ஶ்ரீ ஸத்யனாராயண ஸ்வாமி வ்ரத கதா²

॥ ஶ்ரீ க³ணேஶாய நம: ॥
॥ ஶ்ரீபரமாத்மனே நம: ॥
அத² கதா² ப்ராரம்ப:⁴ ।

அத² ப்ரத²மோத்⁴யாய:

ஶ்ரீவ்யாஸ உவாச ।
ஏகதா³ நைமிஷாரண்யே ருஷய: ஶௌனகாத³ய: ।
பப்ரச்சு²ர்முனய: ஸர்வே ஸூதம் பௌராணிகம் க²லு ॥ 1॥

ருஷய ஊசு: ।
வ்ரதேன தபஸா கிம் வா ப்ராப்யதே வாஞ்சி²தம் ப²லம் ।
தத்ஸர்வம் ஶ்ரோதுமிச்சா²ம: கத²யஸ்வ மஹாமுனே ॥ 2॥

ஸூத உவாச ।
நாரதே³னைவ ஸம்ப்ருஷ்டோ ப⁴க³வான் கமலாபதி: ।
ஸுரர்​ஷயே யதை²வாஹ தச்ச்²ருணுத்⁴வம் ஸமாஹிதா: ॥ 3॥

ஏகதா³ நாரதோ³ யோகீ³ பரானுக்³ரஹகாங்க்ஷயா ।
பர்யடன் விவிதா⁴ன் லோகான் மர்த்யலோகமுபாக³த: ॥ 4॥

ததோத்³ருஷ்ட்வா ஜனான்ஸர்வான் நானாக்லேஶஸமன்விதான் ।
நானாயோனிஸமுத்பன்னான் க்லிஶ்யமானான் ஸ்வகர்மபி⁴: ॥ 5॥

கேனோபாயேன சைதேஷாம் து³:க²னாஶோ ப⁴வேத்³ த்⁴ருவம் ।
இதி ஸஞ்சிந்த்ய மனஸா விஷ்ணுலோகம் க³தஸ்ததா³ ॥ 6॥

தத்ர நாராயணம் தே³வம் ஶுக்லவர்ணம் சதுர்பு⁴ஜம் ।
ஶங்க-²சக்ர-க³தா³-பத்³ம-வனமாலா-விபூ⁴ஷிதம் ॥ 7॥

த்³ருஷ்ட்வா தம் தே³வதே³வேஶம் ஸ்தோதும் ஸமுபசக்ரமே ।
நாரத³ உவாச ।
நமோ வாங்க³மனஸாதீதரூபாயானந்தஶக்தயே ।
ஆதி³மத்⁴யாந்தஹீனாய நிர்கு³ணாய கு³ணாத்மனே ॥ 8॥

ஸர்வேஷாமாதி³பூ⁴தாய ப⁴க்தானாமார்தினாஶினே ।
ஶ்ருத்வா ஸ்தோத்ரம் ததோ விஷ்ணுர்னாரத³ம் ப்ரத்யபா⁴ஷத ॥ 9॥

ஶ்ரீப⁴க³வானுவாச ।
கிமர்த²மாக³தோஸி த்வம் கிம் தே மனஸி வர்ததே ।
கத²யஸ்வ மஹாபா⁴க³ தத்ஸர்வம் கதா²யாமி தே ॥ 1௦॥

நாரத³ உவாச ।
மர்த்யலோகே ஜனா: ஸர்வே நானாக்லேஶஸமன்விதா: ।
நனாயோனிஸமுத்பன்னா: பச்யந்தே பாபகர்மபி⁴: ॥ 11॥

தத்கத²ம் ஶமயேன்னாத² லகூ⁴பாயேன தத்³வத³ ।
ஶ்ரோதுமிச்சா²மி தத்ஸர்வம் க்ருபாஸ்தி யதி³ தே மயி ॥ 12॥

ஶ்ரீப⁴க³வானுவாச ।
ஸாது⁴ ப்ருஷ்டம் த்வயா வத்ஸ லோகானுக்³ரஹகாங்க்ஷயா ।
யத்க்ருத்வா முச்யதே மோஹத் தச்ச்²ருணுஷ்வ வதா³மி தே ॥ 13॥

வ்ரதமஸ்தி மஹத்புண்யம் ஸ்வர்கே³ மர்த்யே ச து³ர்லப⁴ம் ।
தவ ஸ்னேஹான்மயா வத்ஸ ப்ரகாஶ: க்ரியதேது⁴னா ॥ 14॥

ஸத்யனாராயணஸ்யைவ வ்ரதம் ஸம்யக்³விதா⁴னத: । (ஸத்யனாராயணஸ்யைவம்)
க்ருத்வா ஸத்³ய: ஸுக²ம் பு⁴க்த்வா பரத்ர மோக்ஷமாப்னுயாத் ।
தச்ச்²ருத்வா ப⁴க³வத்³வாக்யம் நாரதோ³ முனிரப்³ரவீத் ॥ 15॥

நாரத³ உவாச ।
கிம் ப²லம் கிம் விதா⁴னம் ச க்ருதம் கேனைவ தத்³ வ்ரதம் ।
தத்ஸர்வம் விஸ்தராத்³ ப்³ரூஹி கதா³ கார்யம் வ்ரதம் ப்ரபோ⁴ ॥ 16॥ (கார்யம்ஹிதத்³வ்ரதம்)

ஶ்ரீப⁴க³வானுவாச ।
து³:க²ஶோகாதி³ஶமனம் த⁴னதா⁴ன்யப்ரவர்த⁴னம் ॥ 17॥

ஸௌபா⁴க்³யஸந்ததிகரம் ஸர்வத்ர விஜயப்ரத³ம் ।
யஸ்மின் கஸ்மின் தி³னே மர்த்யோ ப⁴க்திஶ்ரத்³தா⁴ஸமன்வித: ॥ 18॥

ஸத்யனாராயணம் தே³வம் யஜேச்சைவ நிஶாமுகே² ।
ப்³ராஹ்மணைர்பா³ந்த⁴வைஶ்சைவ ஸஹிதோ த⁴ர்மதத்பர: ॥ 19॥

நைவேத்³யம் ப⁴க்திதோ த³த்³யாத் ஸபாத³ம் ப⁴க்ஷ்யமுத்தமம் ।
ரம்பா⁴ப²லம் க்⁴ருதம் க்ஷீரம் கோ³தூ⁴மஸ்ய ச சூர்ணகம் ॥ 2௦॥

அபா⁴வே ஶாலிசூர்ணம் வா ஶர்கரா வா கு³ட³ஸ்ததா² ।
ஸபாத³ம் ஸர்வப⁴க்ஷ்யாணி சைகீக்ருத்ய நிவேத³யேத் ॥ 21॥

