ஶ்ரீ ராக⁴வேந்த்³ர ஸ்தோத்ரம்

ஶ்ரீபூர்ணபோ³த⁴கு³ருதீர்த²பயோப்³தி⁴பாரா
காமாரிமாக்ஷவிஷமாக்ஷஶிர: ஸ்ப்ருஶந்தீ ।
பூர்வோத்தராமிததரங்க³சரத்ஸுஹம்ஸா
தே³வாளிஸேவிதபராங்க்⁴ரிபயோஜலக்³னா ॥ 1 ॥

ஜீவேஶபே⁴த³கு³ணபூர்திஜக³த்ஸுஸத்த்வ-
-னீசோச்சபா⁴வமுக²னக்ரக³ணை: ஸமேதா ।
து³ர்வாத்³யஜாபதிகி³ளைர்கு³ருராக⁴வேந்த்³ர-
-வாக்³தே³வதாஸரித³மும் விமலீ கரோது ॥ 2 ॥

ஶ்ரீராக⁴வேந்த்³ர: ஸகலப்ரதா³தா
ஸ்வபாத³கஞ்ஜத்³வயப⁴க்திமத்³ப்⁴ய: ।
அகா⁴த்³ரிஸம்பே⁴த³னத்³ருஷ்டிவஜ்ர:
க்ஷமாஸுரேந்த்³ரோவது மாம் ஸதா³யம் ॥ 3 ॥

ஶ்ரீராக⁴வேந்த்³ரோ ஹரிபாத³கஞ்ஜ-
-னிஷேவணால்லப்³த⁴ஸமஸ்தஸம்பத் ।
தே³வஸ்வபா⁴வோ தி³விஜத்³ருமோய-
-மிஷ்டப்ரதோ³ மே ஸததம் ஸ பூ⁴யாத் ॥ 4 ॥

ப⁴வ்யஸ்வரூபோ ப⁴வது³:க²தூல-
-ஸங்கா⁴க்³னிசர்ய: ஸுக²தை⁴ர்யஶாலீ ।
ஸமஸ்தது³ஷ்டக்³ரஹனிக்³ரஹேஶோ
து³ரத்யயோபப்லவஸிந்து⁴ஸேது: ॥ 5 ॥

நிரஸ்ததோ³ஷோ நிரவத்³யவேஷ:
ப்ரத்யர்தி²மூகத்த்வனிதா³னபா⁴ஷ: ।
வித்³வத்பரிஜ்ஞேயமஹாவிஶேஷோ
வாக்³வைக²ரீனிர்ஜிதப⁴வ்யஶேஷ: ॥ 6 ॥

ஸந்தானஸம்பத்பரிஶுத்³த⁴ப⁴க்தி-
-விஜ்ஞானவாக்³தே³ஹஸுபாடவாதீ³ன் ।
த³த்வா ஶரீரோத்த²ஸமஸ்ததோ³ஷான்
ஹத்த்வா ஸ நோவ்யாத்³கு³ருராக⁴வேந்த்³ர: ॥ 7 ॥

யத்பாதோ³த³கஸஞ்சய: ஸுரனதீ³முக்²யாபகா³ஸாதி³தா-
-ஸங்க்³யானுத்தமபுண்யஸங்க⁴விலஸத்ப்ரக்²யாதபுண்யாவஹ: ।
து³ஸ்தாபத்ரயனாஶனோ பு⁴வி மஹாவந்த்⁴யாஸுபுத்ரப்ரதோ³
வ்யங்க³ஸ்வங்க³ஸம்ருத்³தி⁴தோ³ க்³ரஹமஹாபாபாபஹஸ்தம் ஶ்ரயே ॥ 8 ॥

யத்பாத³கஞ்ஜரஜஸா பரிபூ⁴ஷிதாங்கா³
யத்பாத³பத்³மமது⁴பாயிதமானஸா யே ।
யத்பாத³பத்³மபரிகீர்தனஜீர்ணவாச
-ஸ்தத்³த³ர்ஶனம் து³ரிதகானனதா³வபூ⁴தம் ॥ 9 ॥

ஸர்வதந்த்ரஸ்வதந்த்ரோஸௌ ஶ்ரீமத்⁴வமதவர்த⁴ன:
விஜயீந்த்³ரகராப்³ஜோத்த²ஸுதீ⁴ந்த்³ரவரபுத்ரக: ॥ 1௦ ॥

