⁴வனத³ஹனாஶங்கயா தா⁴ம க்ருச்சா²த் வர் க்ருத்ஸ்னம்
ஸம்ஹ்ருத்யாலோகமாத்ரம் ப்ரலகு⁴ வித³த⁴த: ஸ்தான்முதே³ மண்ட³லம் வ: ॥ 78 ॥ வர் ஆஹ்ருத்யாலோகமாத்ரம் ப்ரதனு

உத்³யத்³த்³யூத்³யானவாப்யாம் ப³ஹுலதமதம:பங்கபூரம் விதா³ர்ய வர் ப³ஹல
ப்ரோத்³பி⁴ன்னம் பத்ரபார்ஶ்வேஷ்வவிரலமருணச்சா²யயா விஸ்பு²ரந்த்யா ।
கல்யாணானி க்ரியாத்³வ: கமலமிவ மஹன்மண்ட³லம் சண்ட³பா⁴னோ- வர் சண்ட³ரஶ்மே:
ரன்வீதம் த்ருப்திஹேதோரஸக்ருத³லிகுலாகாரிணா ராஹுணா யத் ॥ 79 ॥

சக்ஷுர்த³க்ஷத்³விஷோ யன்ன து த³ஹதி புர: பூரயத்யேவ காமம் வர் ந த³ஹதி நிதராம் புன:
நாஸ்தம் ஜுஷ்டம் மருத்³பி⁴ர்யதி³ஹ நியமினாம் யானபாத்ரம் ப⁴வாப்³தௌ⁴ ।
யத்³வீதஶ்ராந்தி ஶஶ்வத்³ப்⁴ரமத³பி ஜக³தாம் ப்⁴ராந்திமப்⁴ராந்தி ஹந்தி
ப்³ரத்⁴னஸ்யாக்²யாத்³விருத்³த⁴க்ரியமத² ச ஹிதாதா⁴யி தன்மண்ட³லம் வ: ॥ 8௦ ॥

॥ இதி மண்ட³லவர்ணனம் ॥

॥ அத² ஸூர்யவர்ணனம் ।

ஸித்³தை⁴: ஸித்³தா⁴ந்தமிஶ்ரம் ஶ்ரிதவிதி⁴ விபு³தை⁴ஶ்சாரணைஶ்சாடுக³ர்ப⁴ம்
கீ³த்யா க³ந்த⁴ர்வமுக்²யைர்முஹுரஹிபதிபி⁴ர்யாதுதா⁴னைர்யதாத்ம ।
ஸார்த⁴ம் ஸாத்⁴யைர்முனீந்த்³ரைர்முதி³தமதமனோ மோக்ஷிபி⁴: பக்ஷபாதா- வர் மோக்ஷுபி⁴:
த்ப்ராத: ப்ராரப்⁴யமாணஸ்துதிரவது ரவிர்விஶ்வவந்த்³யோத³யோ வ: ॥ 81 ॥

பா⁴ஸாமாஸன்னபா⁴வாத³தி⁴கதரபடோஶ்சக்ரவாலஸ்ய தாபா-
ச்சே²தா³த³ச்சி²ன்னக³ச்ச²த்துரக³கு²ரபுடன்யாஸனி:ஶங்கடங்கை: । வர் ந்யஸ்த
நி:ஸங்க³ஸ்யந்த³னாங்க³ப்⁴ரமணனிகஷணாத்பாது வஸ்த்ரிப்ரகாரம் வர் த்ரிப்ரகாரை:
தப்தாம்ஶுஸ்தத்பரீக்ஷாபர இவ பரித: பர்யடன்ஹாடகாத்³ரிம் ॥ 82 ॥

நோ ஶுஷ்கம் நாகனத்³யா விகஸிதகனகாம்போ⁴ஜயா ப்⁴ராஜிதம் து வர் கனகாம்போ⁴ருஹா
ப்லுஷ்டா நைவோபபோ⁴க்³யா ப⁴வதி ப்⁴ருஶதரம் நந்த³னோத்³யானலக்ஷ்மீ: ।
நோ ஶ்ருங்கா³ணி த்³ருதானி த்³ருதமமரகி³ரே: காலதௌ⁴தானி தௌ⁴தா-
நீத்³த⁴ம் தா⁴ம த்³யுமார்கே³ ம்ரத³யதி த³யயா யத்ர ஸோர்கோவதாத்³வ: ॥ 83 ॥