விப்ராய த³க்ஷிணாம் த³த்³யாத் கதா²ம் ஶ்ருத்வா ஜனை: ஸஹ ।
ததஶ்ச ப³ந்து⁴பி⁴: ஸார்த⁴ம் விப்ராம்ஶ்ச ப்ரதிபோ⁴ஜயேத் ॥ 22॥

ப்ரஸாத³ம் ப⁴க்ஷயேத்³ ப⁴க்த்யா ந்ருத்யகீ³தாதி³கம் சரேத் ।
ததஶ்ச ஸ்வக்³ருஹம் க³ச்சே²த் ஸத்யனாராயணம் ஸ்மரன்ன் ॥ 23॥

ஏவம் க்ருதே மனுஷ்யாணாம் வாஞ்சா²ஸித்³தி⁴ர்ப⁴வேத்³ த்⁴ருவம் ।
விஶேஷத: கலியுகே³ லகூ⁴பாயோஸ்தி பூ⁴தலே ॥ 24॥ (லகூ⁴பாயோஸ்தி)

॥ இதி ஶ்ரீஸ்காந்த³புராணே ரேவாக²ண்டே³ ஶ்ரீஸத்யனாராயண வ்ரதகதா²யாம் ப்ரத²மோத்⁴யாய: ॥ 1 ॥

அத² த்³விதீயோத்⁴யாய:

ஸூத உவாச ।
அதா²ன்யத் ஸம்ப்ரவக்ஷ்யாமி க்ருதம் யேன புரா த்³விஜா: ।
கஶ்சித் காஶீபுரே ரம்யே ஹ்யாஸீத்³விப்ரோதினிர்த⁴ன: ॥ 1॥ (ஹ்யாஸீத்³விப்ரோதினிர்த⁴ன:)

க்ஷுத்த்ருட்³ப்⁴யாம் வ்யாகுலோபூ⁴த்வா நித்யம் ப³ப்⁴ராம பூ⁴தலே ।
து³:கி²தம் ப்³ராஹ்மணம் த்³ருஷ்ட்வா ப⁴க³வான் ப்³ராஹ்மணப்ரிய: ॥ 2॥

வ்ருத்³த⁴ப்³ராஹ்மண ரூபஸ்தம் பப்ரச்ச² த்³விஜமாத³ராத் ।
கிமர்த²ம் ப்⁴ரமஸே விப்ர மஹீம் நித்யம் ஸுது³:கி²த: ।
தத்ஸர்வம் ஶ்ரோதுமிச்சா²மி கத்²யதாம் த்³விஜ ஸத்தம ॥ 3॥

ப்³ராஹ்மண உவாச ।
ப்³ராஹ்மணோதி த³ரித்³ரோஹம் பி⁴க்ஷார்த²ம் வை ப்⁴ரமே மஹீம் ॥ 4॥ (ப்³ராஹ்மணோதி)

உபாயம் யதி³ ஜானாஸி க்ருபயா கத²ய ப்ரபோ⁴ ।
வ்ருத்³த⁴ப்³ராஹ்மண உவாச ।
ஸத்யனாராயணோ விஷ்ணுர்வாஞ்சி²தார்த²ப²லப்ரத:³ ॥ 5॥

தஸ்ய த்வம் பூஜனம் விப்ர குருஷ்வ வ்ரதமுத்தமம । (வ்ரதமுத்தமம்)
யத்க்ருத்வா ஸர்வது³:கே²ப்⁴யோ முக்தோ ப⁴வதி மானவ: ॥ 6॥

விதா⁴னம் ச வ்ரதஸ்யாபி விப்ராயாபா⁴ஷ்ய யத்னத: ।
ஸத்யனாராயணோ வ்ருத்³த⁴ஸ்தத்ரைவாந்தரதீ⁴யத ॥ 7॥

தத்³ வ்ரதம் ஸங்கரிஷ்யாமி யது³க்தம் ப்³ராஹ்மணேன வை ।
இதி ஸஞ்சிந்த்ய விப்ரோஸௌ ராத்ரௌ நித்³ரா ந லப்³த⁴வான் ॥ 8॥ (னித்³ராம்)

தத: ப்ராத: ஸமுத்தா²ய ஸத்யனாராயணவ்ரதம் ।
கரிஷ்ய இதி ஸங்கல்ப்ய பி⁴க்ஷார்த²மக³மத்³விஜ: ॥ 9॥ (பி⁴க்ஷார்த²மக³மத்³த்³விஜ:)

தஸ்மின்னேவ தி³னே விப்ர: ப்ரசுரம் த்³ரவ்யமாப்தவான் ।
தேனைவ ப³ந்து⁴பி⁴: ஸார்த⁴ம் ஸத்யஸ்யவ்ரதமாசரத் ॥ 1௦॥

ஸர்வது³:க²வினிர்முக்த: ஸர்வஸம்பத்ஸமன்வித: ।
ப³பூ⁴வ ஸ த்³விஜஶ்ரேஷ்டோ² வ்ரதஸ்யாஸ்ய ப்ரபா⁴வத: ॥ 11॥

தத: ப்ரப்⁴ருதி காலம் ச மாஸி மாஸி வ்ரதம் க்ருதம் ।
ஏவம் நாராயணஸ்யேத³ம் வ்ரதம் க்ருத்வா த்³விஜோத்தம: ॥ 12॥

ஸர்வபாபவினிர்முக்தோ து³ர்லப⁴ம் மோக்ஷமாப்தவான் ।
வ்ரதமஸ்ய யதா³ விப்ர ப்ருதி²வ்யாம் ஸங்கரிஷ்யதி ॥ 13॥ (விப்ரா:)

ததை³வ ஸர்வது³:க²ம் து மனுஜஸ்ய வினஶ்யதி । (ச மனுஜஸ்ய)
ஏவம் நாராயணேனோக்தம் நாரதா³ய மஹாத்மனே ॥ 14॥

மயா தத்கதி²தம் விப்ரா: கிமன்யத் கத²யாமி வ: ।
ருஷய ஊசு: ।
தஸ்மாத்³ விப்ராச்ச்²ருதம் கேன ப்ருதி²வ்யாம் சரிதம் முனே ।
தத்ஸர்வம் ஶ்ரோதுமிச்சா²ம: ஶ்ரத்³தா⁴ஸ்மாகம் ப்ரஜாயதே ॥ 15॥ (ஶ்ரத்³தா⁴ஸ்மாகம்)

ஸூத உவாச ।
ஶ்ருணுத்⁴வம் முனய: ஸர்வே வ்ரதம் யேன க்ருதம் பு⁴வி ।
ஏகதா³ ஸ த்³விஜவரோ யதா²விப⁴வ விஸ்தரை: ॥ 16॥

