ஶ்ரீ மஹாகாளீ ஸ்தோத்ரம்

த்⁴யானம்
ஶவாரூடா⁴ம் மஹாபீ⁴மாம் கோ⁴ரத³ம்ஷ்ட்ராம் வரப்ரதா³ம்
ஹாஸ்யயுக்தாம் த்ரிணேத்ராஞ்ச கபால கர்த்ரிகா கராம் ।
முக்தகேஶீம் லலஜ்ஜிஹ்வாம் பிப³ந்தீம் ருதி⁴ரம் முஹு:
சதுர்பா³ஹுயுதாம் தே³வீம் வராப⁴யகராம் ஸ்மரேத் ॥

ஶவாரூடா⁴ம் மஹாபீ⁴மாம் கோ⁴ரத³ம்ஷ்ட்ராம் ஹஸன்முகீ²ம்
சதுர்பு⁴ஜாம் க²ட்³க³முண்ட³வராப⁴யகராம் ஶிவாம் ।
முண்ட³மாலாத⁴ராம் தே³வீம் லலஜ்ஜிஹ்வாம் தி³க³ம்ப³ராம்
ஏவம் ஸஞ்சிந்தயேத்காளீம் ஶ்மஶனாலயவாஸினீம் ॥

ஸ்தோத்ரம்
விஶ்வேஶ்வரீம் ஜக³த்³தா⁴த்ரீம் ஸ்தி²திஸம்ஹாரகாரிணீம் ।
நித்³ராம் ப⁴க³வதீம் விஷ்ணோரதுலாம் தேஜஸ: ப்ரபா⁴ம் ॥ 1 ॥

த்வம் ஸ்வாஹா த்வம் ஸ்வதா⁴ த்வம் ஹி வஷட்கார: ஸ்வராத்மிகா ।
ஸுதா⁴ த்வமக்ஷரே நித்யே த்ரிதா⁴ மாத்ராத்மிகா ஸ்தி²தா ॥ 2 ॥

அர்த²மாத்ராஸ்தி²தா நித்யா யானுச்சார்யா விஶேஷத: ।
த்வமேவ ஸந்த்⁴யா ஸாவித்ரீ த்வம் தே³வீ ஜனனீ பரா ॥ 3 ॥

த்வயைதத்³தா⁴ர்யதே விஶ்வம் த்வயைதத்³ஸ்ருஜ்யதே ஜக³த் ।
த்வயைதத்பால்யதே தே³வி த்வமத்ஸ்யந்தே ச ஸர்வதா³ ॥ 4 ॥

விஸ்ருஷ்டௌ ஸ்ருஷ்டிரூபா த்வம் ஸ்தி²திரூபா ச பாலனே ।
ததா² ஸம்ஹ்ருதிரூபாந்தே ஜக³தோஸ்ய ஜக³ன்மயே ॥ 5 ॥

மஹாவித்³யா மஹாமாயா மஹாமேதா⁴ மஹாஸ்ம்ருதி: ।
மஹாமோஹா ச ப⁴வதீ மஹாதே³வீ மஹேஶ்வரீ ॥ 6 ॥

ப்ரக்ருதிஸ்த்வம் ச ஸர்வஸ்ய கு³ணத்ரயவிபா⁴வினீ ।
காலராத்ரிர்மஹாராத்ரிர்மோஹராத்ரிஶ்ச தா³ருணா ॥ 7 ॥

த்வம் ஶ்ரீஸ்த்வமீஶ்வரீ த்வம் ஹ்ரீஸ்த்வம் பு³த்³தி⁴ர்போ³த⁴லக்ஷணா ।
லஜ்ஜா புஷ்டிஸ்ததா² துஷ்டிஸ்த்வம் ஶாந்தி: க்ஷாந்திரேவ ச ॥ 8 ॥

க²ட்³கி³னீ ஶூலினீ கோ⁴ரா க³தி³னீ சக்ரிணீ ததா² ।
ஶங்கி³னீ சாபினீ பா³ணபு⁴ஶுண்டீ³பரிகா⁴யுதா⁴ ॥ 9 ॥

ஸௌம்யா ஸௌம்யதராஶேஷா ஸௌம்யேப்⁴யஸ்த்வதிஸுந்த³ரீ ।
பராபராணாம் பரமா த்வமேவ பரமேஶ்வரீ ॥ 1௦ ॥

யச்ச கிஞ்சித் க்வசித்³வஸ்து ஸத³ஸத்³வாகி²லாத்மிகே ।
தஸ்ய ஸர்வஸ்ய யா ஶக்தி: ஸா த்வம் கிம் ஸ்தூயஸே ததா³ ॥ 11 ॥

யயா த்வயா ஜக³த்ஸ்ரஷ்டா ஜக³த்பாத்யத்தி யோ ஜக³த் ।
ஸோபி நித்³ராவஶம் நீத: கஸ்த்வாம் ஸ்தோதுமிஹேஶ்வர: ॥ 12 ॥

விஷ்ணு: ஶரீரக்³ரஹணமஹமீஶான ஏவ ச ।
காரிதாஸ்தே யதோதஸ்த்வாம் க: ஸ்தோதும் ஶக்திமான் ப⁴வேத் ॥ 13 ॥

ஸா த்வமித்த²ம் ப்ரபா⁴வை: ஸ்வைருதா³ரைர்தே³வி ஸம்ஸ்துதா ।
மோஹயைதௌ து³ராத⁴ர்ஷாவஸுரௌ மது⁴கைடபௌ⁴ ॥ 14 ॥

ப்ரபோ³த⁴ம் ச ஜக³த்ஸ்வாமீ நீயதாமச்யுதோ லகு⁴ ।
போ³த⁴ஶ்ச க்ரியதாமஸ்ய ஹந்துமேதௌ மஹாஸுரௌ ॥ 15 ॥

இதி ஶ்ரீ மஹாகாளீ ஸ்தோத்ரம் ।