த்⁴வாந்தஸ்யைவாந்தஹேதுர்ன ப⁴வதி மலினைகாத்மன: பாப்மனோபி
ப்ராக்பாதோ³பாந்தபா⁴ஜாம் ஜனயதி ந பரம் பங்கஜானாம் ப்ரபோ³த⁴ம் ।
கர்தா நி:ஶ்ரேயஸானாமபி ந து க²லு ய: கேவலம் வாஸராணாம்
ஸோவ்யாதே³கோத்³யமேச்சா²விஹிதப³ஹுப்³ருஹத்³விஶ்வகார்யோர்யமா வ: ॥ 84 ॥

லோட஁ல்லோஷ்டாவிசேஷ்ட: ஶ்ரிதஶயனதலோ நி:ஸஹீபூ⁴ததே³ஹ:
ஸந்தே³ஹீ ப்ராணிதவ்யே ஸபதி³ த³ஶ தி³ஶ: ப்ரேக்ஷமாணோந்த⁴காரா: ।
நி:ஶ்வாஸாயாஸனிஷ்ட:² பரமபரவஶோ ஜாயதே ஜீவலோக: வர் சிரதரவஶோ
ஶோகேனேவான்யலோகானுத³யக்ருதி க³தே யத்ர ஸோர்கோவதாத்³வ: ॥ 85 ॥ வர் லோகாப்⁴யுத³ய

க்ராம஁ல்லோலோபி லோகா஁ஸ்தது³பக்ருதிக்ருதாவாஶ்ரித: ஸ்தை²ர்யகோடிம்
ந்ரூணாம் த்³ருஷ்டிம் விஜிஹ்மாம் வித³த⁴த³பி கரோத்யந்தரத்யந்தப⁴த்³ராம் ।
யஸ்தாபஸ்யாபி ஹேதுர்ப⁴வதி நியமினாமேகனிர்வாணதா³யீ
பூ⁴யாத்ஸ ப்ராக³வஸ்தா²தி⁴கதரபரிணாமோத³யோர்க: ஶ்ரியே வ: ॥ 86 ॥

வ்யாபன்னர்துர்ன காலோ வ்யபி⁴சரதி ப²லம் நௌஷதீ⁴ர்வ்ருஷ்டிரிஷ்டா
நைஷ்டைஸ்த்ருப்யந்தி தே³வா ந ஹி வஹதி மருன்னிர்மலாபா⁴னி பா⁴னி ।
ஆஶா: ஶாந்தா ந பி⁴ந்த³ந்த்யவதி⁴முத³த⁴யோ பி³ப்⁴ரதி க்ஷ்மாப்⁴ருத: க்ஷ்மாம்
யஸ்மிம்ஸ்த்ரைலோக்யமேவம் ந சலதி தபதி ஸ்தாத்ஸ ஸூர்ய: ஶ்ரியே வ: ॥ 87 ॥

கைலாஸே க்ருத்திவாஸா விஹரதி விரஹத்ராஸதே³ஹோட⁴காந்த:
ஶ்ராந்த: ஶேதே மஹாஹாவதி⁴ஜலதி⁴ வினா ச²த்³மனா பத்³மனாப:⁴ ।
யோகோ³த்³யோகை³கதானோ க³மயதி ஸகலம் வாஸரம் ஸ்வம் ஸ்வயம்பூ⁴-
ர்பூ⁴ரித்ரைலோக்யாசிந்தாப்⁴ருதி பு⁴வனவிபௌ⁴ யத்ர பா⁴ஸ்வான்ஸ வோவ்யாத் ॥ 88 ॥

ஏதத்³யன்மண்ட³லம் கே² தபதி தி³னக்ருதஸ்தா ருசோர்சீம்ஷி யானி
த்³யோதந்தே தானி ஸாமான்யயமபி புருஷோ மண்ட³லேணுர்யஜூம்ஷி ।
ஏவம் யம் வேத³ வேத³த்ரிதயமயமயம் வேத³வேதீ³ ஸமக்³ரோ
வர்க:³ ஸ்வர்கா³பவர்க³ப்ரக்ருதிரவிக்ருதி: ஸோஸ்து ஸூர்ய: ஶ்ரியே வ: ॥ 89 ॥

