ஸங்கட நாஶன க³ணேஶ ஸ்தோத்ரம்

நாரத³ உவாச ।
ப்ரணம்ய ஶிரஸா தே³வம் கௌ³ரீபுத்ரம் வினாயகம் ।
ப⁴க்தாவாஸம் ஸ்மரேன்னித்யமாயுஷ்காமார்த²ஸித்³த⁴யே ॥ 1 ॥

ப்ரத²மம் வக்ரதுண்ட³ம் ச, ஏகத³ந்தம் த்³விதீயகம் ।
த்ருதீயம் க்ருஷ்ணபிங்கா³க்ஷம், கஜ³வக்த்ரம் சதுர்த²கம் ॥ 2 ॥

லம்போ³த³ரம் பஞ்சமம் ச, ஷஷ்ட²ம் விகடமேவ ச ।
ஸப்தமம் விக்⁴னராஜம் ச, தூ⁴ம்ரவர்ணம் ததா²ஷ்டமம் ॥ 3 ॥

நவமம் பா⁴லசந்த்³ரம் ச, த³ஶமம் து வினாயகம் ।
ஏகாத³ஶம் க³ணபதிம், த்³வாத³ஶம் து கஜ³ானனம் ॥ 4 ॥

த்³வாத³ஶைதானி நாமானி த்ரிஸந்த்⁴யம் ய: படே²ன்னர: ।
ந ச விக்⁴னப⁴யம் தஸ்ய ஸர்வஸித்³தி⁴கரம் பரம் ॥ 5 ॥

வித்³யார்தீ² லப⁴தே வித்³யாம் த⁴னார்தீ² லப⁴தே த⁴னம் ।
புத்ரார்தீ² லப⁴தே புத்ரான்மோக்ஷார்தீ² லப⁴தே க³திம் ॥ 6 ॥

ஜபேத்³க³ணபதிஸ்தோத்ரம் ஷட்³பி⁴ர்மாஸை: ப²லம் லபே⁴த் ।
ஸம்வத்ஸரேண ஸித்³தி⁴ம் ச லப⁴தே நாத்ர ஸம்ஶய: ॥ 7 ॥

அஷ்டப்⁴யோ ப்³ராஹ்மணேப்⁴யஶ்ச லிகி²த்வா ய: ஸமர்பயேத் ।
தஸ்ய வித்³யா ப⁴வேத்ஸர்வா க³ணேஶஸ்ய ப்ரஸாத³த: ॥ 8 ॥

இதி ஶ்ரீனாரத³புராணே ஸங்கஷ்டனாஶனம் நாம க³ணேஶ ஸ்தோத்ரம் ।