ஶ்ரீ பத்³மாவதீ நவரத்ன மாலிகா ஸ்துதி:

ஶ்ரீமான் யஸ்யா: ப்ரியஸ்ஸன் ஸகலமபி ஜகஜ³்ஜங்க³மஸ்தா²வராத்³யம்
ஸ்வர்பூ⁴பாதாலபே⁴த³ம் விவித⁴வித⁴மஹாஶில்பஸாமர்த்²யஸித்³த⁴ம் ।
ரஞ்ஜன் ப்³ரஹ்மாமரேந்த்³ரைஸ்த்ரிபு⁴வனஜனக: ஸ்தூயதே பூ⁴ரிஶோ ய:
ஸா விஷ்ணோரேகபத்னீ த்ரிபு⁴வனஜனனீ பாது பத்³மாவதீ ந: ॥ 1 ॥

ஶ்ரீஶ்ருங்கா³ரைகதே³வீம் விதி⁴முக²ஸுமன:கோடிகோடீரஜாக்³ர-
த்³ரத்னஜ்யோத்ஸ்னாப்ரஸாரப்ரகடிதசரணாம்போ⁴ஜனீராஜிதார்சாம் ।
கீ³ர்வாணஸ்த்ரைணவாணீபரிப²ணிதமஹாகீர்திஸௌபா⁴க்³யபா⁴க்³யாம்
ஹேலானிர்த³க்³த⁴தை³ன்யஶ்ரமவிஷமமஹாரண்யக³ண்யாம் நமாமி ॥ 2 ॥

வித்³யுத்கோடிப்ரகாஶாம் விவித⁴மணிக³ணோன்னித்³ரஸுஸ்னிக்³த⁴ஶோபா⁴-
ஸம்பத்ஸம்பூர்ணஹாராத்³யபி⁴னவவிப⁴வாலங்க்ரியோல்லாஸிகண்டா²ம் ।
ஆத்³யாம் வித்³யோதமானஸ்மிதருசிரசிதானல்பசந்த்³ரப்ரகாஶாம்
பத்³மாம் பத்³மாயதாக்ஷீம் பத³னலினனமத்பத்³மஸத்³மாம் நமாமி ॥ 3 ॥

ஶஶ்வத்தஸ்யா: ஶ்ரயேஹம் சரணஸரஸிஜம் ஶார்ங்க³பாணே: புரந்த்⁴ர்யா:
ஸ்தோகம் யஸ்யா: ப்ரஸாத:³ ப்ரஸரதி மனுஜே க்ரூரதா³ரித்³ர்யத³க்³தே⁴ ।
ஸோயம் ஸத்³யோனவத்³யஸ்தி²ரதரருசிரஶ்ரேஷ்ட²பூ⁴யிஷ்ட²னவ்ய-
ஸ்தவ்யப்ராஸாத³பங்க்திப்ரஸிதப³ஹுவித⁴ப்ராப⁴வோ போ³ப⁴வீதி ॥ 4 ॥

ஸௌந்த³ர்யோத்³வேலஹேமாம்பு³ஜமஹிதமஹாஸிம்ஹபீடா²ஶ்ரயாட்⁴யாம்
புஷ்யன்னீலாரவிந்த³ப்ரதிமவரக்ருபாபூரஸம்பூர்ணனேத்ராம் ।
ஜ்யோத்ஸ்னாபீயூஷதா⁴ராவஹனவஸுஷமக்ஷௌமதா⁴மோஜ்ஜ்வலாங்கீ³ம்
வந்தே³ ஸித்³தே⁴ஶசேதஸ்ஸரஸிஜனிலயாம் சக்ரிஸௌபா⁴க்³யருத்³தி⁴ம் ॥ 5 ॥

ஸம்ஸாரக்லேஶஹந்த்ரீம் ஸ்மிதருசிரமுகீ²ம் ஸாரஶ்ருங்கா³ரஶோபா⁴ம்
ஸர்வைஶ்வர்யப்ரதா³த்ரீம் ஸரஸிஜனயனாம் ஸம்ஸ்துதாம் ஸாது⁴ப்³ருந்தை³: ।
ஸம்ஸித்³த⁴ஸ்னிக்³த⁴பா⁴வாம் ஸுரஹிதசரிதாம் ஸிந்து⁴ராஜாத்மபூ⁴தாம்
ஸேவே ஸம்பா⁴வனீயானுபமிதமஹிமாம் ஸச்சிதா³னந்த³ரூபாம் ॥ 6 ॥

ஸித்³த⁴ஸ்வர்ணோபமானத்³யுதிலஸிததனும் ஸ்னிக்³த⁴ஸம்பூர்ணசந்த்³ர-
வ்ரீடா³ஸம்பாதி³வக்த்ராம் திலஸுமவிஜயோத்³யோக³னிர்னித்³ரனாஸாம் ।
தாதா³த்வோத்பு²ல்லனீலாம்பு³ஜஹஸனசணாத்மீயசக்ஷு: ப்ரகாஶாம்
பா³லஶ்ரீலப்ரவாலப்ரியஸக²சரணத்³வந்த்³வரம்யாம் பஜ⁴ேஹம் ॥ 7 ॥

யாம் தே³வீம் மௌனிவர்யா: ஶ்ரயத³மரவதூ⁴மௌலிமால்யார்சிதாங்க்⁴ரிம்
ஸம்ஸாராஸாரவாரான்னிதி⁴தரதரணே ஸர்வதா³ பா⁴வயந்தே ।
ஶ்ரீகாரோத்துங்க³ரத்னப்ரசுரிதகனகஸ்னிக்³த⁴ஶுத்³தா⁴ந்தலீலாம்
தாம் ஶஶ்வத்பாத³பத்³மஶ்ரயத³கி²லஹ்ருதா³ஹ்லாதி³னீம் ஹ்லாத³யேஹம் ॥ 8 ॥

ஆகாஶாதீ⁴ஶபுத்ரீம் ஶ்ரிதஜனனிவஹாதீ⁴னசேத:ப்ரவ்ருத்திம்
வந்தே³ ஶ்ரீவேங்கடேஶப்ரபு⁴வரமஹிஷீம் தீ³னசித்தப்ரதோஷாம் ।
புஷ்யத்பாதா³ரவிந்த³ப்ரஸ்ருமரஸுமஹஶ்ஶாமிதஸ்வாஶ்ரிதாந்த-
ஸ்தாமிஸ்ராம் தத்த்வரூபாம் ஶுகபுரனிலயாம் ஸர்வஸௌபா⁴க்³யதா³த்ரீம் ॥ 9 ॥

ஶ்ரீஶேஷஶர்மாபி⁴னவோபக்லுப்தா
ப்ரியேண ப⁴க்த்யா ச ஸமர்பிதேயம் ।
பத்³மாவதீமங்க³லகண்ட²பூ⁴ஷா
விராஜதாம் ஶ்ரீனவரத்னமாலா ॥ 1௦ ॥

இதி ஶ்ரீ பத்³மாவதீ நவரத்னமாலிகா ஸ்துதி: ।