ஶ்ரீராக⁴வேந்த்³ரோ யதிராட் கு³ருர்மே ஸ்யாத்³ப⁴யாபஹ:
ஜ்ஞானப⁴க்திஸுபுத்ராயுர்யஶ: ஶ்ரீபுண்யவர்த⁴ன: ॥ 11 ॥

ப்ரதிவாதி³ஜயஸ்வாந்தபே⁴த³சிஹ்னாத³ரோ கு³ரு: ।
ஸர்வவித்³யாப்ரவீணோன்யோ ராக⁴வேந்த்³ரான்ன வித்³யதே ॥ 12 ॥

அபரோக்ஷீக்ருதஶ்ரீஶ: ஸமுபேக்ஷிதபா⁴வஜ: ।
அபேக்ஷிதப்ரதா³தான்யோ ராக⁴வேந்த்³ரான்ன வித்³யதே ॥ 13 ॥

த³யாதா³க்ஷிண்யவைராக்³யவாக்பாடவமுகா²ங்கித: ।
ஶாபானுக்³ரஹஶக்தோன்யோ ராக⁴வேந்த்³ரான்ன வித்³யதே ॥ 14 ॥

அஜ்ஞானவிஸ்ம்ருதிப்⁴ராந்திஸம்ஶயாபஸ்ம்ருதிக்ஷயா: ।
தந்த்³ராகம்பவச:கௌண்ட்²யமுகா² யே சேந்த்³ரியோத்³ப⁴வா: ।
தோ³ஷாஸ்தே நாஶமாயாந்தி ராக⁴வேந்த்³ரப்ரஸாத³த: ॥ 15 ॥

ஓம் ஶ்ரீராக⁴வேந்த்³ராய நம: இத்யஷ்டாக்ஷரமந்த்ரத: ।
ஜபிதாத்³பா⁴விதான்னித்யம் இஷ்டார்தா²: ஸ்யுர்ன ஸம்ஶய: ॥ 16 ॥

ஹந்து ந: காயஜான் தோ³ஷான் ஆத்மாத்மீயஸமுத்³ப⁴வான் ।
ஸர்வானபி புமர்தா²ம்ஶ்ச த³தா³து கு³ருராத்மவித் ॥ 17 ॥

இதி காலத்ரயே நித்யம் ப்ரார்த²னாம் ய: கரோதி ஸ: ।
இஹாமுத்ராப்தஸர்வேஷ்டோ மோத³தே நாத்ர ஸம்ஶய: ॥ 18 ॥

அக³ம்யமஹிமா லோகே ராக⁴வேந்த்³ரோ மஹாயஶா: ।
ஶ்ரீமத்⁴வமதது³க்³தா⁴ப்³தி⁴சந்த்³ரோவது ஸதா³னக:⁴ ॥ 19 ॥

ஸர்வயாத்ராப²லாவாப்த்யை யதா²ஶக்திப்ரத³க்ஷிணம் ।
கரோமி தவ ஸித்³த⁴ஸ்ய ப்³ருந்தா³வனக³தம் ஜலம் ॥ 2௦ ॥

ஶிரஸா தா⁴ரயாம்யத்³ய ஸர்வதீர்த²ப²லாப்தயே ।
ஸர்வாபீ⁴ஷ்டார்த²ஸித்³த்⁴யர்த²ம் நமஸ்காரம் கரோம்யஹம் ।
தவ ஸங்கீர்தனம் வேத³ஶாஸ்த்ரார்தஜ²்ஞானஸித்³த⁴யே ॥ 21 ॥

ஸம்ஸாரேக்ஷயஸாக³ரே ப்ரக்ருதிதோகா³தே⁴ ஸதா³ து³ஸ்தரே
ஸர்வாவத்³யஜலக்³ரஹைரனுபமை: காமாதி³ப⁴ங்கா³குலே ।
நானாவிப்⁴ரமது³ர்ப்⁴ரமேமிதப⁴யஸ்தோமாதி³பே²னோத்கடே
து³:கோ²த்க்ருஷ்டவிஷே ஸமுத்³த⁴ர கு³ரோ மா மக்³னரூபம் ஸதா³ ॥ 22 ॥

ராக⁴வேந்த்³ரகு³ருஸ்தோத்ரம் ய: படே²த்³ப⁴க்திபூர்வகம் ।
தஸ்ய குஷ்டா²தி³ரோகா³ணாம் நிவ்ருத்திஸ்த்வரயா ப⁴வேத் ॥ 23 ॥

அந்தோ⁴பி தி³வ்யத்³ருஷ்டி: ஸ்யாதே³ட³மூகோபி வாக்பதி: ।
பூர்ணாயு: பூர்ணஸம்பத்தி: ஸ்தோத்ரஸ்யாஸ்ய ஜபாத்³ப⁴வேத் ॥ 24 ॥

