ஶ்ரீ து³ர்கா³ சந்த்³ரகளா ஸ்துதி

த்⁴யானம்
உமாகாந்தே ரமாகாந்தே ஏஷாமாஸீ-ன்மதிஸ்ஸமா ।
நமாமி தீ³க்ஷிதேந்த்³ராம் ஸ்தான் நயஷட்க-விஶாரதா³ம் ॥

வேதோ⁴ஹரீஶ்வரஸ்துத்யாம் விஹர்த்ரீம் விந்த்⁴யபூ⁴த⁴ரே ।
ஹரப்ராணேஶ்வரீம் வந்தே³ ஹந்த்ரீம் விபு³த⁴வித்³விஷாம் ॥ 1 ॥

அப்⁴யர்த²னேன ஸரஸீருஹஸம்ப⁴வஸ்ய
த்யக்த்வோதி³தா ப⁴க³வத³க்ஷிபிதா⁴னலீலாம் ।
விஶ்வேஶ்வரீ விபத³பாகமனே புரஸ்தாத்
மாதா மமாஸ்து மது⁴கைடப⁴யோர்னிஹந்த்ரீ ॥ 2 ॥

ப்ராங்னிர்ஜரேஷு நிஹதைர்னிஜஶக்திலேஶை:
ஏகீப⁴வத்³பி⁴ருதி³தாகி²லலோககு³ப்த்யை ।
ஸம்பன்னஶஸ்த்ரனிகரா ச ததா³யுத⁴ஸ்தை²:
மாதா மமாஸ்து மஹிஷாந்தகரீ புரஸ்தாத் ॥ 3 ॥

ப்ராலேயஶைலதனயா தனுகாந்திஸம்பத்
கோஶோதி³தா குவலயச்ச²விசாருதே³ஹா ।
நாராயணீ நமத³பீ⁴ப்ஸிதகல்பவல்லீ
ஸுப்ரீதிமாவஹது ஶும்ப⁴னிஶும்ப⁴ஹந்த்ரீ ॥ 4 ॥

விஶ்வேஶ்வரீதி மஹிஷாந்தகரீதி யஸ்யா:
நாராயணீத்யபி ச நாமபி⁴ரங்கிதானி ।
ஸூக்தானி பங்கஜபு⁴வா ச ஸுரர்ஷிபி⁴ஶ்ச
த்³ருஷ்டானி பாவகமுகை²ஶ்ச ஶிவாம் பஜ⁴ே தாம் ॥ 5 ॥

உத்பத்திதை³த்யஹனனஸ்தவனாத்மகானி
ஸம்ரக்ஷகாண்யகி²லபூ⁴தஹிதாய யஸ்யா: ।
ஸூக்தான்யஶேஷனிக³மாந்தவித:³ பட²ந்தி
தாம் விஶ்வமாதரமஜஸ்ரமபி⁴ஷ்டவீமி ॥ 6 ॥

யே வைப்ரசித்தபுனருத்தி²தஶும்ப⁴முக்²யை:
து³ர்பி⁴க்ஷகோ⁴ரஸமயேன ச காரிதாஸு ।
ஆவிஷ்க்ருதாஸ்த்ரிஜக³தா³ர்திஷு ரூபபே⁴தா³:
தைரம்பி³கா ஸமபி⁴ரக்ஷது மாம் விபத்³ப்⁴ய: ॥ 7 ॥

ஸூக்தம் யதீ³யமரவிந்த³ப⁴வாதி³ த்³ருஷ்டம்
ஆவர்த்ய தே³வ்யனுபத³ம் ஸுரத:² ஸமாதி⁴: ।
த்³வாவப்யவாபதுரபீ⁴ஷ்டமனன்யலப்⁴யம்
தாமாதி³தே³வதருணீம் ப்ரணமாமி மூர்த்⁴னா ॥ 8 ॥

மாஹிஷ்மதீதனுப⁴வம் ச ருரும் ச ஹந்தும்
ஆவிஷ்க்ருதைர்னிஜரஸாத³வதாரபே⁴தை³: ।
அஷ்டாத³ஶாஹதனவாஹதகோடிஸங்க்³யை:
அம்பா³ ஸதா³ ஸமபி⁴ரக்ஷது மாம் விபத்³ப்⁴ய: ॥ 9 ॥

