ஶ்ரீ க³ணபதி ஸ்தவம்

ப்³ரஹ்மவிஷ்ணுமஹேஶா ஊசு: ।
அஜம் நிர்விகல்பம் நிராகாரமேகம்
நிரானந்த³மத்³வைதமானந்த³பூர்ணம் ।
பரம் நிர்கு³ணம் நிர்விஶேஷம் நிரீஹம்
பரப்³ரஹ்மரூபம் க³ணேஶம் பஜ⁴ேம ॥ 1 ॥

கு³ணாதீதமாத்³யம் சிதா³னந்த³ரூபம்
சிதா³பா⁴ஸகம் ஸர்வக³ம் ஜ்ஞானக³ம்யம் ।
முனித்⁴யேயமாகாஶரூபம் பரேஶம்
பரப்³ரஹ்மரூபம் க³ணேஶம் பஜ⁴ேம ॥ 2 ॥

ஜக³த்காரணம் காரணஜ்ஞானரூபம்
ஸுராதி³ம் ஸுகா²தி³ம் யுகா³தி³ம் க³ணேஶம் ।
ஜக³த்³வ்யாபினம் விஶ்வவந்த்³யம் ஸுரேஶம்
பரப்³ரஹ்மரூபம் க³ணேஶம் பஜ⁴ேம ॥ 3 ॥

ரஜோயோக³தோ ப்³ரஹ்மரூபம் ஶ்ருதிஜ்ஞம்
ஸதா³ கார்யஸக்தம் ஹ்ருதா³சிந்த்யரூபம் ।
ஜக³த்காரகம் ஸர்வவித்³யானிதா⁴னம்
பரப்³ரஹ்மரூபம் க³ணேஶம் நதாஸ்ம: ॥ 4 ॥

ஸதா³ ஸத்த்வயோக³ம் முதா³ க்ரீட³மானம்
ஸுராரீன்ஹரந்தம் ஜக³த்பாலயந்தம் ।
அனேகாவதாரம் நிஜஜ்ஞானஹாரம்
ஸதா³ விஷ்ணுரூபம் க³ணேஶம் நமாம: ॥ 5 ॥

தமோயோகி³னம் ருத்³ரரூபம் த்ரினேத்ரம்
ஜக³த்³தா⁴ரகம் தாரகம் ஜ்ஞானஹேதும் ।
அனேகாக³மை: ஸ்வம் ஜனம் போ³த⁴யந்தம்
ஸதா³ ஶர்வரூபம் க³ணேஶம் நமாம: ॥ 6 ॥

தமஸ்தோமஹாரம் ஜனாஜ்ஞானஹாரம்
த்ரயீவேத³ஸாரம் பரப்³ரஹ்மபாரம் ।
முனிஜ்ஞானகாரம் விதூ³ரேவிகாரம்
ஸதா³ ப்³ரஹ்மரூபம் க³ணேஶம் நமாம: ॥ 7 ॥

நிஜைரோஷதீ⁴ஸ்தர்பயந்தம் கரோத்³யை:
ஸரௌகா⁴ன்கலாபி⁴: ஸுதா⁴ஸ்ராவிணீபி⁴: ।
தி³னேஶாம்ஶு ஸந்தாபஹாரம் த்³விஜேஶம்
ஶஶாங்கஸ்வரூபம் க³ணேஶம் நமாம: ॥ 8 ॥

ப்ரகாஶஸ்வரூபம் நபோ⁴வாயுரூபம்
விகாராதி³ஹேதும் கலாகாலபூ⁴தம் ।
அனேகக்ரியானேகஶக்திஸ்வரூபம்
ஸதா³ ஶக்திரூபம் க³ணேஶம் நமாம: ॥ 9 ॥

ப்ரதா⁴னஸ்வரூபம் மஹத்தத்த்வரூபம்
த⁴ராவாரிரூபம் தி³கீ³ஶாதி³ரூபம் ।
அஸத்ஸத்ஸ்வரூபம் ஜக³த்³தே⁴துபூ⁴தம்
ஸதா³ விஶ்வரூபம் க³ணேஶம் நதாஸ்ம: ॥ 1௦ ॥

த்வதீ³யே மன: ஸ்தா²பயேத³ங்க்⁴ரியுக்³மே
ஜனோ விக்⁴னஸங்கா⁴ன்ன பீடா³ம் லபே⁴த ।
லஸத்ஸூர்யபி³ம்பே³ விஶாலே ஸ்தி²தோயம்
ஜனோத்⁴வாந்த பீடா³ம் கத²ம் வா லபே⁴த ॥ 11 ॥

வயம் ப்⁴ராமிதா: ஸர்வதா²ஜ்ஞானயோகா³-
-த³லப்³தா⁴ தவாங்க்⁴ரிம் ப³ஹூன்வர்ஷபூகா³ன் ।
இதா³னீமவாப்தாஸ்தவைவ ப்ரஸாதா³-
-த்ப்ரபன்னான்ஸதா³ பாஹி விஶ்வம்ப⁴ராத்³ய ॥ 12 ॥

க³ணேஶ உவாச ।
இத³ம் ய: படே²த்ப்ராதருத்தா²ய தீ⁴மான்
த்ரிஸந்த்⁴யம் ஸதா³ ப⁴க்தியுக்தோ விஶுத்³த:⁴ ।
ஸபுத்ரான் ஶ்ரியம் ஸர்வகாமான் லபே⁴த
பரப்³ரஹ்மரூபோ ப⁴வேத³ந்தகாலே ॥ 13 ॥

இதி க³ணேஶபுராணே உபாஸனாக²ண்டே³ த்ரயோத³ஶோத்⁴யாயே ஶ்ரீக³ணபதிஸ்தவ: ।