ஶ்ரீ மத்⁴வாசார்ய க்ருத த்³வாத³ஶ ஸ்தோத்ர – த்ருதீயஸ்தோத்ரம்

அத² த்ருதீயஸ்தோத்ரம்

குரு பு⁴ங்க்ஷ்வ ச கர்ம நிஜம் நியதம் ஹரிபாத³வினம்ரதி⁴யா ஸததம் ।
ஹரிரேவ பரோ ஹரிரேவ கு³ரு: ஹரிரேவ ஜக³த்பித்ருமாத்ருக³தி: ॥ 1॥

ந ததோஸ்த்யபரம் ஜக³தீ³ட்³யதமம் (ஜக³தீட்³யதமம்) பரமாத்பரத: புருஷோத்தமத: ।
தத³லம் ப³ஹுலோகவிசிந்தனயா ப்ரவணம் குரு மானஸமீஶபதே³ ॥ 2॥

யததோபி ஹரே: பத³ஸம்ஸ்மரணே ஸகலம் ஹ்யக⁴மாஶு லயம் வ்ரஜதி ।
ஸ்மரதஸ்து விமுக்திபத³ம் பரமம் ஸ்பு²டமேஷ்யதி தத்கிமபாக்ரியதே ॥ 3॥

ஶ‍ருணுதாமலஸத்யவச: பரமம் ஶபதே²ரிதம் உச்ச்²ரிதபா³ஹுயுக³ம் ।
ந ஹரே: பரமோ ந ஹரே: ஸத்³ருஶ: பரம: ஸ து ஸர்வ சிதா³த்மக³ணாத் ॥ 4॥

யதி³ நாம பரோ ந ப⁴வேத (ப⁴வேத்ஸ) ஹரி: கத²மஸ்ய வஶே ஜக³தே³தத³பூ⁴த் ।
யதி³ நாம ந தஸ்ய வஶே ஸகலம் கத²மேவ து நித்யஸுக²ம் ந ப⁴வேத் ॥ 5॥

ந ச கர்மவிமாமல காலகு³ணப்ரப்⁴ருதீஶமசித்தனு தத்³தி⁴ யத: ।
சித³சித்தனு ஸர்வமஸௌ து ஹரிர்யமயேதி³தி வைதி³கமஸ்தி வச: ॥ 6॥

வ்யவஹாரபி⁴தா³பி கு³ரோர்ஜக³தாம் ந து சித்தக³தா ஸ ஹி சோத்³யபரம் ।
ப³ஹவ: புருஷா: புருஷப்ரவரோ ஹரிரித்யவத³த்ஸ்வயமேவ ஹரி: ॥ 7॥

சதுரானன பூர்வவிமுக்தக³ணா ஹரிமேத்ய து பூர்வவதே³வ ஸதா³ ।
நியதோச்சவினீசதயைவ நிஜாம் ஸ்தி²திமாபுரிதி ஸ்ம பரம் வசனம் ॥ 8॥

ஆனந்த³தீர்த²ஸன்னாம்னா பூர்ணப்ரஜ்ஞாபி⁴தா⁴யுஜா ।
க்ருதம் ஹர்யஷ்டகம் ப⁴க்த்யா பட²த: ப்ரீயதே ஹரி: ॥ 9॥

இதி ஶ்ரீமதா³னந்த³தீர்த²ப⁴க³வத்பாதா³சார்ய விரசிதம்
த்³வாத³ஶஸ்தோத்ரேஷு த்ருதீயஸ்தோத்ரம் ஸம்பூர்ணம்