ப³ந்து⁴பி⁴: ஸ்வஜனை: ஸார்த⁴ம் வ்ரதம் கர்தும் ஸமுத்³யத: ।
ஏதஸ்மின்னந்தரே காலே காஷ்ட²க்ரேதா ஸமாக³மத் ॥ 17॥

ப³ஹி: காஷ்ட²ம் ச ஸம்ஸ்தா²ப்ய விப்ரஸ்ய க்³ருஹமாயயௌ ।
த்ருஷ்ணாயா பீடி³தாத்மா ச த்³ருஷ்ட்வா விப்ரம் க்ருதம் வ்ரதம் ॥ 18॥ (க்ருத)

ப்ரணிபத்ய த்³விஜம் ப்ராஹ கிமித³ம் க்ரியதே த்வயா ।
க்ருதே கிம் ப²லமாப்னோதி விஸ்தராத்³ வத³ மே ப்ரபோ⁴ ॥ 19॥ (விஸ்தாராத்³)

விப்ர உவாச ।
ஸத்யனாராயணேஸ்யேத³ம் வ்ரதம் ஸர்வேப்ஸிதப்ரத³ம் ।
தஸ்ய ப்ரஸாதா³ன்மே ஸர்வம் த⁴னதா⁴ன்யாதி³கம் மஹத் ॥ 2௦॥

தஸ்மாதே³தத்³ வ்ரதம் ஜ்ஞாத்வா காஷ்ட²க்ரேதாதிஹர்​ஷித: ।
பபௌ ஜலம் ப்ரஸாத³ம் ச பு⁴க்த்வா ஸ நக³ரம் யயௌ ॥ 21॥

ஸத்யனாராயணம் தே³வம் மனஸா இத்யசிந்தயத் ।
காஷ்ட²ம் விக்ரயதோ க்³ராமே ப்ராப்யதே சாத்³ய யத்³ த⁴னம் ॥ 22॥ (ப்ராப்யதேமேத்³ய)

தேனைவ ஸத்யதே³வஸ்ய கரிஷ்யே வ்ரதமுத்தமம் ।
இதி ஸஞ்சிந்த்ய மனஸா காஷ்ட²ம் த்⁴ருத்வா து மஸ்தகே ॥ 23॥

ஜகா³ம நக³ரே ரம்யே த⁴னினாம் யத்ர ஸம்ஸ்தி²தி: ।
தத்³தி³னே காஷ்ட²மூல்யம் ச த்³விகு³ணம் ப்ராப்தவானஸௌ ॥ 24॥

தத: ப்ரஸன்னஹ்ருத³ய: ஸுபக்வம் கத³லீ ப²லம் ।
ஶர்கராக்⁴ருதது³க்³த⁴ம் ச கோ³தூ⁴மஸ்ய ச சூர்ணகம் ॥ 25॥

க்ருத்வைகத்ர ஸபாத³ம் ச க்³ருஹீத்வா ஸ்வக்³ருஹம் யயௌ ।
ததோ ப³ந்தூ⁴ன் ஸமாஹூய சகார விதி⁴னா வ்ரதம் ॥ 26॥

தத்³ வ்ரதஸ்ய ப்ரபா⁴வேண த⁴னபுத்ரான்விதோப⁴வத் । (த⁴னபுத்ரான்விதோப⁴வத்)
இஹலோகே ஸுக²ம் பு⁴க்த்வா சாந்தே ஸத்யபுரம் யயௌ ॥ 27॥

॥ இதி ஶ்ரீஸ்காந்த³புராணே ரேவாக²ண்டே³ ஶ்ரீஸத்யனாராயண வ்ரதகதா²யாம் த்³விதீயோத்⁴யாய: ॥ 2 ॥

அத² த்ருதீயோத்⁴யாய:

ஸூத உவாச ।
புனரக்³ரே ப்ரவக்ஷ்யாமி ஶ்ருணுத்⁴வம் முனி ஸத்தமா: ।
புரா சோல்காமுகோ² நாம ந்ருபஶ்சாஸீன்மஹாமதி: ॥ 1॥

ஜிதேந்த்³ரிய: ஸத்யவாதீ³ யயௌ தே³வாலயம் ப்ரதி ।
தி³னே தி³னே த⁴னம் த³த்த்வா த்³விஜான் ஸந்தோஷயத் ஸுதீ⁴: ॥ 2॥

பா⁴ர்யா தஸ்ய ப்ரமுக்³தா⁴ ச ஸரோஜவத³னா ஸதீ ।
ப⁴த்³ரஶீலானதீ³ தீரே ஸத்யஸ்யவ்ரதமாசரத் ॥ 3॥

ஏதஸ்மின்னந்தரே தத்ர ஸாது⁴ரேக: ஸமாக³த: ।
வாணிஜ்யார்த²ம் ப³ஹுத⁴னைரனேகை: பரிபூரித: ॥ 4॥

நாவம் ஸம்ஸ்தா²ப்ய தத்தீரே ஜகா³ம ந்ருபதிம் ப்ரதி ।
த்³ருஷ்ட்வா ஸ வ்ரதினம் பூ⁴பம் ப்ரபச்ச² வினயான்வித: ॥ 5॥

ஸாது⁴ருவாச ।
கிமித³ம் குருஷே ராஜன் ப⁴க்தியுக்தேன சேதஸா ।
ப்ரகாஶம் குரு தத்ஸர்வம் ஶ்ரோதுமிச்சா²மி ஸாம்ப்ரதம் ॥ 6॥

ராஜோவாச ।
பூஜனம் க்ரியதே ஸாதோ⁴ விஷ்ணோரதுலதேஜஸ: ।
வ்ரதம் ச ஸ்வஜனை: ஸார்த⁴ம் புத்ராத்³யாவாப்தி காம்யயா ॥ 7॥

பூ⁴பஸ்ய வசனம் ஶ்ருத்வா ஸாது⁴: ப்ரோவாச ஸாத³ரம் ।
ஸர்வம் கத²ய மே ராஜன் கரிஷ்யேஹம் தவோதி³தம் ॥ 8॥

மமாபி ஸந்ததிர்னாஸ்தி ஹ்யேதஸ்மாஜ்ஜாயதே த்⁴ருவம் ।
ததோ நிவ்ருத்த்ய வாணிஜ்யாத் ஸானந்தோ³ க்³ருஹமாக³த: ॥ 9॥

பா⁴ர்யாயை கதி²தம் ஸர்வம் வ்ரதம் ஸந்ததி தா³யகம் ।
ததா³ வ்ரதம் கரிஷ்யாமி யதா³ மே ஸந்ததிர்ப⁴வேத் ॥ 1௦॥

