ஸங்க்ஷேப ராமாயணம்

ஶ்ரீமத்³வால்மீகீய ராமாயணே பா³லகாண்ட³ம் ।
அத² ப்ரத²மஸ்ஸர்க:³ ।

தபஸ்ஸ்வாத்⁴யாயனிரதம் தபஸ்வீ வாக்³விதா³ம் வரம் ।
நாரத³ம் பரிபப்ரச்ச² வால்மீகிர்முனிபுங்க³வம் ॥ 1 ॥

கோன்வஸ்மின்ஸாம்ப்ரதம் லோகே கு³ணவான் கஶ்ச வீர்யவான் ।
த⁴ர்மஜ்ஞஶ்ச க்ருதஜ்ஞஶ்ச ஸத்யவாக்யோ த்³ருட⁴வ்ரத: ॥ 2 ॥

சாரித்ரேண ச கோ யுக்த: ஸர்வபூ⁴தேஷு கோ ஹித: ।
வித்³வான் க: க: ஸமர்த²ஶ்ச கஶ்சைகப்ரியத³ர்ஶன: ॥ 3 ॥

ஆத்மவான் கோ ஜிதக்ரோதோ⁴ த்³யுதிமான் கோனஸூயக: ।
கஸ்ய பி³ப்⁴யதி தே³வாஶ்ச ஜாதரோஷஸ்ய ஸம்யுகே³ ॥ 4 ॥

ஏததி³ச்சா²ம்யஹம் ஶ்ரோதும் பரம் கௌதூஹலம் ஹி மே ।
மஹர்ஷே த்வம் ஸமர்தோ²ஸி ஜ்ஞாதுமேவம்வித⁴ம் நரம் ॥ 5 ॥

ஶ்ருத்வா சைதத்த்ரிலோகஜ்ஞோ வால்மீகேர்னாரதோ³ வச: ।
ஶ்ரூயதாமிதி சாமந்த்ர்ய ப்ரஹ்ருஷ்டோ வாக்யமப்³ரவீத் ॥ 6 ॥

ப³ஹவோ து³ர்லபா⁴ஶ்சைவ யே த்வயா கீர்திதா கு³ணா: ।
முனே வக்ஷ்யாம்யஹம் பு³த்³த்⁴வா தைர்யுக்த: ஶ்ரூயதாம் நர: ॥ 7 ॥

இக்ஷ்வாகுவம்ஶப்ரப⁴வோ ராமோ நாம ஜனை: ஶ்ருத: ।
நியதாத்மா மஹாவீர்யோ த்³யுதிமான் த்⁴ருதிமான் வஶீ ॥ 8 ॥

பு³த்³தி⁴மான் நீதிமான் வாக்³மீ ஶ்ரீமான் ஶத்ருனிப³ர்ஹண: ।
விபுலாம்ஸோ மஹாபா³ஹு: கம்பு³க்³ரீவோ மஹாஹனு: ॥ 9 ॥

மஹோரஸ்கோ மஹேஷ்வாஸோ கூ³டஜ⁴த்ருரரிந்த³ம: ।
ஆஜானுபா³ஹு: ஸுஶிரா: ஸுலலாட: ஸுவிக்ரம: ॥ 1௦ ॥

ஸம: ஸமவிப⁴க்தாங்க:³ ஸ்னிக்³த⁴வர்ண: ப்ரதாபவான் ।
பீனவக்ஷா விஶாலாக்ஷோ லக்ஷ்மீவான் ஶுப⁴லக்ஷண: ॥ 11 ॥

த⁴ர்மஜ்ஞ: ஸத்யஸந்த⁴ஶ்ச ப்ரஜானாம் ச ஹிதே ரத: ।
யஶஸ்வீ ஜ்ஞானஸம்பன்ன: ஶுசிர்வஶ்ய: ஸமாதி⁴மான் ॥ 12 ॥

ப்ரஜாபதிஸம: ஶ்ரீமான் தா⁴தா ரிபுனிஷூத³ன: ।
ரக்ஷிதா ஜீவலோகஸ்ய த⁴ர்மஸ்ய பரிரக்ஷிதா ॥ 13 ॥

