ஶ்ரீ பூ⁴ வராஹ ஸ்தோத்ரம்

ருஷய ஊசு ।

ஜிதம் ஜிதம் தேஜித யஜ்ஞபா⁴வனா
த்ரயீம் தனூம் ஸ்வாம் பரிது⁴ன்வதே நம: ।
யத்³ரோமக³ர்தேஷு நிலில்யுரத்⁴வரா:
தஸ்மை நம: காரணஸூகராய தே ॥ 1 ॥

ரூபம் தவைதன்னனு து³ஷ்க்ருதாத்மனாம்
து³ர்த³ர்ஶனம் தே³வ யத³த்⁴வராத்மகம் ।
ச²ந்தா³ம்ஸி யஸ்ய த்வசி ப³ர்ஹிரோம-
ஸ்ஸ்வாஜ்யம் த்³ருஶி த்வங்க்⁴ரிஷு சாதுர்ஹோத்ரம் ॥ 2 ॥

ஸ்ருக்துண்ட³ ஆஸீத்ஸ்ருவ ஈஶ நாஸயோ-
ரிடோ³த³ரே சமஸா: கர்ணரந்த்⁴ரே ।
ப்ராஶித்ரமாஸ்யே க்³ரஸனே க்³ரஹாஸ்து தே
யச்சர்வணந்தே ப⁴க³வன்னக்³னிஹோத்ரம் ॥ 3 ॥

தீ³க்ஷானுஜன்மோபஸத:³ ஶிரோத⁴ரம்
த்வம் ப்ராயணீயோ த³யனீய த³ம்ஷ்ட்ர: ।
ஜிஹ்வா ப்ரவர்க்³யஸ்தவ ஶீர்ஷகம் க்ரதோ:
ஸப்⁴யாவஸத்²யம் சிதயோஸவோ ஹி தே ॥ 4 ॥

ஸோமஸ்து ரேத: ஸவனான்யவஸ்தி²தி:
ஸம்ஸ்தா²விபே⁴தா³ஸ்தவ தே³வ தா⁴தவ: ।
ஸத்ராணி ஸர்வாணி ஶரீரஸந்தி⁴-
ஸ்த்வம் ஸர்வயஜ்ஞக்ரதுரிஷ்டிப³ந்த⁴ன: ॥ 5 ॥

நமோ நமஸ்தேகி²லயந்த்ரதே³வதா
த்³ரவ்யாய ஸர்வக்ரதவே க்ரியாத்மனே ।
வைராக்³ய ப⁴க்த்யாத்மஜயானுபா⁴வித
ஜ்ஞானாய வித்³யாகு³ரவே நமொ நம: ॥ 6 ॥

த³ம்ஷ்ட்ராக்³ரகோட்யா ப⁴க³வம்ஸ்த்வயா த்⁴ருதா
விராஜதே பூ⁴த⁴ர பூ⁴ஸ்ஸபூ⁴த⁴ரா ।
யதா² வனான்னிஸ்ஸரதோ த³தா த்⁴ருதா
மதங்கஜ³ேந்த்³ரஸ்ய ஸ பத்ரபத்³மினீ ॥ 7 ॥

த்ரயீமயம் ரூபமித³ம் ச ஸௌகரம்
பூ⁴மண்ட³லே நாத² ததா³ த்⁴ருதேன தே ।
சகாஸ்தி ஶ்ருங்கோ³ட⁴க⁴னேன பூ⁴யஸா
குலாசலேந்த்³ரஸ்ய யதை²வ விப்⁴ரம: ॥ 8 ॥

ஸம்ஸ்தா²பயைனாம் ஜக³தாம் ஸதஸ்து²ஷாம்
லோகாய பத்னீமஸி மாதரம் பிதா ।
விதே⁴ம சாஸ்யை நமஸா ஸஹ த்வயா
யஸ்யாம் ஸ்வதேஜோக்³னிமிவாரணாவதா⁴: ॥ 9 ॥

க: ஶ்ரத்³த⁴தீ⁴தான்யதமஸ்தவ ப்ரபோ⁴
ரஸாம் க³தாயா பு⁴வ உத்³விப³ர்ஹணம் ।
ந விஸ்மயோஸௌ த்வயி விஶ்வவிஸ்மயே
யோ மாயயேத³ம் ஸஸ்ருஜேதி விஸ்மயம் ॥ 1௦ ॥

விது⁴ன்வதா வேத³மயம் நிஜம் வபு-
ர்ஜனஸ்தப: ஸத்யனிவாஸினோ வயம் ।
ஸடாஶிகோ²த்³தூ⁴த ஶிவாம்பு³பி³ந்து³பி⁴-
ர்விம்ருஜ்யமானா ப்⁴ருஶமீஶ பாவிதா: ॥ 11 ॥

ஸ வை ப³த ப்⁴ரஷ்டமதிஸ்தவைஷதே
ய: கர்மணாம் பாரமபாரகர்மண: ।
யத்³யோக³மாயா கு³ண யோக³ மோஹிதம்
விஶ்வம் ஸமஸ்தம் ப⁴க³வன் விதே⁴ஹி ஶம் ॥ 12 ॥

இதி ஶ்ரீமத்³பா⁴க³வதே மஹாபுராணே த்ருதீயஸ்கந்தே⁴ ஶ்ரீ வராஹ ப்ராது³ர்பா⁴வோனாம த்ரயோத³ஶோத்⁴யாய: ।