இதி லீலாவதீம் ப்ராஹ பத்னீம் ஸாது⁴: ஸ ஸத்தம: ।
ஏகஸ்மின் தி³வஸே தஸ்ய பா⁴ர்யா லீலாவதீ ஸதீ ॥ 11॥ (பா⁴ர்யாம்)

ப⁴ர்த்ருயுக்தானந்த³சித்தாப⁴வத்³ த⁴ர்மபராயணா ।
ர்க³பி⁴ணீ ஸாப⁴வத் தஸ்ய பா⁴ர்யா ஸத்யப்ரஸாத³த: ॥ 12॥ (ஸாப⁴வத்)

த³ஶமே மாஸி வை தஸ்யா: கன்யாரத்னமஜாயத ।
தி³னே தி³னே ஸா வவ்ருதே⁴ ஶுக்லபக்ஷே யதா² ஶஶீ ॥ 13॥

நாம்னா கலாவதீ சேதி தன்னாமகரணம் க்ருதம் ।
ததோ லீலாவதீ ப்ராஹ ஸ்வாமினம் மது⁴ரம் வச: ॥ 14॥

ந கரோஷி கிமர்த²ம் வை புரா ஸங்கல்பிதம் வ்ரதம் ।
ஸாது⁴ருவாச ।
விவாஹ ஸமயே த்வஸ்யா: கரிஷ்யாமி வ்ரதம் ப்ரியே ॥ 15॥

இதி பா⁴ர்யாம் ஸமாஶ்வாஸ்ய ஜகா³ம நக³ரம் ப்ரதி ।
தத: கலாவதீ கன்யா வவ்ருதே⁴ பித்ருவேஶ்மனி ॥ 16॥

த்³ருஷ்ட்வா கன்யாம் தத: ஸாது⁴ர்னக³ரே ஸகி²பி⁴: ஸஹ ।
மந்த்ரயித்வா த்³ருதம் தூ³தம் ப்ரேஷயாமாஸ த⁴ர்மவித் ॥ 17॥

விவாஹார்த²ம் ச கன்யாயா வரம் ஶ்ரேஷ்ட²ம் விசாரய ।
தேனாஜ்ஞப்தஶ்ச தூ³தோஸௌ காஞ்சனம் நக³ரம் யயௌ ॥ 18॥

தஸ்மாதே³கம் வணிக்புத்ரம் ஸமாதா³யாக³தோ ஹி ஸ: ।
த்³ருஷ்ட்வா து ஸுந்த³ரம் பா³லம் வணிக்புத்ரம் கு³ணான்விதம் ॥ 19॥

ஜ்ஞாதிபி⁴ர்ப³ந்து⁴பி⁴: ஸார்த⁴ம் பரிதுஷ்டேன சேதஸா ।
த³த்தாவான் ஸாது⁴புத்ராய கன்யாம் விதி⁴விதா⁴னத: ॥ 2௦॥ (ஸாது⁴:புத்ராய)

ததோபா⁴க்³யவஶாத் தேன விஸ்ம்ருதம் வ்ரதமுத்தமம் । (ததோபா⁴க்³யவஶாத்)
விவாஹஸமயே தஸ்யாஸ்தேன ருஷ்டோ ப⁴வத் ப்ரபு⁴: ॥ 21॥ (ருஷ்டோப⁴வத்)

தத: காலேன நியதோ நிஜகர்ம விஶாரத:³ ।
வாணிஜ்யார்த²ம் தத: ஶீக்⁴ரம் ஜாமாத்ரு ஸஹிதோ வணிக் ॥ 22॥

ரத்னஸாரபுரே ரம்யே க³த்வா ஸிந்து⁴ ஸமீபத: ।
வாணிஜ்யமகரோத் ஸாது⁴ர்ஜாமாத்ரா ஶ்ரீமதா ஸஹ ॥ 23॥

தௌ க³தௌ நக³ரே ரம்யே சந்த்³ரகேதோர்ன்ருபஸ்ய ச । (னக³ரேதஸ்ய)
ஏதஸ்மின்னேவ காலே து ஸத்யனாராயண: ப்ரபு⁴: ॥ 24॥

ப்⁴ரஷ்டப்ரதிஜ்ஞமாலோக்ய ஶாபம் தஸ்மை ப்ரத³த்தவான் ।
தா³ருணம் கடி²னம் சாஸ்ய மஹத்³ து³:க²ம் ப⁴விஷ்யதி ॥ 25॥

ஏகஸ்மிந்தி³வஸே ராஜ்ஞோ த⁴னமாதா³ய தஸ்கர: ।
தத்ரைவ சாக³த ஶ்சௌரோ வணிஜௌ யத்ர ஸம்ஸ்தி²தௌ ॥ 26॥

தத்பஶ்சாத்³ தா⁴வகான் தூ³தான் த்³ருஷ்டவா பீ⁴தேன சேதஸா ।
த⁴னம் ஸம்ஸ்தா²ப்ய தத்ரைவ ஸ து ஶீக்⁴ரமலக்ஷித: ॥ 27॥

ததோ தூ³தா:ஸமாயாதா யத்ராஸ்தே ஸஜ்ஜனோ வணிக் ।
த்³ருஷ்ட்வா ந்ருபத⁴னம் தத்ர ப³த்³த்⁴வானீதௌ வணிக்ஸுதௌ ॥ 28॥ (ப³த்³த்⁴வானீதௌ)

ஹர்​ஷேண தா⁴வமானாஶ்ச ப்ரோசுர்ன்ருபஸமீபத: ।
தஸ்கரௌ த்³வௌ ஸமானீதௌ விலோக்யாஜ்ஞாபய ப்ரபோ⁴ ॥ 29॥

ராஜ்ஞாஜ்ஞப்தாஸ்தத: ஶீக்⁴ரம் த்³ருட⁴ம் ப³த்³த்⁴வா து தா வுபௌ⁴ ।
ஸ்தா²பிதௌ த்³வௌ மஹாது³ர்கே³ காராகா³ரேவிசாரத: ॥ 3௦॥

மாயயா ஸத்யதே³வஸ்ய ந ஶ்ருதம் கைஸ்தயோர்வச: ।
அதஸ்தயோர்த⁴னம் ராஜ்ஞா க்³ருஹீதம் சந்த்³ரகேதுனா ॥ 31॥

தச்சா²பாச்ச தயோர்கே³ஹே பா⁴ர்யா சைவாதி து³:கி²தா ।
சௌரேணாபஹ்ருதம் ஸர்வம் க்³ருஹே யச்ச ஸ்தி²தம் த⁴னம் ॥ 32॥

