ஶ்ரீ கா³யத்ரீ ஹ்ருத³யம்

நாரத³ உவாச
ப⁴க³வன் தே³வதே³வேஶ பூ⁴தப⁴வ்யஜக³த்ப்ரபோ⁴ ।
கவசம் ச ஶ்ருதம் தி³வ்யம் கா³யத்ரீமந்த்ரவிக்³ரஹம் ॥ 1 ॥

அது⁴னா ஶ்ரோதுமிச்சா²மி கா³யத்ரீஹ்ருத³யம் பரம் ।
யத்³தா⁴ரணாத்³ப⁴வேத்புண்யம் கா³யத்ரீஜபதோகி²லம் ॥ 2 ॥

ஶ்ரீனாராயண உவாச
தே³வ்யாஶ்ச ஹ்ருத³யம் ப்ரோக்தம் நாரதா³த²ர்வணே ஸ்பு²டம் ।
ததே³வாஹம் ப்ரவக்ஷ்யாமி ரஹஸ்யாதிரஹஸ்யகம் ॥ 3 ॥

விராட்³ரூபாம் மஹாதே³வீம் கா³யத்ரீம் வேத³மாதரம் ।
த்⁴யாத்வா தஸ்யாஸ்த்வதா²ங்கே³ஷு த்⁴யாயேதே³தாஶ்ச தே³வதா: ॥ 4 ॥

பிண்ட³ப்³ரஹ்மண்ட³யோரைக்யாத்³பா⁴வயேத்ஸ்வதனௌ ததா² ।
தே³வீரூபே நிஜே தே³ஹே தன்மயத்வாய ஸாத⁴க: ॥ 5 ॥

நாதே³வோப்⁴யர்சயேத்³தே³வமிதி வேத³விதோ³ விது³: ।
ததோபே⁴தா³ய காயே ஸ்வே பா⁴வயேத்³தே³வதா இமா: ॥ 6 ॥

அத² தத்ஸம்ப்ரவக்ஷ்யாமி தன்மயத்வமதோ² ப⁴வேத் ।
கா³யத்ரீஹ்ருத³யஸ்யாஸ்யாப்யஹமேவ ருஷி: ஸ்ம்ருத: ॥ 7 ॥

கா³யத்ரீச²ந்த³ உத்³தி³ஷ்டம் தே³வதா பரமேஶ்வரீ ।
பூர்வோக்தேன ப்ரகாரேண குர்யாத³ங்கா³னி ஷட்க்ரமாத் ।
ஆஸனே விஜனே தே³ஶே த்⁴யாயேதே³காக்³ரமானஸ: ॥ 8 ॥

அதா²ர்த²ன்யாஸ: । த்³யௌமூர்த்⁴னி தை³வதம் । த³ந்தபங்க்தாவஶ்வினௌ । உபே⁴ ஸந்த்⁴யே சௌஷ்டௌ² । முக²மக்³னி: । ஜிஹ்வா ஸரஸ்வதீ । க்³ரீவாயாம் து ப்³ருஹஸ்பதி: । ஸ்தனயோர்வஸவோஷ்டௌ । பா³ஹ்வோர்மருத: । ஹ்ருத³யே பர்ஜன்ய: । ஆகாஶமுத³ரம் । நாபா⁴வந்தரிக்ஷம் । கட்யோரிந்த்³ராக்³னீ । ஜக⁴னே விஜ்ஞானக⁴ன: ப்ரஜாபதி: । கைலாஸமலயே ஊரூ । விஶ்வேதே³வா ஜான்வோ: । ஜங்கா⁴யாம் கௌஶிக: । கு³ஹ்யமயனே । ஊரூ பிதர: । பாதௌ³ ப்ருதி²வீ । வனஸ்பதயோங்கு³லீஷு । ருஷயோ ரோமாணி । நகா²னி முஹூர்தானி । அஸ்தி²ஷு க்³ரஹா: । அஸ்ருங்மாம்ஸம்ருதவ: ॥ ஸம்வத்ஸரா வை நிமிஷம் । அஹோராத்ராவாதி³த்யஶ்சந்த்³ரமா: । ப்ரவராம் தி³வ்யாம் கா³யத்ரீம் ஸஹஸ்ரனேத்ராம் ஶரணமஹம் ப்ரபத்³யே ॥

ஓம் தத்ஸவிதுர்வரேண்யாய நம: । ஓம் தத்பூர்வாஜயாய நம: । தத்ப்ராதராதி³த்யாய நம: । தத்ப்ராதராதி³த்யப்ரதிஷ்டா²யை நம: ॥

ப்ராதரதீ⁴யானோ ராத்ரிக்ருதம் பாபம் நாஶயதி । ஸாயமதீ⁴யானோ தி³வஸக்ருதம் பாபம் நாஶயதி । ஸாயம் ப்ராதரதீ⁴யானோ அபாபோ ப⁴வதி । ஸர்வதீர்தே²ஷு ஸ்னாதோ ப⁴வதி । ஸர்வைர்தே³வைர்ஜ்ஞாதோ ப⁴வதி । அவாச்யவசனாத்பூதோ ப⁴வதி । அப⁴க்ஷ்யப⁴க்ஷணாத்பூதோ ப⁴வதி । அபோ⁴ஜ்யபோ⁴ஜனாத்பூதோ ப⁴வதி । அசோஷ்யசோஷணாத்பூதோ ப⁴வதி । அஸாத்⁴யஸாத⁴னாத்பூதோ ப⁴வதி । து³ஷ்ப்ரதிக்³ரஹஶதஸஹஸ்ராத்பூதோ ப⁴வதி । ஸர்வப்ரதிக்³ரஹாத்பூதோ ப⁴வதி । பங்க்திதூ³ஷணாத்பூதோ ப⁴வதி । அன்ருதவசனாத்பூதோ ப⁴வதி । அதா²ப்³ரஹ்மசாரீ ப்³ரஹ்மசாரீ ப⁴வதீ । அனேன ஹ்ருத³யேனாதீ⁴தேன க்ரதுஸஹஸ்ரேணேஷ்டம் ப⁴வதி । ஷஷ்டிஶதஸஹஸ்ரகா³யத்ர்யா ஜப்யானி ப²லானி ப⁴வந்தி । அஷ்டௌ ப்³ராஹ்மணான் ஸம்யக்³க்³ராஹயேத் । தஸ்ய ஸித்³தி⁴ர்ப⁴வதி । ய இத³ம் நித்யமதீ⁴யானோ ப்³ராஹ்மண: ப்ராத: ஶுசி: ஸர்வபாபை: ப்ரமுச்யத இதி । ப்³ரஹ்மலோகே மஹீயதே ॥

இத்யாஹ ப⁴க³வான் ஶ்ரீனாராயண: ॥

இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ ஶ்ரீ கா³யத்ரீ ஹ்ருத³யம் நாம சதுர்தோ²த்⁴யாய: ॥