ய: பிபே³ஜ்ஜலமேதேன ஸ்தோத்ரேணைவாபி⁴மந்த்ரிதம் ।
தஸ்ய குக்ஷிக³தா தோ³ஷா: ஸர்வே நஶ்யந்தி தத் க்ஷணாத் ॥ 25 ॥

யத்³வ்ருந்தா³வனமாஸாத்³ய பங்கு³: க²ஞ்ஜோபி வா ஜன: ।
ஸ்தோத்ரேணானேன ய: குர்யாத் ப்ரத³க்ஷிணனமஸ்க்ருதீ ॥ 26 ॥

ஸ ஜங்கா⁴லோ ப⁴வேதே³வ கு³ருராஜப்ரஸாத³த: ।
ஸோமஸூர்யோபராகே³ ச புஷ்யார்காதி³ஸமாக³மே ॥ 27 ॥

யோனுத்தமமித³ம் ஸ்தோத்ரமஷ்டோத்தரஶதம் ஜபேத் ।
பூ⁴தப்ரேதபிஶாசாதி³ பீடா³ தஸ்ய ந ஜாயதே ॥ 28 ॥

ஏதத் ஸ்தோத்ரம் ஸமுச்சார்ய கு³ரோர்வ்ருந்தா³வனாந்திகே ।
தீ³பஸம்யோஜனாஜ்ஜ்ஞானம் புத்ரலாபோ⁴ ப⁴வேத்³த்⁴ருவம் ॥ 29 ॥

பரவாதி³ஜயோ தி³வ்யஜ்ஞானப⁴க்த்யாதி³வர்த⁴னம் ।
ஸர்வாபீ⁴ஷ்டப்ரவ்ருத்³தி⁴: ஸ்யான்னாத்ர கார்யா விசாரணா ॥ 3௦ ॥

ராஜசோரமஹாவ்யாக்⁴ரஸர்பனக்ராதி³பீட³னம் ।
ந ஜாயதேஸ்ய ஸ்தோத்ரஸ்ய ப்ரபா⁴வான்னாத்ர ஸம்ஶய: ॥ 31 ॥

யோ ப⁴க்த்யா கு³ருராக⁴வேந்த்³ரசரணத்³வந்த்³வம் ஸ்மரன் ய: படே²த்
ஸ்தோத்ரம் தி³வ்யமித³ம் ஸதா³ ந ஹி ப⁴வேத்தஸ்யாஸுக²ம் கிஞ்சன ।
கிம் த்விஷ்டார்த²ஸம்ருத்³தி⁴ரேவ கமலானாத²ப்ரஸாதோ³த³யாத்
கீர்திர்தி³க்³விதி³தா விபூ⁴திரதுலா ஸாக்ஷீ ஹயாஸ்யோத்ர ஹி ॥ 32 ॥

ப²லஶ்ருதி:
இதி ஶ்ரீ ராக⁴வேந்த்³ரார்ய கு³ருராஜப்ரஸாத³த: ।
க்ருதம் ஸ்தோத்ரமித³ம் புண்யம் ஶ்ரீமத்³பி⁴ர்ஹ்யப்பணாபி⁴தை³: ॥

பூஜ்யாய ராக⁴வேந்த்³ராய ஸத்யத⁴ர்மரதாய ச ।
பஜ⁴தாம் கல்பவ்ருக்ஷாய நமதாம் காமதே⁴னவே ॥

ஆபாத³மௌளிபர்யந்தம் கு³ரூணாமாக்ருதிம் ஸ்மரேத் ।
தேன விக்⁴ன: ப்ரணஶ்யந்தி ஸித்³த்⁴யந்தி ச மனோரதா²: ॥

து³ர்வாதி³த்⁴வாந்தரவயே வைஷ்ணவேந்தீ³வரேந்த³வே ।
ஶ்ரீராக⁴வேந்த்³ர கு³ரவே நமோத்யந்தத³யாளவே ॥

மூகோபி யத்ப்ரஸாதே³ன முகுந்த³ஶயனாய தே ।
ராஜராஜாயதே ரிக்தோ ராக⁴வேந்த்³ரம் தமாஶ்ரயே ।

இதி ஶ்ரீ அப்பண்ணாசார்யவிரசிதம் ஶ்ரீராக⁴வேந்த்³ர ஸ்தோத்ரம் ஸம்பூர்ணம் ॥