ஸரஸ்வதீ ஸ்தோத்ரம்

யா குந்தே³ந்து³ துஷாரஹாரத⁴வளா யா ஶுப்⁴ரவஸ்த்ராவ்ருதா
யா வீணாவரத³ண்ட³மண்டி³தகரா யா ஶ்வேதபத்³மாஸனா ।
யா ப்³ரஹ்மாச்யுத ஶங்கரப்ரப்⁴ருதிபி⁴ர்தே³வைஸ்ஸதா³ பூஜிதா
ஸா மாம் பாது ஸரஸ்வதீ ப⁴க³வதீ நிஶ்ஶேஷஜாட்³யாபஹா ॥ 1 ॥

தோ³ர்பி⁴ர்யுக்தா சதுர்பி⁴: ஸ்ப²டிகமணினிபை⁴ ரக்ஷமாலாந்த³தா⁴னா
ஹஸ்தேனைகேன பத்³மம் ஸிதமபிச ஶுகம் புஸ்தகம் சாபரேண ।
பா⁴ஸா குந்தே³ந்து³ஶங்க³ஸ்ப²டிகமணினிபா⁴ பா⁴ஸமானாzஸமானா
ஸா மே வாக்³தே³வதேயம் நிவஸது வத³னே ஸர்வதா³ ஸுப்ரஸன்னா ॥ 2 ॥

ஸுராஸுரைஸ்ஸேவிதபாத³பங்கஜா கரே விராஜத்கமனீயபுஸ்தகா ।
விரிஞ்சிபத்னீ கமலாஸனஸ்தி²தா ஸரஸ்வதீ ந்ருத்யது வாசி மே ஸதா³ ॥ 3 ॥

ஸரஸ்வதீ ஸரஸிஜகேஸரப்ரபா⁴ தபஸ்வினீ ஸிதகமலாஸனப்ரியா ।
க⁴னஸ்தனீ கமலவிலோலலோசனா மனஸ்வினீ ப⁴வது வரப்ரஸாதி³னீ ॥ 4 ॥

ஸரஸ்வதி நமஸ்துப்⁴யம் வரதே³ காமரூபிணி ।
வித்³யாரம்ப⁴ம் கரிஷ்யாமி ஸித்³தி⁴ர்ப⁴வது மே ஸதா³ ॥ 5 ॥

ஸரஸ்வதி நமஸ்துப்⁴யம் ஸர்வதே³வி நமோ நம: ।
ஶாந்தரூபே ஶஶித⁴ரே ஸர்வயோகே³ நமோ நம: ॥ 6 ॥

நித்யானந்தே³ நிராதா⁴ரே நிஷ்களாயை நமோ நம: ।
வித்³யாத⁴ரே விஶாலாக்ஷி ஶுத்³தஜ⁴்ஞானே நமோ நம: ॥ 7 ॥

ஶுத்³த⁴ஸ்ப²டிகரூபாயை ஸூக்ஷ்மரூபே நமோ நம: ।
ஶப்³த³ப்³ரஹ்மி சதுர்ஹஸ்தே ஸர்வஸித்³த்⁴யை நமோ நம: ॥ 8 ॥

முக்தாலங்க்ருத ஸர்வாங்க்³யை மூலாதா⁴ரே நமோ நம: ।
மூலமந்த்ரஸ்வரூபாயை மூலஶக்த்யை நமோ நம: ॥ 9 ॥

மனோன்மனி மஹாபோ⁴கே³ வாகீ³ஶ்வரி நமோ நம: ।
வாக்³ம்யை வரத³ஹஸ்தாயை வரதா³யை நமோ நம: ॥ 1௦ ॥

வேதா³யை வேத³ரூபாயை வேதா³ந்தாயை நமோ நம: ।
கு³ணதோ³ஷவிவர்ஜின்யை கு³ணதீ³ப்த்யை நமோ நம: ॥ 11 ॥

ஸர்வஜ்ஞானே ஸதா³னந்தே³ ஸர்வரூபே நமோ நம: ।
ஸம்பன்னாயை குமார்யை ச ஸர்வஜ்ஞே தே நமோ நம: ॥ 12 ॥

யோகா³னார்ய உமாதே³வ்யை யோகா³னந்தே³ நமோ நம: ।
தி³வ்யஜ்ஞான த்ரினேத்ராயை தி³வ்யமூர்த்யை நமோ நம: ॥ 13 ॥

அர்த⁴சந்த்³ரஜடாதா⁴ரி சந்த்³ரபி³ம்பே³ நமோ நம: ।
சந்த்³ராதி³த்யஜடாதா⁴ரி சந்த்³ரபி³ம்பே³ நமோ நம: ॥ 14 ॥

அணுரூபே மஹாரூபே விஶ்வரூபே நமோ நம: ।
அணிமாத்³யஷ்டஸித்³தா⁴யை ஆனந்தா³யை நமோ நம: ॥ 15 ॥

ஜ்ஞான விஜ்ஞான ரூபாயை ஜ்ஞானமூர்தே நமோ நம: ।
நானாஶாஸ்த்ர ஸ்வரூபாயை நானாரூபே நமோ நம: ॥ 16 ॥

பத்³மஜா பத்³மவம்ஶா ச பத்³மரூபே நமோ நம: ।
பரமேஷ்ட்²யை பராமூர்த்யை நமஸ்தே பாபனாஶினீ ॥ 17 ॥

மஹாதே³வ்யை மஹாகாள்யை மஹாலக்ஷ்ம்யை நமோ நம: ।
ப்³ரஹ்மவிஷ்ணுஶிவாயை ச ப்³ரஹ்மனார்யை நமோ நம: ॥ 18 ॥

கமலாகரபுஷ்பா ச காமரூபே நமோ நம: ।
கபாலிகர்மதீ³ப்தாயை கர்மதா³யை நமோ நம: ॥ 19 ॥

ஸாயம் ப்ராத: படே²ன்னித்யம் ஷண்மாஸாத்ஸித்³தி⁴ருச்யதே ।
சோரவ்யாக்⁴ரப⁴யம் நாஸ்தி பட²தாம் ஶ்ருண்வதாமபி ॥ 2௦ ॥

இத்த²ம் ஸரஸ்வதீ ஸ்தோத்ரமக³ஸ்த்யமுனி வாசகம் ।
ஸர்வஸித்³தி⁴கரம் ந்ரூணாம் ஸர்வபாபப்ரணாஶனம் ॥ 21 ॥