நாகௌக:ப்ரத்யனீகக்ஷதிபடுமஹஸாம் வாஸவாக்³ரேஸராணாம்
ஸர்வேஷாம் ஸாது⁴ பாதாம் ஜக³தி³த³மதி³தேராத்மஜத்வே ஸமேபி ।
யேனாதி³த்யாபி⁴தா⁴னம் நிரதிஶயகு³ணைராத்மனி ந்யஸ்தமஸ்து வர் கு³ணேனாத்மனி
ஸ்துத்யஸ்த்ரைலோக்யவந்த்³யைஸ்த்ரித³ஶமுனிக³ணை: ஸோம்ஶுமான் ஶ்ரேயஸே வ: ॥ 9௦ ॥

பூ⁴மிம் தா⁴ம்னோபி⁴வ்ருஷ்ட்யா ஜக³தி ஜலமயீம் பாவனீம் ஸம்ஸ்ம்ருதாவ- வர் தா⁴ம்னோத²
ப்யாக்³னேயீம் தா³ஹஶக்த்யா முஹுரபி யஜமானாம் யதா²ப்ரார்தி²தார்தை²: । வர் யஜமானாத்மிகாம்
லீனாமாகாஶ ஏவாம்ருதகரக⁴டிதாம் த்⁴வாந்தபக்ஷஸ்ய பர்வ-
ண்வேவம் ஸூர்யோஷ்டபே⁴தா³ம் ப⁴வ இவ ப⁴வத: பாது பி³ப்⁴ரத்ஸ்வமூர்திம் ॥ 91 ॥

ப்ராக்காலோன்னித்³ரபத்³மாகரபரிமலனாவிர்ப⁴வத்பாத³ஶோபோ⁴
ப⁴க்த்யா த்யக்தோருகே²தோ³த்³க³தி தி³வி வினதாஸூனுனா நீயமான: ।
ஸப்தாஶ்வாப்தாபராந்தான்யதி⁴கமத⁴ரயன்யோ ஜக³ந்தி ஸ்துதோலம்
தே³வைர்தே³வ: ஸ பாயாத³பர இவ முராராதிரஹ்னாம் பதிர்வ: ॥ 92 ॥

ய: ஸ்ரஷ்டாபாம் புரஸ்தாத³சலவரஸமப்⁴யுன்னதேர்ஹேதுரேகோ
லோகானாம் யஸ்த்ரயாணாம் ஸ்தி²த உபரி பரம் து³ர்விலங்க்⁴யேன தா⁴ம்னா । வர் ச த்ரயாணாம்
ஸத்³ய: ஸித்³த்⁴யை ப்ரஸன்னத்³யுதிஶுப⁴சதுராஶாமுக:² ஸ்தாத்³விப⁴க்தோ வர் ஶுசி
த்³வேதா⁴ வேதா⁴ இவாவிஷ்க்ருதகமலருசி: ஸோர்சிஷாமாகரோ வ: ॥ 93 ॥

ஸாத்³ரித்³யூர்வீனதீ³ஶா தி³ஶதி த³ஶ தி³ஶோ த³ர்ஶயன்ப்ராக்³த்³ருஶோ ய: வர் த்³ராக் த்³ருஶோ
ஸாத்³ருஶ்யம் த்³ருஶ்யதே நோ ஸத³ஶஶதத்³ருஶி த்ரைத³ஶே யஸ்ய தே³ஶே ।
தீ³ப்தாம்ஶுர்வ: ஸ தி³ஶ்யாத³ஶிவயுக³த³ஶாத³ர்ஶிதத்³வாத³ஶாத்மா
ஶம் ஶாஸ்த்யஶ்வாம்ஶ்ச யஸ்யாஶயவித³திஶயாத்³த³ந்த³ஶூகாஶனாத்³ய: ॥ 94 ॥

தீர்தா²னி வ்யர்த²கானி ஹ்ருத³னத³ஸரஸீனிர்ஜ²ராம்போ⁴ஜினீனாம்
நோத³ன்வந்தோ நுத³ந்தி ப்ரதிப⁴யமஶுப⁴ஶ்வப்⁴ரபாதானுப³ந்தி⁴ ।
ஆபோ நாகாபகா³யா அபி கலுஷமுஷோ மஜ்ஜதாம் நைவ யத்ர வர் ஸ்வர்கா³பகா³யா:
த்ராதும் யாதேன்யலோகான் ஸ தி³ஶது தி³வஸஸ்யைகஹேதுர்ஹிதம் வ: ॥ 95 ॥ வர் லோகம்