ரக்ஷிதா ஸ்வஸ்ய த⁴ர்மஸ்ய ஸ்வஜனஸ்ய ச ரக்ஷிதா ।
வேத³வேதா³ங்க³தத்த்வஜ்ஞோ த⁴னுர்வேதே³ ச நிஷ்டி²த: ॥ 14 ॥

ஸர்வஶாஸ்த்ரார்த²தத்த்வஜ்ஞோ ஸ்ம்ருதிமான்ப்ரதிபா⁴னவான் ।
ஸர்வலோகப்ரிய: ஸாது⁴ரதீ³னாத்மா விசக்ஷண: ॥ 15 ॥

ஸர்வதா³பி⁴க³த: ஸத்³பி⁴: ஸமுத்³ர இவ ஸிந்து⁴பி⁴: ।
ஆர்ய: ஸர்வஸமஶ்சைவ ஸதை³கப்ரியத³ர்ஶன: ॥ 16 ॥

ஸ ச ஸர்வகு³ணோபேத: கௌஸல்யானந்த³வர்த⁴ன: ।
ஸமுத்³ர இவ கா³ம்பீ⁴ர்யே தை⁴ர்யேண ஹிமவானிவ ॥ 17 ॥

விஷ்ணுனா ஸத்³ருஶோ வீர்யே ஸோமவத்ப்ரியத³ர்ஶன: ।
காலாக்³னிஸத்³ருஶ: க்ரோதே⁴ க்ஷமயா ப்ருதி²வீஸம: ॥ 18 ॥

த⁴னதே³ன ஸமஸ்த்யாகே³ ஸத்யே த⁴ர்ம இவாபர: ।
தமேவம் கு³ணஸம்பன்னம் ராமம் ஸத்யபராக்ரமம் ॥ 19 ॥

ஜ்யேஷ்ட²ம் ஶ்ரேஷ்ட²கு³ணைர்யுக்தம் ப்ரியம் த³ஶரத:² ஸுதம் ।
ப்ரக்ருதீனாம் ஹிதைர்யுக்தம் ப்ரக்ருதி ப்ரிய காம்யயா ॥ 2௦ ॥

யௌவராஜ்யேன ஸம்யோக்துமைச்ச²த்ப்ரீத்யா மஹீபதி: ।
தஸ்யாபி⁴ஷேகஸம்பா⁴ரான் த்³ருஷ்ட்வா பா⁴ர்யாத² கைகயீ ॥ 21 ॥

பூர்வம் த³த்தவரா தே³வீ வரமேனமயாசத ।
விவாஸனம் ச ராமஸ்ய ப⁴ரதஸ்யாபி⁴ஷேசனம் ॥ 22 ॥

ஸ ஸத்யவசனாத்³ராஜா த⁴ர்மபாஶேன ஸம்யத: ।
விவாஸயாமாஸ ஸுதம் ராமம் த³ஶரத:² ப்ரியம் ॥ 23 ॥

ஸ ஜகா³ம வனம் வீர: ப்ரதிஜ்ஞாமனுபாலயன் ।
பிதுர்வசனனிர்தே³ஶாத்கைகேய்யா: ப்ரியகாரணாத் ॥ 24 ॥

தம் வ்ரஜந்தம் ப்ரியோ ப்⁴ராதா லக்ஷ்மணோனுஜகா³ம ஹ ।
ஸ்னேஹாத்³வினயஸம்பன்ன: ஸுமித்ரானந்த³வர்த⁴ன: ॥ 25 ॥

ப்⁴ராதரம் த³யிதோ ப்⁴ராது: ஸௌப்⁴ராத்ரமனுத³ர்ஶயன் ।
ராமஸ்ய த³யிதா பா⁴ர்யா நித்யம் ப்ராணஸமாஹிதா ॥ 26 ॥

ஜனகஸ்ய குலே ஜாதா தே³வமாயேவ நிர்மிதா ।
ஸர்வலக்ஷணஸம்பன்னா நாரீணாமுத்தமா வதூ⁴: ॥ 27 ॥