ஆதி⁴வ்யாதி⁴ஸமாயுக்தா க்ஷுத்பிபாஶாதி து³:கி²தா । (க்ஷுத்பிபாஸாதி)
அன்னசிந்தாபரா பூ⁴த்வா ப³ப்⁴ராம ச க்³ருஹே க்³ருஹே ।
கலாவதீ து கன்யாபி ப³ப்⁴ராம ப்ரதிவாஸரம் ॥ 33॥

ஏகஸ்மின் தி³வஸே யாதா க்ஷுதா⁴ர்தா த்³விஜமந்தி³ரம் । (தி³வஸே ஜாதா)
க³த்வாபஶ்யத்³ வ்ரதம் தத்ர ஸத்யனாராயணஸ்ய ச ॥ 34॥ (க³த்வாபஶ்யத்³)

உபவிஶ்ய கதா²ம் ஶ்ருத்வா வரம் ர்ப்ராதி²தவத்யபி ।
ப்ரஸாத³ ப⁴க்ஷணம் க்ருத்வா யயௌ ராத்ரௌ க்³ருஹம் ப்ரதி ॥ 35॥

மாதா கலாவதீம் கன்யாம் கத²யாமாஸ ப்ரேமத: ।
புத்ரி ராத்ரௌ ஸ்தி²தா குத்ர கிம் தே மனஸி வர்ததே ॥ 36॥

கன்யா கலாவதீ ப்ராஹ மாதரம் ப்ரதி ஸத்வரம் ।
த்³விஜாலயே வ்ரதம் மாதர்த்³ருஷ்டம் வாஞ்சி²தஸித்³தி⁴த³ம் ॥ 37॥

தச்ச்²ருத்வா கன்யகா வாக்யம் வ்ரதம் கர்தும் ஸமுத்³யதா ।
ஸா முதா³ து வணிக்³பா⁴ர்யா ஸத்யனாராயணஸ்ய ச ॥ 38॥

வ்ரதம் சக்ரே ஸைவ ஸாத்⁴வீ ப³ந்து⁴பி⁴: ஸ்வஜனை: ஸஹ ।
ப⁴ர்த்ருஜாமாதரௌ க்ஷிப்ரமாக³ச்சே²தாம் ஸ்வமாஶ்ரமம் ॥ 39॥

அபராத⁴ம் ச மே ப⁴ர்துர்ஜாமாது: க்ஷந்துமர்​ஹஸி ।
வ்ரதேனானேன துஷ்டோஸௌ ஸத்யனாராயண: புன: ॥ 4௦॥ (துஷ்டோஸௌ)

த³ர்​ஶயாமாஸ ஸ்வப்னம் ஹீ சந்த்³ரகேதும் ந்ருபோத்தமம் ।
ப³ந்தி³னௌ மோசய ப்ராதர்வணிஜௌ ந்ருபஸத்தம ॥ 41॥

தே³யம் த⁴னம் ச தத்ஸர்வம் க்³ருஹீதம் யத் த்வயாது⁴னா । (த்வயாது⁴னா)
நோ சேத் த்வாம் நாஶயிஷ்யாமி ஸராஜ்யத⁴னபுத்ரகம் ॥ 42॥

ஏவமாபா⁴ஷ்ய ராஜானம் த்⁴யானக³ம்யோப⁴வத் ப்ரபு⁴: । (த்⁴யானக³ம்யோப⁴வத்)
தத: ப்ரபா⁴தஸமயே ராஜா ச ஸ்வஜனை: ஸஹ ॥ 43॥

உபவிஶ்ய ஸபா⁴மத்⁴யே ப்ராஹ ஸ்வப்னம் ஜனம் ப்ரதி ।
ப³த்³தௌ⁴ மஹாஜனௌ ஶீக்⁴ரம் மோசய த்³வௌ வணிக்ஸுதௌ ॥ 44॥

இதி ராஜ்ஞோ வச: ஶ்ருத்வா மோசயித்வா மஹாஜனௌ ।
ஸமானீய ந்ருபஸ்யாக்³ரே ப்ராஹுஸ்தே வினயான்விதா: ॥ 45॥

ஆனீதௌ த்³வௌ வணிக்புத்ரௌ முக்தௌ நிக³ட³ப³ந்த⁴னாத் ।
ததோ மஹாஜனௌ நத்வா சந்த்³ரகேதும் ந்ருபோத்தமம் ॥ 46॥

ஸ்மரந்தௌ பூர்வ வ்ருத்தாந்தம் நோசதுர்ப⁴யவிஹ்வலௌ ।
ராஜா வணிக்ஸுதௌ வீக்ஷ்ய வச: ப்ரோவாச ஸாத³ரம் ॥ 47॥

தே³வாத் ப்ராப்தம் மஹத்³து³:க²மிதா³னீம் நாஸ்தி வை ப⁴யம் ।
ததா³ நிக³ட³ஸந்த்யாக³ம் க்ஷௌரகர்மாத்³யகாரயத் ॥ 48॥

வஸ்த்ராலங்காரகம் த³த்த்வா பரிதோஷ்ய ந்ருபஶ்ச தௌ ।
புரஸ்க்ருத்ய வணிக்புத்ரௌ வசஸாதோஷயத்³ ப்⁴ருஶம் ॥ 49॥ (வசஸாதோஷயத்³ப்⁴ருஶம்)

புரானீதம் து யத்³ த்³ரவ்யம் த்³விகு³ணீக்ருத்ய த³த்தவான் ।
ப்ரோவாச ச ததோ ராஜா க³ச்ச² ஸாதோ⁴ நிஜாஶ்ரமம் ॥ 5௦॥ (ப்ரோவாசதௌ)

ராஜானம் ப்ரணிபத்யாஹ க³ந்தவ்யம் த்வத்ப்ரஸாத³த: ।
இத்யுக்த்வா தௌ மஹாவைஶ்யௌ ஜக்³மது: ஸ்வக்³ருஹம் ப்ரதி ॥ 51॥ (மஹாவைஶ்யோ)

॥ இதி ஶ்ரீஸ்காந்த³ புராணே ரேவாக²ண்டே³ ஶ்ரீஸத்யனாராயண வ்ரதகதா²யாம் த்ருதீயோத்⁴யாய: ॥ 3 ॥

அத² சதுர்தோ²த்⁴யாய:

ஸூத உவாச ।
யாத்ராம் து க்ருதவான் ஸாது⁴ர்மங்க³லாயனபூர்விகாம் ।
ப்³ராஹ்மணேப்⁴யோ த⁴னம் த³த்த்வா ததா³ து நக³ரம் யயௌ ॥ 1॥

கியத்³ தூ³ரே க³தே ஸாதோ⁴ ஸத்யனாராயண: ப்ரபு⁴: ।
ஜிஜ்ஞாஸாம் க்ருதவான் ஸாதௌ⁴ கிமஸ்தி தவ நௌஸ்தி²தம் ॥ 2॥