ஏதச்சரித்ரமகி²லம் லிகி²தம் ஹி யஸ்யா:
ஸம்பூஜிதம் ஸத³ன ஏவ நிவேஶிதம் வா ।
து³ர்க³ம் ச தாரயதி து³ஸ்தரமப்யஶேஷம்
ஶ்ரேய: ப்ரயச்ச²தி ச ஸர்வமுமாம் பஜ⁴ே தாம் ॥ 1௦ ॥

யத்பூஜனஸ்துதினமஸ்க்ருதிபி⁴ர்ப⁴வந்தி
ப்ரீதா: பிதாமஹரமேஶஹராஸ்த்ரயோபி ।
தேஷாமபி ஸ்வககு³ணைர்த³த³தீ வபூம்ஷி
தாமீஶ்வரஸ்ய தருணீம் ஶரணம் ப்ரபத்³யே ॥ 11 ॥

காந்தாரமத்⁴யத்³ருட⁴லக்³னதயாவஸன்னா:
மக்³னாஶ்ச வாரிதி⁴ஜலே ரிபுபி⁴ஶ்ச ருத்³தா⁴: ।
யஸ்யா: ப்ரபத்³ய சரணௌ விபத³ஸ்தரந்தி
ஸா மே ஸதா³ஸ்து ஹ்ருதி³ ஸர்வஜக³த்ஸவித்ரீ ॥ 12 ॥

ப³ந்தே⁴ வதே⁴ மஹதி ம்ருத்யுப⁴யே ப்ரஸக்தே
வித்தக்ஷயே ச விவிதே⁴ ய மஹோபதாபே ।
யத்பாத³பூஜனமிஹ ப்ரதிகாரமாஹு:
ஸா மே ஸமஸ்தஜனனீ ஶரணம் ப⁴வானீ ॥ 13 ॥

பா³ணாஸுரப்ரஹிதபன்னக³ப³ந்த⁴மோக்ஷ:
தத்³பா³ஹுத³ர்பத³லனாது³ஷயா ச யோக:³ ।
ப்ராத்³யும்னினா த்³ருதமலப்⁴யத யத்ப்ரஸாதா³த்
ஸா மே ஶிவா ஸகலமப்யஶுப⁴ம் க்ஷிணோது ॥ 14 ॥

பாப: புலஸ்த்யதனய: புனருத்தி²தோ மாம்
அத்³யாபி ஹர்துமயமாக³த இத்யுதீ³தம் ।
யத்ஸேவனேன ப⁴யமிந்தி³ரயாவதூ⁴தம்
தாமாதி³தே³வதருணீம் ஶரணம் க³தோஸ்மி ॥ 15 ॥

யத்³த்⁴யானஜம் ஸுக²மவாப்யமனந்தபுண்யை:
ஸாக்ஷாத்தமச்யுத பரிக்³ரஹமாஶ்வவாபு: ।
கோ³பாங்க³னா: கில யத³ர்சனபுண்யமாத்ரா:
ஸா மே ஸதா³ ப⁴க³வதீ ப⁴வது ப்ரஸன்னா ॥ 16 ॥

ராத்ரிம் ப்ரபத்³ய இதி மந்த்ரவித:³ ப்ரபன்னான்
உத்³போ³த்⁴ய ம்ருத்யுவதி⁴மன்யப²லை: ப்ரலோப்⁴ய ।
பு³த்³த்⁴வா ச தத்³விமுக²தாம் ப்ரதனம் நயந்தீம்
ஆகாஶமாதி³ஜனனீம் ஜக³தாம் பஜ⁴ே தாம் ॥ 17 ॥

தே³ஶகாலேஷு து³ஷ்டேஷு து³ர்கா³சந்த்³ரகலாஸ்துதி: ।
ஸந்த்⁴யயோரனுஸந்தே⁴யா ஸர்வாபத்³வினிவ்ருத்தயே ॥ 18 ॥

இதி ஶ்ரீமத³பய்யதீ³க்ஷிதவிரசிதா து³ர்கா³சந்த்³ரகளாஸ்துதி: ॥