ஸீதாப்யனுக³தா ராமம் ஶஶினம் ரோஹிணீ யதா² ।
பௌரைரனுக³தோ தூ³ரம் பித்ரா த³ஶரதே²ன ச ॥ 28 ॥

ஶ்ருங்கி³பே³ரபுரே ஸூதம் க³ங்கா³கூலே வ்யஸர்ஜயத் ।
கு³ஹமாஸாத்³ய த⁴ர்மாத்மா நிஷாதா³தி⁴பதிம் ப்ரியம் ॥ 29 ॥

கு³ஹேன ஸஹிதோ ராம: லக்ஷ்மணேன ச ஸீதயா ।
தே வனேன வனம் க³த்வா நதீ³ஸ்தீர்த்வா ப³ஹூத³கா: ॥ 3௦ ॥

சித்ரகூடமனுப்ராப்ய ப⁴ரத்³வாஜஸ்ய ஶாஸனாத் ।
ரம்யமாவஸத²ம் க்ருத்வா ரமமாணா வனே த்ரய: ॥ 31 ॥

தே³வக³ந்த⁴ர்வஸங்காஶாஸ்தத்ர தே ந்யவஸன்ஸுக²ம் ।
சித்ரகூடம் க³தே ராமே புத்ரஶோகாதுரஸ்ததா² ॥ 32 ॥

ராஜா த³ஶரத:² ஸ்வர்க³ம் ஜகா³ம விலபன்ஸுதம் ।
ம்ருதே து தஸ்மின்ப⁴ரதோ வஸிஷ்ட²ப்ரமுகை²ர்த்³விஜை: ॥ 33 ॥

நியுஜ்யமானோ ராஜ்யாய நைச்ச²த்³ராஜ்யம் மஹாப³ல: ।
ஸ ஜகா³ம வனம் வீரோ ராமபாத³ப்ரஸாத³க: ॥ 34 ॥

க³த்வா து ஸ மஹாத்மானம் ராமம் ஸத்யபராக்ரமம் ।
அயாசத்³ப்⁴ராதரம் ராமம் ஆர்யபா⁴வபுரஸ்க்ருத: ॥ 35 ॥

த்வமேவ ராஜா த⁴ர்மஜ்ஞ இதி ராமம் வசோப்³ரவீத் ।
ராமோபி பரமோதா³ர: ஸுமுக²ஸ்ஸுமஹாயஶா: ॥ 36 ॥

ந சைச்ச²த்பிதுராதே³ஶாத்³ராஜ்யம் ராமோ மஹாப³ல: ।
பாது³கே சாஸ்ய ராஜ்யாய ந்யாஸம் த³த்த்வா புன: புன: ॥ 37 ॥

நிவர்தயாமாஸ ததோ ப⁴ரதம் ப⁴ரதாக்³ரஜ: ।
ஸ காமமனவாப்யைவ ராமபாதா³வுபஸ்ப்ருஶன் ॥ 38 ॥

நந்தி³க்³ராமேகரோத்³ராஜ்யம் ராமாக³மனகாங்க்ஷயா ।
க³தே து ப⁴ரதே ஶ்ரீமான் ஸத்யஸந்தோ⁴ ஜிதேந்த்³ரிய: ॥ 39 ॥

ராமஸ்து புனராலக்ஷ்ய நாக³ரஸ்ய ஜனஸ்ய ச ।
தத்ராக³மனமேகாக்³ரோ த³ண்ட³கான்ப்ரவிவேஶ ஹ ॥ 4௦ ॥

ப்ரவிஶ்ய து மஹாரண்யம் ராமோ ராஜீவலோசன: ।
விராத⁴ம் ராக்ஷஸம் ஹத்வா ஶரப⁴ங்க³ம் த³த³ர்ஶ ஹ ॥ 41 ॥

ஸுதீக்ஷ்ணம் சாப்யக³ஸ்த்யம் ச அக³ஸ்த்யப்⁴ராதரம் ததா² ।
அக³ஸ்த்யவசனாச்சைவ ஜக்³ராஹைந்த்³ரம் ஶராஸனம் ॥ 42 ॥

