ருண விமோசன அங்கா³ரக (மங்கள³) ஸ்தோத்ரம்

ஸ்கந்த³ உவாச ।
ருணக்³ரஸ்தனராணாம் து ருணமுக்தி: கத²ம் ப⁴வேத் ।

ப்³ரஹ்மோவாச ।
வக்ஷ்யேஹம் ஸர்வலோகானாம் ஹிதார்த²ம் ஹிதகாமத³ம் ॥

அஸ்ய ஶ்ரீ அங்கா³ரக ஸ்தோத்ர மஹாமந்த்ரஸ்ய கௌ³தம ருஷி:, அனுஷ்டுப் ச²ந்த:³, அங்கா³ரகோ தே³வதா மம ருண விமோசனார்தே² ஜபே வினியோக:³ ।

த்⁴யானம் –
த⁴ரணீ க³ர்ப⁴ ஸம்பூ⁴தம் வித்³யுத்காந்தி ஸமப்ரப⁴ம் ।
குமாரம் ஶக்திஹஸ்தம் தம் குஜம் ப்ரணமாம்யஹம் ॥ 1 ॥

ரக்தமால்யாம்ப³ரத⁴ர: ஶூலஶக்திக³தா³த⁴ர: ।
சதுர்பு⁴ஜோ மேஷக³தோ வரத³ஶ்ச த⁴ராஸுத: ॥ 2 ॥

அத² ஸ்தோத்ரம் –
மங்கள³ோ பூ⁴மிபுத்ரஶ்ச ருணஹர்தா த⁴னப்ரத:³ ।
ஸ்தி²ராஸனோ மஹாகாய: ஸர்வகர்மாவபோ³த⁴க: ॥ 3 ॥

லோஹிதோ லோஹிதாங்க³ஶ்ச ஸாமகா³யீ க்ருபாகர: ।
த⁴ர்மராஜ: குஜோ பௌ⁴மோ பூ⁴மிஜோ பூ⁴மினந்த³ன: ॥ 4 ॥

அங்கா³ரகோ யமஶ்சைவ ஸர்வரோகா³பஹாரக: ।
ஸ்ருஷ்டிகர்தாபஹர்தா ச ஸர்வகாமப²லப்ரத:³ ॥ 5 ॥

பூ⁴திதோ³ க்³ரஹபூஜ்யஶ்ச வக்த்ரோ ரக்தவபு: ப்ரபு⁴: ।
ஏதானி குஜனாமானி யோ நித்யம் ப்ரயத: படே²த் ।
ருணம் ந ஜாயதே தஸ்ய த⁴னம் ப்ராப்னோத்யஸம்ஶயம் ॥ 6 ॥

ரக்தபுஷ்பைஶ்ச க³ந்தை⁴ஶ்ச தீ³பதூ⁴பாதி³பி⁴ஸ்ததா² ।
மங்கள³ம் பூஜயித்வா து மங்கள³ேஹனி ஸர்வதா³ ॥ 7 ॥

ருணரேகா²: ப்ரகர்தவ்யா: த³க்³தா⁴ங்கா³ரைஸ்தத³க்³ரத: ।
ஸப்தவிம்ஶதினாமானி படி²த்வா து தத³ந்திகே ॥ 8 ॥

தாஶ்ச ப்ரமார்ஜயேத்பஶ்சாத்³வாமபாதே³ன ஸம்ஸ்ப்ருஶன் ।
ஏவம் க்ருத்வா ந ஸந்தே³ஹோ ருணஹீனோ த⁴னீ ப⁴வேத் ॥ 9 ॥

பூ⁴மிஜஸ்ய ப்ரஸாதே³ன க்³ரஹபீடா³ வினஶ்யதி ।
யேனார்ஜிதா ஜக³த்கீர்திர்பூ⁴மிபுத்ரேண ஶாஶ்வதீ ॥ 1௦ ॥

ஶத்ரவஶ்ச ஹதா யேன பௌ⁴மேன மஹிதாத்மனா ।
ஸ ப்ரீயதாம் து பௌ⁴மோத்³ய துஷ்டோ பூ⁴யாத் ஸதா³ மம ॥ 11 ॥

மூலமந்த்ர: –
அங்கா³ரக மஹீபுத்ர ப⁴க³வன் ப⁴க்தவத்ஸல ।
நமோஸ்து தே மமாஶேஷ ருணமாஶு விமோசய ॥ 12 ॥

அர்க்⁴யம் –
பூ⁴மிபுத்ர மஹாதேஜ: ஸ்வேதோ³த்³ப⁴வ பினாகின: ।
ருணார்தஸ்த்வாம் ப்ரபன்னோஸ்மி க்³ருஹாணார்க்⁴யம் நமோஸ்து தே ॥ 13 ॥

இதி ருண விமோசன அங்கா³ரக ஸ்தோத்ரம் ॥