ஏதத்பாதாலபங்கப்லுதமிவ தமஸைவைகமுத்³கா³ட⁴மாஸீ-
த³ப்ரஜ்ஞாதாப்ரதர்க்யம் நிரவக³தி ததா²லக்ஷணம் ஸுப்தமந்த: ।
யாத்³ருக்ஸ்ருஷ்டே: புரஸ்தான்னிஶி நிஶி ஸகலம் ஜாயதே தாத்³ருகே³வ
த்ரைலோக்யம் யத்³வியோகா³த³வது ரவிரஸௌ ஸர்க³துல்யோத³யோ வ: ॥ 96 ॥

த்³வீபே யோஸ்தாசலோஸ்மின்ப⁴வதி க²லு ஸ ஏவாபரத்ரோத³யாத்³ரி-
ர்யா யாமின்யுஜ்ஜ்வலேந்து³த்³யுதிரிஹ தி³வஸோன்யத்ர தீவ்ராதப: ஸா ।
யத்³வஶ்யௌ தே³ஶகாலாவிதி நியமயதோ நோ து யம் தே³ஶகாலா- வர் நு
வவ்யாத்ஸ ஸ்வப்ரபு⁴த்வாஹிதபு⁴வனஹிதோ ஹேதுரஹ்னாமினோ வ: ॥ 97 ॥

வ்யக்³ரைரக்³ர்யக்³ரஹேந்து³க்³ரஸனகு³ரு ப⁴ரைர்னோ ஸமக்³ரைருத³க்³ரை: வர் கு³ருதரை:
ப்ரத்யக்³ரைரீஷது³க்³ரைருத³யகி³ரிக³தோ கோ³க³ணைர்கௌ³ரயன் கா³ம் ।
உத்³கா³டா⁴ர்சிர்விலீனாமரனக³ரனக³க்³ராவக³ர்பா⁴மிவாஹ்னா-
மக்³ரே ஶ்ரேயோ வித⁴த்தே க்³லபயது க³ஹனம் ஸ க்³ரஹக்³ராமணீர்வ: ॥ 98 ॥

யோனி: ஸாம்னாம் விதா⁴தா மது⁴ரிபுரஜிதோ தூ⁴ர்ஜடி: ஶங்கரோஸௌ
ம்ருத்யு: காலோலகாயா: பதிரபி த⁴னத:³ பாவகோ ஜாதவேதா³: ।
இத்த²ம் ஸஞ்ஜ்ஞா ட³வித்தா²தி³வத³ம்ருதபு⁴ஜாம் யா யத்³ருச்சா²ப்ரவ்ருத்தா-
ஸ்தாஸாமேகோபி⁴தே⁴யஸ்தத³னுகு³ணகு³ணைர்ய: ஸ ஸூர்யோவதாத்³வ: ॥ 99 ॥ வர் க³ணை:

தே³வ: கிம் பா³ந்த⁴வ: ஸ்யாத்ப்ரியஸுஹ்ருத³த²வாசார்ய ஆஹோஸ்வித³ர்யோ வர் ஆர்ய:
ரக்ஷா சக்ஷுர்னு தீ³போ கு³ருருத ஜனகோ ஜீவிதம் பீ³ஜமோஜ: ।
ஏவம் நிர்ணீயதே ய: க இவ ந ஜக³தாம் ஸர்வதா² ஸர்வதா³ஸௌ வர் ஸர்வதா³:
ஸர்வாகாரோபகாரீ தி³ஶது த³ஶஶதாபீ⁴ஷுரப்⁴யர்தி²தம் வ: ॥ 1௦௦ ॥

ஶ்லோகா லோகஸ்ய பூ⁴த்யை ஶதமிதி ரசிதா: ஶ்ரீமயூரேண ப⁴க்த்யா
யுக்தஶ்சைதான்படே²த்³ய: ஸக்ருத³பி புருஷ: ஸர்வபாபைர்விமுக்த: ।
ஆரோக்³யம் ஸத்கவித்வம் மதிமதுலப³லம் காந்திமாயு:ப்ரகர்ஷம்
வித்³யாமைஶ்வர்யமர்த²ம் ஸுதமபி லப⁴தே ஸோத்ர ஸூர்யப்ரஸாதா³த் ॥ 1௦1 ॥

இதி ஶ்ரீமயூரகவிப்ரணீதம் ஸூர்யஶதகம் ஸமாப்தம் ।