க²ட்³க³ம் ச பரமப்ரீதஸ்தூணீ சாக்ஷயஸாயகௌ ।
வஸதஸ்தஸ்ய ராமஸ்ய வனே வனசரை: ஸஹ ॥ 43 ॥

ருஷயோப்⁴யாக³மன்ஸர்வே வதா⁴யாஸுரரக்ஷஸாம் ।
ஸ தேஷாம் ப்ரதிஶுஶ்ராவ ராக்ஷஸானாம் ததா² வனே ॥ 44 ॥

ப்ரதிஜ்ஞாதஶ்ச ராமேண வத:⁴ ஸம்யதி ரக்ஷஸாம் ।
ருஷீணாமக்³னிகல்பானாம் த³ண்ட³காரண்யவாஸினாம் ॥ 45 ॥

தேன தத்ரைவ வஸதா ஜனஸ்தா²னனிவாஸினீ ।
விரூபிதா ஶூர்பணகா² ராக்ஷஸீ காமரூபிணீ ॥ 46 ॥

தத: ஶூர்பணகா²வாக்யாது³த்³யுக்தான்ஸர்வராக்ஷஸான் ।
க²ரம் த்ரிஶிரஸம் சைவ தூ³ஷணம் சைவ ராக்ஷஸம் ॥ 47 ॥

நிஜகா⁴ன ரணே ராமஸ்தேஷாம் சைவ பதா³னுகா³ன் ।
வனே தஸ்மின்னிவஸதா ஜனஸ்தா²னனிவாஸினாம் ॥ 48 ॥

ரக்ஷஸாம் நிஹதான்யாஸன்ஸஹஸ்ராணி சதுர்த³ஶ ।
ததோ ஜ்ஞாதிவத⁴ம் ஶ்ருத்வா ராவண: க்ரோத⁴மூர்சி²த: ॥ 49 ॥

ஸஹாயம் வரயாமாஸ மாரீசம் நாம ராக்ஷஸம் ।
வார்யமாண: ஸுப³ஹுஶோ மாரீசேன ஸ ராவண: ॥ 5௦ ॥

ந விரோதோ⁴ ப³லவதா க்ஷமோ ராவண தேன தே ।
அனாத்³ருத்ய து தத்³வாக்யம் ராவண: காலசோதி³த: ॥ 51 ॥

ஜகா³ம ஸஹமாரீச: தஸ்யாஶ்ரமபத³ம் ததா³ ।
தேன மாயாவினா தூ³ரமபவாஹ்ய ந்ருபாத்மஜௌ ॥ 52 ॥

ஜஹார பா⁴ர்யாம் ராமஸ்ய க்³ருத்⁴ரம் ஹத்வா ஜடாயுஷம் ।
க்³ருத்⁴ரம் ச நிஹதம் த்³ருஷ்ட்வா ஹ்ருதாம் ஶ்ருத்வா ச மைதி²லீம் ॥ 53 ॥

ராக⁴வ: ஶோகஸந்தப்தோ விலலாபாகுலேந்த்³ரிய: ।
ததஸ்தேனைவ ஶோகேன க்³ருத்⁴ரம் த³க்³த்⁴வா ஜடாயுஷம் ॥ 54 ॥

மார்க³மாணோ வனே ஸீதாம் ராக்ஷஸம் ஸந்த³த³ர்ஶ ஹ ।
கப³ந்த⁴ம் நாம ரூபேண விக்ருதம் கோ⁴ரத³ர்ஶனம் ॥ 55 ॥

தம் நிஹத்ய மஹாபா³ஹு: த³தா³ஹ ஸ்வர்க³தஶ்ச ஸ: ।
ஸ சாஸ்ய கத²யாமாஸ ஶப³ரீம் த⁴ர்மசாரிணீம் ॥ 56 ॥

ஶ்ரமணீம் த⁴ர்மனிபுணாமபி⁴க³ச்சே²தி ராக⁴வம் ।
ஸோப்⁴யக³ச்ச²ன்மஹாதேஜா: ஶப³ரீம் ஶத்ருஸூத³ன: ॥ 57 ॥