ததோ மஹாஜனௌ மத்தௌ ஹேலயா ச ப்ரஹஸ்ய வை । (மதௌ)
கத²ம் ப்ருச்ச²ஸி போ⁴ த³ண்டி³ன் முத்³ராம் நேதும் கிமிச்ச²ஸி ॥ 3॥

லதாபத்ராதி³கம் சைவ வர்ததே தரணௌ மம ।
நிஷ்டு²ரம் ச வச: ஶ்ருத்வா ஸத்யம் ப⁴வது தே வச: ॥ 4॥

ஏவமுக்த்வா க³த: ஶீக்⁴ரம் த³ண்டீ³ தஸ்ய ஸமீபத: ।
கியத்³ தூ³ரே ததோ க³த்வா ஸ்தி²த: ஸிந்து⁴ ஸமீபத: ॥ 5॥

க³தே த³ண்டி³னி ஸாது⁴ஶ்ச க்ருதனித்யக்ரியஸ்ததா³ ।
உத்தி²தாம் தரணீம் த்³ருஷ்ட்வா விஸ்மயம் பரமம் யயௌ ॥ 6॥

த்³ருஷ்ட்வா லதாதி³கம் சைவ மூர்ச்சி²தோ ந்யபதத்³ பு⁴வி ।
லப்³த⁴ஸஞ்ஜ்ஞோ வணிக்புத்ரஸ்ததஶ்சிந்தான்விதோப⁴வத் ॥ 7॥ (வணிக்புத்ரஸ்ததஶ்சிந்தான்விதோப⁴வத்)

ததா³ து து³ஹிது: காந்தோ வசனம் சேத³மப்³ரவீத் ।
கிமர்த²ம் க்ரியதே ஶோக: ஶாபோ த³த்தஶ்ச த³ண்டி³னா ॥ 8॥

ஶக்யதே தேன ஸர்வம் ஹி கர்தும் சாத்ர ந ஸம்ஶய: । (ஶக்யதேனே ந)
அதஸ்தச்ச²ரணம் யாமோ வாஞ்ச²தார்தோ² ப⁴விஷ்யதி ॥ 9॥ (வாஞ்சி²தார்தோ²)

ஜாமாதுர்வசனம் ஶ்ருத்வா தத்ஸகாஶம் க³தஸ்ததா³ ।
த்³ருஷ்ட்வா ச த³ண்டி³னம் ப⁴க்த்யா நத்வா ப்ரோவாச ஸாத³ரம் ॥ 1௦॥

க்ஷமஸ்வ சாபராத⁴ம் மே யது³க்தம் தவ ஸன்னிதௌ⁴ ।
ஏவம் புன: புனர்னத்வா மஹாஶோகாகுலோப⁴வத் ॥ 11॥ (மஹாஶோகாகுலோப⁴வத்)

ப்ரோவாச வசனம் த³ண்டீ³ விலபந்தம் விலோக்ய ச ।
மா ரோதீ³: ஶ்ருணுமத்³வாக்யம் மம பூஜாப³ஹிர்முக:² ॥ 12॥

மமாஜ்ஞயா ச து³ர்பு³த்³தே⁴ லப்³த⁴ம் து³:க²ம் முஹுர்முஹு: ।
தச்ச்²ருத்வா ப⁴க³வத்³வாக்யம் ஸ்துதிம் கர்தும் ஸமுத்³யத: ॥ 13॥

ஸாது⁴ருவாச ।
த்வன்மாயாமோஹிதா: ஸர்வே ப்³ரஹ்மாத்³யாஸ்த்ரிதி³வௌகஸ: ।
ந ஜானந்தி கு³ணான் ரூபம் தவாஶ்சர்யமித³ம் ப்ரபோ⁴ ॥ 14॥

மூடோ⁴ஹம் த்வாம் கத²ம் ஜானே மோஹிதஸ்தவமாயயா । (மூடோ⁴ஹம்)
ப்ரஸீத³ பூஜயிஷ்யாமி யதா²விப⁴வவிஸ்தரை: ॥ 15॥

புரா வித்தம் ச தத் ஸர்வம் த்ராஹி மாம் ஶரணாக³தம் ।
ஶ்ருத்வா ப⁴க்தியுதம் வாக்யம் பரிதுஷ்டோ ஜனார்த³ன: ॥ 16॥

வரம் ச வாஞ்சி²தம் த³த்த்வா தத்ரைவாந்தர்த³தே⁴ ஹரி: ।
ததோ நாவம் ஸமாரூஹ்ய த்³ருஷ்ட்வா வித்தப்ரபூரிதாம் ॥ 17॥

க்ருபயா ஸத்யதே³வஸ்ய ஸப²லம் வாஞ்சி²தம் மம ।
இத்யுக்த்வா ஸ்வஜனை: ஸார்த⁴ம் பூஜாம் க்ருத்வா யதா²விதி⁴ ॥ 18॥

ஹர்​ஷேண சாப⁴வத் பூர்ண:ஸத்யதே³வப்ரஸாத³த: ।
நாவம் ஸம்யோஜ்ய யத்னேன ஸ்வதே³ஶக³மனம் க்ருதம் ॥ 19॥

ஸாது⁴ர்ஜாமாதரம் ப்ராஹ பஶ்ய ரத்னபுரீம் மம ।
தூ³தம் ச ப்ரேஷயாமாஸ நிஜவித்தஸ்ய ரக்ஷகம் ॥ 2௦॥

ததோஸௌ நக³ரம் க³த்வா ஸாது⁴பா⁴ர்யாம் விலோக்ய ச । (தூ³தோஸௌ)
ப்ரோவாச வாஞ்சி²தம் வாக்யம் நத்வா ப³த்³தா⁴ஞ்ஜலிஸ்ததா³ ॥ 21॥

நிகடே நக³ரஸ்யைவ ஜாமாத்ரா ஸஹிதோ வணிக் ।
ஆக³தோ ப³ந்து⁴வர்கை³ஶ்ச வித்தைஶ்ச ப³ஹுபி⁴ர்யுத: ॥ 22॥

ஶ்ருத்வா தூ³தமுகா²த்³வாக்யம் மஹாஹர்​ஷவதீ ஸதீ ।
ஸத்யபூஜாம் தத: க்ருத்வா ப்ரோவாச தனுஜாம் ப்ரதி ॥ 23॥

வ்ரஜாமி ஶீக்⁴ரமாக³ச்ச² ஸாது⁴ஸந்த³ர்​ஶனாய ச ।
இதி மாத்ருவச: ஶ்ருத்வா வ்ரதம் க்ருத்வா ஸமாப்ய ச ॥ 24॥