ஶப³ர்யா பூஜித: ஸம்யக்³ராமோ த³ஶரதா²த்மஜ: ।
பம்பாதீரே ஹனுமதா ஸங்க³தோ வானரேண ஹ ॥ 58 ॥

ஹனுமத்³வசனாச்சைவ ஸுக்³ரீவேண ஸமாக³த: ।
ஸுக்³ரீவாய ச தத்ஸர்வம் ஶம்ஸத்³ராமோ மஹாப³ல: ॥ 59 ॥

ஆதி³தஸ்தத்³யதா²வ்ருத்தம் ஸீதயாஶ்ச விஶேஷத: ।
ஸுக்³ரீவஶ்சாபி தத்ஸர்வம் ஶ்ருத்வா ராமஸ்ய வானர: ॥ 6௦ ॥

சகார ஸக்²யம் ராமேண ப்ரீதஶ்சைவாக்³னிஸாக்ஷிகம் ।
ததோ வானரராஜேன வைரானுகத²னம் ப்ரதி ॥ 61 ॥

ராமாயாவேதி³தம் ஸர்வம் ப்ரணயாத்³து³:கி²தேன ச ।
ப்ரதிஜ்ஞாதம் ச ராமேண ததா³ வாலிவத⁴ம் ப்ரதி ॥ 62 ॥

வாலினஶ்ச ப³லம் தத்ர கத²யாமாஸ வானர: ।
ஸுக்³ரீவ: ஶங்கிதஶ்சாஸீன்னித்யம் வீர்யேண ராக⁴வே ॥ 63 ॥

ராக⁴வ: ப்ரத்யயார்த²ம் து து³ந்து³பே⁴: காயமுத்தமம் ।
த³ர்ஶயாமாஸ ஸுக்³ரீவோ மஹாபர்வத ஸன்னிப⁴ம் ॥ 64 ॥

உத்ஸ்மயித்வா மஹாபா³ஹு: ப்ரேக்ஷ்ய சாஸ்தி² மஹாப³ல: ।
பாதா³ங்கு³ஷ்டே²ன சிக்ஷேப ஸம்பூர்ணம் த³ஶயோஜனம் ॥ 65 ॥

பி³பே⁴த³ ச புன: ஸாலான்ஸப்தைகேன மஹேஷுணா ।
கி³ரிம் ரஸாதலம் சைவ ஜனயன் ப்ரத்யயம் ததா³ ॥ 66 ॥

தத: ப்ரீதமனாஸ்தேன விஶ்வஸ்த: ஸ மஹாகபி: ।
கிஷ்கிந்தா⁴ம் ராமஸஹிதோ ஜகா³ம ச கு³ஹாம் ததா³ ॥ 67 ॥

ததோக³ர்ஜத்³த⁴ரிவர: ஸுக்³ரீவோ ஹேமபிங்கள³: ।
தேன நாதே³ன மஹதா நிர்ஜகா³ம ஹரீஶ்வர: ॥ 68 ॥

அனுமான்ய ததா³ தாராம் ஸுக்³ரீவேண ஸமாக³த: ।
நிஜகா⁴ன ச தத்ரைனம் ஶரேணைகேன ராக⁴வ: ॥ 69 ॥

தத: ஸுக்³ரீவவசனாத்³த⁴த்வா வாலினமாஹவே ।
ஸுக்³ரீவமேவ தத்³ராஜ்யே ராக⁴வ: ப்ரத்யபாத³யத் ॥ 7௦ ॥

ஸ ச ஸர்வான்ஸமானீய வானரான்வானரர்ஷப:⁴ ।
தி³ஶ: ப்ரஸ்தா²பயாமாஸ தி³த்³ருக்ஷுர்ஜனகாத்மஜாம் ॥ 71 ॥

ததோ க்³ருத்⁴ரஸ்ய வசனாத்ஸம்பாதேர்ஹனுமான்ப³லீ ।
ஶதயோஜனவிஸ்தீர்ணம் புப்லுவே லவணார்ணவம் ॥ 72 ॥

தத்ர லங்காம் ஸமாஸாத்³ய புரீம் ராவணபாலிதாம் ।
த³த³ர்ஶ ஸீதாம் த்⁴யாயந்தீம் அஶோகவனிகாம் க³தாம் ॥ 73 ॥

நிவேத³யித்வாபி⁴ஜ்ஞானம் ப்ரவ்ருத்திம் ச நிவேத்³ய ச ।
ஸமாஶ்வாஸ்ய ச வைதே³ஹீம் மர்த³யாமாஸ தோரணம் ॥ 74 ॥

பஞ்ச ஸேனாக்³ரகா³ன்ஹத்வா ஸப்த மந்த்ரிஸுதானபி ।
ஶூரமக்ஷம் ச நிஷ்பிஷ்ய க்³ரஹணம் ஸமுபாக³மத் ॥ 75 ॥

அஸ்த்ரேணோன்முக்தமாத்மானம் ஜ்ஞாத்வா பைதாமஹாத்³வராத் ।
மர்ஷயன்ராக்ஷஸான்வீரோ யந்த்ரிணஸ்தான்யத்³ருச்ச²யா ॥ 76 ॥

ததோ த³க்³த்⁴வா புரீம் லங்காம் ருதே ஸீதாம் ச மைதி²லீம் ।
ராமாய ப்ரியமாக்²யாதும் புனராயான்மஹாகபி: ॥ 77 ॥

ஸோபி⁴க³ம்ய மஹாத்மானம் க்ருத்வா ராமம் ப்ரத³க்ஷிணம் ।
ந்யவேத³யத³மேயாத்மா த்³ருஷ்டா ஸீதேதி தத்த்வத: ॥ 78 ॥

தத: ஸுக்³ரீவஸஹிதோ க³த்வா தீரம் மஹோத³தே⁴: ।
ஸமுத்³ரம் க்ஷோப⁴யாமாஸ ஶரைராதி³த்யஸன்னிபை⁴: ॥ 79 ॥

த³ர்ஶயாமாஸ சாத்மானம் ஸமுத்³ர: ஸரிதாம் பதி: ।
ஸமுத்³ரவசனாச்சைவ நலம் ஸேதுமகாரயத் ॥ 8௦ ॥

தேன க³த்வா புரீம் லங்காம் ஹத்வா ராவணமாஹவே ।
ராம: ஸீதாமனுப்ராப்ய பராம் வ்ரீடா³முபாக³மத் ॥ 81 ॥

தாமுவாச ததோ ராம: பருஷம் ஜனஸம்ஸதி³ ।
அம்ருஷ்யமாணா ஸா ஸீதா விவேஶ ஜ்வலனம் ஸதீ ॥ 82 ॥

ததோக்³னிவசனாத்ஸீதாம் ஜ்ஞாத்வா விக³தகல்மஷாம் ।
ப³பௌ⁴ ராம: ஸம்ப்ரஹ்ருஷ்ட: பூஜித: ஸர்வதை³வதை: ॥ 83 ॥

கர்மணா தேன மஹதா த்ரைலோக்யம் ஸசராசரம் ।
ஸதே³வர்ஷிக³ணம் துஷ்டம் ராக⁴வஸ்ய மஹாத்மன: ॥ 84 ॥

அபி⁴ஷிச்ய ச லங்காயாம் ராக்ஷஸேந்த்³ரம் விபீ⁴ஷணம் ।
க்ருதக்ருத்யஸ்ததா³ ராமோ விஜ்வர: ப்ரமுமோத³ ஹ ॥ 85 ॥

தே³வதாப்⁴யோ வரம் ப்ராப்ய ஸமுத்தா²ப்ய ச வானரான் ।
அயோத்⁴யாம் ப்ரஸ்தி²தோ ராம: புஷ்பகேண ஸுஹ்ருத்³வ்ருத: ॥ 86 ॥

ப⁴ரத்³வாஜாஶ்ரமம் க³த்வா ராம: ஸத்யபராக்ரம: ।
ப⁴ரதஸ்யாந்திகம் ராமோ ஹனூமந்தம் வ்யஸர்ஜயத் ॥ 87 ॥