ப்ரஸாத³ம் ச பரித்யஜ்ய க³தா ஸாபி பதிம் ப்ரதி । (ஸாபி)
தேன ருஷ்டா: ஸத்யதே³வோ ப⁴ர்தாரம் தரணிம் ததா² ॥ 25॥ (ருஷ்ட:, தரணீம்)

ஸம்ஹ்ருத்ய ச த⁴னை: ஸார்த⁴ம் ஜலே தஸ்யாவமஜ்ஜயத் ।
தத: கலாவதீ கன்யா ந விலோக்ய நிஜம் பதிம் ॥ 26॥

ஶோகேன மஹதா தத்ர ருத³ந்தீ சாபதத்³ பு⁴வி । (ருத³தீ)
த்³ருஷ்ட்வா ததா²விதா⁴ம் நாவம் கன்யாம் ச ப³ஹுது³:கி²தாம் ॥ 27॥

பீ⁴தேன மனஸா ஸாது⁴: கிமாஶ்சர்யமித³ம் ப⁴வேத் ।
சிந்த்யமானாஶ்ச தே ஸர்வே ப³பூ⁴வுஸ்தரிவாஹகா: ॥ 28॥

ததோ லீலாவதீ கன்யாம் த்³ருஷ்ட்வா ஸா விஹ்வலாப⁴வத் ।
விலலாபாதிது³:கே²ன ப⁴ர்தாரம் சேத³மப்³ரவீத ॥ 29॥

இதா³னீம் நௌகயா ஸார்த⁴ம் கத²ம் ஸோபூ⁴த³லக்ஷித: ।
ந ஜானே கஸ்ய தே³வஸ்ய ஹேலயா சைவ ஸா ஹ்ருதா ॥ 3௦॥

ஸத்யதே³வஸ்ய மாஹாத்ம்யம் ஜ்ஞாதும் வா கேன ஶக்யதே ।
இத்யுக்த்வா விலலாபைவ ததஶ்ச ஸ்வஜனை: ஸஹ ॥ 31॥

ததோ லீலாவதீ கன்யாம் க்ரௌடே³ க்ருத்வா ருரோத³ ஹ ।
தத:கலாவதீ கன்யா நஷ்டே ஸ்வாமினி து³:கி²தா ॥ 32॥

க்³ருஹீத்வா பாது³கே தஸ்யானுக³தும் ச மனோத³தே⁴ । (பாது³காம்)
கன்யாயாஶ்சரிதம் த்³ருஷ்ட்வா ஸபா⁴ர்ய: ஸஜ்ஜனோ வணிக் ॥ 33॥

அதிஶோகேன ஸந்தப்தஶ்சிந்தயாமாஸ த⁴ர்மவித் ।
ஹ்ருதம் வா ஸத்யதே³வேன ப்⁴ராந்தோஹம் ஸத்யமாயயா ॥ 34॥

ஸத்யபூஜாம் கரிஷ்யாமி யதா²விப⁴வவிஸ்தரை: ।
இதி ஸர்வான் ஸமாஹூய கத²யித்வா மனோரத²ம் ॥ 35॥

நத்வா ச த³ண்ட³வத்³ பூ⁴மௌ ஸத்யதே³வம் புன: புன: ।
ததஸ்துஷ்ட: ஸத்யதே³வோ தீ³னானாம் பரிபாலக: ॥ 36॥

ஜகா³த³ வசனம் சைனம் க்ருபயா ப⁴க்தவத்ஸல: ।
த்யக்த்வா ப்ரஸாத³ம் தே கன்யா பதிம் த்³ரஷ்டும் ஸமாக³தா ॥ 37॥

அதோத்³ருஷ்டோப⁴வத்தஸ்யா: கன்யகாயா: பதிர்த்⁴ருவம் ।
க்³ருஹம் க³த்வா ப்ரஸாத³ம் ச பு⁴க்த்வா ஸாயாதி சேத்புன: ॥ 38॥ (ஸாயாதி)

லப்³த⁴ப⁴ர்த்ரீ ஸுதா ஸாதோ⁴ ப⁴விஷ்யதி ந ஸம்ஶய: ।
கன்யகா தாத்³ருஶம் வாக்யம் ஶ்ருத்வா க³க³னமண்ட³லாத் ॥ 39॥

க்ஷிப்ரம் ததா³ க்³ருஹம் க³த்வா ப்ரஸாத³ம் ச பு³போ⁴ஜ ஸா ।
பஶ்சாத் ஸா புனராக³த்ய த³த³ர்​ஶ ஸ்வஜனம் பதிம் ॥ 4௦॥ (ஸாபஶ்சாத்புனராக³த்ய, ஸஜனம்)

தத: கலாவதீ கன்யா ஜகா³த³ பிதரம் ப்ரதி ।
இதா³னீம் ச க்³ருஹம் யாஹி விலம்ப³ம் குருஷே கத²ம் ॥ 41॥

தச்ச்²ருத்வா கன்யகாவாக்யம் ஸந்துஷ்டோபூ⁴த்³வணிக்ஸுத: ।
பூஜனம் ஸத்யதே³வஸ்ய க்ருத்வா விதி⁴விதா⁴னத: ॥ 42॥

த⁴னைர்ப³ந்து⁴க³ணை: ஸார்த⁴ம் ஜகா³ம நிஜமந்தி³ரம் ।
பௌர்ணமாஸ்யாம் ச ஸங்க்ராந்தௌ க்ருதவான் ஸத்யஸ்ய பூஜனம் ॥ 43॥ (ஸத்யபூஜனம்)

இஹலோகே ஸுக²ம் பு⁴க்த்வா சாந்தே ஸத்யபுரம் யயௌ ॥ 44॥

॥ இதி ஶ்ரீஸ்காந்த³ புராணே ரேவாக²ண்டே³ ஶ்ரீஸத்யனாராயண வ்ரதகதா²யாம் சதுர்தோ²த்⁴யாய: ॥ 4 ॥

அத² பஞ்சமோத்⁴யாய:

ஸூத உவாச ।
அதா²ன்யச்ச ப்ரவக்ஷ்யாமி ஶ்ருணுத்⁴வம் முனிஸத்தமா: ।
ஆஸீத் துங்க³த்⁴வஜோ ராஜா ப்ரஜாபாலனதத்பர: ॥ 1॥

ப்ரஸாத³ம் ஸத்யதே³வஸ்ய த்யக்த்வா து³:க²மவாப ஸ: ।
ஏகதா³ ஸ வனம் க³த்வா ஹத்வா ப³ஹுவிதா⁴ன் பஶூன் ॥ 2॥