புனராக்²யாயிகாம் ஜல்பன்ஸுக்³ரீவஸஹிதஶ்ச ஸ: ।
புஷ்பகம் தத்ஸமாருஹ்ய நந்தி³க்³ராமம் யயௌ ததா³ ॥ 88 ॥

நந்தி³க்³ராமே ஜடாம் ஹித்வா ப்⁴ராத்ருபி⁴: ஸஹிதோனக:⁴ ।
ராம: ஸீதாமனுப்ராப்ய ராஜ்யம் புனரவாப்தவான் ॥ 89 ॥

ப்ரஹ்ருஷ்டமுதி³தோ லோகஸ்துஷ்ட: புஷ்ட: ஸுதா⁴ர்மிக: ।
நிராமயோ ஹ்யரோக³ஶ்ச து³ர்பி⁴க்ஷ ப⁴யவர்ஜித: ॥ 9௦ ॥

ந புத்ரமரணம் கிஞ்சித்³த்³ரக்ஷ்யந்தி புருஷா: க்வசித் ।
நார்யஶ்சாவித⁴வா நித்யம் ப⁴விஷ்யந்தி பதிவ்ரதா: ॥ 91 ॥

ந சாக்³னிஜம் ப⁴யம் கிஞ்சின்னாப்ஸு மஜ்ஜந்தி ஜந்தவ: ।
ந வாதஜம் ப⁴யம் கிஞ்சின்னாபி ஜ்வரக்ருதம் ததா² ॥ 92 ॥

ந சாபி க்ஷுத்³ப⁴யம் தத்ர ந தஸ்கரப⁴யம் ததா² ।
நக³ராணி ச ராஷ்ட்ராணி த⁴னதா⁴ன்யயுதானி ச ॥ 93 ॥

நித்யம் ப்ரமுதி³தா: ஸர்வே யதா² க்ருதயுகே³ ததா² ।
அஶ்வமேத⁴ஶதைரிஷ்ட்வா ததா² ப³ஹுஸுவர்ணகை: ॥ 94 ॥

க³வாம் கோட்யயுதம் த³த்வா ப்³ரஹ்மலோகம் ப்ரயாஸ்யதி ।
அஸங்க்³யேயம் த⁴னம் த³த்வா ப்³ராஹ்மணேப்⁴யோ மஹாயஶா: ॥ 95 ॥

ராஜவம்ஶான் ஶதகு³ணான் ஸ்தா²பயிஷ்யதி ராக⁴வ: ।
சாதுர்வர்ண்யம் ச லோகேஸ்மின் ஸ்வே ஸ்வே த⁴ர்மே நியோக்ஷ்யதி ॥ 96 ॥

த³ஶவர்ஷஸஹஸ்ராணி த³ஶவர்ஷஶதானி ச ।
ராமோ ராஜ்யமுபாஸித்வா ப்³ரஹ்மலோகம் க³மிஷ்யதி ॥ 97 ॥

இத³ம் பவித்ரம் பாபக்⁴னம் புண்யம் வேதை³ஶ்ச ஸம்மிதம் ।
ய: படே²த்³ராமசரிதம் ஸர்வபாபை: ப்ரமுச்யதே ॥ 98 ॥

ஏததா³க்²யானமாயுஷ்யம் பட²ன்ராமாயணம் நர: ।
ஸபுத்ரபௌத்ர: ஸக³ண: ப்ரேத்ய ஸ்வர்கே³ மஹீயதே ॥ 99 ॥

பட²ன் த்³விஜோ வாக்³ருஷப⁴த்வமீயாத்
ஸ்யாத் க்ஷத்ரியோ பூ⁴மிபதித்வமீயாத் ।
வணிக்³ஜன: பண்யப²லத்வமீயாத்
ஜனஶ்ச ஶூத்³ரோபி மஹத்த்வமீயாத் ॥ 1௦௦ ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ நாரத³வாக்யம் நாம ப்ரத²ம: ஸர்க:³ ॥