ஆக³த்ய வடமூலம் ச த்³ருஷ்ட்வா ஸத்யஸ்ய பூஜனம் । (சாபஶ்யத்)
கோ³பா: குர்வந்தி ஸந்துஷ்டா ப⁴க்தியுக்தா: ஸ பா³ந்த⁴வா: ॥ 3॥

ராஜா த்³ருஷ்ட்வா து த³ர்பேண ந க³தோ ந நனாம ஸ: ।
ததோ கோ³பக³ணா: ஸர்வே ப்ரஸாத³ம் ந்ருபஸன்னிதௌ⁴ ॥ 4॥

ஸம்ஸ்தா²ப்ய புனராக³த்ய பு⁴க்தத்வா ஸர்வே யதே²ப்ஸிதம் ।
தத: ப்ரஸாத³ம் ஸந்த்யஜ்ய ராஜா து³:க²மவாப ஸ: ॥ 5॥

தஸ்ய புத்ரஶதம் நஷ்டம் த⁴னதா⁴ன்யாதி³கம் ச யத் ।
ஸத்யதே³வேன தத்ஸர்வம் நாஶிதம் மம நிஶ்சிதம் ॥ 6॥

அதஸ்தத்ரைவ க³ச்சா²மி யத்ர தே³வஸ்ய பூஜனம் ।
மனஸா து வினிஶ்சித்ய யயௌ கோ³பாலஸன்னிதௌ⁴ ॥ 7॥

ததோஸௌ ஸத்யதே³வஸ்ய பூஜாம் கோ³பக³ணை:ஸஹ ।
ப⁴க்திஶ்ரத்³தா⁴ன்விதோ பூ⁴த்வா சகார விதி⁴னா ந்ருப: ॥ 8॥

ஸத்யதே³வப்ரஸாதே³ன த⁴னபுத்ரான்விதோப⁴வத் ।
இஹலோகே ஸுக²ம் பு⁴க்தத்வா சாந்தே ஸத்யபுரம் யயௌ ॥ 9॥

ய இத³ம் குருதே ஸத்யவ்ரதம் பரமது³ர்லப⁴ம் ।
ஶ்ருணோதி ச கதா²ம் புண்யாம் ப⁴க்தியுக்த: ப²லப்ரதா³ம் ॥ 1௦॥

த⁴னதா⁴ன்யாதி³கம் தஸ்ய ப⁴வேத் ஸத்யப்ரஸாத³த: ।
த³ரித்³ரோ லப⁴தே வித்தம் ப³த்³தோ⁴ முச்யேத ப³ந்த⁴னாத் ॥ 11॥

பீ⁴தோ ப⁴யாத் ப்ரமுச்யேத ஸத்யமேவ ந ஸம்ஶய: ।
ஈப்ஸிதம் ச ப²லம் பு⁴க்த்வா சாந்தே ஸத்யபுரம்வ்ரஜேத் ॥ 12॥

இதி வ: கதி²தம் விப்ரா: ஸத்யனாராயணவ்ரதம் ।
யத் க்ருத்வா ஸர்வது³:கே²ப்⁴யோ முக்தோ ப⁴வதி மானவ: ॥ 13॥

விஶேஷத: கலியுகே³ ஸத்யபூஜா ப²லப்ரதா³ ।
கேசித் காலம் வதி³ஷ்யந்தி ஸத்யமீஶம் தமேவ ச ॥ 14॥

ஸத்யனாராயணம் கேசித் ஸத்யதே³வம் ததா²பரே ।
நானாரூபத⁴ரோ பூ⁴த்வா ஸர்வேஷாமீப்ஸிதப்ரத³ம் ॥ 15॥ (ஸர்வேஷாமீப்ஸிதப்ரத:³)

ப⁴விஷ்யதி கலௌ ஸத்யவ்ரதரூபீ ஸனாதன: ।
ஶ்ரீவிஷ்ணுனா த்⁴ருதம் ரூபம் ஸர்வேஷாமீப்ஸிதப்ரத³ம் ॥ 16॥

ய இத³ம் பட²தே நித்யம் ஶ்ருணோதி முனிஸத்தமா: ।
தஸ்ய நஶ்யந்தி பாபானி ஸத்யதே³வப்ரஸாத³த: ॥ 17॥

வ்ரதம் யைஸ்து க்ருதம் பூர்வம் ஸத்யனாராயணஸ்ய ச ।
தேஷாம் த்வபரஜன்மானி கத²யாமி முனீஶ்வரா: ॥ 18॥

ஶதானந்தோ³மஹாப்ராஜ்ஞ:ஸுதா³மாப்³ராஹ்மணோ ஹ்யபூ⁴த் ।
தஸ்மிஞ்ஜன்மனி ஶ்ரீக்ருஷ்ணம் த்⁴யாத்வா மோக்ஷமவாப ஹ ॥ 19॥

காஷ்ட²பா⁴ரவஹோ பி⁴ல்லோ கு³ஹராஜோ ப³பூ⁴வ ஹ ।
தஸ்மிஞ்ஜன்மனி ஶ்ரீராமம் ஸேவ்ய மோக்ஷம் ஜகா³ம வை ॥ 2௦॥

உல்காமுகோ² மஹாராஜோ ந்ருபோ த³ஶரதோ²ப⁴வத் ।
ஶ்ரீரங்க³னாத²ம் ஸம்பூஜ்ய ஶ்ரீவைகுண்ட²ம் ததா³க³மத் ॥ 21॥ (ஶ்ரீராமசந்த்³ரஸம்ப்ராப்ய)

ர்தா⁴மிக: ஸத்யஸந்த⁴ஶ்ச ஸாது⁴ர்மோரத்⁴வஜோப⁴வத் । (ஸாது⁴ர்மோரத்⁴வஜோப⁴வத்)
தே³ஹார்த⁴ம் க்ரகசைஶ்சி²த்த்வா த³த்வா மோக்ஷமவாப ஹ ॥ 22॥

துங்க³த்⁴வஜோ மஹாராஜ: ஸ்வாயம்பு⁴வோப⁴வத் கில । (ஸ்வாயம்பூ⁴ரப⁴வத்)
ஸர்வான் பா⁴க³வதான் க்ருத்வா ஶ்ரீவைகுண்ட²ம் ததா³க³மத் ॥ 23॥ (க்ருத்த்வா, ததா³க³மத்)

பூ⁴த்வா கோ³பாஶ்ச தே ஸர்வே வ்ரஜமண்ட³லவாஸின: ।
நிஹத்ய ராக்ஷஸான் ஸர்வான் கோ³லோகம் து ததா³ யயு: ॥ 24॥

॥ இதி ஶ்ரீஸ்காந்த³புராணே ரேவாக²ண்டே³ ஶ்ரீஸத்யனாராயண வ்ரதகதா²யாம் பஞ்சமோத்⁴யாய: ॥ 5 ॥